Updates

• 
  Shafin Dr. Jamilu Zarewa
  AZUMIN KWANA UKU A WATAN...  moreAZUMIN KWANA UKU A WATAN RAJAB
  
  Tambaya
  
  Assalamu alaikum inayiwa malan fatan alkhairi, tambayata iyace :- Azumi uku na tsakiyar wata wanda ake kira " Ayyaamul beed " na watan Rajab. To ya hallata a muslunci?.
  
  Amsa
  
  Wa alaikum assalam,
  
  Ya tabbata a cikin hadisin Tirmizi mai lamba ta: 761: Annabi s.a.w. ya cewa Abu-zarrin idan za ka yi azumi, to ka azumci ranar sha uku da ranar sha hudu da sha biyar daga kowanne wata, watan Rajab Daya ne dağa cikin watannin musulunci za'a iya azumin da ya tabbata a ragowar watanni a cikinsa, saidai kawai watan bai kebanta da Wata falala ba.
  
  Allah ne mafi sani
  
  Amsawa:
  
  DR. JAMILU YUSUF ZAREWA
  
  2116  less

  Feb 26

  • 7 person likes this
  • 
    Sadik Abubakar Allah ya saka da mafificin alkairi

    • Feb 27
    • -
    • Report
• 
  Shafin Dr. Jamilu Zarewa liked Sᴜᴍᴀɪʏʏᴀ Bᴀʙᴀʏᴏ (Sumiee B)'s post.

  Feb 21

  Sᴜᴍᴀɪʏʏᴀ Bᴀʙᴀʏᴏ (Sumiee B) shared Fyazil's Cuisines's blog.

  • 6 person likes this
• 
  Shafin Dr. Jamilu Zarewa
  SHAFA FUSKA BAYAN KAMMALA ADDU'A
  
  Tambaya
  Assalamu Alaikum...  moreSHAFA FUSKA BAYAN KAMMALA ADDU'A
  
  Tambaya
  Assalamu Alaikum
  
  Malam menene hukuncin shafa hannu a fuska bayan gama addu'a.
  
  Amsa:
  
  Wa'alaykumussalam,
  
  To dan'uwa hadisi ya zo daga Umar- Allah ya yarda da shi- cewa: "Annabi s.a.w. idan ya daga hannayansa ya yi addu'a ba ya mayar da su, har sai ya shafa su a fuskarsa" Sunanu Attirmizi : 3386.
  
  Wannan hadisin ya zo da hanyoyi masu yawa, saidai dukkansu suna da rauni, wannan yasa malaman hadisi suka yi sabani game da ingancin shi, Ibnu Hajara ya kyautata shi, saboda ya zo ta hanyoyi da yawa, kamar yadda ya bayyana haka a Bulugul-maraam a hadisi mai lamba ta : 1345.
  
  Akwai wadanda suka raunana shi saboda suna ganin hanyoyin da yazo da su masu yawa, ba su kai su karfafe shi ya zama Hasan ba, wannan shi ne ra'ayin Ibnu Taimiyya kamar yadda ya bayyana haka a Majmu'ul fataawaa 229, haka Albani a Silsila Sahiha 26.
  
  Malaman Fiqhu sun yi sabani game da shafar fuska bayan addu'a, wasu sun tafi akan mustabbancinsa, saboda sun gamsu da kyautatawar da Ibnu-hajar ya yiwa hadisin, kamar Ibnu Bazz a daya daga cikin fatawoyinsa, akwai kuma wadanda suka tafi akan cewa ba za'a ayi ba, saboda rashin ingancin hadisan da suka zo akan haka.
  
  Abin da na fahimta a wannan mas'alar shi ne ba za'a aibanta wanda ya shafa fuskarsa ba bayan addu'a, tunda yana da magabata .
  
