Makalu

Tsangwama da mata ke sha wurin mazaje a shafukan sada zumunta

  • Kamar yadda kowa ya sani, mata mutane ne masu yanci, da daraja, da kima, da girma, da mutunci, da karamci, tare da girmamawa a cikin al'umma. Amma irin tsangwana da suke fuskanta a shafukan sada zumunta, wato social media, wurin wasu mazaje al'amarin ba'a cewa komai. Watakila inda wadannan maza sun san dalilan dake kawo matan wadannan shafuka da za su basu uzuri.

    Mata sun kasu kaso shida a shafukan sada zumunta:

    1. Na farko sun zo social network ne domin su sada zumunta ga yan uwansu, kawayensu na makaranta, tare kuma da yin wasu sababbi na kawayewa daga nan gida Najeriya da kuma da kasashen ketare.
    2. Kashi na biyu kuma sun zo ne domin kawai sun ga kawayensu suna yi, ko kuma saboda jin labarinsa da  suke yi a gari da kuma kafafen yada labarai, wato dai suma sun zo ne su ga me ake yi a ciki.
    3. Kaso na uku kuwa sun zo ne neman saurayi dan kwalisa, mai iya kalaman soyayya, mai abin hannu (ga yammata kenan), ko kuma bazawari (ga zawarawa).
    4. Na hudu kuwa kawai sun zo ne domin neman ilmin addini, ko ilmin sana'a, ko kuma ilmin boko, domin kuwa babu kalar zaure, watau group din da babu.
    5. Kaso na biyar kuwa, kawai gasu nan ne, babu wata hujja ko dalili na zuwan nasu. In ta yi dadi suyi dariya, idan kuma ta baci suyi Allah wadarai.
    6. Kaso na shida kuwa sune wadanda suka hada biyu, ko uku koma hudu daga cikin hujjojin da aka lissafa a sama, wato dai su hujjar zuwansu tafi daya.

    Amma duk da wadannan hujjoji na zuwan matan social network, wasu mazan basa duba haka, burinsu kawai matan su tsaya su sauraresu, ko da kuwa abinda suka zo dashi ba mai ma'ana bane. Na kan tausayawa mata idan na tuna tarin sako cikin inbox nasu, kuma kowa muradinsa a mayar masa da martani, wato a yi masa reply. Haka na faruwa da mace musamman idan mace ta saka hotonta, ko kuma ta fiye yawan magana.

    Akasarin mazan dake yawan turawa mata irin wadannan wasiku, za ka samu kowa babban burinsa maccen ta saurareshi shi kadai, baya tunanin sauran masu irin halayyarsa. Idan kuwa aka samu akasin haka, to ranar zata sha zagi da tsinuwa.

    Baya ga aika wa yan matan da yawan wasiku, haka kuma, za ka ga ana dibarsu ana zubawa a zauruka, wato group daban-daban, mai amfani da mara amfani.

    Abin tambayar a nan shine, wai shin masu irin wannan halayyar an gaya musu saboda su matan suka zo social network ne
    Babu yan mata da zawarawa ne a garinsu ne? Ko kuwa wani mugun hali garesu da baza su iya neman na garinsu ba? Shin ko kun san da cewa akwai aljanun gaske a cikinsu kuwa? Ko kun san da cewa ba dukansu ne matan ba? Akwai maza da ke amfani da sunan matan? Ko kun san da cewa da yawa daga cikin matan suna da samarin da suke so?

    Wadannan tambayoyi da makamantansu suna nan jibge, amma fa sai anyi tunani. Don haka ya kamata mu gane kuma mu gyara.

    Mai karatu na iya duba: Illolin yawon bariki

No Stickers to Show

X

MAKALU DA DUMI-DUMIN SU

  • Nakasar Zuci

    Posted Sat at 12:17 PM

    "Ki tafi gidanku na sake ki!" Runtse idanu na yi jin sautin muryar Adamu a kaina, yana furta kalaman da suka kusan sanya ni haihuwar cikin da ke jikina. Da sauri na dago jajayen idanuwana da suka gajiya da kuka na sauke a saitin sa. Wani irin tashin hankali da ciwon r...

  • Duk mace na bukatar sanin wadannan abubuwa guda 6 kafin ta yi aure

    Posted Nov 29

    Aure abu ne mai matukar muhimmanci a rayuwar mutum don ya zamo cikar mutuntaka ta dan adam. Allah madaukakin sarki ya halicci mata daga jikin mazaje domin su matan su zama natsuwa a gare su, ya kuma sanya soyayya da shakuwa a tsakanin wadannan jinsin guda biyu.  A...

  • Ko kun san adadin yawan nutrients da jikinku ke bukata?

    Posted Nov 24

    Samun abinci mai kyau da kara lafiya, wato good nutrition, ya dace ya zamo daya daga cikin burin kowani dan adam da ke raye.  Ya kasance mun san adadin yawan abinci mai kyau da jikkunanmu ke bukata, sannan mun san addadin yadda ya kamata mu rinka motsa jikinmu, kum...

  • Yadda ake hada buttered chicken

    Posted Nov 22

    Assalamu alaikum barka da sake saduwa a fannin girke-girkenmu na Bakandamiya. A yau insha Allahu zamu gabatar da shirin yadda za ki hada buttered chicken. Abubuwan hadawa Kaza Ginger and garlic paste (citta da tafarnuwa)  Albasa Yoghurt Butter Fresh cream ...

  • Yadda ake hada papaya drink

    Posted Nov 22

    Assalamu alaikum barka da sake saduwa a cikin shirin Bakandamiya a yau insha Allahu zamu gabatar da shirin yadda za ki hada natural papaya drink Abubuwan hadawa Papaya (gwanda) Sugar Ruwa Zuma (optional) Yadda ake hadawa Farko za ki yanka gwanda ki cire ma...

  • Alamomi 8 da za ki gane cewa namiji da gaske yake

    Posted Nov 22

    So wani irin yanayi ne da kan sa mutum ya tsinci kansa a cikin wani hali na daban. Sai dai mi? Abu ne shi mai dadi a kuma gefe guda abu ne mai matukar ban tsoro. Duk da kasancewar sa hakan bai zama abin ƙyama ga mutane ba. Da yawa kan rungume shi da hannun biyu. A gefe...

View All