Updates

• 
  Rahma kabir liked Hauwa Dalha's post.

  Mar 4

  Hauwa Dalha shared Ummy Usman's blog.

  • 9 person likes this
• 
  Rahma kabir liked Zarah B. B.'s photo.

  Mar 4

  

  • 7 person likes this
  • 
    Abubakar Abdullahi Haka ne

    • Mar 3
    • -
    • Report
• 
  Rahma kabir liked Amina Muhammad's photo.

  Mar 4

  

  • 9 person likes this
• 
  Rahma kabir liked Bakandamiya's photo.

  Mar 4

  

  • 11 person likes this
  • 
    Sadik Abubakar 👌

    • Mar 4
    • -
    • Report
• 
  Rahma kabir
  *SO SARTSE*
  
  © *Rahma Kabir Mrs...  more*SO SARTSE*
  
  © *Rahma Kabir Mrs MG*
  
  *Wattpad😗@rahmakabir
  
  *_Page 13._*
  
  Bukar ko da yaji labarin haihuwar Kaltume bai zo ba, sai ya kuma dulmiya cikin Maiduguri ya cigaba da rayuwar da ya ɗaukarwa kansa. Tun abin yana damun Mamman harya zo ya yakice shi a ransa ya cigaba da rayuwarsa tamkar bai da wani ɗan uwa a duniya. Kaltume na gama wankar arbain ƙanwar Kaala ta tafi gida, suka cigaba da rayuwar su gwanin sha'awa.
  
  Ɓangaren Alh. Zanna, asalinsa ya fito daga yankin ƙauyen Marte, kanuri ne ciki da bai, yana da mata Falmata da yaronsu guda Hafiz wanda yake da shekara huɗu a duniya, Zanna ya kasance manomi yana shuka kayan lanbu, a wani lokaci Allah ya jeho masa iftila'i gonarsa ya ƙone gaba ɗaya bai cire komai ba, tun daga lokacin ya shiga halin talauci sosai, hakan yasa wata rana ya shirya ya bar ƙauyensu ya shigo cikin birnin Maiduguri domin ya samawa kansa wani sana'a. Zuwansa da kwana uku ya samu aiki a gurin wanke motoci, da kyar suka ɗauke shi sai da ya haɗa da roko da magiya kafin suka amince.
  
  A washe gari ne Mamman ya kai motarsa gurin dan a wanke masa, aka yi sa'a Zanna shi ne ya wanke motar, Mamman ya kalleta shi cikin kulawa.
  
  "Ɗan uwa amma dai yau ne ka fara aiki a nan ko?"
  
  "Eh jiya na fara aiki"
  
  "Allah sarki, hala kai baƙo ne?"
  
  "Eh baƙo ne ni daga yankin Marte"
  
  "Amma meya baka sha'awa a wannan aikin? baka gudun sanyi ya kamaka saboda yawan amfani da ruwa"
  
  Idon Zanna ya kawo kwalla ya duba Mamman da kyau, kwata-kwata ba zai wuce sa'ansa ba, sai dai kuma daga ganin Mamman yana cikin rufin asirin Allah, saɓanin shi da an ganshi za a hango tsantsar talauci da ya yi masa katutu.
  
  "Kayi shuru"
  
  Cewar Mamman ya katse masa tunaninsa, Zanna ya nisa ya ce.
  
  "To na dai fara da wannan ɗin, kafin in samu wani aikin"
  
  "Kana da iyali?"
  
  "Eh ina da suka na baro su a kauye, yanzu a masallaci nake kwana kafin na samu matsuguni"
  
  "Allah sarki"
  
  Mamman ya ce sai ya ciro kuɗi ya miƙa masa.
  
  "Gobe in Allah ya kaimu da safe ka hau abin hawa ka ce ya kai ka Mamman Plaza, in ya sauke ka sai ka ce kana so a nuna naka office ɗin Mamman, za a kawo ka gurina sai mu yi magana"
  
  Cike da murna Zanna ya amsa kuɗin yana masa Nagode da Addu'a. Mamman ya yi murmushi ya shiga mota ya wuce gida.
  
  Washe gari kamar yadda suka yi magana haka Zanna ya tafi wurin Mamman, ya samu kyakkyawar tarba a gunsa, dan kafin su fara magana da Mamman, sai da ya sanya aka kawo masa abin karin kumallo ya ci ya ƙoshi kana Mamman ya yi masa bayani.
  
