Mambobi

  • Mu'azu S. Ahmed Assalamu alaikum da fatan munyi sallah juma'a lpia ko
    April 22, 2017

  • Hassan Sahabi ASSALAMU ALAIKUM JAMA'A BARKANMU DA GANIN WANNAN RANA TA JUMU A DA ALLAH YA KARBA MANA YA MAIMAITA MANA YA BAMU ZAMAN LAFIYA A AREWACIN NIGERIA DAMA KASAR BAKI DAYA ALLAH KA WADATARDA MU DA HALAL TA YADDA BA SAI MUNJE GA HARAMBA
    November 1, 2019

  • Aishatu Sani Gadanya KUKAN ZUCI NA AISHATU SANI GADANYA Tafe nake cikin sake-saken zuci, wanda ya zame min jiki tun lokacin dana sami text din janyewar gwarzon masoyin dana sakankance na kuma dauki dukkan ragamar rayuwata na dorata a tafin hannunsa. Har ma da abinda bai kamata ace ya sani ba a tare dani na salma masa su ba. Ina ma ace hannun agogo zai dawo baya dana gina sabuwar rayuwar da sai ta zama abin kwatance, da sai na nunawa duniya karshan nadamar da nayi wacce ta riga ta same ni a lokacin da ban shirya mata ba a duk sanda na tuna gibin danaiwa rayuwa ta. Na kan ce har da Alhakin iyaye na a abin daya same ni domin sunyi iya kacin kokarinsu wajan ganin sun sauke hakkinsu dake kaina, sun sani makarantar boko sun sani ata islamiyya. Duk wani abu daya kamata ace sunyi akaina sun iya bakin kokarinsu, illah ta bangare daya wato wayar da suka siyamin wanda itama sunyi hakan ne dan inganta karatuna. Wanda nace bazai yiwu ba batare da wayar ba. Iyayena basu ta ba shammata ta ba sun duba Wayar bare suga abin da ke kunshe cikinta wannan shi ne mafarin. TUSHEN LABARIN Suna na Bahijja na taso a cikin gidanmu Agaban iyaye na tare da yayyena maza biyu da kuma kannena maza biyu, ni kadaice mace a gidanmu dai-dai gwargwado anaji dani musamman Mamanmu. Na taso acikin unguwar da bata da hayaniya saboda haka in dai Ina gida bayan nadawo daga makaranta to Ina dakina. Ina karatu ko kuma kallo wani Lokacin kuma Ina tare da unman mu Ina tayata hidimar gida. Lokacin dana shiga Babbar sakandire na kanji yan ajimunmu suna hirar abinda ya shafi waya, wata tace da Malam wane ya bada assignment da waya nayi, tun hirar tasu ba ta dameni ba har ta fara tasiri a zuciyata naji a ranar ina matukar sha'awar nima na mallaki wayar domin inshiga sahunsu a dama dani. Na dawo gida ranar zuciya ta cike da kaunar Waya da abubuwan da kawaye na suka kwadaitamin a kanta. Bayan Abbanmu ya dawo ne naje masa da bukatar ya sayamin waya saboda da ita ne yan ajimun suke yin assignment kuma akwai abubuwan da zan karu da su a ciki da yawa, Mamanmu ce ta katsemin maganar da nake “yaushe aka fara zuwa da waya makaranta banda daukar magana duk textbooks din da aka saya miki ba zasu miki amfani ba bana son jan Magana” ta fada acikin bacin rai. Abban mu ne ya kwantar mata da hankali cewar zamani ne ya zo da hakan ta yi hakuri a siyamin ko ba mai tsada bace. Da sauri n ace “mamanmu ba zan dinga zuwa da ita makaranta ba a gida zan rinka amfani da ita” akan dole lokacin Mamanmu ta yarda za a sai min waya. Sannan ita zata aje wayar sai zanyi amfani da ita zan rinka karba, duk na yadda da sharudan da aka ginda yamin. Ranar da muka kammala secondary daga nan matsalar ta fara a ranar na roki Mamanmu ta barni naje da wayata saboda muyi hotunan bankwana da kawayena, ba tare da takawo komai a ranta ba ta barni. Tunda na nunawa kawaye