yana da kyau mu kula sosai da kalmomin nan masu yiwa mutum gizo, domin sau da yawa sukan rikitar da mai karatu.
su dai wad'annan kalmomin sun hadar da;
'Ba'a' - 'Ba a'
'Akan' - 'A kan'
'Daka - 'Da ka'
'Sa'a' - 'sa a'
'Dawa' - 'Da wa'
'Gashi' - 'Ga shi'
'Dashi' - 'Da shi'
'Gata' - 'Ga ta'
Idan muka duba misalansu, za mu ga yadda ake amfani da kowannensu da kuma muhallan da suka dace.
Misali;
ba'a. da kuma ba a.
BA'A kalma ce wadda ke nufin Zaulaya. Don haka tunda ta zama kalma, to a hade ake rubuta ta sai dai a sanya mata alhamza kawai.
Misali a cikin jumla.
...yana ta ba'a ana dariya.
...yaron ya iya ba'a.
...saboda ba'arsa aka sa masa sarkin ba'a.
Amma a yayin da aka zo amfani da ba a, to ma'anarsu da aikinsu daban-daban ne.
misali.
...ba a mugun sarki sai mugun bafade.
...idan ana salla ba a magana.
...ai ba a yin shuka a wajen.
