Makalu

Kiyaye wadannan abubuwa guda biyu zai taimaka gaya a rayuwa

  • Nazari da kuma lura da rayuwar mutane daban-daban da suka samu nasara a cikin rayuwarsu ta duniya, sun nuna cewa sanya wa kai hadafi da dauwama bisa alkibla na cikin manyan abubuwa da ke taimakawa gaya wajen cimma burin rayuwar da adam. Ko me ake nufi da hadafi da dauwama bisa alkibla?

    Hadafi

    Hadafi, watau ‘goal’ a Turance, yana nufin wani muhimmin kuduri da mutum zai sa a gabansa da nufin cimma sa. Duk mutumin da yake so rayuwarsa ta amfaneshi, duniya da lahira, dole ne ya sanya wa kansa hadafi. Hadafi ga rayuwa tamkar alkibla ce ko kuwa kararrawa wacce a koda yaushe ta ke tunatar da mai rayuwa inda ya dosa a tafiyar da yake yi. A misali, hadafi shike sanya dalibin makaranta ko matashi ya kuduri anniyar me yake so ya zama a rayuwarsa, injiniya ne, likita ne, dankasuwa ne, malamin makaranta ne, mashahurin malamin addini ne, ko kuwa sadaukar da rayuwarsa zai yi wajen yiwa al’umma hidima?

    Mutum na iya sanya wa rayuwarsa hadafi ta haryar lura da magabata wadanda suka yi nasara a rayuwarsu; ta hanyar kula da ire-iren hadafai da suka sanya wa kansu kuma da ire-iren hanyoyi da suka bi suka cimma nasarar wadannan hadafai. 

    A takaice, muna iya cewa sanya wa kai hadafi shi ke haifar da jajircewa, da kwazo, da juriya wajen kokarin cimma burin rayuwa. Duk mutumin da bashi da hadafi, to bai san inda rayuwarsa ta dosa ba.

    Dawwama akan alkibla

    Idan mutum ya san hadafin rayuwarsa, ma’ana ya fuskantar da tafiyar rayuwarsa zuwa ga wata alkibla wacce yake so ya kai gareta, to yana da kyau ya dawwama bisa wannan alkibla. Yawan canje-canjen alkibla shike kawo abinda ake cewa ‘ba wan ba wan karatun dankama,’ watau, mutum ya zama bashi ga wannan bashi ga waccan, ko kuwa yau ya fara wannan, gobe ya saki ya kama waccan. A cikin shekaru kalilan na mutum sai ka ga ya taba sana’o’i sama da goma, kuma babu kwaya daya da ya kware a ciki, ko kuwa za a iya yi masa inkiya da shi.

    Za a iya karanta: Almajiranci da illolinsa cikin al'umma

    Hakika, fadi tashin rayuwa mafi yawancin lokaci kan sanya mutane gwada abubuwa da dama don samun abinda za su dogara dashi. Gwada wani sabon abu idan na farko ya ki, babu laifi, amma mutum ya fara wani abu, bai yi hakuri har ya fahimci menene alfanunsa ba, nan da nan ya yi tsalle ya koma wani abun bai kawo nasara a rayuwa.

    Abinda na san maikaratu zai yi tambaya a nan shine, har tsawon wani lokaci mutum zai iya tsayawa bisa wata alkibla tashi kafin ya canza? Wannan tambaya bata da takamammen amsa a wurina. Abinda kowa ya fi sani shine, duk abu sabo da mutum ya sanya a gabansa, karatu ne, kasuwanci ne, zaman tare ne ko makamantan haka, akwai lokacin ban sha’awa na farko-farko, a kwai lokacin shiga gargada da matsaloli wanda shi yafi tsawo a cikin tafiyar, akwai kuma lokacin koyo da gyare-gyare wanda ya fi duk sauran lokutan wahala, sannan akwai lokacin daidaituwa, lokacin da mai hadafi ke bukata matuka, sannan yana yiwuwa samu lokacin da wannan al'amari zai sauko kasa ya kara shiga gargada (in Allah Ya yarda zan rubuta makala ta musamman akan wadannan lokuta tare da kawo misalai na yadda suke faruwa).

