Featured Create an Ad

Makalu

Blogs » Harshe da Adabi » Kamantawar daidaito cikin wakar ‘mai akwai da babu’ na Adamu dan Maraya Jos

Kamantawar daidaito cikin wakar ‘mai akwai da babu’ na Adamu dan Maraya Jos

  • Masana da dama sun bayyana ma’anar kamantawa ta yadda kownensu yake gani ta dace. Shi,

    Yahya (1997), cewa ya yi, “Wannan shi ne kamancen da ake cewa abu kaza daidai yake da abu kaza”.

    Abba da Zulyadaini (2000: 114) sun rawaito cewa Gusau (1993) ya bayyana kamantawar daidato da “ Kwatanta abubuwa fiye da guda wadanda suke dauke da darajoji mabambanta, sannan a daidaita su ta hanyar nuna cewa babu wanda ya fi wani”. A nan ana nufin a kamanta abu ta yadda yake babu gazawa kuma babu fifiko. Ma’ana wani abu bai fi wani abu ba. Za mu ga misali daga cikin wa?ar Mai akwai da babu na Adamu ?an maraya Jos

    Amma da farko ga zubin wa?ar kamar haka:

    Amma mai akwai da babu duka danganta kanku dai dai

    Allah ike fadan haka ba ni nake fada ba,

    da ni nake fadan haka da sai ku karyata ni x2

    Baiti na 1:

    Kai mai akwai ka gane

    idan kai gida talatin cikin guda za ka je ka kwana

    a daki guda ka kan kwan,

    a kayin gado guda dai,

    haka nan wanda bai da komai gida guda za ya je ya kwana,

    a daki guda yakan kwan

    a gefen guda yakan kwan,

    a kayin Karaunu-falle,

    to in gari ya waye ta nan duka dangantakarku dai dai

    Baiti na 2:

    in ba ku dan misali

    kai mai akwai ka gane

    in kana takamar akwai ne

    ba ka sanya hula goma a kanka kai dai

    ai da an gano ka sai a ce wane ya tabu,

    Sai dai kasa guda dai

    hakanan wanda bai da komai

    shi ma ya sa guda dai matukar in yana da hali,

    To malam idan ka duba ta nan duka  dangantakanku dai dai
    In baku dan misali

    da agogon jaka talatin

    da agogon sule talatin

    in wannan i bada loto dai dai

    wannan i ba da loto dai dai in za a dai kira su sai ka ji sunansu duk agogo

    In baku dan misali

    da nonon sule talatin

    da nonon kobo talatin

    in za ka bincika sai ka ga ai duk farinsu dai dai

    Baiti na 3:

    Kai mai akwai ka gane

    in kana takamar akwai ne,

    ba ka sanya takalmi goma a san ka kai dai

    ai da an gano ka sai ace ga mahaukaci nan,

    Sai dai kasa guda dai

    hakanan wanda bai da komai

    shi ma yasa guda dai matukar in yana da hali

    To malam idan ka duba ta nan duka dangantakanku dai dai
    Kai mai akwai ka gane

    in ba ka dan misali

    shi Allah huwallazina

    bai aiki da duk gidanka

    bai aiki da arzikinka , sai dai da zuciyarka

    Haka nan wanda bai da komai,

    Allah huwallazina

    bai aiki da babu dinsa

    sai dai da zuciya tai

    shin malam idan ka duba ta nan duka dangantakanku dai dai

    Allah huwallazina,

    kai mai akwai ka gane,

    in baka dan misali,

    ran komuwa ga Allah,

    kai mai akwai ka gane,

    in baka dan misali,

    ranar komuwa ga Allah,

    yadi biyar fari dai

    a ciki za a lullubeka

    Rami guda akan tonaka ka tuna ba a tona goma don wai kana da hali

    a ciki za a turbudaka

    Hakanan wanda bai da komai,

    ran komuwa ga Allah yadi biyar fari dai

    a ciki za a lullubeshi

    Rami guda akan tona ka tuna ba a tona goma

    don wai hwa bai da komai
    To malam idan ka duba ta nan duka dangantakanku dai dai

    Baiti na 4:

    Kai mai akwai ka gane,

    in middin kana da shi ne,

    in middin kana da shi ne,

    burinka shirya hairi

    kai taimako ga kowa

    ka taimakawa kowa

    ka agazawa kowa

    ka kyautatawa kowa

    Ran komuwa gaAllah wallahi ka ji dadi bayanka sun ji dadi
    In middin kana da shi ne

    burinka dai a bata

    ba ka taimako ga kowa

    burinka cin mutunci

    ko burinka cin amana

    malam a kwan a tashi

    gidaje gami da mata

    sannan gami da mota

    'ya'ya su zo su kare

    mata su zo su kare

    mota ta zo ta kare

    ka ga ran komuwa ga Allah

    kai ma kazo ka kare

    kaga ranar da kai da babu wallahi babu bamban

    Baiti na 5:

    Allah huwallazina,

    Allah huwallazina,

    Ya yi Larabawa

    yayi Ingilishi

    yai wo mutan Amurka

    ya yi Indiyawa ,

    Allah huwallazina yai haka domin mu gane juna
    In ba ku dan misali,

    Allah huwallazina,

    Allahu ya yi Gana

    yai Itofiya ai

    yai Najeriyarmu muma

    ga shi duk bakake wani bai jin batun wadansu

    Allah huwallazina yai haka domin mu gane junta

    Amma mai akwai da babu duka danganta kanku dai dai

    Allah ike fadan haka ba ni nake fada ba,

    da ni nake fadan haka da sai ku karyata ni x2 

    Sannan ana iya karanta: Tubalan salo a wa?o?in baka na Hausa  da kuma Tubalan salo a wakokin baka na Hausa (na biyu)

No Stickers to Show

X

Da Dumi-Dumin Su

  • Maza da mata jinsi ne guda biyu mabanbanta da ke da bambancin halaye. Maza da mata suna da yanayi daban-daban, amma da fatan wannan makalar za ta taimaka wajen fayyace abubuwa da samar da kyakkyawar fahimta game da irin wadannan bambance-bambancen.  Ya kamata maza da mata su yaba wa wadannan ba...
  • Ciwon sanyin mata wata babbar matsala ce da ke addabar mata. Akasarin mata na fama da wannan cutar, daga kauye zuwa birni, matan aure da yan mata. Kafin nayi wannan rubutun sai dana tattauna da mata da yawa akan wace cuta ce tafi damun mata a yanzu? Amsar dana samu kuma ita ce 'ciwon sanyi'. Mene n...
  • Mece ce cutar sikila (sickle cell disease)? Jini wanda ake gani a zahiri idan mutum ya ji ciwo ko kuma ya yanke jikinsa yana dauke da abubuwa iri daban – daban, kamar su plasma, Red Blood Cells (RBC), White Blood Cells (WBCs), Platelets da sauransu. Cutar sickler ko amosanin jini tana faruwa ...
  • Brain tumor wani tudun tsiro ne na abnormal cells (wato wasu kwayin halitta) da ke samuwa a kwakwalwan dan adam.  Akwai kala daba-daban na wannan brain tumor din. Wasunsu basa kaiwa ga kansa (benign) sanna wasunsu kuma sukan kai ga zama kansa (malignant). Brain tumor kan fara ne daga kwakwalwa ...
  • Matashiya Zazzaɓin Typhoid (taifod) cuta ce mai saurin yaɗuwa a jiki wacce wata bacteria ce mai suna Salmonella enterica serotype typhi ke haifarwa. Zazzaɓin taifod yana da alamomi wadanda suka shafi cutar kuma suke nunawa. Manya-manyan alamominta sun haɗa da zazzaɓi, da ciwon gaɓoɓin jiki, da yaw...
  • Yawancin alaƙar soyayya tana farawa, sannan ta haɓɓaka, har ta yi yadon da ba a san dalili ba.  Fadawa cikin soyayya abu ne mai sauki, amma alaƙar na iya zama abu mai matukar wahala duk da irin ababen da mu ke kallo a su Bollywood da Hollywood sai wasu ke ganin kamar babu wani kalubale a tatta...
View All