Pharty Bb
AKWAI ƘADDARA 6.
"Aunty Ani."
Zuciyarshi ta bashi amsa, tabbas in Mamma zata ɓoye masa abu Aunty Ani ba zata iya ɓoye masa ba, yana jinta a zuciyarsa tamkar ita ɗin wani sashine na sa.
Da dimbin tambayoyi ta iso gidansu bayan ta gama aikinta, da shigarta gidan ta tarar Ameer na jibgar kanwarta Laila, matan gidan kowa na kofar ɗakinsu na kallo ba mai yunkurin hanawa, bata kula su ba ta wuce ɗakinsu ta tarar Mama bata nan sai Khausar dake ta kuka ganin ana dukan ƙanwarta, hijab nata ta cire kafin ta fito a ɗakin in da ta barsu nan ta fito ta samesu, tana zuwa ta ɗagashi daga kanta kafin ta bashi marin da ya sashi fasa ihu a gigice ya nufi mahaifiyarsa.
Hannun ƙanwarta ta ja ta kaita bakin randarsu ta wanke mata fuska suka koma ɗaki, tana ji Babar Yara na ta bambami ko a ƙwalar rigarta yau ƴan faɗan basa kanta yanzu ma ganin za'a cutar kanwarta ya sata rabawa.
Suna shiga tayi ta lallashin ƙanwarta tare da zungurin kan Khausar.
"Matsoraciya kina kallo za'a cutar kanwarki."
Hawaye ta ta share "Ni wallahi Aunty Murshi tsoro nake ji, kinga fa ranar yanda suka tararwa Musaddik."
"Ai duk wanda ya tarar muku In na dawo sai na karyasa, nan gaba in bana nan ko Mama kuje gidansu Asma'u kuyi wasa, kunji?
"To za muje."
Suka faɗa tare, a hankali suke hira suna bata labarin makaranta tana dariya har Mama ta dawo daga unguwar da take ta sameshi.
Da dare suna zaune Murshida ta kalli Mama.
"Mama ya maganar makarantana."
"Murshida mu bar maganar nan kinsan halin mahaifinku bazai taɓa amincewa ba."
"To yanzu Mama haka zan zauna ba karatu." Ta faɗa tana turo baki.
"Allah haɗaki da wanda zai dillemin bakin nan, kiyi aure kawai irin yanda ƴan uwanki za suyi, sati mai zuwa za'a kawo goron tambayar Fauziyya da Aneesa, an kawo na Batul yafi wata uku sanin kan kine, ke bawa yaronnan dama, wai haka zaki zauna min in saki a gaba ina kallo."
Bakinta ta gyara tana cewa.
"Ni Mama daga tambaya, yaronnan bana son shi, su kuma su suka ga zasu iya yanzu, nima ina zaune Allah zai kawo min mijina ko a ƙasar Sin yake."
"Kece Sin ɗin, ai Ni dai na faɗa miki ki cire rai a karatu, in kinyi aure mijinki ya yarda toh, in ko yaƙi ki rungumi na annabawa."
"inshaAllah zai yarda Mama."
"Toh Ameen."
---
Juye juye yake a saman gadonshi bacci ya ƙauracewa idanuwansa kamar ko wani lokaci.
Zuciyarsa fal tunani da yanda zai bullowa lamuransa, shekarunsa talatin da bakwai, yana bukatar yaga nashi ahlin yau ya ƙira gida da iyali mallakinsa kamar kowa, amma abubuwan da bai san ta ina suka faru ba, kuma suka faruwa, wanda kuma za suci gaba da faruwa in har zai ɗago zance abinda ya wuce.
Daren ranar da kyar bacci ya ɗaukesa.
Washegari bayan yayi sallar asuba ya koma bacci kasancewar ranar Lahadi ne ba aiki, bai farka ba sai wajajen sha biyu kasancewar daren jiya bai yi bacci ba, wanka ya faɗa yayi shirinsa cikin kayan shan iska ya fito.
A in da yake tsamanin samun su nan ya tararsu falon Ƙasa, Mamma, Aunty Ani, Zaituna, Noor, Raudah zaune gurinsu ya ƙarasa ya gaishesu kafin kannenta su gaishsa.
"Yarona break fa." Faɗin Mamma.
"A kawomin nan." Ya faɗa hankalin sa na ga Aunty Ani ganin yadda take kallonsa, damuwa ta gani tattare da Bagus, ganin zai fahimci irin kallon da take masa ya sata kawar da idanunta a kanshi tana masa addu'ar samun maslaha a rayuwarsa.
"Noor jeki ɗauko masa." Yaji Mamma ta faɗa da ya sashi kawar da idonsa.
"Mamma sai dai a dafa wani, yayi sanyi zuwa yanzu tin safe fa." Noor ta faɗa.
Da damuwa Mamma tace. "Yanzu kam Baba Saude ta tafi, ki sa ko Murshida ta ɗaura masa."
"Mamma a barshi in babu karku wahalar da kanku." Bagus ya faɗa dan ji damuwarsa tafi yunwar cikinsa yawa.
"To haka zaka zauna da yunwa, tashi Noor jeki faɗa mata, ina kuma za kiyi masa toh."
Tashi Noor tayi ta nufi kitchen.
Cikin mintuna talatin ta soya masa dankali ta haɗa masa da tea ta kawo masa, kaɗan yaci dan baya jin cin abinci.
Hira suke jefa jefa a haka har azahar ya riskesu suka fara ƙoƙarin tashi dan gabatar da sallah. Kaf suka watse.
Wunin ranar basu Murshida da Bagus basu haɗu ba, kuma bai samu keɓewa da Aunty Ani ba.
Washegari ya kama ranar Litinin karfe takwas ya wuce gurin aiki ko breakfast bai yi ba, ƙiran emergency aka mishi, bayan fitowar sa ya aika takeaway.
Wuraren karfe uku ya baro asibiti ya shigo unguwarsu a masallaci ya tsaya yayi Sallah kafin ya ƙaraso gidan, mahaifinsa ya fara tararwa cikin falon ya dawo daga ƙasar daya tafi kwana biyu.
Anan ya zauna suka sha hira har wajajen biyar kafin ya wuce ɗakinsa, ruwa ya watsa ya ɗauro alwala ganin shida ta kusa.
Fitowar sa yayi dai-dai da barinta ta falon, bayanta ya bi jiya da yau kwata kwata bai sata a idon shi ba, motarshi ya shiga ya danna horn mai gadi ya buɗe masa.
A hankali yake tuƙawa har ya iso gefenta, tun dosowar motar gurinta take jin ƙararshi har tsayuwar sa hakan ya sata dakatawa da tafiyarta dan ganin mai tsayuwar.
'Tabbas motarshi ce' Ta faɗa a ranta, gilashin motar ya sauƙe wanda ya sa suka haɗa idanuwa tayi saurin ɗauke nata.
"Shigo na cika alkawarina." Ya faɗa yana leko da kanshi ta bangarenta.
Da mamaki ta kallesa tana ɗauke idonta.
"Wani irin alƙawari kuma?" Ta nemi ƙarin bayani.
"Shigo zan faɗa miki, kinga magriba ta kusa ina son zuwa masallaci."
"Kaje kawai dan ni ban san alƙawarin da ka ke magana a kai ba."
"Allah zan haɗaki da Mamma in baki shigo ba."
Ya faɗa yana lalibo lambar ta cikin wayarsa. Ba tayi tsammani ba taji yace. "Mamma."
Ta d'ayan bangaren ta amsa masa da "Yarona."
Kasancewar wayar a handsfree ya saka taji abinda ta faɗa.
Da azama ta buɗe murfin motar ta shiga ganin hakan yace wa Mamma.
"Na tafi masallaci sai na dawo."
"Shikenan a dawo lafiya."
Kit ya kashe wayar yana ba motar giya, kallonta yayi yanda ta zumburo baki sai abin ya bashi dariya.
Murmusawa yayi hakan ko ya ƙara kular da Murshida.
"Ina za mu bi." Ya tambayeta.
Da hannu ta dinga nuna masa har bayan layin gidansu tace ya isa, bayan ya faka motar ta buɗe.
"Nagode sai gobe." Ta faɗa.
Kanshi ya ɗaga yana cewa. "Gyara bakin kar yayi tsini irin wannan turowan."
Juyawa tayi tana tana ƙara turo shi, ashe ya kula da ita, dariyar yayi sai kuma yaji abin wani iri, motarshi ya ja yana barin gurin.
Pharty Bb.
AKWAI ƘADDARA 7.
Bayan uku abubuwa da yawa sun faru, tin ranar sau biyu suka ƙara haduwa, na farko a kitchen ya sameta yace ta haɗa nishi coffee ko bata iya ba.
Jin kalmar bata iya ba ya sata turo baki ta haɗa ta kai masa aiko bata iyan ba dan daya kurɓa, kaɗan yasa ya amaryar da abinda yaci dukka. Ranar yayi mata dariya sosai, sai da Aunty Ani ta mishi magana ya bari.
Kunya da baƙin ciki suka lullubeta kamar tayi kuka tayi ta turo baƙinnan.
**
"Aunty Ani." Ya faɗa yayin da yake zama saman kujeran madubin ɗakinta.
Kallonta ta mai da garesa kafin ta mayar ga abinda take yi latse-latse a laptop din gabanta, kasancewar yau weekend gidan duk sun tattara sun tafi gidan yayar Hajiya Maryam harda ita.
"Na'am yaron Mamanshi."
Ta bashi amsa.
Murmusawa yayi kamar zai yi magana kuma sai ya fasa. Hakan ya sata ɗaga kanta ta kalleshi bakin shi akwai Magana.
"Kana da magana ne?" Ta tambayeshi tana ci gaba da aikinta.
"Aunty Ani ki taimaka ki sanarmin wani abu da ki ka sani game da rayuwata a baya da yanzu, ko akwai wani abinda da nake yi ba dai-dai ba da har nake samun sakamako marar kyau?" Ya ƙarasa maganar cikin sanyin murya.
Cak ta tsaya da abinda take yi, bata shirya bashi amsoshinsa yanzu ba, bata shirya karɓarsu ita ɗaya ba, ta ina zata soma?.
"Aunty ki taimaka ki faɗamin gwargwadon abinda kika sani dan Allah." Bagus ya faɗa yana zama gefenta dan ganin yanayinta ya tabbatar masa da akwai abinda ta sani.
"Aunty."
Yanda yaja sunan shi ya dawo da ita hankalinta ta kalleshi tana kawar da idanunta dan kar ya fuskanci wani abun.
"Bansan komai ba, ba abinda na sani kanka.."
"Aunty kar ki faɗi haka kema, ke kaɗai nake tsammanin amsa daga wajenki."
Girgiza kanta tayi tana tashi.
"Nace ma ban sani ba, idan har na sani zan sanar da kai, aiki nake yi zaka iya ban guri"
"Shikenan Aunty Amma kimin alƙawari zaki sanarni duk lokacin da kika samu amsoshin tambayata."
Kai ta ɗaga masa kafin ya fita ranshi a dagule, yana bacewa ganinta wasu siraran hawaye na zubo mata akan fuskanta, tasa hannu ta ɗaukeshi.
Tsananin tashin hankali ta shiga, ranar da take tsoro ya kusa zuwa tin da har yana iya zuwa mata da waɗannan tambayoyi gaba kuma abinda zai tambayeta Allah kaɗai ya sani, take tausayinsa ya kamata dama kullum cikinsa take tun abubuwan da suka faru.
Motarsa yaja ya fita gidan bai tsaya ko ina ba sai gidan abokinsa Abubakar, bayan yayi parking ya ƙirasa a wayayace yana ƙofar gidansa,.
Abubakar ya fito ya shiga dashi falonsa, anan matarsa tazo ta gaidashi da yaronta a hannu, yaro na ganin babanshi ya maƙalen masa, bayan ta fita, Bagus ya kai kallonsa wajensu sun burgeshi.
Ganin irin kallon da Bagus ke ma Abubakar da yaronsa ya sashi miƙa masa shi, yaro bai yi ƙiwaba ba yaje ya fara masa wasa.
"Yara sun maka kyau." Cewar Abubakar yana murmushi ganin duk yaro lnsa Sabir yabi ya cukwuikwuye Bagus.