  Allah ne mafi sani
  
  Dr Jamilu Zarewa
  
  315  less

  Feb 21

  • 5 person likes this
  • 
    Sadik Abubakar Allah ya saka da alkairi

    • Feb 22
    • -
    • Report
• 
  Shafin Dr. Jamilu Zarewa
  HUKUNCIN SAYAR DA MAGANIN QARFIN...  moreHUKUNCIN SAYAR DA MAGANIN QARFIN MAZA?
  
  
  Tambaya
  
  Assalamu alaikum, Malam mutum ne yana da chemist yana sayar da magunguna. Ya halatta ya sayar da maganin qarfin maza ga wanda yake so ya biya bukatar iyalinsa? Allah ya qarawa Dr. Jameel imani da lafiya da ilimi, gaskiya muna amfana
  
  
  Amsa:
  
  Wa alaikum assalam, In har an jarraba an samu yana amfani kuma likitoci sun tabbatar ba ya cutarwa ya halatta a siyar da shi don aure ya gyaru, a kara samun donkon soyayya, saboda saduwa tsakanin ma'aurata turke ne tsayayye, wanda in ya goce aure ba zai tafi saiti ba, yana daga cikin ka'idojin Sharia duk harkokin mutane na yau da kullum wadanda ba ibada ba ne sun halatta, in har ba'a samu nassin da ya hana ba.
  
  Addinin musuluci ya haramta duk abin da yake cutarwa, kamar yadda nassoshi masu dinbin yawa suka tabbatar, wannan yasa duk maganin da likitanci ya tabbatar cutarsa ta fi amfaninsa yawa ya wajaba a guje shi, Tunkude cuta ginshike ne a cikin addinin musulunci.
  
  Allah ne mafi sani
  
  Amsawa:
  
  DR. JAMILU YUSUF ZAREWA
  23/05/2016  less

  Feb 13

  • 4 person likes this
• 
  Shafin Dr. Jamilu Zarewa
  HUKUNCIN DILLANCI DA HOTUNAN 'YAN...  moreHUKUNCIN DILLANCI DA HOTUNAN 'YAN MATA
  
  Tambaya:
  
  Assalamu alaikum. Malam menene hukuncin 'yan matan da suke bada hotunansu ga tsofafi don su nema musu mijin aure ?
  
  Amsa
  
  Wa alaikum assalam Addinin musulunci ya haramta kallo zuwa ga matar da ba muharrama ba, sai in akwai lalura, amma ya halatta ka kalli mace, idan kana so ka aure ta, kamar yadda ya zo a cikin hadisi, inda Annabi s.a.w. yake cewa : "Idan dayanku yana neman aure, to in ya sami damar kallon abin da zai kira shi zuwa aurenta, to ya aikata hakan" ABU DAWUD.
  
  Malamai sun yi sabani akan wurin da ya kamata mutum ya kalla a jikin mace lokacin da ya je neman aure :
  
  1. Akwai wadanda suka ce zai kalli fuska da tafin hannu ne kawai.
  
  2. Wasu malaman sun tafi akan cewa : zai kalleta a kayan da take sawa a cikin gida, ta fuskace shi ya kalle ta, sannan ta juya baya ya kalleta.
  Wannan ra'ayin shi ne ya fi dacewa, saboda ta haka mutum zai san yanayin matar da zai aura.
  Ta hanyar bayanan da suka gabata, za mu iya fahimtar cewa aikin dalilin aure ya hallata, amma da sharuda, ga wasu daga ciki :
  
  1. Ya zama hoton ya fito da asalin fuskar matar, bai KWARZANTA ta ba, ta yadda za'a iya yaudarar namijin, ko a rude shi.
  
  2. Ya zama wacce za'a bawa hoton mai amana ce, ta yadda ba za ta nunawa wanda ba shi da nufin aure ba, saboda asali ya haramta ayi kallo zuwa ga matar da ba muharrama ba, sai in akwai lalura, sai ga wanda yake nufin aurarta, wannnan yana nuna cewa, bai halatta asa irin wannan hoton na neman aure ba , a face book, ko a jarida.
  
