Mambobi

• 
  Rahmatu Lawan Assalam alaikum Barka da Jumma’a ‘yanuwa! Allah Ya sadamu da alkhairan da ke cikinta.
• 
  Lawan Dalha https://youtu.be/r5R6JrEC7EY
• 
  Mohammed Sani Hassan Karki Ɗaurawa Saurayinki Nauyi Kamar Mijinki, In Kuma Kina Haka Wata Rana Shima Zai Tambayeki Abu Kamar Matarsa. Shawarace Yan Mata .
• 
  Rahma kabir *KAƊAICI* © *Rahma Kabir* *Wattpad😗@rahmakabir *_Page 15 ~ 16_* Ta ciro abin da ke cikin jakan sai taga paper guda d'aya da certificate, a lokacin yaya Aliyu yana magana da Umma, salati a tsorace suka ji Anty Jidda ta saki, jikinta na rawa ta mik'e tana fad'in. "Baban Sadiq kalla ka gani sak'o ne Zainab ta aiko da shi" Cikin hanzari ya karb'a, abin da ya gani shima ya girgiza shi, zufa ne yaji yana keto masa, bugun zuciyarsa ya k'aru. "Anya wannan sakon Zainab ta yi shi kuwa? muga dai dayan paper" Ta mik'a masa ya amsa ya fara karanta wasik'ar da k'arfi su Umma suna saurare,  Umma ta kagara akai karshen labarin dan ta tambayesu akan shin anya Zainab ce kuwa? kan ya gama karantawa zufa ya lullub'eshi, Anty Jidda kuwa kuka ta fara yi, Umma kuma saboda tsabar bak'in ciki ta kasa magana sai kukan zuci. Duk suka zauna jugum-jugum kamar anyi musu mutuwa, suna cikin wannan halin ne sai ga Baffa ya shigo, ganin su da ya yi cikin wannan yanayi sai ya shiga tambayarsu. "Lafiya na ganku a haka?" "Lafiya lau Baffa zauna tukunna" Cewar yaya Aliyu, Baffa ya saki guri ya zauna, nan take Yaya Aliyu ya shiga karanta masa sak'on Zainab, bayan ya gama ya nuna masa certificate d'in auren nata, Baffa yaji kansa ya sara zufa na keto masa, ya shiga jero salati yana ta'ajibin lamarin, sai a lokacin Umma ta samu halin yin kuka mara sauti kamar anyi mutuwa, basu tab'a tsammanin haka daga Zainab ba. Yaya Aliyu ya kira Ismail ya fara sanar masa abin da ke faruwa, shima salatin ya yi ya ce gasu nan zuwa sai ya kwashe wayar. Ya kuma kiran Al'amin ya shai da masa, kana ya kira Binta ita ma ya fada mata, dukansu sunyi mamakin lamarin mai cike da tsantsar damuwa. ******** *A KANO* Nuhu da kansa yaje ya kai sakon Khalil, ya bama wani yaro ya kai cikin gidan su Khalil d'in, kan yaro ya fito ya shiga mota ya juyo zuwa Zaria. Baba Husain yana zaune a baranda shi da Inna suna hira, da yake ya tashi da ciwon kai shiyasa bai samu zuwa kasuwa ba, yaron ya shiga da sallama ya gaishe su kana ya mik'a masa sak'on da Nuhu ya ba shi. "Gashi wani mutum ya bani a waje wai Khalil ya ce a kawo maka" Baba ya amsa. "Sannu yaro mu je daga ko waye ya aiko" Ko da suka fita ba alamar mutum a wajen, sai zanen tayar mota wanda ya nuna mota ta tsaya a gun, Baba ya sallami yaron, ya shiga gida cike da mamaki yana labartawa Inna, ya zauna ya bude jakar ya ciro abin da ke ciki ya bud'e wasikar ya shiga karantawa a fili Inna tana saurarensa, mamaki ne ya bayyana a fuskansu har ya gama karantawa, salati suka shiga yi Inna harda tafa hannu tana rik'e hab'a, murmushi ya yi ya girgiza kai. "Ka haifi da baka haifi halinka ba yaran zamani kenan, ban tab'a tunanin haka daga gareka ba Khalil" "Ai Malam ya ga dan bamu muka haife shi ba shiyasa" "A'a karki ce haka, yau ko da Hassan na raye da Halima tabbas haka zai yi, bana zargin dan bamu muka haife shi ba, kawai dai son zuciya ne da kuma kuruciya" Inna ta yi murmushin takaici. "Shiyasa ya karb'i kud'i da yawa a she ga abin da zai aikata, ni dama na yi mamakin kud'in da ya tambayeka, na ce wani irin karatu ne haka mai cin kud'i, a she da walakin goro a miya" Nan dai suka cigaba da tattaunawa cike da alhini, Baba hassan ya mik'e ya ce zai je ya sanar da Mahaifiyarsu halin da ake ciki. ******* *KADUNA* Bayan sallah la'asar falon gidan cike yake da wannan dangi, na nesa duk sun zo, Baffa ne ya umarci Yaya Aliyu daya karanto sak'on da Zainab ta yi, cikin nutsuwa ya fara karantowa, tun kan ya gama falon ya hargitse da salati, Anty Binta sai kuka ita da Anty Ameena, ya nuna musu certificate d'in aure wanda hakan yasa dole suka gasgata lamarin. Shuru ne ya ratsa falon na tsawon minti biyar sai karar fanka ke tashi. Yaya Al'amin ne ya barke da kuka yana fad'an. "Haba Zainab da nasan zaki iya aikata haka dana hakura kin aure shi, yanzu kin kyautata mana kenan kin rabu da danginki kin kama namiji da baki san asalinsa ba..." Kukan ne ya sirk'e shi ya kasa karasa maganar, yaya Ismail kuwa ya fara masifa kamar zai ari baki ya tsine maya, nan dai Abba Iro ya ce ya yi shuru ba lokacin fad'a bane tunda ta riga ta aikata, ya cigaba da cewa. "Yanzu abin da za ayi kai Aliyu da Ismail da kai Al'amin Ku tashi kuje Zaria Ku bincika cikin makarantar, tunda an kira wayarta a kashe sai...." Bai k'arasa maganar ba Baffa ya katse shi da cewa. "Malam Sani ai ko sunje ba zasu gansu ba a yanzu dan sun gama jarabawa, ina ganin muyi hakuri mu amshi k'addarar daya samemu, sai mu d'aura da yi mata Addu'a, Allah ya shirye su gaba d'aya, yasa su gane sun tafka kuskure" "Hakane, ka kawo shawara mai kyau zamu sanya ta a Addu'a Allah ya mai do da hankalinta gida, a ganina kamar da asiri a cikin lamarin kamar yaron nan bai barta haka ba" Cewar Abba Iro. "Yaya Iro son zuciya ce kawai, amma bana tsammanin da asiri, ai jiki magayi" Cewar Umma. Yaya Ismail ne ya gyaran murya ya ce. "Baffa ni kam ba zan barshi ba wallahi sai ya san ya aikata mana haka" "Ismail meye na d'aukar zafi? ai kar kaga laifin yaron, ance nake shi ke bada kai, dan haka laifin na gun 'yar uwarka, daga yau na rufe wannan maganar kowa ya cigaba da al'amuransa" Nan dai suka cigaba da tattaunawa, daga k'arshe suka rufe taron da Addu'a. Tun daga wannan rana suka bar zancen Zainab kowa ya cigaba da harkansa, Anty Jidda da Umma suke wayan kiranta a waya basa damu, sunyi har sun gaji sun hakura sai lokaci lokaci suke nimanta ko zasu dace. Wannan zuri'a Haka suke kwana su tashi cikin wannan bak'in ciki. Al'amin har rashin lafiya ya yi haka dai ya gama jinya ya warke amma sonta yana nan a zuciyarsa. ******** Su Zainab sun angwance cikin damuwa da fargaba, Khalil mutum ne mai barkwanci da hakane ya samu har Zainab ta saki jiki da shi, sai dai in ta tuna da 'yan uwanta sai ta yi kuka mai isarta daga karshe ta yi hakuri dan kanta. Rayuwar kad'aici har ya bi jikinsu, duk lokacin da suka yi hutun makaranta basa iya zuwa gida a nan gidansu suke hutunsu har ya k'are su koma, sai dai suna waya da 'yan uwansu. Haka suka cigaba da rayuwa da dad'i ba dad'i har tsawon wani lokaci. ******      ****** *BAYAN SHEKARA D'AYA* Lokacin Zainab tana da tsohon ciki haihuwa yau ko gobe, tana zaune a d'akinta da yake sunyi hutun makaranta, wayarta