    Duk wadannan lokatai da muka zayyana, zuwansu ya banbanta daga hadafi zuwa hadafi, watau ya danganci irin abunda mutum ya sa a gaba yake burin cimma. Don haka lokacinda mutum zai ga yanzu ne ya dace ya canza alkibla don ganin wannan bata tafiya, ya doru kacokan ga shi mutumin da kuma irin yadda ya fahimci al’amuran da ke tafiya. Magana mafi anan shine, indai mutum yana so ay ci gajiyar abinda ya faro, to akwai bukatar hakuri da juriya wanda shi ke kawo dawwama bisa wannan abin.

    Saboda haka, yana da kyau mu sani cewa nasara bata samuwa sai mutum ya san me yake son cimma, wato menene hadafin da ya sa a gabansa, kana dole ya jajirce da hakuri bisa tafiyar da yake yi, ya dawwama har ya ga cewa ya cimma burinsa. Ubangiji Allah Ya sa tun farko mu yi dace da hadafi mai kyau garemu kuma Ya bamu karfin guiwan jajircew a kai.

    Kuna iya karanta makata na gaba don wani tahalili game da abubuwa guda uku makamantan wadannan dake taimaka wa dan adam wajen cimma burin rayuwarsa.

No Stickers to Show

X

MAKALU DA DUMI-DUMIN SU

  • Yadda ake hada KFC chicken

    Posted Thu at 10:11 AM

    Assalamu Alaikum, barka da sake saduwa a cikin shirin girke-girken Bakandamiya tare da ni mai gabatar muku da shirin. A yau in sha Allah zan nuna mana yadda ake hada KFC chicken. Abubuwan hadawa Kaza Flour Man gyada Bread crumbs ko cornflakes Kwai Maggi ...

  • Yadda ake hada egg masala

    Posted Thu at 9:57 AM

    Assalamu Alaikum, barkanmu da sake saduwa a cikin shirin girke-girkenmu na Bakandamiya. A yau na zo mana da yadda za a hada egg masala a saukake. Abubuwan hadawa Dankalin turawa Albasa Carrots Maggi Mangyada Kwai Yadda ake hadawa Farko za ki wanke dankal...

  • Jini Baya Maganin Kishirwa: Babi na Uku

    Posted Jan 12

    Ku latsa nan don karanta babi na biyu. Sakinah ta share hawayen da ke zuba kan kuncinta kafin ta ce. "Insha Allahu Umma zan yi aiki da dukkan abin da ki ka umarce ni da shi da yardar Allah, ba zan taɓa baki kunya ba". "Yauwa Sakinah Allah ya yi miki albarka". "Amin"...

  • Yadda ake baked awara

    Posted Jan 11

    Barka da sake saduwa a cikin shirin girke-girkenmu na Bakandamiya. A yau na zo maku da sabon girki wato yadda za ku hada baked awara. Abubuwan hadawa Awara Kwai Carrots Seasoning Cooked minced meat Muffin tray Albasa Yadda ake hadawa Farko za ki yanka a...

  • Bayanan masana game da ingantattun hanyoyin ƙayyade iyali

    Posted Jan 8

    Mene ne ƙayyade iyali? Ƙayyade iyali ko tazarar iyali ko kuma family planning a Turance wani mataki ne da ma'aurata kan dauka don hana mace daukan ciki domin rage yawan haihuwa akai-akai, ko ƙayyade yawan ‘ya’ya da za ta haifa ko dai ma don wasu dalilai na ...

  • Ma'aurata: Babi na Biyu

    Posted Jan 8

    Idan baku karanta babi na daya ba to ku latsa nan don karantawa. Ana kiran sallah asuba ta farka daga bacci addu'an tashi daga bacci tayi kafin tayi miƙa tana salati ga Annabi S.A.W kai dubanta tayi a gefen da Fahad yake kwance tayi, har yanzu yana nan yana bacci kamar...

View All