"Mukam ai sai dai mu gani ana yi." Faɗin Bagus na faɗa da damuwa a ranshi.
"Hakuri za kayi komai da lokacin sa, dama tin wancan lokacin Allah bai yi ba." Abubakar ya faɗa dan kwantar Bagus hankali.
"Hakane amma tabbas akwai wani abun." Bagus ya faɗa.
"Hakane Bagus amma kayi ta addu'a muma muna tayaka."
Nan Bagus ya kwashe Abinda su kayi da Aunty Ani ya faɗa Abubakar, murmushi yayi yana cewa.
"Tabbas Aunty Ani da akwai abinda ta sani take ɓoyema, kasa ido sosai akan lamuranta."
Da mamaki Bagus yace .
"Kana ganin zata iya cutarni da hanani jin daɗin rayuwa? Mai na tsare mata?."
"Duk waɗannan basu taso ba, kawai dai ka tsananta tambayarta may be ta baka wani haske."
Shi kansa Abubakar ya faɗa hakane dan yana da yaƙinin akwai wani abun ɓoyayye a tattare da Aunty Ani.
Ajiyar zuciya Bagus ya sauƙe tare da na'am da shawarar abokinsa.
Wajajen ƙarfe hudu ya misha sallam tare suka fito Abubakar yace bari ya rakashi gidan su gaisa dasu Mamma in sun dawo daga unguwar.
A waje suka faka motarsu suka shigo cikin gidan, a harabar gidan ya hangota da alama ta gama aikinta gida zata tafi.
"Mintuna biyu."
Bagus yace da Abubakar yana nufan wajenta, da kallo ya bishi shi yana mamakin sauƙin kai na abokinsa, shi dai kowa nashi ne.
"Kamar ko nasan zaki tafi ban shigo da motar ba nayi parking a waje, muje na kai ki." Ya faɗa yana tsayuwa a gabanta dan hanata wucewa.
"Bana so." Murshida ta faɗa tana turo baki.
Yau da Sanjidah ko Raudah ke mishi haka da baki da ya daɗe da dilleshi.
"So yau dan Mamma bata nan shine za kice bakya so ai Aunty Ani tana nan."
Na rai na rai tayi da idanunta.
"Dan Allah ka bari wallahi zaka jamin abin magana a unguwa."
Dariya yayi. "To wani irin magana kuma? Faɗamin sai me in su kayi maganar, kice musu waye in suka tambayeki?"
"Shine nima ban sani ba."
Ta faɗa tana turo bakinta, abin ya zame mata jiki, kullum faɗarta da Mama kenan.
Dariya ya ƙara yi har haƙoransa na bayyana.
"Shikenan duk ranar da kika samo mana amsa sai in kai ki har ƙofar gida, in zan samu ma in shiga har ciki in gaishe da mutanen gidanku."
Idanunta ta zaro. "Allah kasa karna samo amsar nan da wuri."
"Ba ameen ba ".
Ya faɗa yana juyawa ga Abubakar da bashi ba labarinshi. Tuni ya shiga cikin falon ganin maganar su ba mai ƙarewa bane.
"Kinga kin jani da surutu abokinsa ya tafi."
"To ka shiga ka samesa sai gobe."
"Bye ki gaishe dasu Mama." Ya faɗa yana barin gurin.
"Za taji." Ta faɗa ta juyawa taci gaba da tafiyarta, ya shige falon.
"Ko da ita za ayi abokina?"
Abubakar ya faɗa yana kallon abokinsa yayin da suka fito daga Masallaci bayan gabatar da sallar magriba dan zuwa gida ya ɗauki motarsa ya wuce nashi gidan.
Girgiza kansa Bagus yayi ko kaɗan bai ji haushin maganar Abubakar ba, sai dai ita din ya ɗauketa matsayinsu Noor da Zaituna ne.
"Matsayin su Noor na bata."
"Allah ya sa hakan ne." Faɗin Abubakar.
Juyawa yayi ya kalli abokinsan da taimakon farin wata da hasken wutar lantarki unguwar ya samu ganin fuskarsa dan ma duhu bai yi ba sosai, jin maganganusa yana neman fassarashi ya sashi faɗin.
"Kasan bazan ƙara gigin sake maimaitawa ba, dan kar ita ma ta guje ni."
Dafa kafaɗarshu Abubakar yayi.
"Kar ka cire rai ga samun dama."
"Uhmm Abubakar kenan." Ya faɗa da damuwa.
"Please Bagus." Abubakar ya faɗa dan karfafa masa gwuiwa.
Bai iya Magana sai jan kafarshi da yayi yana barin gurin hakan yasa Abubakar bin bayansa.
Bayan sun isa ƙofar gidansu Bagus, Abubakar ya mishi sallama ya shiga motarshi yaja ya tafi shi kuma ya shige gida.
Pharty Bb.
AKWAI ƘADDARA 8.
"Alhaji ban san ta ina zan fara ba, ranar da nake gudu ta fara kusantowa, ina cikin tashin hankali, shin abinda nayi bazan taɓa daina dana sanin saba har karshen rayuwata ba, kuskure ne...."
"Ani..." Faɗin Alhaji Mudassir na kama hannun matarsa ya zaunarta gefensa.
Idanu ya tsira mata yanda duk tabi ta tada hankalin ta, tabbas dole ta tayar dalilin hakan yaƙi bawa Bagus fuskar tunkararsa da tambayoyinsa, yasan dole ranar tazo kuma dole ya tambaya, kuma yasan dole a amsa masa amma bai san ta yaya zai ɗauka ba.
"Alhaji kai ma kana tunanin abinda nake tunawa." Faɗin Aunty Ani ga mijinta
Ajiyar zuciya ya sauƙe a sanyaye yace.
"Ani tabbas wannan ranar dole tazo, duba da irin yadda Bagus ke fuskantar matsaloli a rayuwarsa wanda ba musan dalili ba, amma hakan baya rasa nasaba da abinda muka ɓoye, abinda kawai za muyi shine addu'a da roƙon Allah yaci gaba da ɓoye mana sirrin da muka daɗe da binne wa."
Ajiyar zuciya Aunty Ani ta sauƙe a hankali tace.
"Allah ya amsa mana."
"Ameen." Ya faɗa a bayyane.
Daren ranar da kyar ɓarawon bacci ya ɗauki Aunty Ani.
Washegari.
"Mama jikinta da zafi kuma sai rawar sanyi take."
"Kin bata maganin?" Mama na faɗa tana taɓa jikin Laila da tin daren jiya take fama da zazzaɓi mai zafi.
"Tin jiya da dare na bata paracetamol, yanzu ma na bata kuma har yanzu ba alamar ya sauƙa, ko zamu kaita chemist ne?"
"Bari ina faɗawa Babanku sai ko Khausar ta raka ki."
"Toh Shikenan." Murshida ta faɗa tana tashi dan cire kayan da zata saka.
Fita Mama tayi ta sanar da Baba cewar Laila bata ji dad'i ba, dubu ɗaya ya cire yace Murshida ta kaita asibiti zai yi malaria ya kamata tinda sunyi ta bata magani yaki sauƙa.
"Gashi kiyi sauri ki kaita asibiti, in kin dawo da wuri ki wuce gurin aikinki."
Ɓata fuska Murshida tayi.
"Yanzu Mama Laila ba lafiya kina mini maganar aiki."
"To ya ki ke so muyi dasu ni zanje, kiyi sauri kawai ki dawo."
Ganin Mama ta ɓata rai yasa Murshida sassauta murya.
"To Allah yasa kar na tarar da layi, amma da an ƙira su a faɗa musu kar su ga na dade su zata wani abu ne."
"Ga nan wayata ki ɗauki numbern Aunty Ani ki ƙira da naki ni banda kuɗi."
Mama ta faɗa tana nuna mata wayarta a saman window.
Toh tace tana tashi ta ɗauki wayar kan window ta kofi lambar a wayarta ta ajiye, wanka ta faɗa sauri sauri tayi ta shirya kafin su kama Mama sallama ta fita ita da Laila, sun bar Khausar ta taya Mama aikace aikace-aikace.
A daidaita ta tara suka hau sai asibitin gomnati, layin yankar kati tabi mutane sama da talatin gabansu, guri ta samu ta zauna ta kwantar Laila tare da ɗaura kanta bisa cinyarta.
Kusan mintuna goma da zamanta ta tuna da ƙiran da za tama Aunty Ani, wayarta ƙiran tecno mai pad ta ciro ta duba kudin asusun ta Naira talatin, zai isheta tayi ƙira, numbern Aunty Ani ta ƙira bugu biyu ta ɗauka tare da sallama.
"Ina kwana Aunty?"
Ta faɗa kamar tana gabanta.
"Lafiya kalau, kamar Muryar Murshida." Faɗin Aunty Ani daga ɓangaren ta.
"Eh Aunty ni ce, nace dama bazan samu zuwa yau da wuri ba, saboda ƙanwatace ta tashi bata jin dadi na kaita asibiti."
"Subhanallahi Allah bata lafiya, karki damu kiyi komai a hankali in ya so ko zuwa gobe ta samu sauƙi sai kizo."
"Toh Shikenan Aunty nagode."
"Ba komai Allah Bata lafiya."
"Ameen." Ta faɗa tana kashe wayar.
"Waye ba lafiya Aunty?"
Bagus ya faɗa da tin fara wayarsu yake kallonta.
"Laila."
"Waye ce haka?" Ya tamby ya neman karin bayani.
"Kanwar Murshida mai taya mu aiki." Ta bashi amsa.
"Allah bata lafiya wane asibiti suka je?."
"General hospital ina tsammanin suke, kaje ka duba su in anjima ni zanje ko gobe."
Tashi yayi dama a shirye yake zai tafi aiki.
"Shikenan sai anjima, zan wuce asibiti daga can"
"Allah bada Sa'a."
Ameen ya faɗa yayin da yake fita, bai tsaya ko ina ba sai general hospital, layin masu kati ya bi ya kai dubansa gurin yarinyar dake kwance saman benchi, takawa yayi har gurin ta ya fara dube-dube a can wajen yankar kati ya hango Murshida, ɗaukar Laila yayi ya nufi gurinta.
Daf da ita ya tsaya yanda za taji yace.
"Biyo ni."
A hanzarce ta ɗaga kanta jin muryarsa da bata taɓa tsammani ji ba yanzu.
Ganin ya fara tafiya ta bi bayansa ta fasa yankar katin, inda ya faka motarsa ya tsaya a filin harabar asibitin, buɗe gidan baya yayi ya kwantar Laila kafin ya zagaya ya shiga mazaunin direba.
Tana tsaye galala tana kallonsa har ya kunna motar ya sauƙe gilashin gefenta ya ɗan leko da kansa.
"Shigo mana.?" Ya faɗa mata.
"Ina za ka kaita? Likita fa zamu gani bata jin daɗi."
"Na sani nima wajen likitar zan kai ta ai." Ya bata amsa.
Jin abinda ya faɗa ya sata buɗe motar ta shiga, kullum cikin kamshi da tsanyayyar iska mai ratsa jiki motar ta kasance.
Cikin kwarewa ya karkata kan motarsa ya fita a harabar asibitin, bai tsayar dasu ko ina ba sai asibitinsu, bayan ya samu gurin ajiye mota inda ya kasance nan ne wayen ajiyewar sa, suka fito ya saɓa Laila a kafaɗarsa suka shiga ciki yana gaba tana binsa.
A kofar offishin Dr Nura ya tsaya bayan patients din da yake dubawa ta fito ya shiga tare da umartar security na wajen ta faɗawa masu shiga su ɗan jira.
Bayan shigarsu ya kwantar Laila a gadon da ake duba marasa lafiya kafin ya juyo ga Dr Nura suka gaisa.
Murshida dake zauna saman wani kujera ta gaishesa, anan yake masa bayani zazzaɓi ke damunta ya dubata.
Bayan Dr Nura ya duba ta, malaria ke son kamata, allurai da magunguna ya rubuta mata.
Karɓar takardan Bagus yayi tare da fita, kusan mintuna goma ya dawo ɗauke da ledojin maganin ya miƙawa Dr Nura.
"Taci abinci?"
