Guests

• 
  Rahmatu Lawan Barka da jumma’a ‘yan uwa. Allah Ya sada mu alkhairan da ke cikinta!

  Attending
• 
  Lawan Dalha Hello

  Attending
• 
  Adamou Bagna Mahamane Welcome Ramadan!

  Awaiting Reply
• 
  Ummyter Abdallah (owner) Madam din Dana kewa aiki jiya ta aikeni na sayo mata semo 2kg,danaje shagon sai na tarar sai 1 kg,so na dawo ban sayo ba shine tace min ni Wawa ne bana amfani da hankalina na sayo 1kg guda biyu ya zama 2kg Kennan idan an hada,na bata hakuri dai ta hakura,yau kuma tace na sayo mata slippers number 8,danaje babu sai lamba 4 shine na sayo lamba 4 guda biyu,na kawo batace komai ba Naga tana hada mini kayana cikin jaka,shine nake tambaya ko wanki zatayimin koko daki zata canjamin🤪🤪🤪

  Attending
• 
  Mukhtar Musa Karami Abu Hisham Cinikin mutum ake kamar yanda ake cinikayya a kasuwa,farashi suke yanke wa kamar yanda ake yi a super market,basa yin ragi balle su nuna alamar sauki,idan ka biya kudi su baka,idan ka ki biya su kasheshi. Basa tsoron kowa,balle su yi tunanin akwai wanda zai iya tunkararsu,dole akwai abin tsoro fa,kasar nan ta mu akwai firgici sosai,Ya Allah ka karemu daga wannan masifar ta satar mutane. Allah ka bamu lafiya da zama lafiya amin

  Awaiting Reply
• 
  faridat sweery ASSALLAMU ALAIKUM ƘUNGIYAR TALLAFA WA MARAYU DA NAKKASSASU NA JIHAR BAUCI. Tana mika Ƙoƙon bararta, na neman sadakan gero da suger ko da kuwa, mudu dayane. domin kai kunun buɗa bakin azumin ramadan wa majinyata marasa ƙarfi da suke asibiti. Ga waɗanda basa kusa, za su iya turo taimakon su ta wannan ɗin. account number:0027086589. account name: kungiyar talafawa marayu da nakkassasu. Bank stanbic ibtc. domin ƙarin bayani:... Aisha Ahmed:08039344770 Farida Musa:08100564048 Mardiya Afullati...:08062264964. forwarding ma sadakane. Allah ya ba da ikon taimakawa, sadaƙa bata kaɗan.