  3. Ka da hoton ya kun shi fito da tsaraici, ya wajaba a tsaya a iya inda shari'a ta bada umarni.
  
  4. Zai fi dacewa ace mace ce za ta yi dalilin aure, saboda in namiji ne, zai iya fitinuwa da hotunan da yake gani, sai barna ta auku, don haka ita ma macen ya wajaba ta ji tsoron Allah a cikin aikinta.
  
  Allah shi ne ma fi sani.
  
  Amsawa:
  
  DR. JAMILU YUSUF ZAREWA
  26/5/2014  less

  Feb 13

  • 5 person likes this
• 
  Shafin Dr. Jamilu Zarewa
  INA SHIRIN YIN AURE, SAI TSOHON MIJINA YA CE DAMA CAN YA YI MIN...  moreINA SHIRIN YIN AURE, SAI TSOHON MIJINA YA CE DAMA CAN YA YI MIN KOME
  
  Tambaya:
  
  Malam mijina ya sake ni bayan na kammala idda, saura kwana uku na yi aure sai ya zo ya ce dama ya yi min kome, amma bai sanar da ni ba ne, don Allah malam yana da hakki, ko kuma na kyale shi na yi aurena? saboda gaskiya ina son wancan, amma kuma ba na so na sabawa sharia?
  
  Amsa:
  
  To 'yar'uwa tabbas miji yana da damar da zai yiwa matarsa kome mutukar tana cikin idda, kamar yadda aya ta :228, a suratul bakara take nuni zuwa hakan, Amma mutukar bai yi mata kome ba har ta kammala idda to ba shi da dama akan ta, amma zai iya shiga cikin manema.
  
  Idan ya yi da'awar cewa ya yi mata kome tun tana idda, amma bai sanar mata ba ne sai bayan ta kammala idda, to ba za'a gaskata shi ba, sai ya kawo shaidu, wadanda za su tabbatar da faruwar hakan.
  Yana daga cikin ka'idojin sharia toshe duk hanyar da za ta kai zuwa barna, idan aka bar abin a bude, wanda yake kin matarsa, zai iya mata mugunta, ta wannan hanyar, hakan yasa malamai suka ce sai ya kawo shaidu za'a gaskata shi, idan kuma bai kawo ba za ta iya zuwa ta yi auranta.
  
  Saidai wasu malaman suna cewa : idan har matar ta gaskata shi, to ya isa, ko da bai kawo shaidu ba.
  
  Duba : Al-mabsud 2 da Mawahibul-jalil 58
  
  Allah ne mafi sani.
  
  Dr. Jamilu Yusuf Zarewa
  29/12/2014  less

  Feb 8

  • 8 person likes this
• 
  Shafin Dr. Jamilu Zarewa
  WALIMAR SAUKAR...  moreWALIMAR SAUKAR AL-QUR'ANI
  
  Tambaya
  
  Slm. malam ko akwai nassi da yake nuni akan halarcin yin walimar saukar alqur'ani?
  
  Amsa
  
  To dan'uwa malamai suna cewa : Yin walimar saukar Alqur'ani ta kasu kashi biyu:
  
  1. Wanda ya sauke Alquir'ani ya yi walima saboda godiya ga Allah, wannan kam ya halatta, saboda nassoshin da suka zo wadanda suke kwadaitarwa akan godewa Allah akan ni'imominsa.
  
  2. Yin walimar saboda riya cewa ibada ce mai zaman kanta, wannan kam bidi'a ne tun da ba'a samu Annabi ﷺ da sahabbansa sun yi ba, don haka yana da kyau wanda ya yi walima ya bayyanawa mutane cewa ya yi ne don godewa Allah, ba wai don kasancewar hakan ibada ce mai zaman kanta ba.
  