Dr Nura ya faɗa yana kallon Bagus, kallonshi ya mai da ga Murshida, kamar kaɗangaruwa ta girgiza kanta.
Wayarshi ya ciro a aljihunsa yayi latse latse-latse yana kafawa a kunnesa, ringing biyu aka ɗauka.
"Aunty a aiko abinci asibitin mu yanzu Please."
"An riƙesu ne?" Ta tambaya ta d'ayan bangaren.
"Ah a akwai wasu alluraine da za'a mata... Kin gane dai."
"Toh shikenan bari in bawa Murtala ya kawo." Ta faɗa dan ta fahimci maganarsa, tun yana yaro in yayi wani abin duk gidan ita take ganewa.
"To ina jiransa." Ya faɗa mata.
Bayan ya kashe wayar ya faɗawa Dr Nura za'a kawo yanzu, ganin hakan ya sashi basu guri ya koma d'ayan ɗakin dan cigaba da kula da marasa lafiya da suke jiransa.
Bayan fitarsa ta mai da hankalinta ga Bagus da yake waya yana faɗawa Abubakar ba zai samu ƙarasowa ba area nasu ba ya faɗawa Dr Aisha.
Haɗa idanu su kayi ta ɗauke nata.
Gira ya ɗaga mata alamar yaya, ba tace komai ba kanta a ƙasa.
"Ya ya dai, kina bukatar wani abu?" Ya faɗa bayan ya gama wayar.
Girgiza kanta tayi can ta numfasa tace.
"Hidimar yayi yawa."
"Mai kike tsammani?"
Ya faɗa yana takawa inda take, gefenta ya zauna yaci gaba da faɗin.
"Kanwatace ai nima, ko baza ki ban ita ba?"
Murmusawa tayi tana cewa. "Mama zaka tambaya."
"Dagaske In na tambayeta zata ban ita."
"Banda tabbas dan itace autarta."
Ta bashi amsa.
"Ni kuma kinga ni ne ɗan fari ita Auta shikenan, ke kuma fa?' ya tambayeta.
"A gidanmu nice ta biyar a wajen Mama ƴar fari."
"Thesame."
Ya faɗa dai-dai lokacin aka ƙwanƙwasa ƙofar.
Tashi yayi ya leƙa Murtalane riƙe da Warmers karɓa yayi ya koma ciki, a gaban Murshida ya ajiye.
"Ki zuba ki bata sai a mata allurar."
A kunyace ta buɗe ta zuba mata tana ƙarasawa bakin gadonta tana tada ta, da kyar taci kaɗan tace ta koshi, ganin hakan ya sashi fita ya ƙira Dr Nura yazo ya mata allura ya bata magunguna ya nuna yadda za ana bata inshaAllah zata samu sauki.
Godiya suka masa kafin ya ɗauketa a kafaɗarsa suka fita kamar yanda suka shiga, har wajen motarsa ya buɗe ya sata, ganin haka yasa ta tsaya.
"Gida fa za muje." Ta faɗa.
Kallonshi ya maida gareta bayan ya kwantarta.
"Ni din nace miki ina zan kai ku?"
Baki ta turo tana cewa.
"Gidanmu fa."
Da da yanda ya iya da ba abinda zai hanashi dille baƙinta, kawar kanshi yayi yana faɗin.
"Masu gida can muka nufa."
Yana faɗar haka ya zagaya ya shiga motarshi, itama buɗewa tayi ta shiga kafin yaja suka bar asibitin.
Pharty Bb.
AKWAI ƘADDARA 9.
Bayan yayi parking a kofar gidansu ya miƙa mata ledan magani da ledan da ya tsaya ya sai wa Laila abu, ba yanda ta iya banda ta karɓa, hannu tasa ta amsa.
"Nagode sosai Allah biya ka da mafificin alheri."
"Ameen Nagode nima."
"Da mai?" Ta faɗa tana buɗe murfin motar.
"Da addu'a mana." Ya faɗa mata.
Ba tace komai ba ta fita, da yayunta maza haka suke da ƙannensu da sunji daɗi.
Ta da Laila tayi daga kwance da take tana kama hannunwanta ganin har zazzaɓin ya saketa.
"Sai gobe ka gaida su."
Kai ya ɗaga mata alamar za suji, kafin suka ƙarasa cikin gida yaja motarsa.
--
"Yaya ku kayi dasu Aunty Ani."
Bayan ta zauna kusa da Murshida.
"Na ƙirata tace ba komai, yaronsu ne ma ya taimaka mana, kamar asibitin su ya kaimu"
"Shi Bagus din?" Tambayar Mama.
Kai Murshida ta ɗaya alamar eh tana ma Mama bayani, sosai taji dad'i.
"Zan mishi godiya in mun haɗu."
"Gaskiya kam Mama dan tamkar yadda ya ɗauki ƙannensa haka nake ganin ya ɗauke ni."
"Bagus kenan haka yake ba rayuwar sa." Mama ta faɗa tana murmushi.
"Mama in tambayeki?" Faɗin Murshida na mai da hankalinta ga mamarta gaba daya.
"Ina ji." Tana jiran taji wani irin tambaya yartan zata mata.
"Kwanaki ya same ni da wani magana ban san yadda zan fassara miki ba amma maganar akwai ɗaure kai."
"Mai ya faɗa miki?"
Nan ta labartwa Mama ranar da yazo ya sameta karkashin bishiya da hiran da su kayi.
Shuru Mama kafin ta sauƙe ajiyar zuciya.
"Mama kice wani abu." Ta buƙata.
"Murshida kenan, bana son ki jefa kanki cikin abinda ba'a sa ki ba, amma tabbas akwai abubuwa da suke faruwa cikin rayuwar Bagus, tun fara aikina a gidan shekaru biyu kenan dan tallafawa karatunki da wasu buƙatun gida, na fuskanci yana cikin wata irin rayuwa, sai dai shi mutum ne da ba ruwansa, yana daraja ɗan adam da girmamawa, bashi da miskilanci ko kasƙanci ana na ƙasa dashi, fatana Allah warware duk abinda ke wakana cikin rayuwarsa."
"Ameen Mama." Faɗin Murshida na faɗa duniyar tunani.
Tabbas za taso taji mai ya faru ga rayuwar Bagus, shi kaɗai zai iya bata amsa.
'to ta yaya zata tunkaresa? Karshe ma yace zaƙewarta yayi yawa ko tana ƙoƙarin tusa kanta garesa.
--
Kasancewar bai shiga office bayan ya sauƙe su Murshida gida ya wuce ganin lokaci ya ja ko ya je ba abinda zai yi ya nufa gida, a kofar ɗakin Mamma yayi sallama ta bashi izinin shiga.
Guri ya samu ya zauna tare da gaisheta ta amsa tare da jeho masa tambaya.
"Daga ina, office din fa."
Murmushi yayi yana sosai ƙeyarsa da mukullin motarsa.
"Daga asibiti Mamma."
"Kuma ka dawo yanzu aikin fa?" Ta ƙara watsa masa tambaya.
"Ban samu na leƙa ba na barwa Abubakar saƙo ya isar ga Dr Aishah..."
"To kai mai ya hanaka zuwa asibitin? kamin bayani ka saya kame-kame.".
Ta faɗa da ɗan ɓaci rai.
Cikin sanyin murya yace.
"Wannan yarinyar ce na taimakawa ta ga likita ƙanwarta ba lafiya."
"Wace yarinya kenan."
Bai taɓa faɗin sunanta ba bai jin kuma zai iya pronouncing.
"Kai nake tambaya?" Ta faɗa mishi da ɗan tsawa daya sashi furta.
"Mursh...hida."
Ya faɗa a saman harshen shi yana raba sunanta, har ƙwaƙwalwar kanshi yaji sunan.
"Haba Bagus yanzu kai rashin abin yi yasa har yarinyar dake muku aiki kake ɗauka a motarka ka kai asibiti, wannan ai zubar da ajine."
Mamma tace da ɓacin rai tattare da ita.
Ganin ranta ya ɓaci cikin sanyin jiki yace.
"Haba Mamma mai abin zubar da aji taimako nayi fa."
"Ya isa kafin ka cikani da surutunka, kar ka ƙara na faɗa maka."
Ta faɗa tana ɗaga masa hannu.
"Shi kenan Allah baki hakuri in hakan ya ɓata miki rai."
"Ya wuce tashi kaje."
Cikin sanyin jiki ya fito bai taɓa tsammanin hakan zai zama wani abun ba, shi taimako yayi kuma Allah yaga niyarshi.
Washe gari.
Karfe goma na safiyar Laraba tsaye take tana aikin wanke wanke.
"Mai ya hanaka zuwa jiya?" Ta tsinci Muryar Mamma daga baƙin kofar kitchen din.
A ɗan firgice ta juya tana cewa. "Hajiya ƙanwatace ba lafiya shine na kaita asibiti."
"Wani asibiti?"
Ta buƙaci sani dan tabbatar da gaskiyar Bagus, duk da tasan bazai mata ƙarya ba.
Kame kame Murshida ta fara tana tsoron fadar gaskiya bata san mai zai biyo baya ba.
"Ke nake saurara?" Mamma ta faɗa a ɗan tsawace.
A hankali tace. "Yayansu Raudah ne ya kaimu asibitin su."
'Lallai dole ta yiwa tufkar hanci'
Ciki ta ƙarasa tana mata kallon sama da ƙasa, cike da kashedi ta fara mata magana.
"Ya zama na farko d'na karshe tsakanin ki da shi da zai ɗauke ki ya kai ki wani gurin."
"InshaAllah Hajiya hakan bazai ƙara faruwa ba, wannan din ma bani na so shi ya tilastawa kanshi."
Bata bata amsa ba ta bar kitchen din, kasa ci gaba Murshida tayi da aikinta tana ta juya maganar Hajiya a ranta, yadda ta nuna kiri kiri ɗanta kar ya raɓeta. Take maganar Mama ya fado mata.
Tabbas akwai lauje cikin naɗi.
Akwai wani abin dake tattare da ahlin nan.
Ummu Aisha thank you for always supporting me I love you😘😍❤️
Pharty Bb.
AKWAI ƘADDARA 10.
Tsawon kwana uku kenan ta toshe duk wata hanya da zata haɗu dashi, sosai maganganun Mamma ya bata mamaki, tilas ɗan Adam tara yake bai cika goma ba.
Bangaren Bagus kan shirye-shirye yake na tafiya da za suyi an turasu kasar Malaysia dan yin wani aiki, kwata kwata baya samun zama in ya fita tun safe sai ƙarfe shida wata rana sai yayi sallar magriba yake shigowa gidan, shi ya sa ma kwata kwata rashin haɗuwarsu bai dameshi ba.
Yau ta kasance asabar da wuri ya baro asibitin wajen karfe biyu, kasancewar ya gama aikin gobe jirgin su zai tashi.
Bayan ya fito a motarsa ya shiga falon, Sanjidah da Raudah ne suke kallo a falo, da gudu Raudah tayi gurinshi.
"Sannu da zuwa Yaya."
"Yawwa little sister, na gaji." Ya faɗa yana ɗagata sama.
Zama yayi a ɗaya daga kujerun falon. Sanjidah tana gaisheta, bayan ya amsa yace.
"Mamma fa?"
"Ta fita ɗazu amma Aunty Ani tana nan." Ta bashi amsa.
"Noor da Zaituna."
"Sun tafi saloon."
"Ƴan mata, ku ya baku je ba?" Ya tambayesu.
"Ni bana sa relaxer ai, kuma kaina bai yi datti ba."
Tashi yayi daga zaman da yake ya nufi ɗakinsa, wanka yayi ya faɗa kan gado duk da yunwar da yake ji bacci yake son yayi ko zai daina jin gajiyar.
Bai daɗe ba bacci ya ɗaukesa, sai guraren huɗu da kwata ya farka, alwala ya yi ya gabatar da sallah a ɗakinsa kasancewar an idar da sallah a masallaci.
Bayan ya isar ya fito falon Mamma ta dawo daga inda taje, Aunty Ani, Raudah ne suke zaune a falon, Sanjidah, Noor, Zaituna suna can sama a ɗaki.
Bayan ya gaishesu ya nufi kitchen dan haɗa ko tea ne yasha dan yunwar da yake ji ba kaɗan ba.