ne ta soma ringing bugu biyu ta d'auka Anty Jidda ce ta kirata, ta sanar mata da haihuwar Anty Ameena ta samu d'iya mace ranar labaraba, hawaye taji yana gangaro mata, ta fara shasshekar kuka, Anty Jidda ta ce. "Dad'i na dake in an kira ki a waya sai kin wa mutum kuka, ni dai ki yi hakuri insha Allah nan da kwana biyu zamu je Kano" "Shi kenan Anty in kunje ki gaidata" "Zata ji insha Allah, ya naki jikin?" "Da sauki, k'afa ta ce dai ta kunbura" "To Allah ya kara sauki ya rabaku lafiya" "Ameen nagode" Sai suka yi sallama. Nan take Zainab ta kira Umma ta gaisheta ta yi mata barka, haka ta kuma kiran ita Anty Ameena ta yi mata barka. A ranar suna yarinya taci sunan Nana Khadija, haka suka ci suna suka gama babu Zainab, a ranar taci kukan kewar 'yan uwanta, ta san da tana gida da da ita za'a yi wannan suna, da kyar Khalil ya lallasheta. ****** Ranar Juma'a da misalin k'arfe tara na dare ta fara nak'uda gadan-gadan, cikin tashin hankali Khalil ya d'auketa sai asibiti, nan suka kaita d'akin haihuwa da misalin sha d'ayan dare ta haifo 'yarta mace kyakkyawa mai kama da ita, Khalil ba k'aramar murna ya yi ba. Haka suka kwana a asibiti, da sassafe Zainab ta kira Anty Jidda ta gaya mata cike da murna taje ta sanarwasu Umma, ba yabo ba fallasa haka dai suka ce Allah ya raya, Anty Jidda hakan bai mata dad'i ba jiki a sab'ule tabar falon, haka ta shiga kiran dangi tana sanar musu, kowa dai da irin yadda ya nuna murnarsa, wasu sunyi Addu'a wasu ko ajikinsu. Anty Ameena ce da Anty Binta ne kawai suka danyi murna sosai da Inna Kulu. Umma ta kira Zainab ta ce ta shirya kayanta gasu Anty Jidda nan a kan hanya zasu dawo da ita gida, ba musu ta aminci. Khalil haka bai masa dad'i ba amma amma yadda suka nuna kamar sun hakura ne, bai mai dasu gida ba ya barsu a asibiti, yaje gida ya had'a mata kayanta dana Baby ya kwaso su, ya kawo asibiti dan yasan da wuya suce zasu gidan lsu. Ya kira gida ya sanar da su Baba Husain, sun yi murna suma ba yabo ba fallasa sannan suka yiwa yarinya Addu'a. Da misalin k'arfe goma na safe su Anty Binta sun iso, Khalil ya yi musu iso har d'akin da Zainab take, yaji dad'in yanda suka amsa masa gaisuwarsa, nan suka had'a kayanta driver ya sanya a mota, Zainab sai murna take yi yau taga 'yan uwanta, Khalil ya amsa yarinyar ya yi mata hud'uba da suna *ASMA'UL USNAH*, hakan ba k'aramin dad'i Zainab taji ba, bata yi tsammanin zai sanya sunsn Mahaifiyarta ba, haka ta bangaren su Anty Jidda sunyi farin ciki sosai, a iya yau da suka ga Khalil sunji sun aminta da shi a yadda suka ga yana bama Zainab kulawa cikin so da kauna. Haka ya ciro kud'i dubu saba'in ya bawa Anty Jidda ya ce. "Dubu talatin na ragon suna su siya a can, a bawa Zainab dubu sha biyar na hidimar da zata yi, dubu Ashirin da biyar kuma a siya kayan abinci na taron suna" Daga Anty Jidda har Anty Binta sunyi matuk'ar mamaki, nan take suka ji suna son Khalil. Cikin farin ciki da annashuwa suka kama haryar Kaduna, Zainab har kuka Sai da ta yi saboda bata son ta yi nesa da Khalil, haka shima sai da ya fidda kwalla saboda damuwar rabuwa da matarsa. Cikin farin ciki suka isa Kaduna, nan da nan dangi suka cika gida anzo ganin Zainab da 'yarta, yadda suka ganta cikin kyawun kamala sai duk suka mai da gulmarsu. Umma ba k'aramin farin ciki ta yi ba yadda su Anty Jidda suka bata labarin Khalil. Ba su k'ara cinkewa da lamarin ba sai ranar suna da su Yaya Ismail suka tambaye ta sunan yarinya, sai ta ce musu sunan Umma ce *Asma'u*. Abin ya basu mamaki amma sai suka basar, tunda duk cikinsu ba wanda ya yiwa Umma karan sanya sunanta. Umma ko a ranar dariya da murna take yi kamar gonar auduga. Anyi suna an watse kowa cike da mamakin yaada aka kashe kud'i a wajen sunan, anyi taro kamar dama anyi murna da bikin nata. *******      ******* *Bayan sati biyu* Khalil shi da Nuhu suka shirya zuwa Kaduna Dan ganin Husna, cike da fargaba da tunanin yanda za a karb'esu suke har suka isa gidan. Suka yi parking a waje, sun gaisa da mai gadi suka shaida masa kansu, ya shiga ciki ya sanar dasu Umma, nan take Umma ta kira Baffa a waya ta shaida masa zuwan su Khalil d'in, ya yi mata umarnin da Zainab ta fita waje can su gaisa yaga 'yarsa amma karsu kuskura su shiga masa cikin gida. Cikin rashin jin dad'i Umma ta sanar da Zainab abin da Baffanta ya ce, cikin damuwa ta mik'e ta fita can kofar gidan rik'e da Husna a hannunta, suka gaisa cikin nutsuwa kana Zainab ta ba su hakuri bisa rashin shigar dasu cikin gidan, ta shaida musu umarni ne daga Baffa. Basu wani damuba saboda dana sunyi tunanin hakan, farin ciki su ma sun samu ganinta. Nan suka karb'i Husna suka koma cikin mota suka zauna Zainab na tsaye daga gefen mota suna hira sosai, suna cikin haka ne Baffa ya dawo da sauri su Khalil suka fito suka je wurin motar Baffa sun risina suna gaishe shi ko kallon inda suke bai yi ba balle yasan suna gurin, mai gadi ya bud'e masa k'ofa ya shiga cikin gidan da sauri ya bud'e su da hayak'in mota, jiki ba k'arfi suka tashi suka koma cikin mota Khalil ya ciro kud'i masu dan kauri ya bawa Zainab kana suka yiwa nuna sallama suka wuce. Zainab hawaye taji yana saukar mata a kuncinta ta share tare da girgiza kai ta shiga cikin gida. Baffa ta samu a cikin falon gidan yana kai kawo, Umma na zaune kan kujera ta zabga tagumi, yadda ta gansu sai jikinta ya yi sanyi. Dago ido Baffa ya yi rai bace cikin masifa ya ce. "Mai ya kawo wannan 'yan iskan gidana? bana gargad'e ki akan kar naga k'afarsu a gidan nan ba, to bari kiji yadda na tsanesu haka na tsani mutuwa ta, dan haka ai kin isa da kanki, maza ki had'a kayanki ki koma inda kika fito tunda munyi miki gatan da ya kamata muyi miki kuma kin gama wanka karashe ne dama" Kuka ta fara yi tana ba shi hakuri amma fir yak'i, Umma na zaune ta kasa cewa komai saboda ita ya fara zazzagawa masifar dan ta ba shi hakuri dole yasa ta k'i cewa komai. Tsawa ya daka mata mai k'arfi wanda sai da hanjin cikinta ya kad'a, hatta Husna dake barci sai da ta farko da gigitaccen kuka, jikin ta na rawa ta shiga d'akinta. Waya ta d'auka ta shiga kiran Khalil, bugu d'aya ya d'auka cikin kuka sosai take masa magana, hankalinsa ya yi matuk'ar tashi ya fara tambayar ta ko lafiya? Cikin kukan ta gaya masa abin da take ciki, katse wayar ya yi ya juya cikin Kunar zuciya ya cewa Nuhu daya juya kan motar zuwa gidan su Zainab, cike da damuwa Nuhu ya juya wanda a lokacin sun kusa fita cikin garin Kaduna, Khalil ya gaya masa halin da ake ciki, haka suka koma jugum jugum kamar anyi musu mutuwa. Ko da suka isa sun sameta a waje ta fito