na wayata suka rude “ke Bahijja kin San kina da wannan babbar harkar amma ki kai mana bakin ciki baki taba zuwa da ita ko aboye bane”, nayi zuru Ina kallansu dan ni ban zaci babba bace har haka ba yanda sike ta zuzutata. Ni'ima ce ta fusge ta fara budewa sai naji sun kwashe da dariya na juyo in ji dalili sai naji Sunce “ashe ma wayar empty ce ba komai aciki”, nace “a’a akwai lambobi mana” suka Kara kwashewa da dariya har da tafawa, “yarinya bari Mu fito daga final paper a bude miki harkokin duniya yadda wannan wayar taki take ya kamata ace ana damawa dake”. Bayan Mun fito daga exam aka budemin duk wani social media a wayata tun daga whatapps, face book, Instagram da kuma twitter sannan aka koyamin komai da yadda Zanyi amfani dasu ban dau wani dogon lokaci ba nagane abubuwa da yawa cikin sauki daga nan mu kayi hotuna sannan mukayi bankwana. Bayan na dawo gida naga kawayena na ta dorawa a social media nima na bi yarima na dora nawa. Ka fin a dau lokaci na kware a harkar social media na zama slay queen a Instagram. JAMI'A Shigata Jami’a shiya kara budemin idanu wajen amfani da waya duk wata kafa ta social media na santa na san yadda ake sarrafata. Na dage da karatu ka'in da na'in tare da burika kala-kala idan mai karatu bai manta ba aciki har da son haduwa da SAMARIN INSTAGRAM Wanda burina gaba daya ya kare a kansu wanda kuma Ina ganin buri na dab yake da cika nayi samari kala-kala saboda ruwan ido amma har zuwa sanda na gama year 1 ban darje ba. (ANZO WAJAN) Ina level 2 aka canjamin waya da sabuwar laptop dan na ji dadin karatuna. Ranar Wata Monday Mun fito daga lacca na roki kawata Kausar wadda muke karatu tare halinmu yazo dai-dai, akan ta rakani cafeteria naci wani abun saboda na fito ban karya ba. Muna tafe tana bani labarin sabon saurayin da tayi Wanda kusan ko yaushe maganar kenan kamar abinda ya kawo mu kenan. Kullum in mun fito sai mun tattauna abinda ya faru a social media musamman Instagram, Kausar ta zage tana ta bayani ni kuwa hankalina ya tafi inda ya tafi “yau na fito da Kafar dama” wata zuciyar tace min sanda kausar ta farga da inda ido na yake kallo kuma hankalina ya tafi ta tsaya da bayanin ta tana tayani kallon wajan da sauri ta kawomin raruma ta cabke hannu na tayo baya dani “haba Bahijja nutsu mana Karki yi mana asara” ta juyo tana kallona nayi galala Ina kallonta sannan nace “bakiga abinda nagani ba ne” tace “nagani mana, ai sai an hada da Jan aji ko so kike da ya juyo yaga yadda kika saki baki da hanci kina kallansa dan ya rainamu”. na ce “to ya kike so nayi gaba daya guy din ya tafi dani ko baki ganshi sosai ba ne kamar wanda muka ga hotansa a waya yana birthday, har mukai ta maganarsa dasu Na’ima.” kausar tace “tsaya mana mu bi komai a hankali ai kya bari tukun yayi mana Magana” nace “in baiyi ba fa” tace “biyoni ke dai.” jikina a sanyaye na bita muka shiga cikin cafeteria din (wajan cin abincin ne wanda sai wanda ya isa yake zuwa cin abinci wajen saboda). Muna shiga na Kara hango shi ya dora kafa daya kan daya yana kokarin sauke Waya daga kunnansa alamar dake nuna waya ya gama na Kalli kausar wadda hankalin ta kwance taci gaba da nufar inda yake ina biye da ita kamar an ciremin lakka har muka karasa sit din da yake kuma