Tana tsaye baƙin sink tana ɗauraye plates data wanke, kusan mintuna uku da tsayuwar sa baƙin kofar ya ƙaraso ciki, tun shigowar sa da tsayuwar da yayi tana ji amma ta basar.
"Haɗa mini tea." Ya faɗa yana zama.
Tsame hannuwanta tayi ta goge kafin ta haɗa mishi ta juya ta miƙa masa.
"Thanks." Yace da ita yana karɓa.
Ba tace komai ba ta koma taci gaba da aikinta.
'meke faruwa.' Ya faɗa a ranshi kwata kwata ba alamar fara'a a fuskarta.
Tasowa yayi ya ƙarasa kusa da ita ya tsaya, fuskarta ya leƙa kaɗan wanda ya sata ɗaga kanta ta kalleshi kafin ta kawar da idanunta.
"Lafiyarki kuwa?" Ya tambaye ta da mamaki.
Kai ta ɗaga masa bata yi magana ba.
"Kin tabbatar?".
Nan ma kai ta ɗaga masa.
"Magana za kimin ba girgiza kai ba?"
"Ƙalau nake."
Can ciki tayi maganar, da baya kusa da ita da bai ji ba, ita fa bata son abinda zai jawo mata magana tasan mutuncin kanta, shi kuma sai wani jan magana yake, ina ruwansa da rashin fara'arta.
"Ban yarda ba." Ya faɗa mata.
"Dan Allah ka fita."
Ya tsinci muryarta can ƙasa.
"In fita, wani abun na miki, ko na takura miki ne, wato ni na ɗaukeki matsayin su Noor amma ke banga hakan a tare da ke ba?"
"Ba haka bane kawai dai...bana jin daɗine."
Ta faɗa ta kasa ƙarasawa bata jin zata iya faɗa mishi. Tace mai? 'mahaifiyarshi tana neman rabasu' karfin halin nata yayi yawa.
"Dan ba kya jin daɗi shine zaki bata rai, ni kam ki saki ranki muyi ban kwana."
Sai lokacin ta ɗago idanuwanta ta kalleshi.
"Will you miss me?" Ya tambayeta yana ɗaga mata gira, sai lokacin ta lura ta kafeshi da ido.
A kunyace ta ɗauke kanta tana girgizawa.
Bata fuska yayi.
"Kema ba za kiyi missing ɗina ba."
Nan ma ba tayi magana ba kunya ya hanata cewa komai, dai-dai lokacin ta gama aikinta, ta fita a kitchen ɗin da sauri.
Murmushi yayi yabi bayanta ganin ta saki ranta.
A falon ƙasa gaba daya ahlin gidan suke, tun lokacin da ya shiga ciki hankalinta ba a kwance yake ba, tun ɗazu take jiran fitowar sa shuru, hakan yasa ta basar.
A hankali ta ƙarasa wajensu.
"Aunty sai gobe na gama."
Da murmushi take kallonta tace.
"Allah kaimu Lafiya, ki gaishe da mamarki."
Bayan ta amsa ta juyawa ga Mamma.
"Hajita sai gobe."
"Uhmm." Kawai tace mata tana mai da kallonta ga Bagus dake tsaye.
Tashi Murshida tayi ta fita nan ma Bagus bayanta yabi. Da kallo ƴan falon suka bisu, Aunty Ani kam murmushi tayi banda Mamma da take ganin tamkar a mafarki take.
'Dole nasan abin yi " ta faɗa a ranta tana tashi a falon.
"Dan Allah ka koma gida."
Faɗin Murshida na tsayawa daga tafiyar da take, bayan fitowarsu a gida.
"Mai kike tsammani, raka ki zanyi." Ya faɗa mata ha tsayuwar shima.
Shuru tayi tsammaninta har ga Allah rakata zai yi kamar yadda ya mata kwanaki gashi bata son sawa kanta wani ciwon kan gurin Mamma.
Ci gaba yayi da maganar shi.
"Masallaci zanje magriba ta kusa, hanyace ta haɗa tafiyar mu."
Ajiyar zuciya ta sauƙe tana ci gaba da tafiyarta. A haka har suka isa masallaci yaja ya tsaya.
"Sai bayan sati biyu dan gobe da safe jirginmu zai tashi, may be lokacin ko bacci baki farka ba."
Ya faɗa mata.
"Har ina za kaje ne?" Ta samu kanta da tambayar shi.
"Malaysia ne, kin taɓa zuwa."
Kanta ta girgiza.
"Ina dai jin sunan a baƙin mutane."
"Kema watarana za kije."
Ya faɗa mata.
'Uhmm tace kafin ta fara tafiya tana faɗa masa.
"Allah kiyaye hanya ya bada Sa'a."
"Ameen ƙanwata."
'Ƙanwata' Kalmar ya shigeta har cikin zuciyarta ya samu guri ya zauna.
A haka ta ƙarasa gidansu inda ta tarar an kawo kayan auren su Rufaida da Fauziyya ansa biki nan da wata uku.
Sosai ta musu murna har ɗakunan su ta shiga ta gani, mutanen gidan sun sha mamakinta, sa'anninta za'a aurar amma bata damu ba.
Pharty Bb.
NWA
Bakandamiya Wane girkinmu ku ka taba gwadawa ko kuma wanne ne ku ke sha'awar gwadawa?
Rahmatu Lawan Matar Bahaushe Princess Amrah NWA A lokacin da zuria ta fara yawaita, girma ya fara zo mata. Diri da kyawunta suka soma gushewa, a sannan ne idonshi zai gane mishi muninta. Idonshi zai fara hango kyawun wata ta waje. Zai fara sauya mata fuska. Zai fara aibunta ta. Zai fara zinace-zinace. Ko kuma, Zai fara neman auren budurwa sabuwa dal, a cewarshi, ga sabon jini me ake ci da tsoho? Shin ita budurwan a haka za ta dauwama? Ba za ta zama tsohon jini ba? Shi din a haka zai dauwama ba zai komade ba? Ba zai yi furfura ba? Karfinsa ba zai ragu ba? 'Am done with her!' 'She is out dated!' 'Ta tsofe mun.' Allah sarki! Haka yake fade. Shin ina ruwan biri da gada? Wannan su ne halayen wasu daga cikin mazan Hausawa. Mace ba ta da daraja Mace ba ta da kima Mace amfaninta kalilan ne, kararre ne. Sun manta ita ce tushensu Sun manta da babu mace su ma da babu su Sun manta mace ita ce rabin jin dadinsu Sun manta gurguwar rayuwar wanda babu mace a cikin duniyarsa. Idan kun manta ne ku tuna Idan kun yi bacci ya kamata ku farka Idan ma ba ku sani ba ya kamata ku sani. Ko sai mun tunatar da ku? Ko sai mun tashe ku daga baccin da kuke? Ko sai mun sanar da ku abin da kuka riga da kuka san shi? Mace ta wuce cin zarafi Mace ta fi karfin wulakanci Mace ta fi karfin muzgunanci Matar Bahaushe ba matar azzalumi aka ce ba Matar Bahaushe ba matar tantiri aka ce ba Matar Bahaushe ba matar fasiki aka ce ba. Iyayenta sun ba ka auren ta ba don sun gajiya da ganin ta ba. Ba don sun gaji da ciyar da ita ba. Ba kuma don ka muzguna ma rayuwarta ba. Shin idan ka mutu a wannan halin me za ka fada wa mahaliccinka? Da me za ka kare kanka? Wace amsa za ka bayar a lokacin da Allah madaukakin Sarki ya tambaye ka yanda ka tafiyar da kiwon da Ya ba ka? A ji tsoron Allahu Azza-wa-jalla. #MatarBahaushe. Princess Amrah
Lawan Dalha Barka da Sallah! Muna rokon Allah Ya karbi ibadunmu Ya maimaita mana na badin badada. #Barkadasallah #EidMubarak
Hadiza Balarabe Duk wanda ya raina tsayuwar wata???
Pharty Bb AKWAI ƘADDARA 6. "Aunty Ani." Zuciyarshi ta bashi amsa, tabbas in Mamma zata ɓoye masa abu Aunty Ani ba zata iya ɓoye masa ba, yana jinta a zuciyarsa tamkar ita ɗin wani sashine na sa. Da dimbin tambayoyi ta iso gidansu bayan ta gama aikinta, da shigarta gidan ta tarar Ameer na jibgar kanwarta Laila, matan gidan kowa na kofar ɗakinsu na kallo ba mai yunkurin hanawa, bata kula su ba ta wuce ɗakinsu ta tarar Mama bata nan sai Khausar dake ta kuka ganin ana dukan ƙanwarta, hijab nata ta cire kafin ta fito a ɗakin in da ta barsu nan ta fito ta samesu, tana zuwa ta ɗagashi daga kanta kafin ta bashi marin da ya sashi fasa ihu a gigice ya nufi mahaifiyarsa. Hannun ƙanwarta ta ja ta kaita bakin randarsu ta wanke mata fuska suka koma ɗaki, tana ji Babar Yara na ta bambami ko a ƙwalar rigarta yau ƴan faɗan basa kanta yanzu ma ganin za'a cutar kanwarta ya sata rabawa. Suna shiga tayi ta lallashin ƙanwarta tare da zungurin kan Khausar. "Matsoraciya kina kallo za'a cutar kanwarki." Hawaye ta ta share "Ni wallahi Aunty Murshi tsoro nake ji, kinga fa ranar yanda suka tararwa Musaddik." "Ai duk wanda ya tarar muku In na dawo sai na karyasa, nan gaba in bana nan ko Mama kuje gidansu Asma'u kuyi wasa, kunji? "To za muje." Suka faɗa tare, a hankali suke hira suna bata labarin makaranta tana dariya har Mama ta dawo daga unguwar da take ta sameshi. Da dare suna zaune Murshida ta kalli Mama. "Mama ya maganar makarantana." "Murshida mu bar maganar nan kinsan halin mahaifinku bazai taɓa amincewa ba." "To yanzu Mama haka zan zauna ba karatu." Ta faɗa tana turo baki. "Allah haɗaki da wanda zai dillemin bakin nan, kiyi aure kawai irin yanda ƴan uwanki za suyi, sati mai zuwa za'a kawo goron tambayar Fauziyya da Aneesa, an kawo na Batul yafi wata uku sanin kan kine, ke bawa yaronnan dama, wai haka zaki zauna min in saki a gaba ina kallo." Bakinta ta gyara tana cewa. "Ni Mama daga tambaya, yaronnan bana son shi, su kuma su suka ga zasu iya yanzu, nima ina zaune Allah zai kawo min mijina ko a ƙasar Sin yake." "Kece Sin ɗin, ai Ni dai na faɗa miki ki cire rai a karatu, in kinyi aure mijinki ya yarda toh, in ko yaƙi ki rungumi na annabawa." "inshaAllah zai yarda Mama." "Toh Ameen." --- Juye juye yake a saman gadonshi bacci ya ƙauracewa idanuwansa kamar ko wani lokaci. Zuciyarsa fal tunani da yanda zai bullowa lamuransa, shekarunsa talatin da bakwai, yana bukatar yaga nashi ahlin yau ya ƙira gida da iyali mallakinsa kamar kowa, amma abubuwan da bai san ta ina suka faru ba, kuma suka faruwa, wanda kuma za suci gaba da faruwa in har zai ɗago zance abinda ya wuce. Daren ranar da kyar bacci ya ɗaukesa. Washegari bayan yayi sallar asuba ya koma bacci kasancewar ranar Lahadi ne ba aiki, bai farka ba sai wajajen sha biyu kasancewar daren jiya bai yi bacci ba, wanka ya faɗa yayi shirinsa cikin kayan shan iska ya fito. A in da yake tsamanin samun su nan ya tararsu falon Ƙasa, Mamma, Aunty Ani, Zaituna, Noor, Raudah zaune gurinsu ya ƙarasa ya gaishesu kafin kannenta su gaishsa. "Yarona break fa." Faɗin Mamma. "A kawomin nan." Ya faɗa hankalin sa na ga Aunty Ani ganin yadda take kallonsa, damuwa ta gani tattare da Bagus, ganin zai fahimci irin kallon da take masa ya sata kawar da idanunta a kanshi tana masa addu'ar samun maslaha a rayuwarsa. "Noor jeki ɗauko masa." Yaji Mamma ta faɗa da ya sashi kawar da idonsa. "Mamma sai dai a dafa wani, yayi sanyi zuwa yanzu tin safe fa." Noor ta faɗa. Da damuwa