  Awaiting Reply
• 
  hauwa Muhammad HAZAƘA WRITERS ASSOCIATION. Saudat Na Hauwa Kele (Maman Sadiq Page 6 Ba wacce ta kula shi bare ma su ba shi amsa, cigaba da tafiya suka yi, shi kuma ya bisu da kallo, ya aiyana aran sa "Dole ma in nemo gidan su don ina da muradin ki kasan ce mata ta in sha Allah," Juyawa ya yi ya koma gurin motar sa. Cikin sauri suka shigo rike da hannuwan su, suna shigowa suka tarar da Ummansu tare da Mama a zaune tsakar gida suna fira da sauri suka ƙaraso Umma ce ta fara faɗin, "Kai! Lafiyar ku kuka faɗo gida babu ko sallama? Bisa tabarma suka zauna Maryam ce taba Umma labarin abin da ya faru. Sai lokacin Mama ta yi magana, "Shi ne kuka faɗo rike ce haka, tun da har motar ba ta buge ku ba sai ku kiyaye ku riƙa lura da hanya." Tana gama fadar haka ta ta shi tashiga kicin. Umma ko cewa ta yi "Alhamdulillah tun da dai bai taɓa ku ba Allah kuma ya kiyaye gaba." A tare suka amsa da Amin "Wai Umma su Rashida ba su dawo ba ne? Saudat ce ta yi tambayar. "E ba su dawo ba, abincin ku na kichin." Saudat na kwance sai juyi take yi, hankalin ta da tunanin ta yana gun Affan, irin mijin da take so kenan, adu'ar ta Allah yasa ita yake so. ******** "Na rantse da Allah sai an ba ni kuɗi na ba in da za ni sai kin ba ni don bance kici min awara ba ba ki da kuɗi." Riƙe take da kunkuru tana karkaɗa shi sai wani murguɗa baki take yi wai ita masifaffiya. Wata dattijuwa dake zaune bakin kan tabarma cikin rumfa ta ce "Haba dije! ke wai kowa bazaki ragama ba, sai masifa sai ka ce masifa abin kwarai ce." dattijuwar zata yi shekaru hamsin da biyar, wani barmaɗa ido Dije ta yi sannan ta ce "Ai sai ki biya mata tun da masifa ta kike gani, duk wanda yaci kayana dole ya biya ni, inba haka ba inshuka ma mutum rashin mutunci ehe." Takara she maganar tana gyara daurin ɗamarar ta. "Wai ke laure meyakaiki cin bashin wannan yarinyar? Bayan kin san Halin ta." "Gwago ni ba bashi na ɗauka ba jiya na saye awara ta ashirin, na ba ta dari biyu ba ta da chanji shi ne ta ce min indauka inta dawo daga talla ta zo ta karbi kuɗin ta, jiya ta zo ba ta same ni ba shine fa yanzu tabugo min wannan sammako a kan naira ashirin." Tana gama bayanin Bello na shigowa, da ma shi ta aika ya siyo mata shuga. "Kar bi ga kuɗin ki marar mutun ci kawai." Ba kunya ta karba tana faɗin "Zaki saya anjima in kawo miki? Ɗaki tashiga ba ta ma tsaya jin abin da take faɗa ba, gwago ko cemata ta yi "Ko kafar ki nagani gidan nan sai na karya ki marar kunya kawai." "Wai ke Shafa baki girka komi ba ne yau? "Ba sai ka kawo ba zan girka" komai ba ni da shi a cikin gidan nan." "Kinga kije gidan Yaya Umaru ki samo ko wake ne ki dafa mana." Bata kula shi ba gyara kwanciyar ta kawai ta yi. "Wai bazaki ba ne ki ka wani gyara kwanciya." "Ba za ni ko ina ba Iro idan kana fitar da kuɗi ka fitar, yau Iya Mariya kwananta biyu, ko koko bamu kai mata ba, ka dai ji kunya wallahi." Tashi ta yi ta koma ɗaki tabar shi nan sai faman hamma ya ke yi saboda yunwa ga kuɗi amma bazai ci ba. Kele

