Makalu

Featured Create an Ad

Suura: Sabuwar taska don masu dauka da sha’awar hoto da kuma marubuta akan Arewacin Najeriya

  • A tsakiyar shekarar 2016 ne muka kaddamar da taskar Bakandamiya, kuma an tsara taskar ne tamkar taskoki na sada zumunta, wato social media; kowane mamba na iya sanya sako kuma ya yi musayar basira tare da sauran mambobi. Babban hadafinmu na kirkiro taskar Bakandamiya shine don samar da wani katafaren shafin na yanar gizo wanda mutane za su ke yin musayar basira a bangarorin da suka shafi ilmi na kimiyya da fasaha, tarihi, al’adu, noma da kiwo, addini da makamantansu. Don haka ne ma muka yi wa taskar taken, Dandalin Musayar Basira.

    Saboda haka, daya daga cikin muhimman fannonin wannan taska da muka kirkira shine sashin makala. Mambobi na iya rubuta makalu da kasidu dangane da irin maudu’o’in da muka ambata a baya. Misali, akwai makalu masu tarin yawa da aka rubuta akan sababbin kimiyoyi da kere-kere, ilmin maths da physics, tarihi da ci gaban harshen Hausa, girke-girke kala-kala, da tsokaci da tahalili akan matsalolin da suka shafi Arewacin Najeriya da ma Najeriyar baki daya da kuma wasu kasashen Afirka.

    A kokarin da muke yi na bunkasa wannan taska na Bakandamiya don samar wa al’umma masu amfani da harshen Hausa a ko’ina wurin nazari da amfanar juna, sai ga shi muna fuskantar kalubale. Kalubalenmu a kullum kuwa shine na samun hoton da ya dace don mu buga makalunmu da shi.

    Zaka ga mun dauki bai wuce mintuna 15 – 20 ba wajen gyaran makala, amma sai mu kwashe kamar sa’a guda muna neman irin hoton da ya yi daidai da bayanan dake cikin wannan makalar. A gaskiya, akwai karancin hotuna matuka da suka shafi bayyana labarai da al’adun Arewacin Najeriya, musamman in ya shafi labaru na karkara. Kai, alalhakika, ba Arewacin Najeriya kawai ba, akwai karancin hotuna da suka shafi Afirka baki daya. Yan kalilan ake da su wadanda yan yawon shakatawa daga wasu kasashen duniya suka dauka suka sanya a yanar gizo.

    Irin wannan matsala dake ci mana tuwo a kwarya shine ummul aba’isin kirkiro wanna taska ta yanzu da muka yi wa lakabi da ‘Suura.’

    Suura dai ba sai mun yi bayani ba kalma ce da ta samo asali a kalmar Larabci, wacce take nufin ‘hoto.’ Koma bayan ma’anar hoto, Hausawa na amfani da kalmar wajen ambaton zatin mutum, misali, mutum yace, ‘wance ko wane na da kyakkyawar sura.

    A takaice wannan sabuwar taska tamu ta Suura, an kirkire ta ne don nuna zatin Arewacin Najeriya, da Najeriyar baki daya da kasashen Afirka cikin hoto har ma da bidiyo. Don haka taska ce don marubuta, wato bloggers da kuma masu sha’awar hoto da daukan hoto har ma da masu sha’awar tarihi da al’adu irin na Arewacin Najeriya da kuma Afirka.

    Kowa na iya yin rajista a taskar kyauta kuma ya sauke duk irin hoto ko bidiyo da yake so don amfaninsa, matukar amfanin nan ba zai saba wa ka’ida ba, misali, zai iya cin zarafin mai hoton ko ya bata masa/mata suna. Har ila yau kowa na iya dora hotunansa ko bidiyo don amfanar mutane matukar shi mai dorawar ya mallaki hakkin wannan hoton a bisa doka, kuma ya amince kowa na iya amfani da hotonsa ta hanya mai kyau.

    Daga karshe, muna kara gode muku da irin gudumawa da kuke bayar wa a taskar Bakandamiya, har ila yau muna gayyatar ku da ku yi rajista a Suura, ku dora hotunanku, kuma ku sauke irin hotunan da kuke so don amfaninku. Lokaci yayi da muma yan Arewa, yan Najeriya, kuma yan Afirka za mu nuna wa duniya irin al’adunmu da ci gabanmu ta fuskokin da ya dace kowa ya san mu.

    Kuna iya latsa NAN don yin rajista.

No Stickers to Show

X

MAKALU DA DUMI-DUMIN SU

  • Ma'aurata: Babi na Biyar

    Posted Mon at 5:34 AM

    Ku latsa nan don karanta babi na hudu. Malam Hasan d'ane ga K'asim su biyu ne rak ga iyayansu shi da d'an uwan haihuwarsa Husaini 'yan Asalin jahar Katsina ne suna zaune a Magamar Jibiya dukkaninsu suna da ilimin Arabik dana boko Alhaji Hasan yana zaune a cikin ka...

  • Akwai Illah: Babi na Biyu

    Posted Feb 20

    Ku latsa nan don karanta babi na daya. Hannunsa sanye da ankwa, doguwar kaca manne ta k'asa ya iso k'afarsa da ke zagaye da wata ankwar. Da k'yar yake ajiye takunsa, idanunsa na lumshewa, leb'b'ansa ya bushe. Fatar jikinsa da ya kasance bak'i mai haske ya disashe, yay...

  • Mijina Wukar Fiɗar Cikina: Babi na Daya

    Posted Feb 19

    Karfin karar albarusai da suka fito daga bututun bingigan nan da ake kira AK47 ne suka fiddamu daga nisan barci da muke yi. “My dear, meka faruwa?” matata Muhibbat ta tambaya cikin ruɗani. Kafin na buɗe baki nace wani abu, tuni wasu albarusai sun tarwasa gi...

  • Bayanan farko-farko da dalibi ya kamata ya sani game da karanta physics

    Posted Feb 17

    Ita kalmar physics ta samo asali ne daga kalmar “physis” wanda a turance za’a ce physis means nature and natural characteristics. Masana sun yi defining physics a harshen Turanci kamar haka “physics is a branch of science that/which deals with th...

  • Jini Baya Maganin Kishirwa: Babi na Shida

    Posted Feb 13

    Ku latsa nan don karanta babi na biyar. Tuni sun kammala haɗe kayan sha-shin Sakinah, masu aikin har sun zo sun fara aikinsu, Kamal tuni ya jima da fita, suna tsaka da haɗe na ɗakunan Hajiya suka tsinkayi sallama a tsakar gida. "Assalamu alaikum". Ita ce kalmar da ta...

  • Waye Zaɓin Munibat? Babi na Biyu

    Posted Feb 10

    Ku latsa nan don karanta babi na daya. Bismillahir Rahmanir Rahim Washe gari da sasafe, sai ga Aysha ta shigo gidan mu fuskar ta cike murmushi, lokaci ina d'urk'ushe a gidin murho ina fama da itace yak'i kamawa, cikin murna na taso hannun ta na kama na jata zuwa bakin...

View All