da kayanta duka, Husna tana bayanta, Anty Jidda ce a gefen ta tana bata hakuri da maganganu masu dad'i, sun gaida da Anty Jidda kana suka sanya kayan a mota, Zainab ta shiga gida ta yi sallama da Umma. Umma ta yi mata nasiha da Addu'a da kuma shawarwari a kan yadda zata kula da kanta da 'yarta, da kuka suka rabu sannan ta fito ta shiga mota sai Zaria. Haka rayuwa ya cigaba da guda na da dad'i ba dad'i har tsawon wani lokaci... ****** Husna na da shekara d'aya wanda a lokacin tana tafiya har Zainab ta yaye ta saboda karatu, Khalil ya samo mata wata tsohuwa tana taya ta kula da Husba yana biyanta, lokacin shi kuma ya kammala karatunsa an turashi service a garin Gombe, ba yadda ya so ba dole ya tafi ya barsu, Zainab ta masha masa zata koma cikin makaranta saboda karatunsu ya yi zafi dan tana matakin Karshe, haka ya barta ta koma tare da duk kayan da take buk'ata ba yadda yaso ba, sai ya rufe gidan nasu. ***** Kwanci tashi ba wuya a wurin Allah Khalil ya kammala service d'insa wanda a dai-dai wannan lokacin Zainab sun kammala exam na k'arshe har sun gama project da komai, jiran sakamako suke tare da shirin zuwa service. Khalil ya koma Kano ya gyara gidansa na gado wanda iyayensa suka bar masa da niyyar zai sanya Zainab a ciki su cigaba da rayuwa. Kwatsam sai ga Yaya Aliyu da Anty Binta da kuma Anty Jidda sun zo cikin makarantar da babbar mota na kwashe kaya, dama suna waya da ita sun san ta gama karatun gaba d'aya, Baffa ne ya aiko su dasu tafi da ita. Zainab ta yi farin ciki sosai da ganinsu amma da taji sakon Baffa sai ta fara kuka ita sam ba zata bisu ba, su barta da mijinta tunda ai Baffa da kansa ne ya koreta. Nan su Anty Jidda suka shiga lallashinta da yake Yaya Aliyu yana jiransu a waje bai san wainar da suke toyawa ba, da kyar suka shawo kanta ta yarda amma da sharad'in sai mijinta ya yarda. Nan suka amince da batunta ko a zuciyarsu sun san Khalil ba zai ki ta tafi gida ba, tana kiransa bugu d'aya ya d'auka ta shaida masa abin da ke faruwa, cikin damuwa ya amince ba yadda zai yi dan yana kyautata zaton da wuya iyayenta basu raba musu auren ba, cikin rashin jin dad'i dukansu suka yi sallama. Nan ta shaida musu ya amince, ba tare da bata lokaci ba suka kwashe mata kayanta duka sannan suka kama hanyan Kaduna. A gida Baffa yasa an gyara mata d'akinta, ko da suka isa a nan suka dire mata kayanta, taga tarba mai kyau fiye da zuwanta lokacin data haihu, kowa ya sakin mata fuska a nata haba-haba da ita, hatta Husna kowa yana sonta saboda akwaita da surutu da kuma wayau dan lokacin tana da shekara biyu da watanni. Bayan wata biyu da zuwanta gida ta fara service d'inta a Kaduna wanda da taimakon su Yaya Ismail ne ta samu a nan saboda basu son ta yi nesa da gida. Hakan ya sanya ta farin ciki, sai dai inta tuna da mijinta tana kewarsa cike da burin son ganinsa, sauk'in ta a kullun suna waya, wanda a lokacin ya samu aiki a wani banki a nan cikin Kano yana ta gudanar da aikinsa cikin lumana da kewar matarsa. ****** Bayan shekara d'aya Zainab da Khalil basu sanya juna a ido ba yana son zuwa amma yana shakkar abin da 'yan uwanta za suyi masa, sai dai duk k'arshen wata yana turo mata kud'i ta account tare da aika mata surutu dana Husna. Husna ta kara wayo da magana sosai wanda a lokacin Zainab ta fara yiwa Khalil maganar a sanya ta a makaranta, sai dai ya ce ta kara hakuri ta bari sai ya zo tukunna sai suyi maganar. A wata ranar Azabar Khalil ya kira Zainab ya shaida mata gashi nan zuwa, farin cikin a gunta baya misaltuwa a wannan rana, ta shiga kicin ta soma girke-girke na tarbansa mai aikinsu tana taya ta, Anty Jidda harda mata tsiya, dan tun dawowarta ba wanda ya koma damuwa da zancen mijinta hakan ne yasa ta saki jiki take ganin duk sun huce akan fushin da suka d'auka a kansu, dan duk suna d'aukar Husna harma su fita da ita don suyi mata siyayya, suna nuna mata kulawa da soyayya. Khalil ya kira Nuhu danya rakashi zuwa kaduna amma ya shaida masa baya gari yana Bauchi, da yake can ya koma ya samu aiki a wani company. Khalil bai ji dadi ba haka dai ya tunkari Kaduna shi kad'ai cike da fargaba da damuwa. Ko da ya isa, Zainab ta fito suka gaisa cike da farin cikin ganin junansu tare da tsantsan kauna mai cike da kewa, tace ya jirata a waje zata dawo, Khalil dai cike yake da fargaba a ganinsa kila ma yau Baffa ya hana ta shiga da shi cikin gidan. Bayan mintuna sai gata rik'e da Husna a hannunta ta mata kwalliya ta sanya mata kaya 'yan kanti riga da dogon wando, ga kitso da aka yi mata wanda yasha bit da yake Husnah akwai suma, da sauri ya amsheta cike da farin ciki wanda har hak'oransa sai da suka bayyana dan murna, ya shiga yi mata wasa amma taki sakin jiki, amma daya bata sweet tuni ta saki jiki yana mata wasa har da kyalkyata dariya. *Rahma ce*
• 
  Ummyter Abdallah Assalamu alaikum warahmatullah wa barakatuhu Ƴan'uwa barkarmu da wannan lokaci da fatar Allah Ya datar da mu da alkhairan wannan rana. Muhimmin saƙo daga yan'uwanku hazikan marubutan nan na yanar gizo *Real Nana Aicha, Hauwa'u Salihu (Haupha) da Rukayya Ibrahim Lawal (Ummu Inteesar)* zuwa ga makaranta Hausa novels. Albishirinku ƴan'uwa da abokan arziƙi, wadannan marubuta sun zo muku da wani ƙayataccen shiri mai taken *Kaci-ci-kaci-ci*? Shiri ne da zai baku damar amsa tambayoyi a ƙalla guda goma ko ƙasa da hakan. Kuma shiri ne da zai zo muku a manhajar Bakandamiya. Hallau manhajar Bakandamiya ta tanadar da tukuici ga duk waɗanda suka shiga wannan gasar ta Kaci-ci-kaci-ci kuma suka yi nasara wato suka samu damar amsa tambayoyi fiye da rabi cikin tambayoyin. Tukuicin kaci-ci-kaci-cin shi ne dubu uku a kowanne sati. Na san da yawa daga cikinku za su tambaya shin mecece manhajar *Bakandamiya*? Ta ya ake amfani da ita? Kuma a ina za a gabatar da shirin? To ku kwantar da hankalinku. Manhajar *Bakandamiya* dai: dandali ne na musayar basira tare da tallata hajojinku. Sannan kuma ana ƙaruwa ta fannin addini, karatun littafan hausa na manyan Marubuta, ana koyar da girki da kuma lemuka duk a kyauta ne kuma ake koyarwa. Manhajar bakandamiya tana da sauƙin amfani matuƙar ka kwantar da hankalinka, kuma a can ne dai za a gabatar da wannan ƙayataccen shirin na *Kaci-ci-kaci-ci* Muhimmin abu: Abu na farko da za ka/za ki yi shi ne ki/ka je play store ki yi searching manhajar *Bakandamiya*, za ki ganta tana ɗauke da ƙatuwar *B* green shi ne logon manhajar. Idan kuka sauke ta sai ku cike duk abin da ya kamata shikenan sai na ce mu haɗe daku a can yan uwa. Waɗanda ba su iya saukewa ba su tuntuɓi lambobin da suke ƙasa sai mu tura maku ita manhajar da izinin Allah. Kada ku manta sunan shirin *Kaci-ci-kaci-ci* shiri ne da manhajar bakandamiya ta ɗauki nauyi kawo maku. Shirin zai dinga zuwa maku a duk ranar Lahadi ta kowanne mako insha'allah. Ka da ku sake a baku labari. Domin ƙarin bayani sai ku tuntuɓe mu ta wannan lambobin da suke ƙasa + 22784506476 +2348109634202