  "Sunana Mamman Bakura, wannan wurin mallakina ne, in ba damuwa zan ɗauke ka aiki a matsayin driver in ka iya tuƙi, sannan zaka riƙa zama a nan ofice ɗina kana taya ni wasu ayyuka da kuma kula da customers. Sannan kuma zan baka masauki a gidana, nan da mako guda ka je garinku ka ɗauka iyalinka"
  
  Nan take Zanna ya fashe da kukan murna ya rasa dame zai godewa Mamman, sai da ya yi mai isarsa kana ya sassauta kukansa ya shiga jero masa Addu'a da godiya. Mamman ya nuna masa babu komai, haka nan yaji ya taimaka masa saboda Allah, shi dai burinsa ya riƙe masa amana.
  
  A wannan rana haka suka yini a nan plaza, zuwa yamma Mamman ya ɗauki Zanna ya wuce da shi gurin wanke mota ya ɗauki kayansa ya yiwa masu gurin sallama, suka wuce gidan Mamman ya ba shi masauki a BQ.
  
  Wannan shi ne farkon haɗuwar Mamman da Zanna, a hankali suka shaƙu sosai, bayan mako guda Zanna yaje Marte ya ɗauko iylinsa, Falmata ba ƙaramin Murna ta yi ba suka yi sallama da dangi suka taho.
  
  Falmata ta shaƙu Kaltume kullun tana ɓangarenta tana taya ta aiki da renon Beena, cikin watanni shida sun shaƙu sosai kamar ƴan uwa. A wannan lokacin Zanna yasan wasu sirrika na Mamman saboda baya ɓoye masa komai dan ya ɗauke shi tamkar ɗan uwansa na jini, hatta labarin Bukar ya sani wanda a lokacin zuwansa biyu kuma duk suna haɗuwa, in ya zo bai wuce ya karɓi kuɗi wurin Mamman ya ƙara gaba, duk kansu sai dai su bi shi da addu'an shiriya. Mamman shi ne ya sanya Hafiz a makarantar boko da islamiya, yana jin yaron kamar ɗan cikinsa saboda tsantsar amanar da Zanna ya riƙe masa, yana jinsu tamkar ahali guda suka fito.
  
  Lokacin aikin hajji ta ya zo, haka Mamman ya biyawa kansa da Kaltume, a wurin Zanna ya bar duk kadarorinsa ya ba shi yaja ragamar kasuwancinsa har ya dawo saboda ya yaba da riƙon amanarsa, sannan Kaltume ta barwa Falmata riƙon Mubeena, lokacin tafiya ya yi, gaba ɗaya suka shiga mota suka tafi filin jirgi, haka suka yi ban kwana suna kuka kamar karsu rabu, bayan sun shiga jirgi ne su Zanna suka dawo gida.
  
  Tunda Bukar ya ji labarin tafiyar Yayansa Mamman Makka, sai ya shiga zuwa gidansa akai-akai, yana yiwa su Zanna iskanci kala-kala kuma sai ya ce dole sai ya ba shi kuɗi, haka dai Zanna yake haƙuri da shi kamar yadda yaga Mamman yana yi, sai ya ɗauki kuɗin ya ba shi dan a zauna lafiya, har Allah ya dawo dasu Mamman.
  
  Su Kaltume sun yi aiki hajji lafiya sun dawo gida cikin aminci, suka raba tsaraba ga mutane, kusan yawan tsarabansu daga na Mubeena sai na Hafiz, Kaltume kuwa duk tsarabarta na Mubeena ce, ta siya mata ɗan kunne na zinari ya kai kala uku, banda kayan sawa wanda har ta soma tafiya duk zata saka su. Danginsu duk suka zo yi musu barka da zuwa suka amsa nasu tsarabar suka tafi.
  
  Mamman ya ji shuru-shuru bai ga Bukar ba, sai hankalinsa ya tashi duk da yana da labarin zuwansa wurin Zanna lokacin basa nan, hakan yasa ya shiga cigiyarsa amma shuru ba labari, ƙarshe dole ya hukura ya cigaba da hidimominsa.
  
  Bayan dawowarsu Makka da wata uku ne, wata rana ƴan sanda suka zo gidan da safe suka yi sallama da Mamman, ko da ya fito suka gaisa, ɗaya daga cikin ƴan sandan ya shaida masa labarin cewar
  
  "An kama Bukar cikin ƴan fashi sun je gidan wani Alhaji sun kwashe masa kuɗi, sauƙin lamarin basu yi kisa ba, har an yanke musu hukuncin zaman gidan yari na tsawon shekara biyar, to ana ɗan bibiyar lamarin nasu a kotu, shi ne ya bada labarinka ya ce mu zo mu gaya maka"
  
  Idon Mamman ya yi ja saboda tashin hankali.
  
