Featured Create an Ad

Makalu

Blogs » Kiwon Lafiya » Illolin shaye-shayen kwayoyi da hanyoyin shawo kan lamarin

Illolin shaye-shayen kwayoyi da hanyoyin shawo kan lamarin

  • Shaye-shaye ya zama ruwan dare a tsakanin al'umma musamman ma matasa maza har da ma mata, masu aure da wadanda ba su da shi shaye-shaye na nufin duk wani yanayin da bil'adama zai sa kan shi don sauya yanayin tunaninsa ko nazarin shi ta yadda ba zai iya bambanta ya kamata da akasin hakan ba.

    Shaye-shaye na zuwa ne a yayin da mutum ya afka cikin shan kwaya sabanin yadda aka kayyade a sha shi, ko kuma shan giya ko tabar wiwi da dai sauran nau'ukansu wadanda za su bugar da mutum ko su kai shi ga maye.

    Wasu daga cikin nau'ukan shaye-shaye:

    1. Shan maganin da doka ya hana amfani da shi.
    2. Shan magani barkatai, batare da izinin likita ba.
    3. Wuce umurnin likita wajen shan kwayoyi
    4. Shan giya da duk wani abin da zai bugar da mutum.

    Wasu daga cikin dalilan da ke sa shaye-shaye:

    1. Jahilci
    2. Matsalolin Rayuwa
    3. Al'adu
    4. Hulda da abokan banza
    5. Sakacin iyaye
    6. Yanayin wurin zama
    7. Aikin karfi
    8. Samun kwayoyin cikin sauki

    Wasu daga cikin miyagun kwayoyi da akafi amfani da su wajen shaye-shaye:

    Biyo bayan shan giya da tabar wiwi da sholishon da hodar ibilis wajen buguwa ko maye, mashaya har ila yau, na amfani da wasu kwayoyi don buguwa wadanda suka hada da:

    1. Valium tabs
    2. D5 tabs
    3. Diazepam tabs
    4. Exol 5 tabs
    5. Tramadol tabs
    6. Pemoline tabs
    7. Emzolyn expectorant
    8. Tutolin expectorant
    9. Codeine syrup
    10. Benalyn syrup
    11. Pacaline syrup
    12. Pento injection
    13. Legatine injection

    Wasu daga cikin matakan shaye-shaye:

    1. Matakin farawa ko gwaji:- wannan shi ne mataki na farko wanda mutum zai soma kusantar ko soma mu'amala da masu shaye shaye har ta kai shi ga soma tabawa kadan.
    2. Shaye-shaye a matakin ganin dama:- Wannan matakin mai shaye shayen yana sha ne lokacin da ya ga dama, ba ya saya da kudinsa, sai an samu na banza ko na bati.
    3. Matakin Shaye-shaye ba kakkautawa:- wannan shi ne matakin kama shaye shaye gadan-gadan, ko da kudi ko babu sai an sha.
    4. Matakin dogaro da shaye-shaye:- wanda ya kai wannan matakin to lallai ba zai iya komai ba sai ya sha idan bai sha ba kuwa ba ba zai iya zama lafiya ba, wanda ya kai wannan matakin kullum za ka same shi ko same ta cikin maye, a wannan matakin ana iya sata domin a sayi kayan mayen.

    Wasu daga cikin illolin shaye-shaye:

    Biyo bayan kawo rashin karbuwa a wurin mutanen arziki da zubar da mutumci, shaye-shaye kan janyo:

    1. Talauci da jahilci,
    2. Ciwon huhu
    3. Ciwon hauka
    4. Ciwon hanta
    5. Ciwon kansa
    6. Ciwon suga
    7. Ciwon sanyin kashi
    8. Ciwon sankarar mama
    9. Yawan tunani mai tsanani da muni wanda zai kai ga ciwon hawan jini da zuciya
    10. Yana kawo lalacewar mazakuta
    11. Yana kawo lalaci, yadda mai shaye shaye baya iya'yin komai sai ya sha.

    Wasu daga cikin hanyoyin da za'abi wurin magance shaye-shaye

    Bayan hubbasar gwamnati a matakai daban-daban wajen hana fasa-kwabrin kwayoyin, har ila yau ya zama dole iyaye su tashi tsaye wurin kula da tarbiyyar yara da matasa, sannan su dinga kula da harkokin yaransu na yau da kullum, su kuma kula da irin abokan da yaransu suke hulda da su. Dole ne sarakuna da malaman addinai su ma su tashi tsaye wurin tsawatarwa da fadakar da al'umma bisa illar shaye-shaye ta mahangar addini da rayuwa. Dole ne kuma al'umma su ba da hadin kai wurin taimakawa jami'an tsaro da jami'an yaki da fatauci da shan miyagun kwayoyi wurin gudanar da ayyukansu.

    Mai karatu na iya duba: Illolin shan miyagun kwayoyi ga matan aure da makamantasa.

No Stickers to Show

X

Da Dumi-Dumin Su

  • A karkashin ilimin kimiyyar lissafi wato (physics), yau zamu yi karatu ne akan wata maudu’i mai matukar mahimmanci. Wannan maudu’in kuma ba wata ba ce face heat. Idan muka tuna a makalar da ta gabata mai suna energy mun ce heat nau’i ne daga cikin nau’ukan energy. A yau zamu ...
  • A wannan makala dalibai za su ga yadda za a yi bayani game da work da kuma power dama yadda ake solving mathematical problems. Workdone ko work a physics yana nufin a yi multiplying na force da displacement. Sa’annan aikin yana gudana ne a direction na force. Idan har W ya kasance work, F kum...
  • Vanilla cupcake kalar cupcake ne da yara kar harma manya su ke so sosai. Na san muta ne da dama suna sha'awar koyon yadda za a sarrafa shi. Saboda haka a yau muka kawo muku yadda ake yinsa domin mai sha'awar koyo. Wannan recipe idan kin bi shi yadda ya ke, za ki samu cupcakes guda 20 ne dai dai. Ab...
  • Ku latsa nan don karanta babi na takwas. Ga ɗaurin Zahra Buhari. Ni dai ban iya ɗaurin ba. Yayata ke kafa min in zan je biki. In kuwa fita yawo ne ɗaurin 'yan Hausa na ke yi mai lankwasa a gaban nan. "Mama!" Ta furta cikin mamakin ganin ta. Bata saurareta ba bare ta amsa, cikin hanzari ta isa bak...
  • A kwanakin baya na ga wani tattaunawa a social media game da zuwa aiki ga mata, musammam matan aure da kuma mata masu yara. Abinda na lura shi ne yawanci mazaje ba su fiya son matansu na zuwa aiki ba duk da cewa yawancin mazan na so a ce matansu sun yi karatu sosai kuma sun waye da sanin abubuwan ra...
  • Ku latsa nan don karanta labarin Mai Haƙuri Ya Kan Dafa Dutse. A ƙasashen ƙetare an yi wani ɗan Sarki ana kiran sa Bihizadu. Ya kasance kyakkyawa ne, kuma yana da kirki domin kuwa yana zama tare da talakawa da fatake da attajirai. Mutane suna son sa, sai dai yana da saurin ƙagauta a al'amuran ...
View All