• 
  Jannat Qurratul-ayn BAHAGUWAR RAYUWA. Na QURRATUL-AYN. FITA TA SHA UKU. Wattpad@JannatQurratulayn.   KANO. Kwana uku a jere kullum Mai gidan kudi sai ya zo Ladi ta aiketa kai kaya a leda wanda Shatu bata taba sanin abin da yake ciki ba.    Yau ma kamar kullum yazo a bakar motarsa, lokacin rumfar ta cika dankam har da Ya'u da abokansa, Ladi ta baiwa Shatu leda viva takai masa, kasancewar abin ya fara zame mata jiki bata ko damuwa, ta fi ce daga rumfar tare da kai masa yauma haka ya miko mata rafar kudin ta sanya  hannu takarba tare da godiya, da alamu sauri taye yi bai tsaya batun janta da hira ba yaja motarsa yabar wajen Shatu ta kamo hanya ta dawo cikin rumfar, tare da cigaba da harkokin gabanta. Can ta dubi Bilkisu da fadin. "Wai ina Furaira ne? Yau kwana uku ban kuma sanyata a idona ba?". "Tun yaushe Ladi ta mayar da ita daya gidan abincinta". Takai maganar tana mai yatsina fuskarta, kafin ta matso kusa da Shatu sosai tana fadin. "Saboda ganin kusancin da ke tsakaninku ya sanya ta kaita can gidan, bansan wanda ya kai mata tsegumin ba". Shatu bata sake tanka komai ba ta yi shiru, tana nazarin maganar Bilkisu. 'kenan tafi so kowa ya yi rayuwarsa shi kadai? Ko ni ce take yi wa haka? Babu komai zan yi biyayya a komai ma domin taimakona take yi'. Daga haka ta yanke tunanin nata tare da mikewa ta cigaba da harkokin gabanta, amma duk da hakan zancen Furaira na cinta a rai sosai, ta so a ce taga fuskar Mai gidan kudi ko da sau daya ne a rayuwarta. Duk wannan shige da ficen da take ta yi Ya'u na nan zaune bai tafi ba, har yamma likis abin ya bata mamaki matuka, ta karaso gareshi da fadin. "Lafiya kake yau Ya'u?". "Lafiya kalau, me kika gani?". "Gani na yi har tsayin wannan lokacin kana zaune, abin da ban taba ganin yi ba". Shiru ya yi tsayin lokaci kansa a kasa yana nazari, kafin ya dago ya dubeta da fadin. "Magana nake son yi dake". Shatu ta janyo daya daga cikin kujerun wajen mafi kusa da ita ta zauna, tana mai fadin. "Ina jinka, Allah yasa dai lafiya?". "Lafiya kalau insha Allah, tambaya ce dama kawai zan yi a gareki, mene ke tsakaninki da wancan mutumin?". "Wanne mutumi kuma?". "Wanda kike kaiwa sako kullum". "Ohh Mai gidan kudi ! Babu abin da yake tsakanina da shi, Ladi ke aike na kai masa sako kawai". "Amma yake baki kudi masu yawa, alhalin babu abin da yake tsakaninmu?". "Gaskiya babu komai a tsakaninmu, farko da ya bani bana karba Ladi ta ce na dinga karba ina kawo mata". Ya'u ya yi shiru yana nazarin maganganunta, itama shirun ta yi tana sauraron abin da zai ce kuma. "Shatu ko kusa zamanki anan bai da ce ba, sai dai ban sani ba ko kema a shirye kike domin zubar da kima da mutuncinki?". "Ko kusa Ya'u ban baro gida da dangina akan yawon duniya ba,sai dan gujewa abin da gobe zata haifar, amma duk da hakan bana fatan nabi wata hanya wacce bata da ce ba". "To sarkin iyayi ! Itama ka zo ka hure mata kunnen ne, Ya'u ka dainamin irin haka, sai ka zama wani mummuni kamar kai din na kwarai ne, sau nawa nake jin labarin kana ziyarta 'yan matan Tudun hayi can gidana, amma ka zo nan kana wani kumbura da iskar banza". Shatu tuni ta mike tsaye tun farkon fara maganar Ladi tana raba ido cike da tsoron abin da zai faru, Ladi ta watsa mata wani irin kallo wanda bata taba yi wa Shatu shi ba tana fadin. "Wu ce ki bani guri, kullum Ina rabaki da shi amma kema kuma kamar bakar mayya kina like da shi". Sum-sum Shatu ta wuce kamar tsohuwar munafuka tabar wajen yayin da hadarin idanuwanta ya fara kokarin zubar da ruwa, da sauri ta shanye su domin bata so ko da wasa wani ya yi gigin maimaicin tambayar wacece ita?. Cike da fushi Ya'u ya kalli Ladi da fadin. "Ni kinsan karyar kike ki ce ina kula wadancan kazaman 'yan barikin naki, na wuce ajin kula irinsu, Shatu kuma da kike maganar ta rabu dani ko ta futa daga harkata? To ba ita ke bina ba nike binta, kuma ki kuka da kanki akan abin da zai biyo ba baya idan har kika yi sanadiyyar lalacewar rayuwar yarinyar nan ba zaki taba ganin da kyau ba wallahi, rumfarki kuma sai kin kara ganina daga yau sannan zaki sake samun damar wulakanta ni". Yana Kai wa karshen maganarsa ya fi ce daga cikin rumfar a fusace kana ganinsa kansan ba lafiya ba, Shatu da ke labe tana ganin dramar da suke yi ta sanya takai hannu kan fuskarta tare tasharce ruwan hawayen da ya zubo mata, cikin ranta tana ji kamar tabi bayan Ya'u. 'To amma idan ta bishi ina zai kai ta?'. Dago kai ta yi suka yi ido biyu da Ladi ta yi saurin mayar da kan nata kasa, Ladi ta karaso da fadin. "Kuka kike akan wannan Bagidajen yaron?". "Aa ba kuka nake yi ba". "Ga idanuwanki nan sun nuna kuwa, akul dinki daga zubarwa irin wadannan kucakan yaran ruwan hawayenki su tafi a banza, zamani ya canja kudi ake yi wa kuka ba takauci ba yarinya, ke da Mai gidan kudi ya ganki ya gyasa mai zai dame ki, maza share hawayenki, domin yauma da wuri zan tashi daga nan saboda zaki yi bako dole na yi miki shirin da ya dace wanda Mai gidan kudi zai gigice da ganinki ya jima bai kuma kallon fuskar wata 'ya mace ma, muga fuskarki?". Ta sanya hannu tare da dago fuskar Shatu tadan yatsina fuska kafin ta ce. "Dole ne na kaiki wankin jiki gaskiya, tun da kika zubar da ruwan hawayenki a banza". Daga haka suka hau tattara kayay-yankin domin tashi daga rumfar, ta kulle shagonta kai tsaye suka tari keke napep, domin tun Shatu na tsoro da kauyencin hawansa yanzu harta saba, kai tsaye shagon BJay suka nufa domin gyaran Shatu, suna tafe tana kara wayar wa da Shatu kai akan Mai gidan kudi, Shatu ta dubeta bayan ta yi shiru tana fadin. "Wai ina Furaira ne?". Ladi ta yi banza da ita, har sai da ta sake maimaita maganar a karo na biyu kafin ta bata da amsa cikin fada. "Ki rabu dani ga zancen yarinyar nan kafin mu bata da ke". Sai bayan ta bata amsa ta ga bata kyauta ba, ta juyo tana mai dafa kan Shatu da fadin. "Na turata neman kudi, karki damu zata dawo nan da kwana biyu kin ji?". Shatu ta gyada kai alamun gamsuwa da maganarta, shiru suka yi dukkansu , yayin da mai napep ya yi parking bakin gate, suka fito Ladi ta mika masa kudinsa tana mai jan hannun Shatu suka shiga cikin wajen, nan fa kallo ya komawa Shatu sama, baki daya ta kasa boye kauyencinta, duk yanda Ladi ta