Mamma tace. "Yanzu kam Baba Saude ta tafi, ki sa ko Murshida ta ɗaura masa." "Mamma a barshi in babu karku wahalar da kanku." Bagus ya faɗa dan ji damuwarsa tafi yunwar cikinsa yawa. "To haka zaka zauna da yunwa, tashi Noor jeki faɗa mata, ina kuma za kiyi masa toh." Tashi Noor tayi ta nufi kitchen. Cikin mintuna talatin ta soya masa dankali ta haɗa masa da tea ta kawo masa, kaɗan yaci dan baya jin cin abinci. Hira suke jefa jefa a haka har azahar ya riskesu suka fara ƙoƙarin tashi dan gabatar da sallah. Kaf suka watse. Wunin ranar basu Murshida da Bagus basu haɗu ba, kuma bai samu keɓewa da Aunty Ani ba. Washegari ya kama ranar Litinin karfe takwas ya wuce gurin aiki ko breakfast bai yi ba, ƙiran emergency aka mishi, bayan fitowar sa ya aika takeaway. Wuraren karfe uku ya baro asibiti ya shigo unguwarsu a masallaci ya tsaya yayi Sallah kafin ya ƙaraso gidan, mahaifinsa ya fara tararwa cikin falon ya dawo daga ƙasar daya tafi kwana biyu. Anan ya zauna suka sha hira har wajajen biyar kafin ya wuce ɗakinsa, ruwa ya watsa ya ɗauro alwala ganin shida ta kusa. Fitowar sa yayi dai-dai da barinta ta falon, bayanta ya bi jiya da yau kwata kwata bai sata a idon shi ba, motarshi ya shiga ya danna horn mai gadi ya buɗe masa. A hankali yake tuƙawa har ya iso gefenta, tun dosowar motar gurinta take jin ƙararshi har tsayuwar sa hakan ya sata dakatawa da tafiyarta dan ganin mai tsayuwar. 'Tabbas motarshi ce' Ta faɗa a ranta, gilashin motar ya sauƙe wanda ya sa suka haɗa idanuwa tayi saurin ɗauke nata. "Shigo na cika alkawarina." Ya faɗa yana leko da kanshi ta bangarenta. Da mamaki ta kallesa tana ɗauke idonta. "Wani irin alƙawari kuma?" Ta nemi ƙarin bayani. "Shigo zan faɗa miki, kinga magriba ta kusa ina son zuwa masallaci." "Kaje kawai dan ni ban san alƙawarin da ka ke magana a kai ba." "Allah zan haɗaki da Mamma in baki shigo ba." Ya faɗa yana lalibo lambar ta cikin wayarsa. Ba tayi tsammani ba taji yace. "Mamma." Ta d'ayan bangaren ta amsa masa da "Yarona." Kasancewar wayar a handsfree ya saka taji abinda ta faɗa. Da azama ta buɗe murfin motar ta shiga ganin hakan yace wa Mamma. "Na tafi masallaci sai na dawo." "Shikenan a dawo lafiya." Kit ya kashe wayar yana ba motar giya, kallonta yayi yanda ta zumburo baki sai abin ya bashi dariya. Murmusawa yayi hakan ko ya ƙara kular da Murshida. "Ina za mu bi." Ya tambayeta. Da hannu ta dinga nuna masa har bayan layin gidansu tace ya isa, bayan ya faka motar ta buɗe. "Nagode sai gobe." Ta faɗa. Kanshi ya ɗaga yana cewa. "Gyara bakin kar yayi tsini irin wannan turowan." Juyawa tayi tana tana ƙara turo shi, ashe ya kula da ita, dariyar yayi sai kuma yaji abin wani iri, motarshi ya ja yana barin gurin. Pharty Bb. AKWAI ƘADDARA 7. Bayan uku abubuwa da yawa sun faru, tin ranar sau biyu suka ƙara haduwa, na farko a kitchen ya sameta yace ta haɗa nishi coffee ko bata iya ba. Jin kalmar bata iya ba ya sata turo baki ta haɗa ta kai masa aiko bata iyan ba dan daya kurɓa, kaɗan yasa ya amaryar da abinda yaci dukka. Ranar yayi mata dariya sosai, sai da Aunty Ani ta mishi magana ya bari. Kunya da baƙin ciki suka lullubeta kamar tayi kuka tayi ta turo baƙinnan. ** "Aunty Ani." Ya faɗa yayin da yake zama saman kujeran madubin ɗakinta. Kallonta ta mai da garesa kafin ta mayar ga abinda take yi latse-latse a laptop din gabanta, kasancewar yau weekend gidan duk sun tattara sun tafi gidan yayar Hajiya Maryam harda ita. "Na'am yaron Mamanshi." Ta bashi amsa. Murmusawa yayi kamar zai yi magana kuma sai ya fasa. Hakan ya sata ɗaga kanta ta kalleshi bakin shi akwai Magana. "Kana da magana ne?" Ta tambayeshi tana ci gaba da aikinta. "Aunty Ani ki taimaka ki sanarmin wani abu da ki ka sani game da rayuwata a baya da yanzu, ko akwai wani abinda da nake yi ba dai-dai ba da har nake samun sakamako marar kyau?" Ya ƙarasa maganar cikin sanyin murya. Cak ta tsaya da abinda take yi, bata shirya bashi amsoshinsa yanzu ba, bata shirya karɓarsu ita ɗaya ba, ta ina zata soma?. "Aunty ki taimaka ki faɗamin gwargwadon abinda kika sani dan Allah." Bagus ya faɗa yana zama gefenta dan ganin yanayinta ya tabbatar masa da akwai abinda ta sani. "Aunty." Yanda yaja sunan shi ya dawo da ita hankalinta ta kalleshi tana kawar da idanunta dan kar ya fuskanci wani abun. "Bansan komai ba, ba abinda na sani kanka.." "Aunty kar ki faɗi haka kema, ke kaɗai nake tsammanin amsa daga wajenki." Girgiza kanta tayi tana tashi. "Nace ma ban sani ba, idan har na sani zan sanar da kai, aiki nake yi zaka iya ban guri" "Shikenan Aunty Amma kimin alƙawari zaki sanarni duk lokacin da kika samu amsoshin tambayata." Kai ta ɗaga masa kafin ya fita ranshi a dagule, yana bacewa ganinta wasu siraran hawaye na zubo mata akan fuskanta, tasa hannu ta ɗaukeshi. Tsananin tashin hankali ta shiga, ranar da take tsoro ya kusa zuwa tin da har yana iya zuwa mata da waɗannan tambayoyi gaba kuma abinda zai tambayeta Allah kaɗai ya sani, take tausayinsa ya kamata dama kullum cikinsa take tun abubuwan da suka faru. Motarsa yaja ya fita gidan bai tsaya ko ina ba sai gidan abokinsa Abubakar, bayan yayi parking ya ƙirasa a wayayace yana ƙofar gidansa,. Abubakar ya fito ya shiga dashi falonsa, anan matarsa tazo ta gaidashi da yaronta a hannu, yaro na ganin babanshi ya maƙalen masa, bayan ta fita, Bagus ya kai kallonsa wajensu sun burgeshi. Ganin irin kallon da Bagus ke ma Abubakar da yaronsa ya sashi miƙa masa shi, yaro bai yi ƙiwaba ba yaje ya fara masa wasa. "Yara sun maka kyau." Cewar Abubakar yana murmushi ganin duk yaro lnsa Sabir yabi ya cukwuikwuye Bagus. "Mukam ai sai dai mu gani ana yi." Faɗin Bagus na faɗa da damuwa a ranshi. "Hakuri za kayi komai da lokacin sa, dama tin wancan lokacin Allah bai yi ba." Abubakar ya faɗa dan kwantar Bagus hankali. "Hakane amma tabbas akwai wani abun." Bagus ya faɗa. "Hakane Bagus amma kayi ta addu'a muma muna tayaka." Nan Bagus ya kwashe Abinda su kayi da Aunty Ani ya faɗa Abubakar, murmushi yayi yana cewa. "Tabbas Aunty Ani da akwai abinda ta sani take ɓoyema, kasa ido sosai akan lamuranta." Da mamaki Bagus yace . "Kana ganin zata iya cutarni da hanani jin daɗin rayuwa? Mai na tsare mata?." "Duk waɗannan basu taso ba, kawai dai ka tsananta tambayarta may be ta baka wani haske." Shi kansa Abubakar ya faɗa hakane dan yana da yaƙinin akwai wani abun ɓoyayye a tattare da Aunty Ani. Ajiyar zuciya Bagus ya sauƙe tare da na'am da shawarar abokinsa. Wajajen ƙarfe hudu ya misha sallam tare suka fito Abubakar yace bari ya rakashi gidan su gaisa dasu Mamma in sun dawo daga unguwar. A waje suka faka motarsu suka shigo cikin gidan, a harabar gidan ya hangota da alama ta gama aikinta gida zata tafi. "Mintuna biyu." Bagus yace da Abubakar yana nufan wajenta, da kallo ya bishi shi yana mamakin sauƙin kai na abokinsa, shi dai kowa nashi ne. "Kamar ko nasan zaki tafi ban shigo da motar ba nayi parking a waje, muje na kai ki." Ya faɗa yana tsayuwa a gabanta dan hanata wucewa. "Bana so." Murshida ta faɗa tana turo baki. Yau da Sanjidah ko Raudah ke mishi haka da baki da ya daɗe da dilleshi. "So yau dan Mamma bata nan shine za kice bakya so ai Aunty Ani tana nan." Na rai na rai tayi da idanunta. "Dan Allah ka bari wallahi zaka jamin abin magana a unguwa." Dariya yayi. "To wani irin magana kuma? Faɗamin sai me in su kayi maganar, kice musu waye in suka tambayeki?" "Shine nima ban sani ba." Ta faɗa tana turo bakinta, abin ya zame mata jiki, kullum faɗarta da Mama kenan. Dariya ya ƙara yi har haƙoransa na bayyana. "Shikenan duk ranar da kika samo mana amsa sai in kai ki har ƙofar gida, in zan samu ma in shiga har ciki in gaishe da mutanen gidanku." Idanunta ta zaro. "Allah kasa karna samo amsar nan da wuri." "Ba ameen ba ". Ya faɗa yana juyawa ga Abubakar da bashi ba labarinshi. Tuni ya shiga cikin falon ganin maganar su ba mai ƙarewa bane. "Kinga kin jani da surutu abokinsa ya tafi." "To ka shiga ka samesa sai gobe." "Bye ki gaishe dasu Mama." Ya faɗa yana barin gurin. "Za taji." Ta faɗa ta juyawa taci gaba da tafiyarta, ya shige falon. "Ko da ita za ayi abokina?" Abubakar ya faɗa yana kallon abokinsa yayin da suka fito daga Masallaci bayan gabatar da sallar magriba dan zuwa gida ya ɗauki motarsa ya wuce nashi gidan. Girgiza kansa Bagus yayi ko kaɗan bai ji haushin maganar Abubakar ba, sai dai ita din ya ɗauketa matsayinsu Noor da Zaituna ne. "Matsayin su Noor na bata." "Allah ya sa hakan ne." Faɗin Abubakar. Juyawa yayi ya kalli abokinsan da taimakon farin wata da hasken wutar lantarki unguwar ya samu ganin fuskarsa dan ma duhu bai yi ba sosai, jin maganganusa yana neman fassarashi ya sashi faɗin. "Kasan bazan ƙara gigin sake maimaitawa ba, dan kar ita ma ta guje ni." Dafa kafaɗarshu Abubakar yayi. "Kar ka cire rai ga samun dama." "Uhmm Abubakar kenan." Ya faɗa da damuwa. "Please Bagus." Abubakar ya faɗa dan karfafa masa gwuiwa. Bai iya Magana sai jan kafarshi da yayi yana barin gurin hakan yasa Abubakar bin bayansa. Bayan sun isa ƙofar gidansu Bagus, Abubakar ya mishi sallama ya shiga motarshi yaja ya tafi shi kuma ya shige gida. Pharty Bb. AKWAI ƘADDARA 8. "Alhaji ban san ta ina zan fara ba, ranar da nake gudu ta fara kusantowa, ina cikin tashin hankali, shin abinda nayi bazan