Forums » Sallah

Ina cikin sallah sai na tuna akwai najasa a hulata

    • Moderator
    • 51 posts
    November 8, 2019 5:16 PM GMT

    Tambaya

    Asalamu Alaikum Mallam

    Mutum ne yana tsakiyar sallah, ya kai raka'a ta biyu sai ya tuna kamar akwai najasa a hularsa, amma bai tabbatar ba sai ya cire hular, ya cigaba da Allah, toh ya ya sallar sa take?

    • Moderator
    • 51 posts
    November 8, 2019 5:17 PM GMT

    Amsa

    Wa'alaikumus salaam

    Wanda ya tuna da najasa a hularsa, zai iya hanzari ya cire ta ya yar, in har ya yi haka sallarsa ta yi, saboda abin da aka rawaito cewa: Annabi ﷺ wani lokaci yana sallah, sai ya cire takalminsa, daga baya sai yake bawa sahabbansa labari cewa: Jibrilu ne ya ce maşa akwai najasa a jiki. Hadisin sai ya nuna ingancin sallar wanda ya yı haka, tun da ba'a rawaito Annabi, Sallallahu alaihi wa sallama, ya sako sallarsa daga farko ba.

    Allah ne mafi sani.

    Amsawa

    Dr Jamilu Yusuf Zarewa

    28/3/2016