  Amma abin da aka rawaito cewa: Umar R.A ya yanka rakumi bayan ya gama haddace & kiyaye suratul-bakara, to wasu malaman hadisin sun raunana shi kamar Ibnu-kathir A Musnadul-farouk 21, saboda a cikin sanadinsa akwai Abu-bilal Al-ashhary, wanda Dara-kudni ya raunana.
  
  Don neman Karin bayani duba fatawaa Allajna Adda'imah 28.
  
  Allah ne mafi sani.
  
  Amsawa
  
  Dr. Jamilu Yusuf Zarewa
  
  29/1/2015  less

  Jan 24

  • 5 person likes this
• 
  Shafin Dr. Jamilu Zarewa liked Hausa Quotes's photo.

  Jan 22

  

  Allah Ya sa mu gane 🙏🏾

  • 14 person likes this
• 
  Shafin Dr. Jamilu Zarewa liked Lawan Dalha's photo.

  Jan 22

  

  Jumma'a Mubarak

  • 12 person likes this
  • 
    ALI EL-ADI Barka da juma'a

    • Jan 22
    • -
    • 1 likes this
    • -
    • Report
  • 
    Lawan Dalha Yawwa barka da, Ali El-Adi.

    • Jan 22
    • -
    • Report
• 
  Shafin Dr. Jamilu Zarewa → Filin Fatawa:
  NA YI AURE KAFIN NA YI...  moreNA YI AURE KAFIN NA YI ISTIBRA'I
  
  TAMBAYA:
  
  Ya kamata a ce na yi istibra'i kafin na yi aure, amma ban yi ba, har na yi aure, yanzu haka ina jini na farko ban yi tsarki ba, amma ba da wanda na aikata laifin na yi aure ba. Ya ingancin aure na? Gani nake kamar babu auren.
  
  AMSA:
  
  To farko dai ina miki wasici da tsoron Allah saboda zunubin da kika aikata, amma game da aure, to aurenki ya yi, saidai yinsa bayan istibra'i shi ne ya fi, sannan ya wajaba mutukar kin san kina da ciki to bai halatta ki bawa sabon mijinki dama ya take ki ba, saboda fadin Annabi tsira da amincin Allah su tabbata a gare shi: "Duk wanda ya yi imani da Allah da ranar lahira, to kada ya shayar da ruwansa ga shukar waninsa" Abu-dawud : 1847.
  
  Don haka ya wajaba a gare ki ki yi stibra'i kafin mijinki ya sadu da ke, sannan istibra'i jini daya ne , idan kuma har kin dauki ciki, kafin ki yi istibra'i, in kin haihu kafin wata shida to ba dansa ba ne, amma in har kin haihu bayan wata shida daga fara saduwarku, to dansa ne, mutukar ba'a samu shaidar da take nuna kina da ciki ba, tun kafin ku fara saduwa .
  Don neman Karin bayani duba : Al-mugni na Ibnu kudaamah 8.
  
  ALLAH NE MAFI SANI
  
  Dr. Jamilu Yusuf Zarewa
  1814  less

  Jan 22
• 
  Shafin Dr. Jamilu Zarewa
  YAUSHE AKE YIWA YARO...  moreYAUSHE AKE YIWA YARO KACIYA?
  
  Tambaya
  
  Assalamu alaikum malam, ina tambaya ne akan yiwa yaro kaciya shekara nawa ya kamata ayi masa?
  
  Amsa
  
  Wa alaikumus salam,
  
  To malam babu wani hadisi ingantacce wanda ya kayyade wani lokaci da za'a yiwa yaro kaciya, saidai malamai suna cewa : babbar manufar yin kaciya ita ce katanguwa daga najasar da za ta iya makalewa a al'aura, wannan ya sa ya wajaba a yiwa yaro kaciya dab da balagarsa, saboda idan ya balaga shari'a za ta hau kan shi kuma tsarkinsa ba zai cika ba, in ba'a yi masa kaciyar ba, daga cikin ka'aidojin malamai shi ne duk abin da wajibi ba zai cika ba sai da shi, to shi ma ya zama wajibi, amma mustahabbi ne ayi masa, tun yana dankarami, saidai wasu malaman sun karhanta yin kaciya ranar 7\ga haihuwa, saboda akwai kamanceceniya da yahudawa.
  Don neman karin bayani duba Fathul-bary 10/349.
  