  "Yanzu ni meye zan yi masa? tunda rayuwar daya zaɓarwa kansa kenan ni babu ruwana, dan haka zaku iya tafiya"
  
  "Haba Alhaji ka yi haƙuri mana, hannunka bai ruɓewa ka yar"
  
  Cewar ɗaya daga cikin ƴan sanda.
  
  "To me zan yi masa?"
  
  Cewar Mamman cike da takaici.
  
  "Taimakawa za ka yi, domin Allah da Annabi ya ke roƙon mu akan mu zo gunka ka ceci rayuwarsa, dan ya ce ya tuba ba zai sake ba. A yanzu dai an yanke belinsa miliyan uku kafin a fidda shi"
  
  "Tafdi jam, wallahi ba zan yi asarar kuɗina ba, ku ce masa zan taya shi da addu'a har Allah ya fito da shi"
  
  Daga haka bai kuma magana ba ya koma cikin gida cike da damuwa sosai. Haka ya labartawa su Zanna lamarin, Zanna ya sanya baki akan ya yi haƙuri ya bada kuɗin ya fidda shi, ƙila sanadin shiryuwansa ne ya zo. Mamman yaƙi sauraren maganar Zanna, a cewarsa in yaji wuya zai natsu ya gyara rayuwarsa, amma ba zai yi asarar kuɗinsa ba.
  
  *******
  Kwanci tashi Mubeena ta shekara guda a duniya, ta yi wayo sosai tafiyarta ta yi kwari, ta yi mugun sabo da Falmata tamkar ita ce ta haifeta, saboda a lokacin Kaltume ta ƙara ɗaukar wani cikin hakan yasa ta yaye Mubeena, sai renonta ya zama yana gun Falmata.
  
  Wata rana Mamman ya shirya musu tafiya dan kai ziyara ƙauyensu, Kaltume ce a baya ita da Mubeena sai Mamman a gaba gefen Zanna yana tuƙasu. Haka suka je ƙauyensu suka sada zumunci, sai da suka yi tsawon kwana biyu kana suka kamo harya dawowa. Sun kusa shigowa gari mota ta kwacewa Zanna ya aukawa wata babban mota ta wuntsilasu gefen hanya, kafin zuwan Mutane Zanna ya fito da kyar yana jan jiki, kukan Mubeena ce yake ratsa dodon kunansa, cikin tashin hankali ya yi azama ya buɗe ƙofar baya, da kyar ya ciro ta ya aje ta a ƙasa nesa da motar, ya dawo ya jawo Alh. Mamman wanda jini ya wanke masa fuska yana fidda nishi da kya ya aje shi gefe, ya koma wurin Kaltume ya jawota ita ma ya ajeta gefen Mamman, a hankali Kaltume ta motsa hannunta ta kama na mijinta da ƙarfi, sai ta shiga yin nishi kamar mai naƙuda, jini ya fara fita ta kasanta nan take ya malale ƙasan wurin. Zanna ya matso gunta yana mata sannu, Kaltume tana son yin magana amma ta kasa, sai kawai ta nuna masa Mubeena da hannu, da gudu yaje ya ɗauketa ya kawota kusa da ita, sai ta kama hannun Mubeena.
  
  "Amana..."
  
  Kawai ta iya furtawa sai muryanta ya sarƙe hawaye masu ɗumi suna bin gefen fuskarta, Zanna ya fashe da kuka ya fara karanto mata kalmar Shahada, Kaltume ta soma amsawa a hankali, a haka motan road safety ta zo gurin suka kwashesu suka sanya a mota, Zanna yana rungume da Mubeena suka shiga motar, ya zauna gefen Mamman da bai san inda kansa yake ba, Kaltume kuwa tana ta jero kalmar Shahada, kafin su ƙarasa asibiti Allah ya yi mata cikawa.
  
  Wani irin kuka Zanna yake yi yana ambaton sunan Allah, hankali sa ya yi matuƙar tashi. A haka suka isa Babban asibitin Maiduguri, su duka aka shiga dasu emergency room, dai-dai lokacin ana kiran sallar Azahar. Likitoci sunata ƙoƙarin ceto ransu.
  