  Awaiting Reply
• 
  Maryam Haruna A rayuwata babu abin da nake so kamar kallon finafinai na tsoro da firgici hakan na min daɗi sosai wanda hakan yasa ko kallo zan yi bana kallon wanda na san babu wani abu da zai firgita mutane. Ko a makaranta abokan karatuna duk sun san wannan hali nawa,wani lokaci su kan bani shawara a kan in bari kada wani abu ya faru da ni amma da rana ɗaya ban taɓa sauraronsu ba tunanina ma yanda zan sa musu son fara kallon irin finafinan da nike yi ƙila hakan zai sa su fahimci abin da nake nufi da son waɗan nan abubuwan. Mu uku muke ɗakinmu na makaranta,kullum cikin hana ƴan ɗakinmu bacci da hayaniya in Ina kallo. Sun yi duk yanda zasu yi don hanani wannan ɗabi'ar amma hakan ya faskara,don bani da lokacin da nake jin daɗin kallon fim ɗin tsoro sai sha biyu na dare. Ashe ƙaddara ce ke bibiyata ban sani ba. Wata rana daga makaranta aka kai mu asibitin mahaukata wacce ke bayan gari kusa da maƙabarta. Na ji daɗi sosai don wasu finafinai da nike kallo yawanci a asibitin mahaukata ake bada tsoro duk tunanina tunda mun zo hakan zata faru ga waɗan da muka zo tare don ni bana saka kaina saboda ni na san na saba kallo to tsoron mi zan ji kuma. Ranar da ba zan manta da ita ba ita ce: bayan satinmu guda a asibitin ranar ina aikin dare sai na dinga jin kamar ana kuka sannan ana jan wani abu kamar ƙarfe cikin wani ɗaki da ke kusa da inda nake zaune. Wata mata ce ciki wacce tun da muka zo asibitin magani ko abinci kawai ke sa a buɗe ɗakin saboda yanda take duk wanda ya shiga ɗakin ƙoƙarin kashe shi take yi hakan yasa aka daina zuwa wajenta sai dole. Da farko na share saboda na san matar da ke ciki zata iya yin komai duba da yanda ciwonta yake amma kuma sai na ji abubuwan sai ƙaruwa suke yi,wata zuciya na cewa na duba wani gefen na gargaɗina a kan kada na je. Da dai na ji abin ya wuce tunanina ƙarar sai damuwata take yi hakan yasa kawai na tashi don zuwa ganin menene. Ina tashi sai wutar ɗakin ta dinga rawa kamar zata ɗauke. Ban damu ba na kunna fitilar wayata don in gani da kyau. Tura ƙofar ɗakin na faɗa ba tare da jiran wani abu ba,abin da na gani ne ya kusan sani sumewa. Wata halitta ce kusa da matar nan tana mata wani abu da na kasa gane meye matar dai kwance take kamar babu rai tare da ita wannan halittar sai zuƙar jinin jikinta dake ta malala ƙasa kamar ruwa . Hakan da na gani ya mugun tsoratani har ban san na saki wayata ba ashe dai duk rashin ganin tsoron da nake cewa bana shaci daɗi ne don ban gani a zahiri bane, ƙarar faɗuwar wayar yasa wannan halittar ta juyo inda nake cikin sakan ɗin da bai wuce goma ba na ƙare mata kallo. Ƙaton kai ne da ita kamar ƙwllo,wuya kuma ba kauri sai kace mariƙar lema. Ido guda gareta kuma a tsakiyar kai yake, ƙafafuwanta sun kusan shida ga wani gashi da ya rufe mata jiki wanda ya ƙara maidata abin tsoro. Ganin ta juyo inda nake yasa da sauri na zabura da gudu zan bar ɗakin ai kafin ƙyaftawar ido na ga ta kusa zuwa inda nake ban yi ƙasa a guiwa ba na ƙara azama wajen gudun da nake son yi. Ita ma kokarinta ta zo inda nake don lahanta rayuwata na yi gudu sosai kaɗan ya rage in buɗe ƙofar fita baƙi ɗaya sai kawai na ga kare bakin ƙofar gashi ya buɗe baki da alama jira yake na ƙaraso wajen shima ya illatani. Ganin haka na yi shahada tare da canja waje zuwa makewayin dake ɗakin sai dai me kafin in kai na hango wani mutum mai mugun tsawon da duk iya ganina na kasa ganin ƙarshensa,gashi kayan jikinsa baƙi wuluƙ da dai na rasa yanda zan yi kawai sai na rufe idona ina jiran mai faruwa ta faru. Ban san me ya faru ba sai dai na buɗe ido na ganeni kwance saman gado an ɗaureni da igiyoyi a yanda na ji ana magana wai sati na guda kenan da haukacewa kuma duka nake yi don haka aka ɗaureni yanzu haka mafita nake nema yanda zan faɗa musu cewar ba hauka nake ba.

  Awaiting Reply
• 
  Auwalu Adamu Sabongida Assalamu alaikum Da fatan dukkan jama'ar wannan gida su lafiya? Mun shigo don karuwar Ilimi.

  Awaiting Reply
• 
  Abubakar Saleh (Zamani Writers Ass.) *Baby Khausar Complete Document* _Na Layuza Kabir Adam_ Domin sauke littafin a wayarku Danna Kan hoto ko blue din rubutu dake kasa 👇🏼👇🏼👇🏼 http://www.aihausanovels.com.ng/2021/02/baby-khausar-complete-document.html Like our Facebook page Fb.me/Aihausanovels