so ka da a fahimci da bakauya ta zo hakan bai yiyu ba, tana kallon wasu 'yan mata suna aikin yi wa Shatu dariya, ita bama tasan suna yi ba baki daya hankainta yana ga kallon zubi na tsaruwar wajen. Sai bayan Sallar isha'i sannan aka gama shirya Shatu, sosai kyawun da bata taba sanin tana da shi ba ya bayyana a gareta, Ladi da sauran ragowar mutanen da suka yi saura sunata yaba tsarin zubin kwalliyarta, saboda dukkan kyawunta dake boye yau ya bayyana a fili, nan ta ca ke wa Bjay kudin make-up suka yi sallama tare da fitowa suka tari napep sai kasuwar sabon gari inda gidan Ladi yake. Suna shiga gida ta dauko wata doguwar riga 'yar ubansu baka ce, wacce ta sha zubi da adon duwatsu farare masu kyalli sai sheki take yi, sai da ta taimawa Shatu kafin a ce rigar ta zauna daidai a jikinta kamar dama dominta aka yi kayan, Shatu dai dukkan wani motsi da yunkurinta tana yinsa ne jiki a sabule tuni ta gama sarewa da al'amarin Ladi tsoro na darsuwa a kasan ranta, tana jin faduwar gaba na ziyartarta lokaci zuwa lokaci tana yin karfin halin dannewa kawai domin bata son Ladin ta fahimce ta. Sun shafe tsayin wasu awannin ana faman shige da ficen shiryawa, kafin ta zaunar da Shatu kan daya daga cikin kujerun dakinta tana neman layin Mai gidan kudi domin sanar masa ta kamala shiryawa, shiru kake ji har wajen sha dayan dare Shatu na jin bacci amma Ladi ta hanata yi, can sai ga karar tsayuwar motarsa a kofar gidan, Ladi ta janyo wani flat din takalmi shima bakin ta bata ta sanya tana fadin. "Kin hadu fa Shatu, kamar Mai gidan kudi yasan kayan nan dole su yi miki kyau, dadina da shi iya zabar colour wallahi". Ta fada taha jujjuya Shatu, ta saketa a daidai santa wayarta ta yi kara. "Ga munan fitowa". Ta fada tare da katse kiran, ta dauki mayafin rigar dan siriri da shi mai zubin selver ta yafa mata a saman kanta, kasancewar an daure gashinta waje guda gwanin ban saha'awa, ta kamo hannunta suka fito zuwa kofar gida. Tun kafin fitowarsu tuni ya gama tattara hankali da tunaninsa bakin kofar gidan, ko da suka fito akan idonsa suke, sosai yarinyar ta tafi da nutsuwar tunaninsa, da sallama Ladi ta karaso gareshi suka gaisa tana fadin. "Yau dai ga sabuwar tsintuwartaka nan". Dariya ya yi, duk da cewar basa ganin fuskarsa saboda har tsayin wannan lokacin bai fito daga motar ba, a hanki ya furta. "Sadakata zaki ce, wannan ai kyauta ce daga Allah". Suka yi dariya a tare inka dauke Shatu dake ta aikin kalle-kalle tana waige, kome take nema ? Ladi ta kamota tana fadin. "Shiga mota ku tafi, Alhaji sai na ji alert din karshe". "A haba ! Ai wannan babu alert din karshenta, sai kin gaji da karbar alert kin ce ya isa, domin kin kawomin irin yarinyar dana jima ina nema". Ladi ta kwashe da mahaukaciyar dariya, tana niyar bude mota domin sanya Shatu a ciki, Allah ya baiwa Shatu sa'a ta fizge hannunta tare da yankar na kare ta nunku cikin kasuwar tana keta gudu, tuni Mai gidan kudi ya sanya drivensa tayar da mota yana fadin. "Maza bita, kafin ta kufce mana". Ladi kuwa hannu ta dora akai tana kunjin ihun Shatu zata yi mata bakin cikin zamtowarta Hajiya, gani ta yi tsayuwar ba zata haifar mat Da Mai Ido ba, ya sanya itam tabi su a baya da dugu a hanya ta hadu da mai napep ta shige tana fadin. "Maza kabi bayan waccan motar, ohh ni Ladi wannan yarinya wacce iri ce ne?". Shatu kuwa tunda ta dafe keya bata waigo ba, cin uban gudu take yi babu ji ba gani, ji ta yi takalman kafarta sunyi mata nauyi tuni ta watsar da su akan hanya ta cigaba da rantar na kare, kasancewar hanya bata da kyau sosai shi yasa ta yi wa su Mai gidan kudi nisa sosai, har Allah ya taimaketa ta hau kan babban titi ba tare data sani ba tana aikin gudu, ta waiga haka baya wani haske ya gilmawa idanuwanta take ta ji anyi jifa da ita gege guda, sai ihun mutane ta ji jiyo ca akanta, daga haka bata kuma sanin inda kanta ya yi ba. KU BIYO NI..!. NWA®. ALHAMDULILLAHI ALA KULLI HALIN.
• 
  Hadiza Isyaku KO RUWA NA GAMA BA KI: BABI NA GOMA SHA HUDU Rubutawa: Hadiza Isyaku HAZAKA WRITERS ASSOCIATION ****** "Na amince" Jummai ta faɗa, ba tare da ta yi tunani akan wahalar da ke cikin ciyar da kai ba, ita dai tunda ta samu wurin zama, toh duk abin da kuma zai biyo baya a ganinta ba matsala bane. Ɗakin da tshohuwar ta fito ta nuna mata "Toh ga ɗaki nan ki shigar da kayanki a ciki". Cike da jin daɗi Jummai ta ɗauki jakarta ta nufi ɗakin, kafin ta shiga ɗaya daga cikin matan uku ta miƙe, tare da fara maganar da dole Jummai ta dakata da shiga ɗakin. "Haba Yakumbo! kawai sai ki kama cewa ta shigar da kayanta, ba tare da kin bincika me ke ciki ba, don Allah kada ki zama sanadin shigarmu cikin wani halin, ki barmu mu ji da wanda ya ishe mu". Jummai bata ji haushin maganar matar ba, don ko ita ce sai ta yi fin haka, tunda duniyar a lalace take. Aje jakar kayan ta yi, tare da duƙawa ta zazzage ledar magunguna "Wannan ledar magani ne na ɗana, bai da lafiya", cikin karyayyar murya ta yi maganar bayan ta ɗago. "Toh saura jakar, itama ki buɗe ta a gani", wata kuma a cikin matan ta ce haka. Jiki a mace ta jawo jakar zata buɗe, "Ke rufe jakarki, ki shiga da ita ciki", Yakumbo ta faɗa tana kallon su. Hayayyaƙo ma Yakumbo suka yi ba tare da sun yi la'akari da tsufanta ba, kowa da maganar da take faɗi, sabo da rashin kunyarsu ce ta ce "Ku dai kuka sani, kuma tunda dai ba a kanku zata zauna ba ai shikenan". Duƙawa ta yi ta kwashe ma Jummai maganin, ita kuma ta ɗauki jakar suka shiga ɗakin a tare. Ɗaki ne madaidaici, wanda daga saman rufinsa zaka iya hango sararin samaniya ta wasu ƴan hudoji. Ƙasan simintin kuwa duk ya gurgure. A gefe kuma katifa ce da wasu ƴan ƙullin kaya a kanta, sai kuma tabarma shimfiɗe da kuma randar ruwa. Ajiyar zuciya Jummai ta sauke lokacin da ta gama ƙare ma ɗakin kallo, domin ko da bukkarta take a lalace toh tafi wannan ɗakin daraja. "Lallai da sauran rina a kaba" ta faɗa a ranta. Katse mata tunani Yakumbo ta yi da faɗin "Kin ga ɗakin kamar kango ko?". Murmushi ta ƙaƙaro "A'a" Kai Yakumbon ta ɗan gyaɗa "Toh ga katifa nan ke da yaronki". Jummai ta ce "Toh ku kuma fa", don ta lura katifar ta Yakumbon ce. Yakumbo ta ce "Kada ki ji komai jikata". Godiya Jummai ta yi mata, gefen katifar ta aje kayanta, sannan ta kwanto Ahamad daga goyon, zaunawa ta yi ta fara bashi Mama, ita kuma Yakumbo ta fita wurin sauran matan tana musu nasiha akan ba'a haka, tunda su ma gidannan wani ne ya ji tausayin su ya ce su zauna, bai kamata ba don wani ya zo su riƙa wulaƙanta shi. Cewa suka yi tunda dai ɗakinta ne can ta matse musu. Cikin ɗakin Yakumbo ta