Rubutu

Blogs » Girke-Girke » Yadda ake masa

Yadda ake masa

  • Abubuwan hadawa

    1. Shinkafa ta tuwo  kofi 2
    2. Yeast chokali 2
    3. Baking hoda chokali 1
    4. Dafaffen shinkafa(ya dahu sosai) 1/3 kofi
    5. Sugar
    6. Albasa 1
    7. Attarugu 3
    8. Mai

    Yadda ake hadawa

    1. Da farko dai za ki wanke shinkafarki,ki jikata da safe, da yamma a kai markade.
    2. Idan a ka kawo, sai ki juya ki zuba yeast da sugar da baking hoda, ki juya sosai, sai ki rufe, kisa awaje mai dumi.
    3. Da safe ki yanka albasa kanana a kai, sannan ki jajjaga attarugu ki zuba, ki sa dafaffen shinkafarki, ki juya, ki sa ruwa dan daidai yayi kauri amma ba sosai ba.
    4. Sai ki dauko kaskon tuyar masa kisa mai yayi zafi, sai ki rika zuba kullinki kadan-kadan, idan kasan yayi sai ki juya daya gefen, idan ya soyu ki kwashe, haka za ki tayi har ki gama.

    Masa a na cinta da miyar taushe ko ganda.

    Na gode, sai mun hadu a gaba. Za a iya duba: Danbun nama da makamantanshi.

Comments

3 comments