  Daya ɗaga cikin likitocin ne ya fito yana mai share gumi ya kamo hannun Zanna ya ce
  
  "Ka yi haƙuri, Matar tun a hanya ta rasu, shi kuka mai gidan mun samu nasarar dawowar numfashinsa. Allah ya jikanta da Rahma, zaka iya shiga ciki ga gansu"
  
  Yana faɗar haka ya wuce, Zanna ya ɗauki Mubeena da tun ɗazu take barci ya sabata a kafaɗa, ya shiga ɗakin a tsorace yana kuka ya hango Kaltume an rufe mata fuska, ga Mamman kwance magashiyyan yana fidda numfashi da kyar, ya isa bakin gadon Kaltume ya shiga jero mata addu'a yana tofa mata, ya ɗauki kimanin minti talatin a gunta. Daga bisani ya isa wurin gadon Mamman, a lokacin ya samu ya buɗe ido har yana ƙirƙiro wa Zanna murmushi, ya buɗe murya a wahalce ya soma magana.
  
  "Zanna kaga yadda lamarin Ubangiji ya kasance damu, ka yi haƙuri da nauyin da zai hau kanka. Ni Muhammad na danƙa maka amanar ƴata Mubeena ka zame mata ubu, uwa da dangi, don Allah karka barta ta yi kukan maraici, nasan kai mutum ne mai amana ina so ka ƙara akan na da dana sanka, kar ka yarda riƙon Mubeena ya koma wurin danginmu, kar ka yarda riƙon Mubeena ya koma hannun Bukar ko yasan in da kuke, ka nisanta kanku ga danginmu har sai Mubeena ta mallaki hankalinta, sai ka sanar da ita labarinmu ka kaita wurin ahalinmu. Don Allah ka bar in da muke ka gina sabuwar rayuwa ku kaɗai ba tare da sanin kowa ba, saboda ina son Mubeena ta yi rayuwar farin ciki da soyayyar iyaye, ka saida duk kadarorina ka gida sabuwar ruyuwa, ina so ka kasa dukiyata kashi huɗu ka ɗauki kashi ɗaya na baka halak malak, kashi uku kuma ka juyawa Mubeena har sai ta mallaki hankalinta sai ka danƙa mata dukiyarta. Nagode sosai Allah ya baka ikon riƙe amanarta"
  
  Sai ya juya kansa yana kallon Kaltume.
  
  "Allah ya jiƙanki Matata ya saka miki da gidan Aljanna Firdausi"
  
  Nan take muryarsa ya sarƙe, Zanna ya shiga karanta masa Kalmar shahada har Allah ya karɓi abinsa. A wannan lokacin kuka ya ɗaukewa Zanna, ya fita yaje ya dankawa wata nurse Mubeena ya kira likita ya zo ya duba Mamman, shima ya tabbatar masa daya ciki.
  
  Zanna ya fita ya tari abin hawa ya isa babban masallacin unguwarsu ya shaidawa limaminsu abin da ya faru, nan take aka tura mota zuwa asibiti aka ɗauki gawarsu Mamman zuwa gida.
  
  Falmata saboda firgici har suma ta yi, koda ta farfaɗo ta amsa Mubeena ta ƙanƙame ta a jikinta tana kuka kamar mahaukaciya, Hafiz duk da bayi da wayo yasan cewar babban abune ya faru a gidan nasu, kuka yake har muryansa yana dishewa. Kafin a ce kabo unguwar ya cika da al'umman annabi har cikin gidan, kafin sallar magrib aka yi musi sutura aka sadasu da gidansu na gaskiya. _Kullu nafsin za ikatul maut, Allah ka jikan duk wa'inda suka rigamu zuwa gidan gaskiya, kasa mu cika da Imani, Ameen._
  
  Zuwa safiya danginsu duk sun hallara, sun ci kuka sosai. Har zuwa ranar bakwai Zanna bai fidda kwalla ba zuciyarsa ta bushe sai yawan ajiyar zuciya da yake yi, shi ne yake ta amsar gaisuwa, anyi addu'an bakwai an watse lafiya, wasu daga cikin danginsu suka zauna har sai anyi addu'an arba'in.
  
  A wannan zaman ne wasu daga cikin ƴan uwansu suka nuna maitarsu a fili cewar suna son su riƴe Mubeena da dukiyarta, har hakan ya kawo rikici tsakanin dangin Mamman dana Kaltume, Zanna shi dai na shi ido bai kuma yi masu musun ba zai bamu ba, face ma haƙuri daya basu da lallama akan su jira shi ya tattara dukiyarta gaba ɗaya ya basu, da wannan shawarar suka amince suka zauna lafiya.
  
  Bukar ya yi kuka kamar ransa zai fita lokacin daya ji labarin mutuwar ɗan uwansa da matarsa, duk yadda yaso ya fito an hana shi ƙarshe dole ya haƙura. Tun daga wannan lokacin ne ya watsar da duk shiriritarsa ya ƙuduri aniyar zai zama mutumin kirki in ya fito, zai yi aure ya riƙe Mubeena amana da dukiyarta.
  
