Featured Create an Ad

Makalu

Blogs » Labaran Duniya » Abubuwa 10 da ya kamata a sani game da marigayi Abu Ali

Abubuwa 10 da ya kamata a sani game da marigayi Abu Ali

  • Mutanen Nijeriya, manya da kanana na ci gaba da jimamin rasuwar jarumin kwamandan sojojin sashe na 272 mai kula da tankokin yaki wato Laftanal kanar Abu Ali wanda ya rasu a ranar juma’ar da ta gabata yayin da mayakan Boko haram suka kai masa farmaki a garin malam Fatori tare da wasu sojoji hudu a gurare daban daban.

    Ga Abubuwa guda 10 da ya kamata kowa ya sani game da wannan jajirtaccen soja:

    1. Kanar Abu Ali Banufe ne dan asalin jahar Kogi kuma da ga Brigediya janar Abu Ali wanda ya rike mukamin gwamnan jihar Bauchi a lokacin mulkin janar Ibrahim Babangida tsakanin shekarar 1990 zuwa 1992, kuma wanda a yanzu haka shi ne Etsun garin Bassa Nge da ke jahar Kogi

    2. Shekarunsa 36, an haife shi ne a watan Agustan shekarar 1980 a jahar Lagos.

    3. Ya bar mata guda daya mai suna Samira da ‘ya'ya guda uku.

    4. A watan Satumbar shekarar 2015, marigayi kanar Abu Ali ya samu karin girma daga mukamin manjo zuwa mukamin laftanar kanal duk da cewa bai kai matsayin a ba shi wannan mukami ba, ya samu karin girman ne a sakamakon namijin kokari, da jarumtar da ya nuna a wasu hare-hare da rundunar ta kai wa mayakan Boko haram.
     
    5. Shi ya ja ragamar rundunar da ta karbo garin Baga, Gamboru Ngala, Mungonu da sauran garuruwa daga hannun mayakan Boko Haram.

    6. Ana yi masa lakabi da Sarkin Yaki (lord of War) a sakamkon rashin tsoro da halin jajircewarsa. Duk da cewa yana da karamin jiki, ‘yan uwansa sojoji da dama na kwatanta shi ne da zaki, dodon mayakan Boko Haram.
     
    7. An yi masa shedar cewa mutum ne mai kamala, mutunta mutane, kirki mai kuma matukar kishin kasar sa, da a koyaushe a shirye yake ya mutu domin ya ga ta zauna lafiya, sannan kuma ba ya burga.
     
    8. Shi ne matukin tankar yaki kirar T-72 wacce aka yi hasashen ta fi kowacce kira kyan aiki a Arewa maso gabashin kasar nan, a don haka ne illar da ke yi wa mayakan Boko Haram a lokaci daya ta fi karfin wanda sojoji guda 300 za su iya yi.
     
    9. Ya samu lambar yabo daga shugaban rundunar sojin Nijeriya na kasancewarsa abin kwatance wajen jarumta, karfin zuciya da iya aiki.
     
    10. Saboda matukar iya shugabancinsa da iya karfafa gwuiwar na kasa da shi, da kula da bukatunsu, da shiga gaba a duk inda aka dosa, daya daga cikin sojojin da suke tare ya taba hasashen cewa kanar Abu Ali shi zai zo ya zama shugaban rundunar sojojin Nijeriya a nan gaba
     
    Allah ya jikansa da rahama, ya sa jarumtarsa ta zama a bar koyo ga ‘yan baya. Allah ya biya shi da gidan Aljanna, ya kuma bai wa iyalansa hakurin jure rashinsa, idan ta mu ta zo Allah ya sa mu cika da imani.
     
    Daga www.alummata.com

No Stickers to Show

X

Da Dumi-Dumin Su

  • Ku latsa nan don karanta babi na shida. Habeeb na kwance a kan doguwar kujera ya ji an murɗa handle ɗin ɗakinshi tare da turo ƙofar a hankali. A hankali ya buɗe idanunsa da suka yi nauyi sakamakon ciwon kan da yake fama da shi. "Fateemah" ya faɗa a ransa, lokacin da ya kai duba ga Jummai da ke ts...
  • Mon at 1:39 PM
    Posted by Bakandamiya
    Uwargida ba za ki yi dana sanin koyan yadda ake yoghurt in fruits ba. Domin kuwa kayan dadi ne sosai da sosai kuma cikin mituna kalilan za ki hada. Ba a ba yaro mai kiwiya!!! Wannan recipe yana daya daga cikin recipes da muka koyar a zauren Free Ramadhan Classes with Umyuman a nan Bakandamiya. Abu...
  • Hadin special salad nawa na musamman ne! Ga sauki ga dadi, uwargida sai kin gwada za ki bani labari! Wannan ma yana daya daga cikin recipes da muka koyar a Ramadan a shirin girke-girkenmu wadda aka gabatar a zauren Free Ramadhan Classes with Umyuman. Shin ko kin tuna gashin tsokar kaza da muka koya...
  • Red velvet cake, cake ne da mutane da dama suke so kuma kuma suke son ci. Saboda haka, akwai hanyoyi daban-daban na yin red velvet cake, ga yadda na ke nawa cake din na kawo muku. Wannan yana daya daga cikin recipes da muka koyar lokacin Ramadan anan Bakandimya. Domin ganin duk jerin recipes din da...
  • Bismillahi rahmanir Rahim Godiya ta tabbata ga Allah Ubangijin talikai. Tsira da amincin Allah su tabbata ga Annabi Muhammad, da alayensa da sahabbansa baki daya. Lalle haduwar Idi da Jumma’a wani abu ne da ya saba faruwa lokaci zuwa lokaci. Hakan ya taba faruwa a zamanin Manzon Allah (S.A.W...
  • Lemun zaki ko orange juice lemu ne mai dadi da kuma tarin amfani a jiki. Ga yadda na ke lemun zaki na a gida. Da farko wannan recipe mun koyar da shi ne a shirinmu na Ramadan cikin zauren Free Ramadhan Classes with Umyuman. Shin yaya ki ke yin lemon zakinki? Ga yadda na ke nawa, ki gwada wannan!&nbs...
View All