  Awaiting Reply
• 
  Rabee'atou A Oumar (Pinky) 🌖 *BAMBANCIN HALITTA* 🌖 ©️℘ıŋƙყ wattpad😛inkylady222 Email😲umarrabiatu@gmail.com 02 *Kyanko* *2001* ƙaton fili ne da ya ke cike maƙil da jama'a, a na ta hayaniya a na maida yadda akai. tsawon lokaci kafin wasu murguza murguzan mutane da babu komai a jikinsu sai 'dan fantare da su ke a k'ugunsu, su ka buɗe ƙatuwar muryar da Allah yai masu su ka fara kwarara ihu da ke shaidawa jama'ar wurin Ambarama ta iso. A take kowanne yaja bakinshi ya rufe suka sunkuya cike da girmamawa har ta ƙaraso ta zauna a kujerar da ta ke ta ƙaton dutse ce aka lanƙwasa sannan akai mata ado. Wurin ya ɗau wani kalar shirun da ko allurar ka ta faɗi zaka iya jin sautin faɗuwarta. Bayan yan daƙiƙu da zaman ta waɗannan margaza-margazan mutanen su ka iso filin jaye da wani tsoho da ke ɗaure da kaca ya na tafiya daƙyar jikin shi duk ya farfashe. A ka Duƙar dashi gaban Ambarama ya sadda kanshi ƙasa Ɗaya da ga cikin mutanen Ambarama ya fara jawabi. "Kamar yadda kuwa ya sani game da zunibin da Ayuroro ya aikata a nahiyar nan da sauran nahiyoyi maƙwabtanmu, wanda sanadiyyar hakan ta jawo ɓarna da sanadiyyar rayuka aruaru ta kuma jaza tarzomar da ba a daɗe da kwantar da ita ba." "..a yanzu bayan shekaru ukku kamar yadda shari'a da doka ta tsara tare kuma da taimakon sarauniya mai girma Abin kwatance Ambarama ta tanada, hukun cin Ayuroro na farko zai hau kan shi." "Lafiya, tsayon rai Ambarw" "lafiya mai girma Ambara" jama'ar wurin ke faɗi cikin amanna da duk wani hukuncin ta. Mutanen ta suka ɗaga hannu akai shiru. Ɗaya da ga jikin su ya taho da wani ƙoƙo ya aje gaban ayuroro. "Dakata!" Ambarama ta faɗi akaron farko ta na kallon Ayuroro da ke niyyar ɗaukar ƙoƙon. Ya tsaya jikin shi na ɓari hawayen shi duk sun bushe. A yanzu bai da sauran hawayen da zasu kuma zubowa kuma, ya riga da yasan abin da zai faru a ƙarshe kenan. Ahalin shi sun zama cutuwa a gareshi, sun jefashi cikin bala'en da bai isa ya fidda kan shi ba. "Ka koma a salin halittarta kafin ɗaukar hukunci." Maganar ta ta katse tunanin shi. Ta na rufe baki ya haɗe hannuwanshi wuri ɗaya tare da girgiza sai ga ƙaton maciji sharɓeɓe ya bayyana. An riga an gama duk wani bayanin da za ai, kowa yasan hukuncin abin da ya aikata. Ya sulala ya kafa kanshi a ƙoƙon ya ruza halshenshi ya surɓe abin da ke ciki. Dandanan ya fara yamutsewa ya na komawa ɗan ƙarami kamar sabon macijin da aka haifa. A cikin jinga jingan nan wasu suka taho da wani abu mai saƙa-saƙa mai shara-sharar da ana hangen abin da ke ciki tamkar gilas, suka aje gaban macijin sannan suka ɗauke shi su ka saka a ciki suka maida marfin suka rufe. Ambarama ta kalli abun wani abu kamar walƙiya ya fito da ga bakin ta ya bugi abun ƙara ta karaɗe wurin har ana toshe kunnuwa. Daga nan sai ta bada umar nin a ɗauke abun ta tashi. Kowa ya watse, wasu fuskarsu da alhini. ***** ****** ***** Ambara na komawa gida ta shige ɗakin ta tare da sallamar masu hidimta mata ta buga ƙara, ihu da kukan baƙin ciki. Ta saka ranta da bayyanar duk gaskiyar da ta ke son sani ga lamarin nan ko dan ta san yadda zata bullowa lamarin ta haɗa iyalanta. A matsayinta na shugaba a yanzu amma ace ba ta da kowa nata bata da jinin da zata kalla ta ji daɗi. Kuka ta ke mai cin rai, kukan kaɗaici. Ta ɗauki lokaci mai tsawo ta na wannan kukan kafin ta gaji ta bari sannan ta bada dokar ba zata ga kowa ba har tsawon kwana bakwai. *Mafarin komai* *1999* Zaune ta ke bisa ƙaton dutse ta zura ƙafafuwanta cikin makeken ruwan da ke wucewa, ta kuma zuba mashi idanuwa a zahiri. A kai-akai ta ke jefa ƙananun duwatsun da ke dumtse a hannunta cikin ruwan. Kusan Sati biyu kenan amma ta kasa mantawa da maganar mahaifiyarta 'maima' _idon ki ya rufe da ganin gaskiyar kalamaina 'Farfar', kin makance da soyayyar da ba zata amfane ki ba._ _ya zama dole kuma ki goyi bayana na mulki *kyanko!