  Abin da danginsu Mamman basu sani ba, Zanna ya tattara duniyar Mubeena duka ya buɗe sabon account ya kaimu banki, ya saida Mamman plazan da gidansa da suke ciki da motar da yake hawa, duk a haɗa kuɗin a asusun banki.
  
  Banki suka yiwa Zanna lissafin kuɗin gaba ɗaya, suka raba kashi huɗu, ya ɗauki kashi ɗaya na shi ya bar kashi uku a banki. Yaje can wata sabuwar unguwa kamar za a fita garin, ya siya gida a nan da kuɗinsa ɗaki ciki ɗai-ɗai har uku, sai bayi da kicin sai filin tsakar gida, ya yi komai cikin sirri, ya siya musu kayan ɗaki masu sauƙin kuɗi ya zuba, hatta abinci ya siya ya aje, dawowa kawai ya rage musu.
  
  Bayan anyi sadakar arbain, har lokacin danginsu Kaltume da Mamman sunƙi tafiya, suna jiran Zanna ya haɗo kuɗin gadon Mubeena.
  
  Cikin ikon Allah kuwa Mubeena bata yarda da kowa a cikinsu sai Falmata, hakan ya bawa Zanna damar ɗaukar yaran cikin dare ya fita dasu Falmata na biye da shi a baya, ko kayan su basu ɗauka ba sai na jikinsu, sai kuma akwatin da ya zuba gwala-gwalan Kaltume da hotunansu da kuma takardun banki da duk abin da ya shafi gadon Mubeena, shi kawai suka ɗauka suka bar gidan cikin dare misalin ƙarfe tara. Sai da suka yi safiya kusan na awa guda suka bar unguwar da kewayenta gaba ɗaya, kana suka tari mai taxi suka hau ya wuce dasu sabuwar unguwa, sai da suka yi tafiya na kusan hawa ɗaya da minti biyar kafin suka isa sabuwar unguwar, mai taxi ya sauke su bakin hanya suka ƙarasa da ƙafa, sai ƙarfe sha ɗaya da mintuna suka kai gidan, ko da suka isa kwanciya suka yi domin sun kwaso gajiya.
  
  Can cikin gari kuwa, ko da dangin suka wayi gari basu ga su Falmata ba sai basu nuna damuwarsu ba ganin akwai kayansu a gidan, hankalinsu bai tashi ba sai da aka kwana aka yini, basu ba labarinsu, zuwa yamma wanda ya siya gidan ya basu takardar notice, hankalinsu ya tashi suka bazama niman Zanna. Kwanan su biyu suna gantali daga ƙarshe suka gane cewar ya saida komai ya gudu ne, gaskiya yasha zagi a gunsu sosai wasu harda kukan bakin ciki suka yi suna tsinewa Zanna da Falmata. Haka suka ƙara kwanaki ganin ba sarki sai Allah, daga ƙarshe sai suka rabe kayan gidan harda nasu Falmata, kowa ya ja nasa suka bar gidan suka koma ƙauyensu.
  
  Haka lamarin ya ishe Bukar kamar labarin Hikaya, ya shiga tashin hankali sosai yana tunanin ko Zanna ya yi haka ne domin ya danne duniyar Mubeena. Hakan ne yasa ya ɗauki alwashin in ya fito sai ya nimo shi duk inda ya shiga, kuma sai ya raba shi da dukiyar ya dawo hannunsa ya kwace Mubeena.
  
  Ta mangaren Zanna sun kafa sabuwar rayuwa mai cike da aminci, Falmata ta riƙe Mubeena tamkar ita ce tahaifeta. Zanna ya buɗe shago a jikin gidansa yana saida kayan provision, hankalinsu ya kwanta Mubeena ta manta da wasu Iyayenta domin a yanzu ba tada Iyayen da suka wuce su Zanna.
  