  Allah ne mafi sani
  
  DR JAMILU ZAREWA
  30/09/2016  less

  Jan 8

  • Bakandamiya likes this.
• 
  Shafin Dr. Jamilu Zarewa
  ZAN IYA BIYAWA MAHAIFIYATA AIKIN HAJJI KAFIN NA...  moreZAN IYA BIYAWA MAHAIFIYATA AIKIN HAJJI KAFIN NA JE?
  
  Tambaya
  
  Assalamu alaikum, Allah ya jikan Malam, shin ya halatta na biyawa mahaifiyata aikin hajji kafin naje?
  
  Amsa
  
  Wa alaikum assalam, Mutukar babu halin da za ka biya muku ku biyu, to abin da yake daidai shi ne ka fara zuwa kafin ita, saboda kai ya wajaba akanka, ita kuwa bai wajaba akanta ba, tun da ba ta da hali.
  
  Allah madaukakin Sarki ya wajabta aikin hajji ne ga wanda ya samu iko a suratu Al'imraan aya ta (97).
  
  Fifita wani da gabatar da shi akanka wajan biyayya ga Allah Makaruhi ne kamar yadda Suyudi ya yi bayanin wannan Ka'idar a littafinsa "Al'ashbahu wannaza'ir"
  الإيثار في القرب مكروه وفي غيره محبوب.
  
  Makaruhi ne ka tura wani sahun farko, kai ka tsaya ana biyu, amma a wajan sanya sutura da Ciyarwa ya abin so ne ka FIFITA waninka, shi yasa Allah ya yabi mutanen Madina a suratul Hashr akan haka.
  
  Allah ne mafi sani.
  
  Dr. Jamilu Yusuf Zarewa
  
  09/12/2019  less

  December 11, 2020

  • Idriss, Ummyter Abdallah, and Ahmad Isah Naibawa like this.
• 
  Shafin Dr. Jamilu Zarewa → Filin Fatawa:
  MATAR DA BA TA DA AURE, ZA TA IYA SANYA TURARE TA FITA...  moreMATAR DA BA TA DA AURE, ZA TA IYA SANYA TURARE TA FITA UNGUWA?
  
  Tambaya:
  
  Assalam malam muna san karin bayani akansa turare gamata sufita, wani malami yace wadda ba matar aure ba zata iya sawa?
  
  Amsa:
  
  Wa'alaikum assalam, To 'yar'uwa ya HARAMTA ga mace Baliga ta sanya turare, ta fita unguwaa, saboda fadin Annabi S.A.W : "Duk matar da ta sanya turare, ta wuce ta wani majalisi, to ta zama mazinaciya, kamar yadda Abu-dawud ya rawaito. A wani hadisin kuma yana cewa: "Duk matar da ta sanya turare, kar ta halarci sallar Isha tare da mu.
  
  Nassoshin da suka gabata suna haramta sanya turare ga mace balagaggiya idan za ta fita, kuma ba su bambance tsakanin matar aure ba da budurwa ko bazawara, wannan sai ya nuna gamewarsu ga dukkan mata wadanda sharia ta hau kansu, tun da ba'a samu abin da ya kebance wasu nau'i ba, sannan kuma an haramta sanya turaren ne: saboda yana kaiwa zuwa tada sha'awar Maza, wannan kuma baya bambanta tsakanin matar aure da wacce ba ta yi ba
  
  Amma za ta iya sanyawa ta zauna a gida mijinta ya ji kamshi, in ta yi hakan za ta samu lada, haka ma budurwa, za ta iya sanyawa a tsakanin 'yan'uwanta mata, ko gaban muharramanta wadanda ta san ba za su yi sha'awarta ba
  
