Featured Create an Ad

Makalu

Blogs » Ra'ayoyi da Tahalili » Ingancin rayuwarka/ki shine amfani da dama da lokaci

Ingancin rayuwarka/ki shine amfani da dama da lokaci

  • Shin ko ka taba tambayar kanka-da-kanka me ake nufi da amfani da lokaci? Ka kuma taba kokarin ka fahintar da kanka cewa ba ko da yaushe ne dama ke nanata kanta ba? Ka kuma taba sanin cewa dama da lokaci tamkar danjuma ne da danjumai?

    Akwai bukatar mu dada fahimtar cewa, ita kanta duniya tana tafiyane akan lokaci, yayin da halittun cikinta ke rayuwa bisa dama da lokacin. Akwai abubuwa daban-daban da muke son yi a rayuwarmu ta duniya yayin da bisa sakaci, ganganci ko iko irin na Ubangiji lokaci ya wuce. Kuma duk karfin ikonka, mulki, sarauta dukiya ko fakirancinka baza ka iya dawo da lokaci don ka yi amfani da shi yanda ya dace da burinka ba. Hakan na nufin, baza ka iya dawo da jiya yau, ka mayar da yau gobe ba.

    Sabo da haka, akwai bukatar mu kasance masu amfani da kundin tsarin rayuwar mu akan lokaci, mu kuma yi amfani da dama dake tattare a cikin lokuta; ta haka ne zamu samu kofar tallatawa duniya dinbin baiwa da basira da ubangiji ya halitta ya sutura mana a cikin kwakwalwarmu.

    Yin amfani da dama akan lokaci shi zai haifar mana da habaka tunaninmu da kara mana basira akan baiwarmu.

    Idan kai ango ne sabon aure, yi amfani da wannan damar wajen tsara rayuwar zamantakewar ku tun kafin tafiya ta yi nisa, dama kuma ta kaurace maka. Ta hakane iyalanka za su ginu akan turba mai kyau mai kuma tsari da ka’ida.

    Idan kuma Allah ya baka haihuwa, yi amfani da matsayinka na mahaifi ka kuma yi aiki da dama da lokaci wajen tarbiyartar da ‘ya’yanka a tafarki mai kyau. Sabanin haka, za a wayi gari ‘ya’yanka su fi karfin umurninka don kuwa kabar dama a baya.

    Ya ku ‘yan uwana matasa, babu abin da yafi neman ilimi akan lokaci dadi. Idan ka yi amfani da damar da ka samu wajen neman ilimi, haka ka yi amfani da lokaci wajen yin karatun zaka fahinci cewa awannan lokaci ne kwakwalwarka ke da kishin ruwan neman ilimin, haka baiwa da basirarka (wadanda kaima baka sani ba) ke kokarin tunkudowa waje don duniya su sani.

    Hakan yake a lokacin neman aiki ko sana’ar yi. Matasa da suka kammala karatunsu na jami’a ko kwaleji kan tura kansu zaman banza; a dalilin rashin sanin muhimmanci lokaci. A yayin da ka ginu a kan zaman banza, sai a wayi gari ka tsinci kanka cikin shaye-shaye, sata ko rayuwa a gidan rawa.

    Sannan za a iya duba: Inda maita ke amfani a rayuwar al'umma

    Faruwan hakan na nufin, banzan rayuwa da ka tsinci kanka a ciki ne yayi amfani da dama da lokaci akanka. A maimako kai ka yi amfani da wannan dama da lokaci yanda ya dace.

    Idan muka sake duba al’amari ta wani bangare, misali, akan wayi gari wasu masana’antu su tallata hajarsu na neman  ma’aikata, sau dayawa sukan fitar da ka’idodi wanda daya daga ciki shine shekaru. Abin nufi sukan kaiyade iya adadin shekaru mutumin da suke son dauka aiki. Wannan na nufin, matukar shekarunka sun wuce ka’idar da suke bukata, duk iliminka dama ta wuce ka.

    Haka idan muka kalli al’amari a gefen aure ko neman aure. Matukar baka yi amfani da lokaci da damarka tun kana kan lokacinka ba, za ka iya fuskntar kalubale iri-iri wajen neman aure. Ya Allah mace da kai ka ke so, tace shekarunka sun mata yawa. ko iyayenta suce baza su iya ba sa’an mahaifinta ‘yarsu ba.

    Idan muka tattatara akalar tunaninmu ya zuwa maganar lahira, zamu iya fahimta cewa kowani mai rai yana jiran lokacin mutuwarsa ne. Kuma duk abin da ka ke bautawa, dole akwai ka’idodin da lokacin yi masa bauta. Yayin da ka yi sakaci waje amfani da lokutan da suka dace, kai kanka za ka sani cewa akwai damuwa matukar ka mutu ka sadu da ubangijin naka.

    Don haka, mu kasance masu amfani da lokaci a yanda ya dace, a yayin da ya dace, a kuma cikin lokaci da ya dace. Mai karatu na iya karanta wannan makala: Salallan mazan banza don hadaka da matan banza da sauransu.

No Stickers to Show

X

Da Dumi-Dumin Su

  • Hadin special salad nawa na musamman ne! Ga sauki ga dadi, uwargida sai kin gwada za ki bani labari! Wannan ma yana daya daga cikin recipes da muka koyar a Ramadan a shirin girke-girkenmu wadda aka gabatar a zauren Free Ramadhan Classes with Umyuman. Shin ko kin tuna gashin tsokar kaza da muka koya...
  • Red velvet cake, cake ne da mutane da dama suke so kuma kuma suke son ci. Saboda haka, akwai hanyoyi daban-daban na yin red velvet cake, ga yadda na ke nawa cake din na kawo muku. Wannan yana daya daga cikin recipes da muka koyar lokacin Ramadan anan Bakandimya. Domin ganin duk jerin recipes din da...
  • Bismillahi rahmanir Rahim Godiya ta tabbata ga Allah Ubangijin talikai. Tsira da amincin Allah su tabbata ga Annabi Muhammad, da alayensa da sahabbansa baki daya. Lalle haduwar Idi da Jumma’a wani abu ne da ya saba faruwa lokaci zuwa lokaci. Hakan ya taba faruwa a zamanin Manzon Allah (S.A.W...
  • Lemun zaki ko orange juice lemu ne mai dadi da kuma tarin amfani a jiki. Ga yadda na ke lemun zaki na a gida. Da farko wannan recipe mun koyar da shi ne a shirinmu na Ramadan cikin zauren Free Ramadhan Classes with Umyuman. Shin yaya ki ke yin lemon zakinki? Ga yadda na ke nawa, ki gwada wannan!&nbs...
  • Bismillahi rahmanir Rahim Dukkan yabo da godiya sun tabbata ga Allah Mai girma da daukaka. Salati da sallama su kara tabbata ga Manzon Allah, da iyalansa da Sahabansa. Mece ce layya? Layya ita ce: Abinda ake yankawa na dabbobin ni'ima (rakumi da shanu da rago da akuya) ranar idin babbar sallah, d...
  • Wannan shinkafa da vegetable sauce recipe ne mai sauki sosai wajen sarrafawa amma sai dadi a baki. Ku gwada ku bamu labari. Miyar kuma ta zallar kayan lambu ce sai dan hanta! Wannan recipe na daga cikin recipes da muka koyar a lokacin Ramadan na 2020 cikin zauren Free Ramadhan Classes with Umyuman....
View All