  Haka rayuwa ya yi ta tafiya har tsawon shekaru uku, komai ya lafa an manta da rayuwarsu Mubeena, Zanna hatta garinsu yaƙi zuwa, dan yana ganin kamar ko danginsu Mamman zasu je can. A wannan lokacin Falmata ta ƙara haihuwar Hafsat harta she kara ɗaya a duniya, sun sanya Mubeena a makaranta mai tsada zuna zuwa da Hafiz, Falmata ke ɗawainiyar kaisu da ɗauko su, har zuwa lokacin Zanna bai taɓa dukiyar Mubeena ba. Ana haka ne ya haɗu da wani mutum a unguwarsu yana fita ƙasashen afrika yana saro atamfofi a can, da haka Zanna ya soma binsa suka ƙulla abota mai tsafta, Alhaji Umaru ya koyar da Zanna yadda ake kasuwanci, ganin haka yasa Zanna ya sanar da shi cewar yana da kadarorinsa na gado a ƙauye, yana so ya saida ya buɗe katon guri don bunƙasa kasuwancinsa, Zanna ya ɓoye gaskiyar labarin dan har yanzu bai yarda da wani ba da har zai gaya masa gaskiyar dukiyar na Mubeena ce. Alh. Umaru ya ba shi shawara da ya samu fili ya gida shaguna ya zuba haya, sauran sai ya sanya kayansa a ciki yana bada sari, da wannan sharawan Zanna ya ɗibo kaso biyu a dukiyar Mubeena ya siya fili a bakin hanya ya gina shaguna bakwai, ya riƙe biyu yaba zuba atamfofi da kayan pan senigal yana saidasu akan sari, duk bisa jagorancin Alh. Umaru.
  
  *******   ***    *******
  
  *Bayan shekara biyu*
  
  Bukar ya kammala zaman gidan yari na shekara biyar cif, ko da ya fito ƙauyensu ya nufa ya samu labarin duk abin da ya faru, kwanan sa biyu ya dawo cikin birni cike sa baƙin ciki, a wannan lokacin ya ɗau aniyar zama mutumin kirki dan cika ƙudurin Mamman, sai kawai ya yake shawarar ya tafi garin Kano. Zuwansa da wata guda Allah ya haɗa shi da wani Alh. Aminu, ya ɗauke shi aiki a kamfaninsa na haɗa yoghurt, cikin ƙanƙanin lokaci Bukar ya samu karɓuwa sosai a gurin, ya tsaya tayin dana ya koya aiki mai kyau ana biyansa duk wata yana tara kuɗinsa.
  
  *****       ******
  *Bayan shekara biyu*
  
  Bukar ya kware sosai ya iya aiki kuma kuɗinsa sun taru da yawa, a nan ya sanar da Alh. Umaru zai koma garinsu ya kafa nashi gurin, Alhajin bai ji daɗi ba amma ba zai tauye shi ba tunda ya koya aikin, burinsa duk yaransa da suka yi aiki ƙarƙashinsa su kafa nasu gurin, hakan yasa ya ɗauki kuɗi masu tsoka ya ba Bukar kyauta, ya yi murna sosai da godiya ya kama kansa bayan ya yi sallama da duk mutanen kamfanin.
  
  Bukar kafin ya bar Kano sai da ya siya duk injinan da suke amfani dasu wajen haɗa yoghurt ɗin, da duk kayan aiki ya barsu a nan, kafin ya tattara ya koma Maiduguri ya samu wani ƙaramin gida ya kama hayansa, sai ya koma Kano ya kwaso kayansa da ya siya ya zo ya kafa su a gidan, ya samu yara matasa ya karantar dasu komai ya fara yin yoghurt na shi na kansa, a hankali ya amsu a wurin mutane, da kaɗan-kaɗan ya bunƙasa sosai.
  
  ******   ***   *******
  
  *Bayan shekara uku*
  
  Zanna ya zama babban Alhaji duk sun sauya kamar ba su taɓa shan wata wahala ba a duniya, a wannan lokacin ne Zanna ya buɗe katafaren kamfani wanda ya sanya masa M&B cosmetics & perfumes Nigeria limited. Ma'anar M&B shi ne Mamman Bakura, hakanan yaji sha'awar sanya sunan Mahaifin Mubeena. Wannan kamfanin ya karɓu sosai domin har daga garuruwa suna zuwa suna sarar kaya, suna yin duk kayan kwalliyar kama daga power kala-kala, jan baki, gazal, mascara, da sauran kayan kwalliya, duk kuma suna ɗauke da tambarin M&B jikin ko wani kaya. Ɓangaren turaruka ma haka, kama daga na jiki, kaya, hatta su humra da turaren tsinke dana wuta duk suna saida nasu na kamfanin, sai kuma wasu turaruka da suke kawosu daga ƙasashen waje, sai dai sunfi kawo irin na ƙasar Makka da ƙasar Sudan. Duk wani turare da kake nima in dai ka zo kamfanin M&B zaka samu. A wannan lokacin Baba Zanna ya sauya musu gida zuwa new GRA, ya siya motar hawa da kuma motar su Mami wanda za a riƙa kai su Mubeena makaranta.
  