  
  Allah ne mafi sani
  
  Amsawa:
  
  DR. JAMILU YUSUF ZAREWA
  
  31/03/2016  less

  December 7, 2020

  • Rahmatu Lawan likes this.
• 
  Shafin Dr. Jamilu Zarewa → Fatawowin Rabon Gado Guda 212:
  8. Tambaya
  
  Malam Mutum ne ya bar kakansa da mahaifiyarsa da ]an’uwansa da suka ha]a uba, yaya za’a raba...  more8. Tambaya
  
  Malam Mutum ne ya bar kakansa da mahaifiyarsa da ]an’uwansa da suka ha]a uba, yaya za’a raba gadon?
  
  Amsa:
  
  To ]an’uwa za'a kasa dukiyar kashi uku, a bawa mahaifiyarsa ]aya bisa ukun abin da ya bari, sai a bawa kakansa ]aya bisa uku, ]an’uwansa shi ma sai a ba shi ragowar ]aya bisa ukun, Allah ne Mafi sani.
  
  Amsawa:
  
  Dr. Jamilu Yusuf Zarewa
  
  2315  

  December 7, 2020
• 
  Shafin Dr. Jamilu Zarewa → Fatawowin Rabon Gado Guda 212:
  7. Tambaya
  
  Mutum ne ya rasu ya bar mahaifinsa da mahaifiyarsa da }annansa wa]anda suke uwa ]aya uba ]aya da wa]anda suke uba ]aya, Malam yaya za’a raba dukiyar da a ka bar...  more7. Tambaya
  
  Mutum ne ya rasu ya bar mahaifinsa da mahaifiyarsa da }annansa wa]anda suke uwa ]aya uba ]aya da wa]anda suke uba ]aya, Malam yaya za’a raba dukiyar da a ka bar musu?
  
  Amsa:
  
  To ]an’uwa, za’a raba dukiyar kashi shida, a bawa mahaifiya kashi ]aya, sai a bawa uba ragowar kashi biyar ]in, }anne ba su da komai saboda uba ya katange su, Allah ne Mafi sani.
  
  Amsawa:
  
  Dr. Jamilu Yusuf Zarewa
  
  2715  

  December 7, 2020
• 
  Shafin Dr. Jamilu Zarewa
  IDAN AKA YI KISAN KUSKURE, WA ZAI BIYA...  moreIDAN AKA YI KISAN KUSKURE, WA ZAI BIYA DIYYA?
  
  Tambaya
  
  Assalamu Alaikum, Dr. ina da tambaya wai lalle ne idan mutum ya kade wani ya mutu idan za'a biya diyya wai duk kudinsa ba'a yarda ya biya shi kadai ba sai anbi dangi an harhado kudin sannan za'a biya.
  
  Amsa
  
  Wa alaikum assalam,
  
  Mutukar diyyar kisan kuskure ne, to dangi na wajan uba su ne za su biya, saboda hakan zai sa şu hana wawayen cikinsu sakaci da yin abin da bai kamata ba, sannan dangin Wanda aka kashe musibar za ta musu sauki, sannan akwai koyawa mutane taimakekeniya a ciki.
  
  Amma Idan kisan ganganci ne to diyyar za ta kasance a dukiyar mai laifin, in har dangin Wanda aka kashe sun yarda a biya diyya. Don neman karin bayani Duba : Makasidussharia Indassa'ady na Dr. Jamilu Zarewa shafi na: 303.
  
  Allah mafi sani
  
  Amsawa:
  
  DR. JAMILU YUSUF ZAREWA
  12/03/2016  less

  December 3, 2020
• 
  Shafin Dr. Jamilu Zarewa
  MACE ZA TA IYA DAGA MURYARTA DA KARATUN SALLAH?
  
  Tambaya:...  moreMACE ZA TA IYA DAGA MURYARTA DA KARATUN SALLAH?
  