*_ ta saka hannu ta gyara gashin kanta da iska ke kaɗowa a fuskarta. Ta sunkuya ta sake dumtso duwatsun saboda ƙarewar da na hannunta sukai. Tunani ta ke son yi, mafita ta ke so. Amma ta yaya? wanda ya ke bata dukkan mafita a yawan lokutta,yanzu matsalar da ga nan ta fito. Jikinta ya bata kallonta ake, dutsen da ta ware za ta jefa ta fasa. "Idan ka ci gaba da tsayuwa a nan, kwarjininka zai iya saka tunani na gushewa" ya tako a hankali cikin tafiyarshi ta cikakkun maza masu jini a jika. Ya saka hannunshi ya tattare gashinta ya maida shi gefen wuyanta. Sannan ya leƙo da kan shi ta ɗayan ɓarin har ta na shakar numfashin shi ya ce "A mabiya kyanko ne kawai challa ke da kwarjini. A wurin ki kuma tamkar jaririn da ki ka haifa ne" ta lumshe idanuwanta ta buɗesu a hankali. Sannan ta kamo hannunshi ya zagayo ya zauna gefen ta. "Sai ki ka zo ke ɗaya, ki ka baro ni ko. mai ya sa?" Ya faɗi sa'ilin da ya sauke jikkar da ke rataye a wuyanshi. "Ha ka kawai yau na riga ka zuwa kafin cikar lokaci" "To shikenan in dai ba laifi na yi ba da sauƙi" ya ɗebo duwatsun ya fara jefawa. Ta kalli yawan ruwan yadda suke tafiya har ba a iya ganin ƙarshe su. Ta ce "Challa" "uhm?" ya amsa ya na kallonta. "Ni ina son na tsallake ruwan nan ina son shiga.." Sai ta ɗan yi shiru ta na tunani "Ya sunan nahiyar?" "Mwagbo" ya bata amsa ya na murmushi. "Yauwa mwagbo.. ina son ganin yadda su ke rayuwarsu. Wai ba irin ta mu ba? addininsu daban?" ya gyaɗa mata kai. "ina son shiga" "kar ki damu babu in da ba zaki zagaya ba ma idan lokaci ya yi _Boidi_ (princess)" Sai ta yi murmushi ta ce "wa ne kalar addini suke?" "kayya dai! Ba ni da ikon gaya maki akan hakan Boidi a yanzu" Ta tsuke fuskarta ta mik'e ta na had'e rai, maganar maima na dawo mata. ' _ke fa ba za ki ta b'a samun cikakken 'yancin da za ki ziyarci dukkan inda kike so ba Matuk'ar mulkin kyanko ba naki ba ne_ ' Ta cije leb'en ta na k'asa ta na jin haushin challa, mo ba komai ai an riga an masu baiko, zuwa yanzu ya ka mata ace tasan duk wani abu da ta ke son sani gane da ko wace nahiya. Ya ruk'o hannunta. Ta juya mashi ba ya ta na k'in kallin shi. "haba Boidin challa, bai kyautu mu samu sab'ani a kan abin da kin riga kin sani ba. Babu wanda ya ke da damar tsallake nahiyarmu ko jin halin da wata nahiya ta ke ciki nusamman mwagbo, sai jinin mulkin kyanko. Ke kuma duka mai ya rage? Da ga munyi aurenmu kin haihu shikenan fa zaki san koma miye. Ki bar damuwar nan kin ji?" Ta gyad'a kai. "yauwa yimun murmushin nan in gani" Ta murmusa ba dan ta so ba. Ta na son challa sosai a gefe d'aya kuma ta fara kwad'ayin abin da mahaifiyarta ke kwad'aita mata gaje kyanko gaba d'aya. Ya jawo jikkar da ya zo da ita ya d'akko k'aton ganyen da ya nad'o gasasshen nama a ciki. K'amshin naman ya bugi hancinta, yawunta ya tsinke ya zarce mak'ogoron ta. Idan akwai abin da ta fi so gasasshen nama ne. Kasancewar a gaba d'aya nayihar babu mai ikon cin naman da aka dafa sai masu mulkin nahiyar, duk kuwa da naman shine abincin su kawai a ko yaushe, hakan kuma bai dame su ba tun da haka tsarin yake