  *********     *********
  
  *Bayan shekaru da yawa*
  
  Ɓangaren Bukar ya gina kamfaninsa na yoghurt mai suna AB yoghurt. Yana bayar da sari ga ƴan kasuwa birni dana ƙauye. Duk wannan buɗi daya samu yana nan yana bincike akan inda Zanna na ɓoye, kuma har zuwa lokacin bai samu bayanin komai a kansu ba. Har malaman tsubbu yasa suka yi masa bincike, sun ba shi tabbacin zasu haɗu amma lokaci bai yi ba.
  
  A wannan lokacin Bukar ya yi aure harya haifi yara biyu, Nabeela da Anwar har sun tasa suna primary school. Sai kuma halin da ya ɗauka na niman mata, tun Matar bata sani ba har ya fito fili, haka dai ta cigaba da zama da shi tana haƙuri.
  
  ******
  Mubeena da Fanna sun kammala secondary har zasu shiga university, kawancensu ya samo asali tun primary da aka sanya Fanna suka shaƙu sosai, duk inda Beena take Fanna tana wurin har zuwa girmansu suna tare, wanda suka yi alwashin yin karatu tare komai ɗaya. Sun samu admission a nan university of Maiduguri, duk iyayensu suka yi musu register suka fara zuwa, kwas ɗinsu ɗaya Mass com.
  
  Mubeena ta tashi cikin gata wanda bata taɓa sanin cewa basu Baba bane suka haifeta ba, su kuma su Baba sun cigaba da riƙe maganar har zuwa lokacin da zai aurar da Mubeena kafin zai faɗa mata gaskiyar asalinta.
  
              *****
  Su Beena suna 200level, wata rana ruwa ya tare Fanna a makaranta lokacin Yaya Hafiz ya ɗauki Beena sun wuce gida, da ruwan ya ɗauke Fanna ta fito ya fara takawa a hanya kafin ta samu a abin hawa, Alh. Bukar ya biyo ta hanyar Allah ya haɗa shi da Fanna yana ganinta ransa ya biya, sai ya tsaya dan ya latsa yaji ko ƴar hannu ce, suka gaisa ya nima zai rage mata hanya ba musu ta amince dama ta soma gajiya da tafiyar sai ta shiga motar, Alh. Bukar ya shiga janta da hira, cikin dabara ya shigar da bayanin yana sonta, Fanna ba jan aji ta amince a cewarta ta samu saurayin siyan kati, dan ita dama mace ce mai san ƙarya da harkan wayewa, sai dai duk samarin da take dasu ba wasu basu kuɗi bane shiyasa take haƙuri dasu a haka.
  
  Tun daga wannan lokacin Alhaji ya shiga kashe mata kuɗi ya siya mata babbar waya, nan da nan Fanna ta yi clean ta faso gari, lokacin da take bawa Mubeena labarin Alh. Bukar da irin hidimar da yake mata, Mubeena faɗa ta yi mata da nasiha akan tabi duniya a hankali, tun daga lokacin Fanna ta daina gaya nata komai, ko zata bata labari sama-sama take faɗa mata. A haka ne Alhaji Bukar ya buɗe wa Fanna ido, shi ne mutum na farko daya fara keta mata haddi, a ranar Fanna tasha kuka, Alh. Bukar ya ce mata ba wani abu bane ya nuna mata tabbacin zai aureta, hakan yasa ta saki jiki suka cigaba da rayuwar shashanci yana kashe mata kuɗi.
  
  Wata rana ya zo ɗaukar Fanna a makaranta lokacin ita kuma Beena ba a zo ɗaukarta ba, a nan Fanna ta jata zuwa wurin Alh. Bukar dan su gaisa, yana ganin Mubeena gabansa ya faɗi domin ya hango tsantsar kamarta da ɗan uwansa Mamman sai dai ita tanada haske, bakinsa har yana rawa wurin tambayar Fanna sunanta, ba wani ja ta gaya masa sunanta Mubeena Zanna.
  
  Gaban Bukar ya faɗi ras, ya lashe lebensa na ƙasa ya saki wani shu'umin murmushi, abin da ya daɗe yana nima shekara da shekara yau ya yi katari da shi.
  