dawo, bisa tabarma ta zauna tana fuskantar Jummai da ke ba yaronta Mama. Ɗan shiru ce ta ratsa ɗakin, kowa da abin da yake saƙawa a ransa. Kawar da shirun Yakumbo ta yi, ta hanyar tambayarta sunan ɗanta. "Ahamad" jummai ta ce. "Malam Amadu ne ashe" Yakumbo ta fada tana yar dariya. Ras! Gaban Jummai ya faɗi sakamakon faɗin sunan mahaifinta da Yakumbo ta yi, kai kawai ta iya ɗaga mata, ta cigaba da kukan zuci, addu'ar neman gafarar Allah ta roƙa ma mahaifinta a cikin rai. Fitowar da Yakumbo ta yi daga ɗakin ce taba Jummai damar ɗaga kanta tana kallon rufin ɗakin "Yanzu wannan rufin mai kama da gwagwa idan ruwan sama ya zo ya zamu yi?" tambayar data jefo ma kanta kenan. Kukan da Ahamad ya fara yi ne ya sa ta maido hankalinta gare shi, ɗaga shi ta yi sama tana ƴar dariya "Kukan kuma na miye?" Ƙuri ɗin da ya yi mata ne ya sa ta sumbatar bakinsa sannan ta ce "Sarkin rigima" A cinya ta maida shi tana yi mashi wasa duk don ya yi dariya, sai dai duk yadda ta so ya yi dariyar bai yi ba. Cike da damuwa ta yi magana a ƙasan ranta, "Toh wai ni me ya sa yaron nan bai yi mani dariya, ko dai ya san cewa ta hanyar banza na same shi". Faɗuwa gabanta ya yi, magana ta cigaba da yi da ranta "Toh idan tun yana jariri ya gane kuma yana fushi da ni, toh ina ga kuma idan ya girma" Ido ta lumshe tana jin wani irin ɗaci a ranta, rungume shi ta yi tsam a jikinta ta ce cikin raɗa, "Ka yi haƙuri, ni da Mahaifinka ne muka cutar da kai, ta hanyar samar da kai ba a hanyar da ta dace ba". Wasu ƴan hawaye ne suka gangaro mata a kumatu, ka sa goge su ta yi ta cigaba da kallon Ahamad, ƙasan ranta kuma tana ƙara jin tsanar Habeeb, saboda da bai neme ta ba, da ta hanyar halal zasu haifi ɗansu, tunda har Allah ya hukunta akwai rabo a tsaninsu. Ɗan kukan da ta yi ne ya sa idanunta suka yi nauyi, zamewa ta yi akan katifar tana da ajiyar zuciya, cikin ɗan lokaci kuma bacci ya yi awon gaba da ita. Ta ɗan yi nisa da baccin kenan sai ga yaran gidan sun dawo, wanda hayaniyarsu ce ta falkadda ita, gyara ma Ahamad kwanciyarshi ta yi, sannan ta fito tsakar gidan. Wasu yara ne ta gani waɗanda sadda ta zo gidan babu su, su uku ne, mata biyu sai namiji ɗaya, idan aka haɗa da biyar ɗin ta iske su takwas kenan. Daga cikin Ukun da suka shigo duk hannuwansu ɗauke da roba, biyu da abinci a cikin robarsu, ɗayar kuma babu. Waɗanda suka samo sai murna suke, ɗayar, kuma babbar bata samo ba, fuskarta sai tuƙuburi take kamar zata yi kuka. Tambayarsu aka yi ina suka samo wannan abincin mai ɗan yawa haka. "A wannan gidan ne aka bani" yaron ya ba su amsa yana ta murna, domin wanda ya samo to kasonshi yafi yawa, mafarin wadda bata samo ba take ta fushi. Mamakin yadda yaran suka dabaibaye abincin ne ya kama Jummai, kwata-kwata yaran ma basu lura da ita ba, ta abincin kawai suke. Tambayar kanta ta shiga yi "Me kenan?" Yakumbo ce ta dafa mata kafaɗa, tana son bata amsar tambayar data gani bayyane a fuskarta. A hankali Jummai ta maida idanunta akan Yakumbo da ke faɗin "Toh kin gani, bara ce kaɗai hanyar da muke samun abinci, domin bamu da komai kuma babu wanda yake bamu sai Allah, waɗannan yaran da kika gani rabon su da abinci tun safe, shima sai dalilin wani Alhaji da ke sadakar Fanke da ƙosai suka samu kalacin, ƙila da har yanzu basu ci komai ba". Ƙuri Jummai ta yi ma yaran, ƙasan ranta tana jin wata masifar tausayinsu, musamman da taga yadda suke tsakurar abincin suna ci duk don kada ya ƙare. Ido ta lumshe tare da matse hawayen da suka cika mata ido lokacin da ta ga wani yaro ya tsince shinkarshi biyu da ta faɗi ƙasa ya maida a cikin roba. Tabbas ta yi rayuwar yunwa, kuma da alamun zata koma a cikinta, to amma a wannan karon ba kanta take tausayi ba, ƙananun yaran da basu san babu ba su take tausaya mawa. Cigaba da magana Yakumbo ta yi "Ina tausayinki a kan wannan rayuwar, don haka a ganina ki ɗauki kayanki ki nemi gidan da yafi namu". Kai jummai ta girgiza tare da fashewa da kuka "Ba inda zan je domin nima irin rayuwarku nake, banbancin shine ni azabtar da ni aka yi yunwa, ku kuma Allah ne ya jarabce ku da ita, ina tare da ku har zuwa lokacin da Allah zai kawo mana mafita". Gaba ɗaya matan gidan da yaran kallonta suka riƙa yi, ruƙo ta Yakumbo ta yi "Toh Allah ya kawo mana mafitar". Wasu daga cikin yaran suka ce "Amiin". Abincin da aka ɗan zubo musu a marfi ita da Yakumbo ne aka miƙo musu, wanda dukan shi bai wuce loma ɗaya ba. Godiya Yakumbo ta yi bayan ta karɓa, miƙa ma Jummai ta yi "Karɓi ki ci" kai kawai Jummai ta girgiza don ba zata iya magana ba. Matsa mata Yakumbo ta yi akan ta karɓa, amma ta ƙiya, duk da kuwa yunwar da ke cikinta. Jin motsin Ahamad ne ya sa ta komawa cikin ɗakin, goya shi ta yi sakamakon magarib da ta ƙarato. Fitowa ta yi da nufin yin arwalla, sai dai gidan ba ruwa ko kaɗan. Tambayar ruwa ta yi, Yakumbo ta ce "Bamu da ruwa, amma bari in ɗebo maki a wurin famfo". Tare da Yakumbon suka tafi ɗebo ruwan, a hanyarsu ta dawowa ce suka ga wata Mai Awara. Kada fa ku ce na cika faɗin Awara, Amanar dake tsakanina da ita ce ta sa nake ta haɗa Jummai da ita. Sallah suka dawo suka yi, sannan ta ɗauki Ɗari biyar a cikin ragowar kuɗinta ta siyo musu Awara ta duka. Tasu ita da Yakumbo ta ɗiba, sauran kuma ta miƙa ma matan gidan da yaransu, sai gashi sai washe baki suke suna mata godiya, wanda da farko ba haka ba. Bayan ta dawo ɗaki Yakumbo ta ce mata "Kin ga ki lallaɓa kuɗinki, kowa tashi ce ke fisshe shi a gidan nan". Murmushi kawai Jummai ta yi, don muddin tana da abin badawa, toh ba zata hana yaran can ba. Hira suka shiga yi bayan sun gama cin Awarar, aikuwa Yakumbo ta bata labarin irin ɓarnar da kidnappers suka yi musu a gari. Ta ce "Sun kashe maza, sannan suka kwashi dukiya da mata, yanzu haka a Ƙauyenmu da ƙauyukan da ke kusa da mu duk sun tarwatse, kowa ya kama gabanshi, wasu sun tafi gidajen danginsu, irin mu kuma da bamu da kowa a birni muka yi ta gararanba, har Allah ya sa wani bawan Allah ya ji tausayin mu ya bamu wannan gidan mu zauna". Sosai Jummai ta tausaya musu akan halinda suka samu kansu a ciki, tambayar Yakumbo ta yi alaƙarta da waɗancan matan, Yakumbon ta ce "Gari ɗaya kaɗai ya haɗamu, su iyalan mutum biyu ne, an kashe ɗaya, ɗayan kuma ba'a san inda yake ba". "Ni kuma bani da kowa sai Jikana Namiji, shi kuma Yana Lagos neman kuɗi, bai kuma san inda nake ba, yanzu tunda ba waya". Cike da tausayawa Jummai ta ce "Lallai kuna cikin damuwa, Allah ya kawo muku ɗauki" Yakumbo ta ce "Amiin" "Toh ke kuma matsalar miye ce a garinku?" Yakumbo ta tambayi Jummai. "Mu kuma boko haram ne" Jummai ta faɗa, da