taɓa daina dana sanin saba har karshen rayuwata ba, kuskure ne...." "Ani..." Faɗin Alhaji Mudassir na kama hannun matarsa ya zaunarta gefensa. Idanu ya tsira mata yanda duk tabi ta tada hankalin ta, tabbas dole ta tayar dalilin hakan yaƙi bawa Bagus fuskar tunkararsa da tambayoyinsa, yasan dole ranar tazo kuma dole ya tambaya, kuma yasan dole a amsa masa amma bai san ta yaya zai ɗauka ba. "Alhaji kai ma kana tunanin abinda nake tunawa." Faɗin Aunty Ani ga mijinta Ajiyar zuciya ya sauƙe a sanyaye yace. "Ani tabbas wannan ranar dole tazo, duba da irin yadda Bagus ke fuskantar matsaloli a rayuwarsa wanda ba musan dalili ba, amma hakan baya rasa nasaba da abinda muka ɓoye, abinda kawai za muyi shine addu'a da roƙon Allah yaci gaba da ɓoye mana sirrin da muka daɗe da binne wa." Ajiyar zuciya Aunty Ani ta sauƙe a hankali tace. "Allah ya amsa mana." "Ameen." Ya faɗa a bayyane. Daren ranar da kyar ɓarawon bacci ya ɗauki Aunty Ani. Washegari. "Mama jikinta da zafi kuma sai rawar sanyi take." "Kin bata maganin?" Mama na faɗa tana taɓa jikin Laila da tin daren jiya take fama da zazzaɓi mai zafi. "Tin jiya da dare na bata paracetamol, yanzu ma na bata kuma har yanzu ba alamar ya sauƙa, ko zamu kaita chemist ne?" "Bari ina faɗawa Babanku sai ko Khausar ta raka ki." "Toh Shikenan." Murshida ta faɗa tana tashi dan cire kayan da zata saka. Fita Mama tayi ta sanar da Baba cewar Laila bata ji dad'i ba, dubu ɗaya ya cire yace Murshida ta kaita asibiti zai yi malaria ya kamata tinda sunyi ta bata magani yaki sauƙa. "Gashi kiyi sauri ki kaita asibiti, in kin dawo da wuri ki wuce gurin aikinki." Ɓata fuska Murshida tayi. "Yanzu Mama Laila ba lafiya kina mini maganar aiki." "To ya ki ke so muyi dasu ni zanje, kiyi sauri kawai ki dawo." Ganin Mama ta ɓata rai yasa Murshida sassauta murya. "To Allah yasa kar na tarar da layi, amma da an ƙira su a faɗa musu kar su ga na dade su zata wani abu ne." "Ga nan wayata ki ɗauki numbern Aunty Ani ki ƙira da naki ni banda kuɗi." Mama ta faɗa tana nuna mata wayarta a saman window. Toh tace tana tashi ta ɗauki wayar kan window ta kofi lambar a wayarta ta ajiye, wanka ta faɗa sauri sauri tayi ta shirya kafin su kama Mama sallama ta fita ita da Laila, sun bar Khausar ta taya Mama aikace aikace-aikace. A daidaita ta tara suka hau sai asibitin gomnati, layin yankar kati tabi mutane sama da talatin gabansu, guri ta samu ta zauna ta kwantar Laila tare da ɗaura kanta bisa cinyarta. Kusan mintuna goma da zamanta ta tuna da ƙiran da za tama Aunty Ani, wayarta ƙiran tecno mai pad ta ciro ta duba kudin asusun ta Naira talatin, zai isheta tayi ƙira, numbern Aunty Ani ta ƙira bugu biyu ta ɗauka tare da sallama. "Ina kwana Aunty?" Ta faɗa kamar tana gabanta. "Lafiya kalau, kamar Muryar Murshida." Faɗin Aunty Ani daga ɓangaren ta. "Eh Aunty ni ce, nace dama bazan samu zuwa yau da wuri ba, saboda ƙanwatace ta tashi bata jin dadi na kaita asibiti." "Subhanallahi Allah bata lafiya, karki damu kiyi komai a hankali in ya so ko zuwa gobe ta samu sauƙi sai kizo." "Toh Shikenan Aunty nagode." "Ba komai Allah Bata lafiya." "Ameen." Ta faɗa tana kashe wayar. "Waye ba lafiya Aunty?" Bagus ya faɗa da tin fara wayarsu yake kallonta. "Laila." "Waye ce haka?" Ya tamby ya neman karin bayani. "Kanwar Murshida mai taya mu aiki." Ta bashi amsa. "Allah bata lafiya wane asibiti suka je?." "General hospital ina tsammanin suke, kaje ka duba su in anjima ni zanje ko gobe." Tashi yayi dama a shirye yake zai tafi aiki. "Shikenan sai anjima, zan wuce asibiti daga can" "Allah bada Sa'a." Ameen ya faɗa yayin da yake fita, bai tsaya ko ina ba sai general hospital, layin masu kati ya bi ya kai dubansa gurin yarinyar dake kwance saman benchi, takawa yayi har gurin ta ya fara dube-dube a can wajen yankar kati ya hango Murshida, ɗaukar Laila yayi ya nufi gurinta. Daf da ita ya tsaya yanda za taji yace. "Biyo ni." A hanzarce ta ɗaga kanta jin muryarsa da bata taɓa tsammani ji ba yanzu. Ganin ya fara tafiya ta bi bayansa ta fasa yankar katin, inda ya faka motarsa ya tsaya a filin harabar asibitin, buɗe gidan baya yayi ya kwantar Laila kafin ya zagaya ya shiga mazaunin direba. Tana tsaye galala tana kallonsa har ya kunna motar ya sauƙe gilashin gefenta ya ɗan leko da kansa. "Shigo mana.?" Ya faɗa mata. "Ina za ka kaita? Likita fa zamu gani bata jin daɗi." "Na sani nima wajen likitar zan kai ta ai." Ya bata amsa. Jin abinda ya faɗa ya sata buɗe motar ta shiga, kullum cikin kamshi da tsanyayyar iska mai ratsa jiki motar ta kasance. Cikin kwarewa ya karkata kan motarsa ya fita a harabar asibitin, bai tsayar dasu ko ina ba sai asibitinsu, bayan ya samu gurin ajiye mota inda ya kasance nan ne wayen ajiyewar sa, suka fito ya saɓa Laila a kafaɗarsa suka shiga ciki yana gaba tana binsa. A kofar offishin Dr Nura ya tsaya bayan patients din da yake dubawa ta fito ya shiga tare da umartar security na wajen ta faɗawa masu shiga su ɗan jira. Bayan shigarsu ya kwantar Laila a gadon da ake duba marasa lafiya kafin ya juyo ga Dr Nura suka gaisa. Murshida dake zauna saman wani kujera ta gaishesa, anan yake masa bayani zazzaɓi ke damunta ya dubata. Bayan Dr Nura ya duba ta, malaria ke son kamata, allurai da magunguna ya rubuta mata. Karɓar takardan Bagus yayi tare da fita, kusan mintuna goma ya dawo ɗauke da ledojin maganin ya miƙawa Dr Nura. "Taci abinci?" Dr Nura ya faɗa yana kallon Bagus, kallonshi ya mai da ga Murshida, kamar kaɗangaruwa ta girgiza kanta. Wayarshi ya ciro a aljihunsa yayi latse latse-latse yana kafawa a kunnesa, ringing biyu aka ɗauka. "Aunty a aiko abinci asibitin mu yanzu Please." "An riƙesu ne?" Ta tambaya ta d'ayan bangaren. "Ah a akwai wasu alluraine da za'a mata... Kin gane dai." "Toh shikenan bari in bawa Murtala ya kawo." Ta faɗa dan ta fahimci maganarsa, tun yana yaro in yayi wani abin duk gidan ita take ganewa. "To ina jiransa." Ya faɗa mata. Bayan ya kashe wayar ya faɗawa Dr Nura za'a kawo yanzu, ganin hakan ya sashi basu guri ya koma d'ayan ɗakin dan cigaba da kula da marasa lafiya da suke jiransa. Bayan fitarsa ta mai da hankalinta ga Bagus da yake waya yana faɗawa Abubakar ba zai samu ƙarasowa ba area nasu ba ya faɗawa Dr Aisha. Haɗa idanu su kayi ta ɗauke nata. Gira ya ɗaga mata alamar yaya, ba tace komai ba kanta a ƙasa. "Ya ya dai, kina bukatar wani abu?" Ya faɗa bayan ya gama wayar. Girgiza kanta tayi can ta numfasa tace. "Hidimar yayi yawa." "Mai kike tsammani?" Ya faɗa yana takawa inda take, gefenta ya zauna yaci gaba da faɗin. "Kanwatace ai nima, ko baza ki ban ita ba?" Murmusawa tayi tana cewa. "Mama zaka tambaya." "Dagaske In na tambayeta zata ban ita." "Banda tabbas dan itace autarta." Ta bashi amsa. "Ni kuma kinga ni ne ɗan fari ita Auta shikenan, ke kuma fa?' ya tambayeta. "A gidanmu nice ta biyar a wajen Mama ƴar fari." "Thesame." Ya faɗa dai-dai lokacin aka ƙwanƙwasa ƙofar. Tashi yayi ya leƙa Murtalane riƙe da Warmers karɓa yayi ya koma ciki, a gaban Murshida ya ajiye. "Ki zuba ki bata sai a mata allurar." A kunyace ta buɗe ta zuba mata tana ƙarasawa bakin gadonta tana tada ta, da kyar taci kaɗan tace ta koshi, ganin hakan ya sashi fita ya ƙira Dr Nura yazo ya mata allura ya bata magunguna ya nuna yadda za ana bata inshaAllah zata samu sauki. Godiya suka masa kafin ya ɗauketa a kafaɗarsa suka fita kamar yanda suka shiga, har wajen motarsa ya buɗe ya sata, ganin haka yasa ta tsaya. "Gida fa za muje." Ta faɗa. Kallonshi ya maida gareta bayan ya kwantarta. "Ni din nace miki ina zan kai ku?" Baki ta turo tana cewa. "Gidanmu fa." Da da yanda ya iya da ba abinda zai hanashi dille baƙinta, kawar kanshi yayi yana faɗin. "Masu gida can muka nufa." Yana faɗar haka ya zagaya ya shiga motarshi, itama buɗewa tayi ta shiga kafin yaja suka bar asibitin. Pharty Bb. AKWAI ƘADDARA 9. Bayan yayi parking a kofar gidansu ya miƙa mata ledan magani da ledan da ya tsaya ya sai wa Laila abu, ba yanda ta iya banda ta karɓa, hannu tasa ta amsa. "Nagode sosai Allah biya ka da mafificin alheri." "Ameen Nagode nima." "Da mai?" Ta faɗa tana buɗe murfin motar. "Da addu'a mana." Ya faɗa mata. Ba tace komai ba ta fita, da yayunta maza haka suke da ƙannensu da sunji daɗi. Ta da Laila tayi daga kwance da take tana kama hannunwanta ganin har zazzaɓin ya saketa. "Sai gobe ka gaida su." Kai ya ɗaga mata alamar za suji, kafin suka ƙarasa cikin gida yaja motarsa. -- "Yaya ku kayi dasu Aunty Ani." Bayan ta zauna kusa da Murshida. "Na ƙirata tace ba komai, yaronsu ne ma ya taimaka mana, kamar asibitin su ya kaimu" "Shi Bagus din?" Tambayar Mama. Kai Murshida ta ɗaya alamar eh tana ma Mama bayani, sosai taji dad'i. "Zan mishi godiya in mun haɗu." "Gaskiya kam Mama dan tamkar yadda ya ɗauki ƙannensa haka nake ganin ya ɗauke ni." "Bagus kenan haka yake ba rayuwar sa." Mama ta faɗa tana murmushi. "Mama in tambayeki?" Faɗin Murshida na mai da hankalinta ga mamarta gaba daya. "Ina ji." Tana jiran taji wani irin tambaya yartan zata mata. "Kwanaki ya same ni da wani magana ban san yadda zan fassara miki ba amma maganar akwai ɗaure kai." "Mai ya faɗa miki?" Nan ta labartwa Mama ranar da yazo ya sameta karkashin bishiya da hiran da su kayi. Shuru Mama kafin ta sauƙe ajiyar zuciya. "Mama kice wani abu." Ta buƙata. "Murshida kenan, bana son ki jefa kanki cikin abinda ba'a sa ki ba, amma tabbas akwai abubuwa da suke faruwa cikin rayuwar Bagus, tun fara aikina a gidan shekaru biyu kenan dan tallafawa karatunki da wasu buƙatun gida, na fuskanci yana cikin wata irin rayuwa, sai dai shi mutum ne da ba ruwansa, yana daraja ɗan adam da girmamawa, bashi da miskilanci ko kasƙanci ana na ƙasa dashi, fatana Allah warware duk abinda ke wakana cikin rayuwarsa." "Ameen Mama." Faɗin Murshida na faɗa duniyar tunani. Tabbas za taso taji mai ya faru ga rayuwar Bagus, shi kaɗai zai iya bata amsa. 