  Tambaya:
  
  Assalamu alaikum Malam barka da yau, tambaya zan yi malam. Shin ya halatta mace ta daga murya a cikin karatun sallah kuwa?
  
  Amsa:
  
  Wa alaikum assalam To dan'uwa ya halatta a gare ta ta daga muryarta yayin karatun alqur'ani a sallah, sai in akwai wanda ba muharrami ba a kusa, to sai ta yi kasa da muryarta, don kar ya fitinu.
  
  Wasu malaman sun haramta mata bayyana karatu, in ta ji tsoran fitina, saboda Annabi s.a.w. ya umarci mata da yin tafi a sallah, lokacin da liman ya yi rafkannuwa, kamar yadda Bukhari ya rawaito a hadisi mai lamba ta :1145, sai suka fahimci cewa: Annabi ya umarce su, su yi tafi ne, don kar wadanda ba muharramai ba, su ji sautinta.
  
  Mace tana daukar hukuncin namiji a cikin dukkan hukunce-hukuncen shari'a, in har ba'a samu nassin da ya kebance ta ba, wannan ya sa za ta bayyana karatu a wuraren da yake bayyanawa, in ba'a ji tsoron fitina ba .
  
  Allah ne mafi sani.
  
  Amsawa:
  
  DR. JAMILU YUSUF ZAREWA
  1315  less

  December 3, 2020

  • 4 person likes this
  • 
    Sarauniya Mangu Masha Allah, muna godiya sosai

    • December 3, 2020
    • -
    • Report
  • 
    Ummu Asimii Allah yasa mudace

    • December 3, 2020
    • -
    • Report
• 
  Shafin Dr. Jamilu Zarewa
  YA YA KAMATA NAYI DA RIBAR BANKIN DA NA...  moreYA YA KAMATA NAYI DA RIBAR BANKIN DA NA AMSA? 
  
  Tambaya
  
  Assalamu alaikum malam Menene ra'ayin malaman Sunna akan kudin da banki suke karawa mutane a cikin Saving account? Ya yakamata ayi amfani dasu? Allah ya karemu daga aikata kuskure.
  
  Amsa
  
  Wa'alaikum assalam Farko dai ya haramta ga musulmi ya bude account din da za'a dinga saka masa kudin ruwa a ciki, saboda Allah ya haramta cin riba ya kuma yi shirin yaki da Wanda bai daina ci ba à cikin aya ta 275 a Suratul Bakara da ayoyin da suka zo bayanta. 
  
  Annabi ﷺ ya la'anci mai cin riba da wanda ya rubutata da wanda aka wakilta da wanda ya yi shaida akanta. Kamar yadda Tirmizi ya rawaito a hadisi ingantacce. 
  
  Idan mutum ya amshi Interest din Banki to ya wajaba ya tuba ga Allah da niyyar ba zai sake amsa ba, tun da Allah ya Hana. 
  
  A zance mafi inganci zai iya amfani da kudin wajan yin aikin da zai amfani jama'a kamar gina Asibitoci ko kwatar da ruwa zai wuce ko kuma hanyoyin da mutane za su bi su wala, saidai ba shi da ladan wannan aikin da ya yi, saboda ba dukiyarsa ba ce.
  
  Wannan ita ce maganar manyan malaman musulunci na wannan zamanin kamar Sheik Ibnu Bazz da sauransu. 
  
  Allah ne mafi sani.
  
  Amsawa
  
  Dr. Jamilu Zarewa
  
  27/07/2017  less

  November 21, 2020

  • Sᴜᴍᴀɪʏʏᴀ Bᴀʙᴀʏᴏ (Sumiee B) and Rahmatu Lawan like this.
• 
  Shafin Dr. Jamilu Zarewa
  HUKUNCIN BOYE KAYA HAR SAI SUN YI...  moreHUKUNCIN BOYE KAYA HAR SAI SUN YI TSADA
  
  Tambaya:
  
  Assalamu alaikum. wata tambaya nake da ita Dr. Wai shin meye gasiyar hukuncin wanda ya sayi kaya a lokacin da suke araha ya boye da niyyar in sunyi tsada ya fito da su ya sayar dan ya sami riba mai yawa? Allah shi dada budi amin.
  
