Featured Create an Ad

Makalu

Blogs » Girke-Girke » Yadda ake toast bread na musamman

Yadda ake toast bread na musamman

  • A fannin girken girkenmu na Bakandamiya, yau za mu koyi yadda ake toast bread. Sannan kar a manta, idan mai karatu na bukata zai iya duba daruruwan girke-girke da muka koyar a baya.

    Abubuwan hadawa

    1. Bread mai yanka (ko ki saya irin na 200 ki cire gefe gefe ki yanka)
    2. Butter
    3. Nikakken nama (naman gwangwani)
    4. Kwai dafaffe
    5. Karas (ki gurza)
    6. Albasa
    7. Tarugu
    8. Kayan kamshi
    9. Mai
    10. Maggi

    Yadda ake hadawa

    1. Ki yanke gefe gefen breadin ki sai ki shafa butter a gefe daya haka za ki yi har sai kin gama da breadinki. Ajiye a gefe.
    2. Daura kasko kan wuta ki sa mai kadan ki kawo tarugu da albasa ki sa ki juya sannan ki kawo namanki (na gwangwani) ki sa, sai ki juya ki kawo kayan kamshi, maggi iya dandanon da zai mi ki, ki sa sannan ki juya kidan bar shi nadan wani lokacin (amma ki rage wuta) sai ki sauke. Ajiye a gefe.
    3. Dauko breadinki (wanda ki ka shafa masa butter) sai ki juya ta inda baki shafa masa butter ba ki kawo namanki, ki zuba sannann ki danna naman da cokali (domin ya kama jikin breadin) ki kawo albasa, kwai da karas ki shirya a hankali akan naman.
    4. Sai ki dauko barin breadin ki rufa inda baki shafa butter a kai ba. Haka za ki yi har sai kin gama da sauran.
    5. Daura non-stick pan akan wuta idan ya yi zafi ki kawo hadin breadin ki ki sa ki gasa shi gaba da baya har sai ya gasu. A ci dadi lafiya.

    Za a iya duba: Yadda ake dambun couscous cikin sauki da yadda ake iloka da sauransu.

No Stickers to Show

X

Da Dumi-Dumin Su

  • Mon at 1:39 PM
    Posted by Bakandamiya
    Uwargida ba za ki yi dana sanin koyan yadda ake yoghurt in fruits ba. Domin kuwa kayan dadi ne sosai da sosai kuma cikin mituna kalilan za ki hada. Ba a ba yaro mai kiwiya!!! Wannan recipe yana daya daga cikin recipes da muka koyar a zauren Free Ramadhan Classes with Umyuman a nan Bakandamiya. Abu...
  • Hadin special salad nawa na musamman ne! Ga sauki ga dadi, uwargida sai kin gwada za ki bani labari! Wannan ma yana daya daga cikin recipes da muka koyar a Ramadan a shirin girke-girkenmu wadda aka gabatar a zauren Free Ramadhan Classes with Umyuman. Shin ko kin tuna gashin tsokar kaza da muka koya...
  • Red velvet cake, cake ne da mutane da dama suke so kuma kuma suke son ci. Saboda haka, akwai hanyoyi daban-daban na yin red velvet cake, ga yadda na ke nawa cake din na kawo muku. Wannan yana daya daga cikin recipes da muka koyar lokacin Ramadan anan Bakandimya. Domin ganin duk jerin recipes din da...
  • Bismillahi rahmanir Rahim Godiya ta tabbata ga Allah Ubangijin talikai. Tsira da amincin Allah su tabbata ga Annabi Muhammad, da alayensa da sahabbansa baki daya. Lalle haduwar Idi da Jumma’a wani abu ne da ya saba faruwa lokaci zuwa lokaci. Hakan ya taba faruwa a zamanin Manzon Allah (S.A.W...
  • Lemun zaki ko orange juice lemu ne mai dadi da kuma tarin amfani a jiki. Ga yadda na ke lemun zaki na a gida. Da farko wannan recipe mun koyar da shi ne a shirinmu na Ramadan cikin zauren Free Ramadhan Classes with Umyuman. Shin yaya ki ke yin lemon zakinki? Ga yadda na ke nawa, ki gwada wannan!&nbs...
  • Bismillahi rahmanir Rahim Dukkan yabo da godiya sun tabbata ga Allah Mai girma da daukaka. Salati da sallama su kara tabbata ga Manzon Allah, da iyalansa da Sahabansa. Mece ce layya? Layya ita ce: Abinda ake yankawa na dabbobin ni'ima (rakumi da shanu da rago da akuya) ranar idin babbar sallah, d...
View All