'to ta yaya zata tunkaresa? Karshe ma yace zaƙewarta yayi yawa ko tana ƙoƙarin tusa kanta garesa. -- Kasancewar bai shiga office bayan ya sauƙe su Murshida gida ya wuce ganin lokaci ya ja ko ya je ba abinda zai yi ya nufa gida, a kofar ɗakin Mamma yayi sallama ta bashi izinin shiga. Guri ya samu ya zauna tare da gaisheta ta amsa tare da jeho masa tambaya. "Daga ina, office din fa." Murmushi yayi yana sosai ƙeyarsa da mukullin motarsa. "Daga asibiti Mamma." "Kuma ka dawo yanzu aikin fa?" Ta ƙara watsa masa tambaya. "Ban samu na leƙa ba na barwa Abubakar saƙo ya isar ga Dr Aishah..." "To kai mai ya hanaka zuwa asibitin? kamin bayani ka saya kame-kame.". Ta faɗa da ɗan ɓaci rai. Cikin sanyin murya yace. "Wannan yarinyar ce na taimakawa ta ga likita ƙanwarta ba lafiya." "Wace yarinya kenan." Bai taɓa faɗin sunanta ba bai jin kuma zai iya pronouncing. "Kai nake tambaya?" Ta faɗa mishi da ɗan tsawa daya sashi furta. "Mursh...hida." Ya faɗa a saman harshen shi yana raba sunanta, har ƙwaƙwalwar kanshi yaji sunan. "Haba Bagus yanzu kai rashin abin yi yasa har yarinyar dake muku aiki kake ɗauka a motarka ka kai asibiti, wannan ai zubar da ajine." Mamma tace da ɓacin rai tattare da ita. Ganin ranta ya ɓaci cikin sanyin jiki yace. "Haba Mamma mai abin zubar da aji taimako nayi fa." "Ya isa kafin ka cikani da surutunka, kar ka ƙara na faɗa maka." Ta faɗa tana ɗaga masa hannu. "Shi kenan Allah baki hakuri in hakan ya ɓata miki rai." "Ya wuce tashi kaje." Cikin sanyin jiki ya fito bai taɓa tsammanin hakan zai zama wani abun ba, shi taimako yayi kuma Allah yaga niyarshi. Washe gari. Karfe goma na safiyar Laraba tsaye take tana aikin wanke wanke. "Mai ya hanaka zuwa jiya?" Ta tsinci Muryar Mamma daga baƙin kofar kitchen din. A ɗan firgice ta juya tana cewa. "Hajiya ƙanwatace ba lafiya shine na kaita asibiti." "Wani asibiti?" Ta buƙaci sani dan tabbatar da gaskiyar Bagus, duk da tasan bazai mata ƙarya ba. Kame kame Murshida ta fara tana tsoron fadar gaskiya bata san mai zai biyo baya ba. "Ke nake saurara?" Mamma ta faɗa a ɗan tsawace. A hankali tace. "Yayansu Raudah ne ya kaimu asibitin su." 'Lallai dole ta yiwa tufkar hanci' Ciki ta ƙarasa tana mata kallon sama da ƙasa, cike da kashedi ta fara mata magana. "Ya zama na farko d'na karshe tsakanin ki da shi da zai ɗauke ki ya kai ki wani gurin." "InshaAllah Hajiya hakan bazai ƙara faruwa ba, wannan din ma bani na so shi ya tilastawa kanshi." Bata bata amsa ba ta bar kitchen din, kasa ci gaba Murshida tayi da aikinta tana ta juya maganar Hajiya a ranta, yadda ta nuna kiri kiri ɗanta kar ya raɓeta. Take maganar Mama ya fado mata. Tabbas akwai lauje cikin naɗi. Akwai wani abin dake tattare da ahlin nan. Ummu Aisha thank you for always supporting me I love you😘😍❤️ Pharty Bb. AKWAI ƘADDARA 10. Tsawon kwana uku kenan ta toshe duk wata hanya da zata haɗu dashi, sosai maganganun Mamma ya bata mamaki, tilas ɗan Adam tara yake bai cika goma ba. Bangaren Bagus kan shirye-shirye yake na tafiya da za suyi an turasu kasar Malaysia dan yin wani aiki, kwata kwata baya samun zama in ya fita tun safe sai ƙarfe shida wata rana sai yayi sallar magriba yake shigowa gidan, shi ya sa ma kwata kwata rashin haɗuwarsu bai dameshi ba. Yau ta kasance asabar da wuri ya baro asibitin wajen karfe biyu, kasancewar ya gama aikin gobe jirgin su zai tashi. Bayan ya fito a motarsa ya shiga falon, Sanjidah da Raudah ne suke kallo a falo, da gudu Raudah tayi gurinshi. "Sannu da zuwa Yaya." "Yawwa little sister, na gaji." Ya faɗa yana ɗagata sama. Zama yayi a ɗaya daga kujerun falon. Sanjidah tana gaisheta, bayan ya amsa yace. "Mamma fa?" "Ta fita ɗazu amma Aunty Ani tana nan." Ta bashi amsa. "Noor da Zaituna." "Sun tafi saloon." "Ƴan mata, ku ya baku je ba?" Ya tambayesu. "Ni bana sa relaxer ai, kuma kaina bai yi datti ba." Tashi yayi daga zaman da yake ya nufi ɗakinsa, wanka yayi ya faɗa kan gado duk da yunwar da yake ji bacci yake son yayi ko zai daina jin gajiyar. Bai daɗe ba bacci ya ɗaukesa, sai guraren huɗu da kwata ya farka, alwala ya yi ya gabatar da sallah a ɗakinsa kasancewar an idar da sallah a masallaci. Bayan ya isar ya fito falon Mamma ta dawo daga inda taje, Aunty Ani, Raudah ne suke zaune a falon, Sanjidah, Noor, Zaituna suna can sama a ɗaki. Bayan ya gaishesu ya nufi kitchen dan haɗa ko tea ne yasha dan yunwar da yake ji ba kaɗan ba. Tana tsaye baƙin sink tana ɗauraye plates data wanke, kusan mintuna uku da tsayuwar sa baƙin kofar ya ƙaraso ciki, tun shigowar sa da tsayuwar da yayi tana ji amma ta basar. "Haɗa mini tea." Ya faɗa yana zama. Tsame hannuwanta tayi ta goge kafin ta haɗa mishi ta juya ta miƙa masa. "Thanks." Yace da ita yana karɓa. Ba tace komai ba ta koma taci gaba da aikinta. 'meke faruwa.' Ya faɗa a ranshi kwata kwata ba alamar fara'a a fuskarta. Tasowa yayi ya ƙarasa kusa da ita ya tsaya, fuskarta ya leƙa kaɗan wanda ya sata ɗaga kanta ta kalleshi kafin ta kawar da idanunta. "Lafiyarki kuwa?" Ya tambaye ta da mamaki. Kai ta ɗaga masa bata yi magana ba. "Kin tabbatar?". Nan ma kai ta ɗaga masa. "Magana za kimin ba girgiza kai ba?" "Ƙalau nake." Can ciki tayi maganar, da baya kusa da ita da bai ji ba, ita fa bata son abinda zai jawo mata magana tasan mutuncin kanta, shi kuma sai wani jan magana yake, ina ruwansa da rashin fara'arta. "Ban yarda ba." Ya faɗa mata. "Dan Allah ka fita." Ya tsinci muryarta can ƙasa. "In fita, wani abun na miki, ko na takura miki ne, wato ni na ɗaukeki matsayin su Noor amma ke banga hakan a tare da ke ba?" "Ba haka bane kawai dai...bana jin daɗine." Ta faɗa ta kasa ƙarasawa bata jin zata iya faɗa mishi. Tace mai? 'mahaifiyarshi tana neman rabasu' karfin halin nata yayi yawa. "Dan ba kya jin daɗi shine zaki bata rai, ni kam ki saki ranki muyi ban kwana." Sai lokacin ta ɗago idanuwanta ta kalleshi. "Will you miss me?" Ya tambayeta yana ɗaga mata gira, sai lokacin ta lura ta kafeshi da ido. A kunyace ta ɗauke kanta tana girgizawa. Bata fuska yayi. "Kema ba za kiyi missing ɗina ba." Nan ma ba tayi magana ba kunya ya hanata cewa komai, dai-dai lokacin ta gama aikinta, ta fita a kitchen ɗin da sauri. Murmushi yayi yabi bayanta ganin ta saki ranta. A falon ƙasa gaba daya ahlin gidan suke, tun lokacin da ya shiga ciki hankalinta ba a kwance yake ba, tun ɗazu take jiran fitowar sa shuru, hakan yasa ta basar. A hankali ta ƙarasa wajensu. "Aunty sai gobe na gama." Da murmushi take kallonta tace. "Allah kaimu Lafiya, ki gaishe da mamarki." Bayan ta amsa ta juyawa ga Mamma. "Hajita sai gobe." "Uhmm." Kawai tace mata tana mai da kallonta ga Bagus dake tsaye. Tashi Murshida tayi ta fita nan ma Bagus bayanta yabi. Da kallo ƴan falon suka bisu, Aunty Ani kam murmushi tayi banda Mamma da take ganin tamkar a mafarki take. 'Dole nasan abin yi " ta faɗa a ranta tana tashi a falon. "Dan Allah ka koma gida." Faɗin Murshida na tsayawa daga tafiyar da take, bayan fitowarsu a gida. "Mai kike tsammani, raka ki zanyi." Ya faɗa mata ha tsayuwar shima. Shuru tayi tsammaninta har ga Allah rakata zai yi kamar yadda ya mata kwanaki gashi bata son sawa kanta wani ciwon kan gurin Mamma. Ci gaba yayi da maganar shi. "Masallaci zanje magriba ta kusa, hanyace ta haɗa tafiyar mu." Ajiyar zuciya ta sauƙe tana ci gaba da tafiyarta. A haka har suka isa masallaci yaja ya tsaya. "Sai bayan sati biyu dan gobe da safe jirginmu zai tashi, may be lokacin ko bacci baki farka ba." Ya faɗa mata. "Har ina za kaje ne?" Ta samu kanta da tambayar shi. "Malaysia ne, kin taɓa zuwa." Kanta ta girgiza. "Ina dai jin sunan a baƙin mutane." "Kema watarana za kije." Ya faɗa mata. 'Uhmm tace kafin ta fara tafiya tana faɗa masa. "Allah kiyaye hanya ya bada Sa'a." "Ameen ƙanwata." 'Ƙanwata' Kalmar ya shigeta har cikin zuciyarta ya samu guri ya zauna. A haka ta ƙarasa gidansu inda ta tarar an kawo kayan auren su Rufaida da Fauziyya ansa biki nan da wata uku. Sosai ta musu murna har ɗakunan su ta shiga ta gani, mutanen gidan sun sha mamakinta, sa'anninta za'a aurar amma bata damu ba. Pharty Bb. NWA
Sᴜᴍᴀɪʏʏᴀ Bᴀʙᴀʏᴏ (sᴜᴍɪᴇᴇ ʙ.) Abu Dharr said, "I asked, 'Messenger of Allah, may Allah bless him and grant him peace - what if a man loves a people but cannot join them? 'He replied, 'Abu Dharr, you are with the one you love.' I said, 'I love Allah and His Messenger. 'He said, 'Abu Dharr, you are with the one you love.'" *Bukhari*
