Featured Create an Ad

Makalu

Blogs » Addini da Tarbiyya » Godiya ga Allah: Maganin talauci da kuncin rayuwa

Godiya ga Allah: Maganin talauci da kuncin rayuwa

  • Ko a lokacin da ba a shiga irin kuncin rayuwar da ake fuskanta a yanzu ba, akwai wadanda al’adarsu ce kullum su yi korafi.

    A lokacin da aka tambaye su da lokacin da ba a tambaye su ba, kullum a cikin kuka suke. Wasu na yin haka ne saboda neman a tausaya masu, wasu kuwa riga-kafi ne na kada su ma a yi masu kuka ko a tambaye su wata alfarma.

    Ko ma menene dalilin, wannan dabi’a ta korafi da mutane da dama ba su gani a matsayin komai, ba karamar illa take yi ga rayuwar dan adam ba.

    Shi mai korafi a kullum abin da yake mayar da hankalin shi a kai shi ne abubuwan da ba su tafiya daidai a rayuwar shi, kuma ya yi ta furta su da harshen shi.

    Duk kuwa abin da mutum yake yawan furtawa da harshensa, ba karamin tasiri yake yi a rayuwarsa ba.

    Duk da cewa akwai rahamomi da dama da ya kamata mutum ya gode wa Allah a kansu, sai ka ga mutum ya manta da su.

    Illolin hakan su na da dama:

    Rashin godiyar ubangiji da yawan korafi su na haifar da kuncin rayuwa da bacin rai sannan su haifar da rashin wadatar zuci.

    Saboda duk wanda yake da wannan hali, a kullum ya na mayar da hankali ne a kan abubuwan da za su bata masa rai, wato abubuwan da ba su tafiya daidai a rayuwar shi.

    Za ka ga mutum mai godiya duk da cewa ba shi da shi da yawa, a kullum a cikin annashuwa yake. Hakan na faruwa ne saboda yadda yake mayar da hankalinsa ga rahamomin Ubangiji, kullum yana yi wa kansa tuni da su, kuma yana gode wa Allah.

    Wannan yana sanya haske a zuciya ya sanya farin ciki.

    Illa ta biyu ita ce dawwamar talauci a rayuwar mutum.

    Duk wanda ba shi da godiyar Ubangiji to tabbas Allah zai bar shi a yadda yake, ya yi ta fama da rayuwa babu ci gaba.

    Shi kuwa mai Godiya, alkawarin Ubangiji shi ne zai ci gaba da kara masa.

    Illa ta uku ita ce rashin samun kuzarin fuskantar kalubalen rayuwa.

    Yawanci lokuta kalubalen da muke fuskanta a rayuwar mu wata dama ce na mu inganta ta, mu samu ci gaba daga inda muke.

    Yayin da wanda yake da godiyar Ubangiji zai yi saurin fahimtar haka, wanda ba shi da godiya korafi zai ta yi ya kasa katabus. Maimaikon ya yi yunkurin neman mafita ga kalubalen na shi, bacin rayuwa zai shiga saboda a ganin shi, kullum rayuwa ba ta kyauta masa ba.

    Na hudu akwai illar da korafi yake haifar wa zamantakewa. Mutane masu yawan korafin ba su da dadin zama. Kullum yadda ka san su kadai ke da matsala, da dai sauransu.

    Mu sani cewa, duk abin da ya faru da mutum a rayuwar nan, mai kyau ko mara kyau na da dalili, kuma idan muka yi natsattsen nazari a kai,  za mu ga cewa akwai wata rahama ta Ubangiji a ciki.

    Shi ya sa a kowane hali mutum ya samu kan shi, mai kyau ko mara kyau, to yana da kyau ya kasance a cikin godiyar Ubangiji.

    Allah ya bamu ikon mayar da hankalinmu ga rahamominsa da suka cika rayuwarmu.

    Mai karatu na iya duba: Abubuwa guda 5 dake hana dan adam ci gaba

No Stickers to Show

X

Da Dumi-Dumin Su

  • Ku latsa nan don karanta labarin Afuwa ƙwaya Ce, Ka Shuka Ɗaya Ka Girbi Goma. An yi wani attajiri da ke da dukiya mai yawan gaske, ana kiransa Abu Tammamu. Saboda yawan dukiyarsa, bai san iyakacin abin da ya mallaka na daga gidaje da gonaki da dabbobi da bayi da sauran kadarori ba. B...
  • Ku latsa nan don karanta shafi na 12 da 13. SHAFI NA 14 Tana isowa ta dubi Mama tare da mika mata wayar "Ga mamansu Sumayya za kuyi magana." Mama ta amshi wayar ta saka akunne ta na fadin salamu alaikum jin shiru yasa ta dubi fuskar wayar tare da fadin "La kinga ta katse." Fati ta amshi wayar ta...
  • Zamantakewar aure, zamantakewa ce mai wahala, matuƙar wahala kuwa. Sai dai da zarar ka fahimci tana da wahalar, sai ta zama mai sauƙi a gare ka. Domin fahimtar tana da wahalar shi zai ba ka damar neman iliminta. Shi kuma iliminta sai ya ba ka damar samun sauƙin ta. A shirinshi da ya saba gabatarwa ...
  • An haifi Olufela Olusegun Oludotun Ransome-Kuti a ranar Asabar 15-10-1938, a Abekuta ta jihar Ogun. Iyayensa manyan mutane ne domin Mahaifiyarsa Fummilayo Ransome-Kuti, 'yar gwagwarmaya ce, mai fafutukar kwato 'yancin mata. Mahaifinsa Isra'el Olodotun Ransome-Kuti, babban limamin coci ne, shugaban ...
  • Idan aka ce Hepatitis, to ana nufin ciwon hanta kenan a Hausance. Hepatitis ya kasu iri daban-daban har guda biyar, inda suka hada da; Hepatitis A, da Hepatitis B, da Hepatitis C, da Hepatitis D, da kuma Hepatitis E. Hukumar Lafiya ta Duniya ta ce kimanin mutum miliyan 325 ke fama da ciwon hanta na...
  • Ku latsa nan don karanta labarin Dogaro Ga Allah Jari. Cikin ƙasashen Mongol an yi wani babban Sarki mai yawan jarumai ana kiran sa Bihikatu. Shi wannan Sarki jarumi ne amma mugu ne na ƙin ƙarawa. Tun da yake bai taɓa yin afuwa ga wanda ya saɓa masa ba. Ba a taɓa ganin dariyarsa ba s...
View All