  Amsa:
  
  To dan'uwa ya zo a hadisi cewa : "Ba wanda yake boye kaya sai mai zunubi" Tirmizi ya rawaito shi a : 37, kuma ya kyautata shi, saidai malamai sun yi sabani akan irin kayan da ya haramta a boye da wadanda ba su haramta ba:
  
  1. Akwai wadanda suka tafi cewa : duk wani abu da mutane suke bukatarsa to bai halatta mutum ya siya ya ajjiye ba, da nufin sai yayi tsada ya fito da shi, don haka har tufafi da magunguna bai halatta a boye su ba, saidai idan ya siya ne da nufin ya yi amfani da su nan gaba. Ko kuma iyalansa, Wannan shi ne maganar Abu-Yusuf babban almajirin Abu-hanifa, kamar yadda yazo a littafin : Daurul-kiyam wal'aklak fil-islam shafi na : 295. Sannan ita ce maganar Malik a Mudawwanah kamar yadda ya zo a : 41.
  
  2. Akwai malaman da suka tafi cewa ya halatta a boye abin da yake ba abinci ba ne da mutane za su ci su rayu, kamar barkono, zabibi, mai, da sauransu, saboda yawanci mutane suna cutuwa ne idan aka boye abinci. An rawaito wannan daga Abdullahi dan Mubarak da Sa'id dan Musayyib kamar yadda Tirmizi ya ambata a Sunan dinsa 37 sannan ita ce maganar Shafi'iyya da Hanbaliyya , kamar yadda ya zo a Raudatu Addalibiina 31 da kuma Almugni 44
  
  Wasu malaman suna rinjayar da maganar farko, amma idan ba siyan abin ya yi ba, ya mallake shi ne ta wata hanya, ko kuma ya noma sai ya boye har ya yi tsada sannan ya siyar, to wannan bai haramta ba, ko da kuwa abinci ne, har wasu malaman ma sun hakaito ijma'in malamai akan halaccin haka, kamar yadda ya zo a Jami'ussagir shafi na: 481
  
  Allah ne mafi sani
  
  Dr. Jamilu Zarewa
  15/8/2014  less

  November 19, 2020

  • 9 person likes this
• 
  Shafin Dr. Jamilu Zarewa
  SHARUDAN ZAKKAR...  moreSHARUDAN ZAKKAR NOMA!
  
  Tambaya
  
  Assalamu alaikum, Malam na yi noman waken soya buhu ashirin da shida da wani buhun ya wuce rabi, ina tambaya ne akan zakka kowanne buhu goma na cire buhu daya na zakka, sauran 6 da ragowar ne ban san ya zanyi ba, na ji an ce ba buhu ake cirewa ba, daya bisa goma ne na kwano dari uku.
  
  Amsa
  
  Wa alaikum assalam
  
  A Mazhabar Malikiyya, ana fitarwa da kayan noma zakka in ya cika sharuda guda biyu:
  
  1. Za'a iya ci a rayu.
  2. Za'a iya ajjiye shi zuwa shekara
  
  Idan kayan noma sun cika Wadannan sharudan , kuma sun kai Sa'i (300), kwatankwacin buhu shida da rabi a wajan wasu manazartan, to za'a fitar da kashi daya cikin goma na dukkan abin da aka samu, mutukar da Damina aka yi noman, in kuma da Rani ne sai a kasa ashirin a bada kashi daya.
  
  Allah ne mafi sani
  
  Dr. Jamilu Yusuf Zarewa
  09/12/2019  less

  November 15, 2020

  • Abubakar Sulaiman II likes this.