Badiyya Adam *HAZA?A WRITERS ASSOCIATION* *AN KI CIN BIRI...* "Yaya." Ta kira shi yana kokarin fita daga dakin Inna. Ya juyo tare da ?aure fuska. "Yanzu kuma me ya faru kike kirana?" "Yaya ka ga fa su Maijidda har sun kai ?inkin sallarsu, mu kuma ba ka siyo mana ba." Ta ce a sanyaye tana kallon Innarsu, wacce ko dubansu ba ta yi ba. "Lallai ma yarinyar nan. Yaushe rabon ki ga na fita aiki? Da shekaruna zan siyo muku kayan sallar? Ko tausayi ba ku da shi wallahi. Yau sati na uku ko naira biyar ban rike a hannuna ba, amma kina maganar kayan sallah. Sakarya kawai." Ya yi waje yana jan tsaki. "Ke kam ba ki da hankali Sajida, yanzu komai ai dan hakuri ne babu aiki tunda wannan cutar ta bullo. Kina gani kullum zaune yake gida, daga ya kwanta sai kuwa zaman bishiyar kofar gida. Ku rabu da shi don Allah, ya muku ai lokacin da yana da shi, yanzu yanayi ya zo da ba lallai sai an sanya sabon kaya ba, idan ciki ya ga duhu an gode Allah." "Inna! Ni fa tuna masa kawai na yi, kuma ai na ga jiya ya fita na yi zaton aiki ya je." Ta ce tana cigaba da goge dakin da take yi. Shi kuwa yana fita ya nemi wuri ya zauna, shi kadai kofar gidanna su yana karanta wasikar Jaki. Wayarsa ta yi ?araya duba, ganin kai kiran ya sanya shi sakin murmushi har hakoransa suka bayyana. "Habibty." Ya ce bayan ya kara wayar a kunnensa, cike da annashuwa. "Habibina! Na yi kewarka sosai." Ta amsa da sassanyar muryarta. "Ni ma fa, kuma ina ta zancenki a zuciya kiran ne dai ban yi ba. Ya kike?" "Ina lafiya kalau Habibina, kuma na tabbatar kai ma kana lafiya." "Babu lafiya Habibty, kewarki sosai take damuna, yanzu da na ji muryarki kamar na tashi sama na zo na ganki." "Ina jiranka." Ta karashe maganar tana dariya. Shi ma dariyar ya yi domin ya san me ya sanyata dariya. "Saboda kin san babu hanya ko? Za ki sani." "Yauwa Habibina, Kausar ta kawo ankon da zamu saka da sallah, shi ne na ce bari na fada maka." Shiru na yan dakiku, cikin dakika kasa da biyar, ya hango abun da ya yi saura a asusun ajiyarsa na banki, Naira dubu shida ne ciff! Dogon numfashi ya ja ya sauke a hankali, sannan ya yi gyaran murya. "To Habibty na wa ne ku?in?" "Dubu biyar ake siyar da yadin, sai kudin ?inki dubu biyu." Ta yi maganar tana murmushi. "To bari na turo miki ta akwant ?inki, na ?inki daga baya zan ba ki." Godiya ta yi ta katse wayar. Shi kuwa duniyar tunani ya shiga, gaba da baya idan ya tura mata dubi biyar ba shi da inda zai samo wasu kudin. Tsaki ya ja cike da takaici. "Wasu yan'matan ba su da hankali wallahi, duk da sun san yanayin da ake ciki amma ba za su daina tambayar abun da bai zama dole akan samarinsu ba. Babu kamun kai ma a auren irin wadannan matan wallahi, mace ba tausayi ballantana tunani, ki rika tambayar saurayi kayan sallah kamar shi ne ya haife ki, ko kunya ma ba sa ji." Ya ja tsaki tare da maida wayar aljihu. Can kuma ya kalli hanyar shiga gidansu, ya hango Sajida na wanke-wanke. Ya ka?a kai tamkar kadangare, ya tuna yanzu ya gama kiranta sakarya kan batun kayan sallah. Ya ce, "Idan an ki cin biri a ci dila." Beauty Queen
Yusuf lawal Yusuf FITSARIN KWANCE (BEDWETTING/NOCTURNAL ENURESIS). Fitsarin kwance da a turance ana kiranshi “Bedwetting” ko kuma “incontinence” sannan a kimiyyance kuma ana kiranshi da “nocturnal enuresis”, matsalace ta yin fitsari yayin da mutum yake bacci ba tare da maiyin fitsarin yasan yayi ba (involuntarily). Yawanci ana samun fitsarin kwance ne a yara da suke a rukunin shekara daya zuwa bakwai (1-7years), saboda kankantar jakar ajiye fitsarin yara (bladder), ba kasafe take iya rike adadin fitsarin da jiki yake samarwa da daddare ba. Sannan yara basa iya samar da isashshen sinadarin hormone da yake rage adadin fitsarin da jiki ke samarwa da daddare maisuna “antidiuretic hormone” sai hakan ya haddasa rashin iya riqe fitsari ga yara da daddaren. A bisa al’ada ta girman yaro, a tsakanin shekara daya zuwa shekara bakwai na farkon rayuwa, saboda yanayi da tsari na gudanar da rayuwar yaro, yakanyi fitsari ayayin da yake bacci ba tare da ya sani ba. Hakan kuma ba wata matsalace da za’a tsangwami yara ba, domin suma basu san sunayi ba, ba yin Kansu bane (involuntarily). Wasu yaran sukanyi kullum wasu kuma sukanyi yau gobe basuyi ba, wasu ma idan sukayi sau daya sai bayan kwanaki suke kara yi (jefi-jefi), wasu ma da sun fara sukan daina yi, ya danganata da nutsuwa, tsarin rayuwa, saitin ruhi (mind-set) da na qwaqwalwar (brain set-up) yaro a tsakankanin kwanakin. Bayan shekara bakwai yara sukan daina yin fitsarin kwance, saboda cigaban kwakwalwa suka samu yana canja tsarukan rayuwarsu. Matsalar fitsarin kwance matsalace da horo da tsangwama basa maganceta sai ma ta kara ta’azzara. Hakuri da dabaru da fahimtar da yara da canja musu tsarin kwanciyar bacci da na rayuwa (change in lifestyle) shine mafita. Iyaye su dunga hakuri, kada su dunga kyarar ‘yayansu, ko subar wani ya kyare su, ko da sunga sunshiga damuwa akan Matsalar su kwantar musu da hankali, domin walwalarsu tana da tasiri wajen daina yin fitsarin kwancensu. Babu dacewa a hukunta yara ko a tsangwamesu akan abinda basu san ma sunayi ba kuma bazasu iya hana kansu yi ba. Kuskuren da iyaye sukeyi shine, su kanyi horo tare da tsangwamar yara idan suna fitsarin, wanda hakan yake jawowa saboda fargaba da tsoro da damuwa da kunchi da suke shiga, sai Matsalar fitsarin kwancen ta zama cikin tsaruka (pattern) da kuma shirye-shiryen (programs) da ruhin dan adam (mind) yake bawa jiki ya gudanar ba tare da mutum yana sane ba. Duk lokacin da yara sukazo kwanciya fargabar kada suyi fitsari a dakesu ko a tsangwamesu sai ya zama shine abinda yake tunawa jiki cewa idan sun kwanta suyi fitsari, domin shi ruhin dan adam dama yana dauke da shiryayyun tsaruka (programmed patterns) na yin fitsarin kwancen, fargaba da tsoro kuma suna tunatar da ruhi ya zama a shirye domin yin fitsrain. Mafiya yawan lokuta a dalilin hakan sai yara su girma sun wuce shekara bakwai (7years) suna fitsarin kwance. Daga nan Matsalar ta faro, amma daga lokacin da yara suka girma suna fitsarin kwance, wasu sai aci gaba da tsangwamarsu ana ganin cewa suna sane ma sukeyin fitsarin, tayaya da girmansu za’ace suna fitsarin kwance, ko kuma ayita dugunzuma mai matsalar cewa “duk ga ‘yan uwanka nan basayi saikai”, irin wadannan maganganu sukan haddasa shiga kunci ga mai dauke da Matsalar har takai ya samu wani matsala da ake kira PTDS (Post-Traumatic Stress Disorder), hakan yasa yayita mugayen mafarke-mafarke, ko yayita mafarki gashi a wani bandaki a tsugunne zaiyi fitsari, kuma dagaske sai yayi fitsarin yana cikin mafarkin, ko ya ganshi a bakin kwata ya tube zaiyi fitsari. Daga hakane, wasu sai ace aljani ne ya shiga jikinsu ko ya shafesu, wasu kuma ace Matsalar ma fitsara ce take damunsu da sauransu. Alhaili babu ko daya aciki wanda ya faru, kawai matsalace da ta faru tun daga yarintarsu, saboda tasirin damuwa da kunci da tsangwama da horo sai Matsalar ta dasu a cikin qwaqwalwa da ruhinsu (ya zame musu post-traumatic stress disorder) sai fitsarin kwancen yaci gaba da maimaituwa lokaci-lokaci a cikin rayuwarsu ba tare da suna sane ba ko kuma zasu iya hana afkuwar hakan ba. GA WANDA YA GIRMA YANA FITSARIN KWANCE, ABINDA YA KAMATA YAYI SHINE; 1) Shan ruwa mai yawa da sassafe, da kuma shan ruwa mai yawa da daddare idan za’a kwanta (wani zaice, a’a! ya za’a sha ruwa da yawa yayin kwanciya bayan so ake kada ayi fitsarin kwance?, babu damuwa acikin yin hakan zuwa wani lokaci). 2) Daina ci ko shan duk wani abinci ko abun sha mai dauke da sinadarin “caffeine” kamar su chocolate , coca cola, coffee, goro, taba, furanto, bonbita, milo, da sauransu, domin sinadarin yana motsa jakar ajiye fitsari “bladder”. 3) A daina yin fitsari lokacin da za’a kwanta 4) A dunga yin fitsari bayan duk awa biyu ko da ba’aji fitsarin ba, amma banda dab da lokacin baccci. 5) Canja lokutan bacci, da tsarin kwanciya bacci (canja salon kwanciya). 6) Kwantarwa da hankali, da kuma yarda za’a daina. Matukar mai fama da Matsalar zai lizimci wadannan shawarwari zai rabu da Matsalar fitsarin kwance cikin lokaci kankani. Matsalar fitsarin kwance ba matsala ce ta asibiti ba, matsala ce ta abinda ya shafi kwakwalwa da ruhin Dan adam, wanda maganinta kawai shine caccanja tsarukan rayuwa da kuma kwantar da hankali. Iyaye kuma da suke da ‘yaya masu fama da wannan matsala, su taimaka musu su dunga kwantar musu da hankali, kada a tsangwamesu ko a tsokanesu ko a tsanesu, ko a dunga nuna musu laifinsu ne da sukeyi. Allah ya bada lafiya. Najibullahi Danjuma Musa 25/07/2020
Hassana Zakariyya Duk wacce take buqatar maganin infection ga feminine wash Idn maganin mata kike buqata sadidan idn Kika samu feminine wash kinwuce wajen, saidai kawai kinemi kayan marmari kifara Sha. Tabbas duk mace da Bata amfani da feminine wash anbarta abaya domin yahada duk wani abu dakike buqata domin tsabtace gabanki da kuma samarwa kanki lafiya da kariya. Ynx hr likitoci suna rubutawa patient masu fama da matsalar qaiqayin gaba ko discharge,Yana taimakawa sosai lokacin period domin dauke qarnin jini to aikinshi ba nan kadai yatsaya ba hr da Samar Miki da niima abundai sai wadda tayi amfani dashi duk wacce ta gwada a group din nn nasan zata bada labarinshi. Budurwa Matar aure Bazawara Hr maxa masu fama da basir Gynecologically tested and approved Duk wacce take buqatar Kuma tana ga WhatsApp number ta 09039063492 akwai audio na testimony dayawa idn bakya WhatsApp Kuma kinaso kiyi cmmnt da location dinki