mukayi sa'a kafin mukaraso wadanda suke zaune sun yunkura zasu bar wajan. Saboda haka muka fahimci batare suke ba, kowa zaman kansa yake a wajan saboda haka taja hannu na muka karasa muka zauna tare da sallama sai ko ya amsa mana da fara'a sabanin yadda muka zata kausar tayi murmushi tace “happy birthday “yadan ware ido yana kallanmu tare da alamomin tambaya sai kawai tayi dariya tace “two weeks da suka wuce mun ganka a instagram kana birthday” haka ne ko yayi murmushi tare da fadin “anyi haka amma shi ne Bakiyi comment ba sai Yanzu” tayi dariya tace “karawa nayi” ya juyo ya Kalle ni tare dayimin maganar kurame sai Kawai na samu kaina dayin dariya yace “au ashe tanaji nace “harma magana inayi” yace “da kyau to ke bakice komai ba” nayi murmushi nace “happy birthday shike nan” yayi tagumi yace “bashi ke nan ba tunda roka nayi” nasa hannu na rufe fuska ta alamun jin kunya sannan nace to Yanzu ya za ayi kenan ya daga kafada yace ke zaki fada na danyi Jim sannan nace to bari anjima in mun hadu a waya na sake maka wani yayi dariya yace “wannan ai salon wayo ne tunda nidai bani da number dinki” kausar tai sauri tace “sai in baka” na juyo Ina hararar ta alhali cikin zuciya ta cike yake da farin ciki nace ke kya fara ya juyo hannunsa yana kallan agogo tare da fadin ayi hakuri a bani dan tafiya zanyi kuma Kila ba dole mu sake haduwa ba gashi ni kuma Ina so mu kulla zumunci nayi fara'a nace “to tunda kace zumunci za'a baka”. Ya gabatar mana da kansa “suna na Asim Mai Dala” nayi sauri na dago Kai na Kalle shi sai ya gyada min kai sannan yace, “saura ke” nace “Bahijja mai Jama'are” yace “kamar na san wanan family din amma ba anan Kano ba”. Nayi dariya nace “Kila suna ne yazo daya” ya mike yace zanje inga supervisor dina ne na PhD da nake kokarin kammalawa mukayi mamaki sosai domin bamu zaci yakai wannan matsayin a karatu ba saboda Daganinsa bazai wuce 28 years ba, bayan ya tafi ya turo daya daga cikin yaran dake Kai kawo wajan kawowa mutane abinda suke so suci ya tambayemu abinda muke so a kawo mana batare da bata lokaci ba muka fada kuma aka kawo mana mukaci muna ci gaba da tattaunawa akansa. BABBAN KAMU Ni na fara kiranshi a waya nayi masa godiyar abinci daga nan mu'amalar ta dore ta kuma koma soyayya mai zafi. Musamman ta bangare na dan shi banga ya zafafa ba Kamar yadda na zafafa kullum sai na tura masa sakon barka da asuba sannan kuma da daddare sai nayi masa mukwana lafiya a hankali ya fara biyemin har shima ya zamana kullum da irin sakon da zai turo. Mun sami shekara guda tare zuwa Lokacin saura shekara daya mu gama makaranta saboda haka aure nakeso amma shi baice min zai aiko ba duk kuwa da cewa zuwa yanzu shi ma yana sona matukar so sai rannan muna Waya nake ce masa ansa bikin kausar nan da wata uku yayi ajiyar zuciya yace saura namu ko? Habibati wani Lokacin haka yake cemin jinayi kamar ansani a aljanna sai na daure nayi shiru yace “bakice komai ba” nace “duk yadda Kayi dai-dai ne” yace to shike nan an turo nima insha Allah zuwa sanda zaki gama sai ayi biki Kawai kamar ince a’a nakasa nace to. Mun gama Bikin kausar da sati daya aka kawo kudin aure na abin mamaki akwai sanayya tsakanin iyaye na dana ASIM saboda haka nan take ba bata lokaci akace