Rubutu

Blogs » Girke-Girke » Yadda ake faten wake da doya

Yadda ake faten wake da doya

  • A yau za mu koyi yadda ake faten wake da doya.

    Abubuwan hadawa

    1. Wake (kofi daya)
    2. Doya (gwargwadon bukata)
    3. Attarugu 3
    4. Tattasai 2
    5. Albasa 2
    6. Kifi busasshe
    7. Manja
    8. Alayyahu
    9. Maggi 8
    10. Kori
    11. Tafarnuwa
    12. Gishiri

    Yadda ake hadawa

    1. Da farko uwargida ki gyara wakenki ki dora a wuta ki bashi lokaci don yanuna.
    2. Sai ki fere doyarki ki yanka kanana ki wanke ki ajiye a gefe.
    3. Sai ki gyara kifinki ki wanke ki ajiye agefe shima
    4. Sai ki yanka alayyahonki yanka manya, sai ki wanke ki ajiye agefe.
    5. Har ila yau, sai ki jajjaga kayan miyanki harda tafarnuwa ki ajiye agefe.
    6. Sai ki duba wakenki idan yayi laushi sai ki tace amma kar yayi laushi sosai.
    7. Sai ki dora tukunya a wuta ki sa manjanki ki yanka albasarki yadan fara soyuwa, sai ki zuba kayan miyanki idan ya soyu saiki zuba ruwa yadan tafasa.
    8. Sai ki zuba doyarki ki kawo maggi da gishiri da kori da kifi ki zuba ki rufe yayi kamar minti biyar sai ki zuba wakenki ki rufe yayi minti ashirin.
    9. Idan yayi daidai saukewa sai ki zuba alayyahonki da yankakkiyar albasa ki juya sosai, sai ki sauke ki zuba a kwanonki mai kyau.

    Wannan abincin yana kara lafya ga jikin dan adam. Na gode. Sannan ana iaya duba girke girkenmu na baya kamar: Tuwon masara da dahuwar farar shinkafa da sauransu.

Comments

0 comments