haka kowa ya tashi ya ga a nayi. Idan kana da wani had'i da su ko wani a ciki ya baka za ka iya ci amman kai ba ka da damar gasa nama. "mu ci abincin nan kar yai sanyi" Ta matsa kusa da shi ta zauna su ka fara Cin abincin, su na yi yana mata fira har suka gama. Sai da duhu ya fara sannan su ka bar wurin har gida ya raka ta inda ko ina zagaye ya ke da duwatse da su ake zagaye ko ina afidda gida je a cijin gidan ma dasu ake fidda d'akuna. A gaba gudansu sun dad'e suna fira kafin yai nata sallama ya tafi. "ni dai ban ga amfanin soyayyar nan ba farfar" Tai dariya ta zauna kusa da ita. "mama kenan, kin san challa ya na so na sosai Ni ma kuma ina son shi. Bayan nan ana darajamu da girmama mu mama gashi zan shiga gidan shugaba amatsayin suruka, challa zai zama shugaba.." "ke ni rufe mani baki" Ta katse ta. "kibar ganin kamar zaki samu duk ikon da kike tunani. Eh zaki samu sosai amma ba komai ba, idan ki na ganin abin da na ke gaya maki k'arya ne ki jira ki auri challan. Ina nai rantse maki da mahaifinki sai kin yi nadamar k'in bani had'in kai da ki kai" Farfar tai shiru ta na juya maganar mahaifiyarta a ranta. Ita ma maima ba ta ce mata komai ba ta barta tai tunanin da zai fisshesu su duka. Tunanin yai mata yawa ta kasa karkata ga b'angare d'aya sai kawai ta tashi ta shige d'akin da babanta ke had'a magungunan shi. Ya na zaune ya juya baya ya na duba wasu shafukan takardu rubutun ciki mai haske. Ya na dubawa ya na had'a magungunan shi. Tsaye ta yi har ya gama ya rufe maganin acikin k'atuwar kwalba sannan ya juyo ya fuskance ta. "a rayuwa ba komai kake so kake samu ba duk kuwa ga yadda ka so abunnan. Hakuri da yadda tsarin rayuwa ya zo maka shi zai sa ka tayu cikin farinciki da kwanciyar hankali" Ta sadda kanta k'asa ta na murmushi Ta ce "to baba, nagode k'warai" Ya jinjina kai, sanna ya ciga ba da yi mata nasiha mai hannun ka mai sanda ga me da k'udirin da mahaifiyarta ta saka a gaba Wanda ba ya jin hakan mai bulle masu ne su dukan su. **** ***** Challa na tsaye farfar ta shige gida sannan ya juya ga fadarsu. Duk inda ya wuce sai an sunkuya cike da girmamawa har ya isa. Kai tsaye ya shiga falon mahaifiyarshi, idan ta na da uzuri yasan ba zai sameta a falon ba ta na can cikin ƙuryar ɗakin ta. A yanzun ma bai ganta ba sai ya samu wuri ya zauna kafin ta ji alamun zuwanshi ta fito. Ta na zaune ta lanƙwashe ƙafafuwa hannuwanta biyu duk a saman cinyoyin ta ta jirkitasu ta sama, kan ta a duƙu. Gefe da gefenta hayaƙi na tashi a hankali ya na karaɗe ɗakin. Kusan awwnni biyu kenan da zamanta wurin. Ta buɗe idanunta a hankali da sukai kore shar ta ɗaura a kan mijinta da ke ɗan nesa kaɗan da ita, na wani lokaci kafin ta ƙara rufe idon. "Da kyau Amba!" ya faɗi da murmushi kwance a fuskarshi. Ita ma ta mai da mashi martanin murmushi sannan ta miƙe. "Ɗana ya zo ya na jira na" ya gyaɗa mata kai ta fice da ga ɗakin. Inda ta adana mashi abincin shi ta nufa ta fara ɗakko mashi ta aje a gaban shi sannan ita ma ta zauna. Ya taso ta shafa kanshi sanna ya koma ya zauna. Ta buɗe gasashshen nama da kayan marmari ta tura a gabanshi. Duk da ta san ya ci abinci, asalima ita ke haɗa mashi abincin ya tafi da shi duk idan zai tafi bakin ruwa, hakan ba zai hana ya na dawowa ta umarce shi da cin wani ba. A kwai soyayya sosai a tsakanin ɗa da uwar. ****** ********

  Awaiting Reply
• 
  Ameera Garba Rabbana ateena fiddunya hasanatan wafeel akheerati hasanatan waqna azabannarrr! 👏👏👏

  Awaiting Reply