yake ta yi musu ƙaryar Maiduguri take. "SubhanaLlahi" Yakumbo ta ce, don tana jin labarin boko haram, wanda ɓarnarsu ma ta fi ta kidnappers Tamboyoyi ta shiga yi mata ina mahaifanta, da mijinta suke. Tunani Jummai ta shiga yi akan ƙaryar da zata yi ma Yakumbo wadda ta yi daidai da damuwarta. Mahaifina ya rasu, mijina kuma ban san inda yake ba, mahaifiyata kuma.." sai ta yi shiru "Me ya samu Mahaifiyar taki", cikin muryar tausayi Yakumbo ta tambaye ta. Kasa bata amsa ta yi, sai ma kuka da ta cigaba da yi, don ba zata yi ƙarya a kan mahaifiyarta ba, sannan ba zata iya faɗin asalin inda take ba. Tausayin ta ne ya kama Yakumbo "Ba zan matsa maki akan sai na ji labarin mahaifiyarki ba, amma ki yi haƙuri, Allah ya jiƙan mahaifinki, mijinki kuma Allah ya bayyanar maki da shi". "Ba Amiin ba" Jummai ta ce a ranta, akan Allah ya bayyana mijinta da Yakumbo ta ce, domin ba ta da buƙatar shi a yanzu. Shirin bacci suka yi, Yakumbo ta kwanta a kan tabarma, Jummai kuma ta kwanta ita da ɗanta a kan katifa. Kasa bacci Jummai ta yi, saboda tunanin mahaifiyarta da kuma ƙannenta, ko wane hali suke ciki yanzu, tunawa da Mahaifyarta ba son ta take ba ya kawar mata da tunanin su. Kukan Yunwa da yaran gidan ke yi ne ya falkar da Jummai, tana buɗe ido ta ga har gari ya fara haske, a gaggauce ta fito da nufin yin alwalla. Sai dai kuma gidan ba ruwa ko kaɗan. Bokiti ta ɗauka ta nufi inda suka ɗebo ruwa a jiya. Abin kallo ta zama a wurin. Bokitinta ta sanya a layi, sannan ta koma gefe ta tsaya. Murya ƙasa-ƙasa ta ji wata budurwa na magana da ta kusa da ita "Ke ƴan gudun hijirar can fa cewa aka yi mayu ne, ɗan gidan Malam Idi da ya rasu tsohuwar gidan ake zargi da lashe shi". Ras! Gaban Jummai ya faɗi, "Yanzu da mayu nake zaune ban sani ba", gazgata maganarsu ta yi ta hanyar tuna yadda Yakumbo ke ta nan-nan da ita, ashe don ta lashe su take yi. "Wallahi ba zan iya rayuwa da mayu ba". Gabanta na wata irin faɗuwa ta ɗauki ruwan ta tafi, a hanya zuciya ta yi ta saƙa mata Yakumbo na can ta lashe Ahamad. Tun a bakin zaure ta aje bokitin tare da nufa ɗakin da sauri. "Kada ki taɓa mani ɗa" ta faɗa a cikin ƙaraji, lokacin da ta ga Yakumbo zata ɗauki Ahamad da ke kuka. Fasa ɗaukar shi Yakumbo ta yi, saboda ta gane abin da take nufi, da sauri Jummai ta ɗauke shi tana dudduba shi. Murmushi Yakumbo ta yi ta ce "Jikata kenan, kema kin gamsu da maganar ƴan waje cewar mu mayu ne ko?". Shiru Jummai ta yi tana ta huci, ganin bata yi magana ba ya sa Yakumbo cigaba da faɗin "Tunda aka fara jifarmu da wannan ƙazafin bamu taɓa kare kanmu ba, don mun san ba kowa ne zai yadda ba, amma kuma mu da mayun ne da talauci bai kama mu ba wallahi". Nazari Jummai ta shiga yi, sai ta gane rashin kyautawarta, kuma ko da Mayun ne ai ba haka ya kamata ta yi mata ba. "Ni fa ba haka nake nufi ba Yakumbo" Jummai ta faɗa idanunta a ƙasa. Kai kawai Yakumbo ta gyaɗa don abin na matuƙar damun ta, "Haba Jikata, ni fa ba yarinya ba ce". Haƙuri Jummai ta yi ta bata, don ta fahimci ƙazafin mutane ne kawai, da yake tana da sauƙin kai ta ce "Shikenan, amma ki riƙa nazari kafin ki yanke hukunci". Labari ta bata akan yadda abin ya samo asali, satinsu uku da zuwa wasu yara suka rasu, sai aka ce sune suka kama su, tun daga nan ƴan unguwar suka fara tsangwamar su, ɗan daka da wankin da suke kawo musu, suka dena kawowa. Yakumbo ta ce "Ƴar nan in yi maita in samu me, wallahi ko yunwa zata kashe ni ba zan iya maita ba, amma kin ji cewa ake ni ce shugabansu", kamar Yakumbo zata yi kuka ta ƙarashe maganar. Magana mai daɗi Jummai ta cigaba da faɗa mata, ƙarshe ta tabbatar mata da sai ta ƙwato mata haƙƙinta, tunda ta riƙe fuskar yarinyar da ta yi maganar. Asabe kuwa na can ta koma kamar zautacciya, duk wanda ya zo yi mata jaje sai ta riƙa faɗa mashi cewar "Wallahi ni ce silar tafiyar ƴata, nina juya mata baya a lokacin da take buƙata ta". Da Alhaji Mainasara ya zo tana faɗin haka ya ce "Ai ba Jummai ce kaɗai kike da silar tafiyarta ba, hatta mijinki Malam Amadu ke kika kashe shi ba kowa ba". Faɗa sosai ya riƙa yi mata duk da ƙanwarta yake aure, amma shekarun da yake dasu suka sa shi rufe ido ya yi ta mata faɗa. ya ce "Ke da Mairo baku da hali ko kaɗan, ku baku san rangwame ba a rayuwarku, duk wanda ya yi ba daidai ba sai kun taka shi iya son ranku, kuma ba'a haka, domin ba wanda baya kuskure a rayuwa". Kuka Sosai ta cigaba da yi, Kabiru dake gefen Alhaji Mainasara ya ce "Ai baki ma fara kuka ba", don yanzu babu mai tausayinta saboda azabtarwar da ta yi ma Jummai, wadda da bakinta ta riƙa faɗi. Haƙuri Alhaji Mainasara ya bata, sannan ya tabbatar mata da zai sa a bincika a garuruwa. Haka aka yi kuwa, kusan duk jihohin Nigeria sai da aka bada cigiyar Jummai, amma ko mai kama da ita ba'a gani ba. Ƙin faɗa ma Asabe aka yi ba'a ganta ba, sai dai aka ce ana ta cigiyar, duk yadda ta kasance za'a faɗa mata. Ƙawar Hajiya Mairo kuwa, tunda ta ƙyalla ido ta ga Habeeb ta shiga kimtsa yadda za'a haɗa shi da ɗiyarta. Da yamma su duka suna zaune a falo hada Hajiya Mairo suna hirar Habeeb. Bayan hirar ta ɗan nisa ta dubi Hajiya Mairo a tsanake "Kin san da gaske nake fa na ba Habeeb Salma". "Ke Hajiya Sa'a" Hajiya Mairo ta faɗa tana dariyar yaƙe, don idan ba ƙaddara ba bata fatan haɗa ɗanta aure da Salma, don a kan idonta motoci ke ɗaukarta suna tafiya. Hajiya Sa'a ta ce "Allah kuwa, in dai Habeeb ɗin ya amince, kin san an dena yi ma yara dole a kan aure". "Hakane abin da ke Alkhairi Allah ya tabbatar da shi" Hajiya Mairo ta faɗa. Hira suka cigaba da yi, a mafarkin ƙaryar Hajiya Sa'a ta ce "Kin ga kuwa idan Allah ya haɗa, sai a ɗaura auren a tura mashi ita can, kin ga karatu ga matarshi". Dariya kawai Hajiya Mairo ta yi, don kallon mahaukaciya take mata, a yadda Habeeb yake cikakken Namiji, ba zata yadda ya aure kwashe-kwashen mata ba. Da daddare bayan Hajiya Mairo ta shige ɗakinta ta kulle, Whatsapp ta shiga suka fara vedio call da Habeeb, don tafi son ta ganshi Live, hankalinta yafi kwanciya. Ganin yadda yake ta ramewa ta ce "Wai lafiyanka kuwa Habeeb, kullum sai ƙara ramewa kake, ko baka da lafiya?" Ido ya lumshe tare da girgiza kai "Lafiya ta Umma, karatu ne kawai", duk da ƙarya yake, ko kusa bai da lafiyar zuciya, saboda kullum cikin kewar Jummai da ɗanshi yake. "Hmm" kawai ta ce don ta san ƙarya yake, "Ka dai je likita ya duba ka, don wannan ramar ba ta lafiya ba ce. "Toh Umma zan je Insha Allah". Hira suka cigaba da yi cikin raha, har take bashi labarin Hajiya Sa'a fa da gaske ta bashi Salma. "Allah ya sauƙe mun in auri wannan yarinyar" ya faɗa ranshi