anbashi zakuma ayi biki bayan na kamala karatuna, murna a waje na ba'a Magana. Rannan Ina chating Kawai sai na ga anyi adding dina a wani group MUKOYA DA KANMU ga mamakina sai Naga dayawa daga cikin kawaye na na secondary dana jami'a amma ban gane wayayi adding din aba. Da yake na kagara naga abinda ake a group din kawai ban damu da yanda ya sakani haka nasaki jiki na akadinga shan sha'ani dani.Gaskiya abinda ake a group din bai kamata ba ni kuma ganin aure zanyi kawai sai nabi sahu ake damawa dani kusan zan iya cewa ko da Yaushe baka rasa mutane online Suna bidirinsu nidai tunda na ga ba na ‘yan neman mata bane shike nan, aganina Zan koyi abubuwa ne kafin auran. kwatsam Rannan sai wata tace a bata shawarar yadda zata kidima saurayinta ya fito neman aurenta ko bai shirya ba nayi kasake Ina jiran naji anyi batun gidan boka ko Malam Kawai sai ji naji wata tace “tura masa wani bangare na jikinki kisha mamaki” sai tace ya dade yana nema ban tura masa ba”, Inajin wasu har da ashar Wai metake jira aisu tini sun Saba da hakan nayi shiru inajinsu Kawai sai zuciyata ta jani ga abinda ni ba'a nema a waje naba nasan dai wani lokacin yana sakin layi in muna hira batun yau ba tun inajin kunya har na daina to sai gashi kuma naji wannan zancan. Mun gama hira a waya sai yace me zaki bani wanda zai zama so special a gareni banyi wani tunani ba na turamai hotona bawasu kayan arziki a jikin shiru shiru bai yimin reply ba tun ina jiran yayimin maganar kamar yadda muka saba in wani abun ya burge dayanmu amma bai ce komai bas ai dai kamar ya dan canja min amma dan shirmena duk ban gane ba na cigaba da bin shawar group din mu ina kara tura masa hotunan wasu bangarori na jikina dan na kar ajawo hankalinsa gareni. Ashe abinda ban sani ba kara nesanta kaina nake da shi. A haka har muka zo jarabawar karshe wacce daga ita mun gama karatun jami’a. banya mun fitone kausar tajani gefe Bahijja kwanan nan muna yawan samun matsala da SALIM nayi shiru Ina tuna bidirin soyayyar da aka sha a tsakaninsu Amma har an fara rigima na juyo na Kalle ta Ina mamaki tare da fadin tun Yanzu ko haihuwa Bakiyi tace to ai Kawai Kai zuciya nesa nake Kila da Yanzu Mun Rabu na gwalalo ido Ina kallanta ga cikin kuma dake jikinta Amma tana maganar rabuwa kuma a iya sanina kausar na cikin group din danake ganin yafi ko wanne koyar da zaman aure to ya abin yake take na fada tunani ba'a fi wata biyu ba muke Waya da Ni'ima take cemin auranta ya mutu kai kusan duk sanda zan shiga group din dan asha hira sai kuma naci karo da maganar daza ta taba zuciya ta gabana ya fadi dana tuna hotan dana turawa ASIM na kashe wanda tun daga nan bamu kara waya ba, shidai ban san dalilinsa ba amma ni Jarrabawa ce ta sani a gaba bayan na gama Jarrabawa da sati biyu babu ASIM ba labarinshi sai ga sakon text massage yana sanar dani ya janye maganar aure a tsakaninmu saboda ba haka ya zaci tarbiyata ba na bashi mamaki dole ne ya sa zai rabu dani saboda wasu halaye da na ke nuna masa, wanda ban cancanci na zama uwar ‘ya’yan da yake kwadayin samu ba daga mace ta gari. wanda shi ne Abinda ya fito dani daga gida da nufin zuwa gidan Kausar dan ta bani Shawara. YAN UWA KU BANI SHAWARA, ME ZAN FADAWA IYAYENA?
    November 8, 2019