Makalu

Illolin amfani da magungunan mata ga mace

  • Da yawa daga cikin mata musamman ma na Hausawanmu na yau, sun duƙufa wajen amfani da wasu sinadarai don ƙara wa 'ya'yansu mata ni’ima wajen gamsar da mazajensu. To haƙiƙa, ba zai iya zama laifi in an yi ba, sai dai matsaloli da illa da yake haifarwa bayan an yi amfani da shi ya fi muhimmancinsa yawa musamman ga mace budurwa da ba ta taɓa auren fari ba. 

    Mata da yawa daga cikin iyaye, sun ma ɗauki wannan hanyar a matsayin sana’a ta neman abin dogaro da kai, sukan kai tallar irin waɗannan magunguna gidajen mata musamman inda ake biki don tallata hajarsu.

    Kuna iya karanta: Tsangwama da mata ke sha wurin mazaje a shafukan sada zumunta

    Da zarar an ce mace an sa ranar aurenta, to iyaye da kuma ‘yan matan kansu, za su fara zuwa neman taimakon magungunan. Akan ɗauki tsawon lokaci ana haɗa mace, maimakon a bar ta ta tafiyar da kanta a kan irin tsarin da Allah Ya tsara mata da irin waɗannan gamje-gamjen magungunan da ba su da asali wanda nan gaba za a samu rikirkicewar sha’awa domin yamutsa ta ɗin da aka yi da waɗannan sinadarai. Daga cikin ire-iren waɗannan sinadarai akwai:

    • Na sha da madara ko a shayi
    • Na dafawa da kaji
    • Na ci da nama
    • Na ci da baru
    • Na mannawa

    Illolin da maganin ke haifarwa

    Gusar da ni’imar mace na asali da take da shi:

    Duk macen duniya, akwai ni’imar da Allah ya mata wajen gamsar da namiji, amma irin ni’ima da mata ke ƙarawa kafin su yi aure na haifar masu da illa wajen gusar da ni’imar da suke da shi na asali. Domin da zarar wannan haɗin magunguna da suka yi ya gushe, to ni’imarta na asali da take da shi ne zai dawo, amma kuma ba lallai ne miji ya gamsu da ita ba. Domin wanda aka yi kafin auren da ma ba mai ɗorewa ba ne kuma babu shi.

    Cire wa miji sha’awar matarsa

    Da zarar wannan haɗin magunguna da aka yi wa mace kafin ta shiga gidan mijinta ya gushe, to ni’imarta zai ragu da kashi 80% sai na asali da take da shi ya dawo, shi kuma miji ba zai taɓa jin tana gamsar da shi kamar da ba. Daganan sha’awa da yake mata zai fara raguwa, idan aka yi rashin sa'a sai ma ya haifar masa da sha’awan wasu mata a waje.

    Shawarwari

    A matsayin mace budurwa da ba ta taɓa aure ba, to ki guji duk wasu kayan da za su sanya miki ni’ima in kin sha, domin tun asali irin wadannan magunguna an yi su ne don matan da suka ɗan jima cikin aure kuma zuumar sha’awarsu ta ɗan fara sanyi.

    Amma a matsayinki na budurwa kina iya shan ‘ya’yan itatuwa da yawa gab da bikin naki, inda hali ma, kina iya daina cin duk wani abinci illa ‘ya’yan itatuwa da ganyayyaki kaɗai kamar ana sauran sati ɗaya bikin naki.

    Haka ma magungunan Musulunci da aka samu ingancin warakarsu daga Manzon Allah SAW, irin su zuma, habbatus sauda, zaitun da sauransu. Waɗannan za su warkar da duk wani rauni ko cikas da ƙila mace ke da shi a lafiyar jiki da ta ruhi gaba ɗaya wajen sanya ni’ima. Mai karatu na iya duba wannan makala da ke bawa mata shawara cewa, ba boka ba malam mallaki mijinki cikin sauki

    Ubangiji ya kare mana lafiyarmu baki ɗaya.

No Stickers to Show

X

MAKALU DA DUMI-DUMIN SU

  • Jini Baya Maganin Kishirwa: Babi na Uku

    Posted Jan 12

    Ku latsa nan don karanta babi na biyu. Sakinah ta share hawayen da ke zuba kan kuncinta kafin ta ce. "Insha Allahu Umma zan yi aiki da dukkan abin da ki ka umarce ni da shi da yardar Allah, ba zan taɓa baki kunya ba". "Yauwa Sakinah Allah ya yi miki albarka". "Amin"...

  • Yadda ake baked awara

    Posted Jan 11

    Barka da sake saduwa a cikin shirin girke-girkenmu na Bakandamiya. A yau na zo maku da sabon girki wato yadda za ku hada baked awara. Abubuwan hadawa Awara Kwai Carrots Seasoning Cooked minced meat Muffin tray Albasa Yadda ake hadawa Farko za ki yanka a...

  • Bayanan masana game da ingantattun hanyoyin ƙayyade iyali

    Posted Jan 8

    Mene ne ƙayyade iyali? Ƙayyade iyali ko tazarar iyali ko kuma family planning a Turance wani mataki ne da ma'aurata kan dauka don hana mace daukan ciki domin rage yawan haihuwa akai-akai, ko ƙayyade yawan ‘ya’ya da za ta haifa ko dai ma don wasu dalilai na ...

  • Ma'aurata: Babi na Biyu

    Posted Jan 8

    Idan baku karanta babi na daya ba to ku latsa nan don karantawa. Ana kiran sallah asuba ta farka daga bacci addu'an tashi daga bacci tayi kafin tayi miƙa tana salati ga Annabi S.A.W kai dubanta tayi a gefen da Fahad yake kwance tayi, har yanzu yana nan yana bacci kamar...

  • Burina a shekarar 2020: Saurare na ya fi magana ta yawa

    Posted Jan 4

    Masana sun ce daga cikin abubuwan da suka sa dan Adam yin galaba a kan sauran halittu shi ne yadda yake iya hada kai. Don mutum shi kadai ba zai iya gwada karfi da zaki ko giwa ba. Amma idan ya hada karfi da sauran ‘yan uwansa babu kalubalen da ba za su iya t...

  • Yadda ma’urata ya kamata su bullowa matsalolin rashin lafiya idan sun taso a rayuwar aure

    Posted December 31, 2019

    Matsalar rashin lafiya matsala ce babba da ke taka muhimmiyar rawa wajen hargitsa zamantakewa da rayuwar iyali. Ba abu bane da mutum daya zai boye ma kansa ba tare da sanin aboki ko abokiyar zama ba. Saboda matsala ce babba da take bukatar shawara, tattaunawa a tsakanin...

View All