a ɓace. Cikin zaulaya ta ce "Kai kuwa Habeeb, Salma ai bata da matsala". "Haba Umma, ai ba Salma ba, ni yanzu babu wata yarinya da zan iya ɓata lokacina a kanta, bare kuma har in aure ta" "Kenan ba zaka yi aure ba" ta sake tambayar shi. Kai tsaye ya ce "Zan yi mana Umma, aure na da Jummai zan maida" Take kuwa ta haɗe rai "Wace Jummai, bayan wadda ta koma yawon karuwancin ta". "Kamarya ta koma karuwanci, Umma ita fa ba yadda kike zato bace", cikin jin haushin wannan maganar ya yi maganar. Tabbatar mashi ta yi da Jummai ta gudu, don tuni ƴan gulma sun bata labari, kuma har a Tv taga cigiyar ta. Wata irin kiɗima Habeeb ya yi, bai san sadda ya tsinke kiran ba, tare da dafe kai ya shiga salallami, "Me ya sa Fateema zata yi haka, ina ta tafi, kuma wane yanayi ta samu kanta a ciki?" Tambayar da ya yi ta jefo ma kansa, wanda Jumman ce kaɗai zata iya bashi wannan amsa. Ita kuma tana can wurin neman abin da zasu ci ta samu wanke-wanke a wani gidan abinci, ba don ranta yaso ba take aiki a wurin, sai don ta rasa yadda zata yi. Wani mutumi ne ya sa baki aka ɗauke ta aikin, don da farko matar da ke da gidan abincin ƙin ɗaukarta ta yi. Da wannan aikin ne take ciyar da kanta, har ma ta taimaka ma su Yakumbo. Hakan ya sa shaƙuwa mai ƙarfi ta shiga tsakaninta da sauran matan gidan, har ma yaransu, tunda duk wani sauran abinci da aka yi a can su take kawo mawa. Wannan mutumi kuwa kullum cikin kyautata mata yake, duk sadda ya zo siyen abinci sai ya ce ita zata kawo mashi. Ta ce "Ai ni aikina wanke-wanke kaɗai", kafe ta ya yi da idanu, daga bisani ya ce "Wannan jikin naki mai kyau ya fi ƙarfin wanke-wanke". Murmushi kawai ta ta yi, ya ce "Je ki ce ma Hajiya na ce ta baki abinci ki kawo mani". "Toh" ta ce tare da juyawa ta tafi, ji ta yi a jikinta kallonta take, waigowa ta yi don tabbatar wa, aikuwa suka haɗa ido, girar da ya ɗaga mata ce tasa ta saurin juyawa. "Wancan mutumin anya ba ɗan iska bane", ta faɗa a ranta lokacin da ta isa wurin Hajiya. Karɓo abincin ta yi ta kawo mashi, idanunsa cikin nata ya ce "Toh zauna mu ci". Da dariya ya ƙarasa maganar. Ido ta ɗan zaro tare da girgiza kai tana dariya. Ɗan shagwaɓewa ya yi tare da faɗin "Toh ki zauna, ina kallon ki ina cin abincin, idan ba hakaba ki ɗauke abincin". Ƙin zama ta yi ta juya tana dariya, dariyar shima yayi, ya bi ta da idanu. shirin komawa gida Jummai ta yi, don ta baro Ahamad wurin Yakumbo, kuma ta san zai buƙaci mama a yanzu. Zagayawa ta yi don bata son mutumin ya ganta, ashe ya ganta har ya bi bayanta ma ya ga gidansu. Da yamma liƙis suna cikin Hira ita da matan gidansu aka aiko yaro da ana kiran Jummai. Tsokanarta matan gidansu suka shiga yi, wai daga fara zuwa aiki har ta yi kasuwa. Dariya tayi, sannan ta fita, ganin wannan mutumi ya sa ta tokarewa a bakin ƙofa. "Kin yi mamaki ko?”, ya faɗa yana dariya. Ƴar dariya ta yi, cikin ranta kuma ta ce "Ko maye ne kai, dole ka shafa ma kurwata lafiya". Gani ta yi ya ƙaraso inda take ya tsaya, cike da kunya ta gaishe. Amsawa ya yi, sannan ya fara janta da hira ta hanyar tsokana, ita dai ba abin da take sai dariya. Ganin ta saki jiki dashi, sai ya bijiro mata da abin da ya kawo shi, cewar yana sonta. Haƙuri ta bashi, tare da tabbatar mashi da tana da aure, don ita bata san da wani sakinta da Habeeb yayi ba, kuma duk shakiyancinta ba zata yi soyayya alhalin da igiyar aure a kanta ba, duk da irin ƙin da take yi ma auren. Bai ji daɗi ba, amma sai ya cije ya ce "Ba komai, ai za'a dai riƙa gaisawa ko". Ta ce "Insha Allah", bankwana suka yi, ya tafi. Cikin gidanta koma tare da ba ƴan gidansu labarin yadda suka yi da mutumin, su sai a ranar suka san tana da aure. Shi kuwa duk da Jummai ta faɗa mashi tana da aure bai dena kyautata mata ba, duk lokacin da ya je gidan abinci ita yake fara nema su gaisa, kuma kusan kullum sai ya yi mata Alkhairi na kuɗi ko wani abu. Da ta nuna ya dena yi mata kyauta hakanan sai ya ce "Ai ba don ina son ki nake miki kyauta ba". "Sai don me?" ta tambaye shi. Amsa ya bata da "Sai don ina tausayinku ke da mutanen gidanku, kuma Alherin da nake maki a zahiri ke kaɗai nake ba, amma a baɗini hada ƴan gidanku, domin ina da yaƙinin kina taimaka musu" Murmushi ta yi tare da gode mashi, domin yana matuƙar taimaka musu, domin rabon da su kwana da yunwa har sun mance, kullum fatan Alkhairi suke yi mashi, domin ya zama ma kamar ɗan gida, lokaci bayan lokaci yana kawo musu ziyara har gida, kuma a zahiri kamar ya aje batun soyayyar da yake ma Jummai a gefe. Ita kuwa Jummai duk yadda kake zaton hankalinta a kwance yake, domin daidai gwargwado ita da ɗanta sun murje sun yi kyau, toh ba haka bane, domin kullum da tunanin gidansu take kwana, tambayar ta kullum take ma kanta "Wane hali ahalina suke ciki?". Wannan damuwa bata ƙaru ba sai ranar da wannan mutumi ya same ta har gidan abinci, tare da bijoro mata da muguwar buƙatarshi a kanta. Bayan sun gaisa kamar yadda suka saba ya ce "Wata magana nake son muyi, fatan zaki bani dama". Ba tare da tunanin komai ba ta ce "Na baka dama". "So nake mu ƙulla alaƙa mai ƙarfi da ke, wadda zaki ƙara samun mafita a cikin rayuwarki". Cikin rashin fahimta ta ce "Alaƙa kuma, wace iri? " "So nake ki bani kanki" Wata irin faɗuwa gaban Jummai ya yi, "Me ka ce" don bata son yanke mashi hukunci sai ta sake ji daga bakinshi. "Cewa na yi Ki bani kanki…." Ku biyo ni a ci gaban labarin in Allah Ya yarda. MAMAN MU'AZZAM
• 
  Musaddam
• 
  Mukhtar Musa Karami Abu Hisham Ku binciko zauren MARUBUTA don ganin yanda MUHAWARA zata gudana,tare da sauran darussan rubutu
• 
  Nana Aicha Hamissou (owner) *??? ????? ?? ????? ? ????* *BABUN DA ZAI YI BAYANI A GAME DA YIN AZUMI A HALIN TAFIYA DA KUMA WANINTA* ?? ????? ??? ???? ????? ?? ???? ?? ???? ??????? ??? ????? ??? ???? ???? ? ???: "???? ?? ?????? ? ??? ???? ??????. ???: ?? ??? ???? ??? ??? ?????". An kar?o daga Nana Aishatu (R A) ta ce : (watarana) Hamzatu ?an Amru al-Aslami ya ce da Ma'aiki (SAW) shin zan iya yin azumi a halin tafiye-tafiyena? Domin shi mutum ne mai yawan yin azumin nafila, sai Ma'aikin Allah (SAW) ya ce da shi in kana son yin hakan ka yi azuminka in kuma ka so ka ci abincinka kawai ( ka bar azumin) ?? ??? ?? ??? ??? ???? ??? ???: " ??? ????? ?? ????? ??? ???? ???? ????? ??? ??? ?????? ??? ?????? ??? ??????" An kar?o daga Anas ?an Malik (R A) ya ce : mun kasance muna tafiya tare da Ma'aikin Allah (SAW) ( a watan azumi) amma ba ya aibata mai azumi a kan mai cin ( wato wanda bai ?auki azumin ba) haka nan kuma ba ya aibata mai cin abinci a kan wanda ya ?auki azumin. *Indo & Hussy*