  'Wato Zanna ka riƙe Mubeena da dukiyarta tamkar kaine ka haifeta ko? baka sanar da ita labarin iyayenta ba, ka sanya tana amfani da sunanka'
  
  Duk zancen zuci ya yi, a fili kuma ya kalli Mubeena suka gaisa, a haka ne Hafiz ya zo ɗaukarta Mubeena ta yi musu sallama ta wuce. Fanna ta shiga motar suka wuce, a hanya ne Bukar ya yi ta tambayar Fanna labarin Mubeena cikin dabara, ita kuma ta ba shi labarin duk abin da ta sani nata.
  
  Tun daga wannan lokacin ya fara binciken Zanna da duk abin da yake ciki ba tare da ya sani ba, a wannan lokacin baya buƙatar Mubeena ta san labarinta ya fi ƙaunar dukiyarta fiye da ita, shiyasa ya ɗauki alwashin ya kasheta daga baya sai ya tunkari Zanna, ya san zuwa lokacin dole ya danƙa masa dukiyar Mubeena tunda ta riga ta mutu, shi sai ya ci gadon. Da wannan gurɓatacciyar shawarar ya soma haɗa plan yadda zai kashe Mubeena, ya ɓoye komai a ransa, hatta Fanna bai nuna mata ya san Mubeena ba suka cigaba da harkansu.
  
  Ɓangaren Alh. Zanna kuwa, hankalinsa kwance yake gudanar da rayuwarsa, ya ɗauki son duniya ya aza akan Mubeena, ƙiri-ƙiri yake nuna banbaci a kan yaransa kuma Mubeena yarinya ce mai biyayya, domin sunyi wa yaran tarbiyya mai kyau, zuwa girmansu ne Mami ta saki komai a cewarta sun mallaki hankalinsu ba zasu lalace ba. Yadda Baba yake nuna mugun so ga Beena shi ne ya hura wutar ƙiyayyar Mubeena a zuciyar Hafsat, har wata ran Mami take shigar mata tana jin zafin bambancin da Baba ke nunawa, sai dai takan yi ƙoƙarin danne zuciyarta gudun kar ranta ya ɓaci a gurinsa, dan duk lokacin data kawo masa ƙorafin haka, kaca-kaca yake mata ya tunatar da ita asalinsu da kum matsayinsu, sannan arzikin Mubeena suke ci.
  
  _Wannan shi ne asalin tushen labarin, wanda son da Mubeena take yiwa Mansoor ya yi sanadin tono asirin da ke ɓoye_
  
  _Cigaban Labarin..._
  
  *Rahma ce*  less

  Mar 1

  • 6 person likes this
• 
  Rahma kabir liked Sᴜᴍᴀɪʏʏᴀ Bᴀʙᴀʏᴏ (Sumiee B)'s post.

  Feb 28

  Sᴜᴍᴀɪʏʏᴀ Bᴀʙᴀʏᴏ (Sumiee B) → MARUBUTA:
  *ALHAMDULILLAHI! ALHAMDULILLAHI!! ALHAMDULILLAHI!!!*
  
  
  *Ku...  moreSᴜᴍᴀɪʏʏᴀ Bᴀʙᴀʏᴏ (Sumiee B) → MARUBUTA:
  *ALHAMDULILLAHI! ALHAMDULILLAHI!! ALHAMDULILLAHI!!!*
  
  
  *Ku Latsa wannan links ɗin dake ƙasa 👇 domin sauraron labarina mai taken "Gidan Aurena" Wanda ni Sumaiyya Babayo Abdullahi na Rubuta, daya samu lambar yabo cikin labarai 12 da suka cancanci yabo...  more*ALHAMDULILLAHI! ALHAMDULILLAHI!! ALHAMDULILLAHI!!!*
  
  
  *Ku Latsa wannan links ɗin dake ƙasa 👇 domin sauraron labarina mai taken "Gidan Aurena" Wanda ni Sumaiyya Babayo Abdullahi na Rubuta, daya samu lambar yabo cikin labarai 12 da suka cancanci yabo ta labarin Hikayata na 2020 na sashen Hausa na BBC*
  
  👇👇👇👇👇👇👇👇👇
  https://www.bbc.com/hausa/shirye-shirye-na-musamman-56215937
  
  
  Dukkan yabo da godiya sun tabbata ga Allah (S. W. T) mai Kowa mai komai mai azurtawa da rayawa. Tsira da aminci su ƙara tabbata ga fiyayyen halitta annabi Muhammad (S. A. W) Iyalansa da sahaban sa.
  
  Cike da farin ciki nake mai sanar daku, Labarina mai taken "Gidan Aurena." dana shigar da shi gasar Hikayata 2020 ta BBC ya samu lambar yabo cikin labarai 12 da suka cancanci yabo bayan labarai Uku da suka lashe gasar cikin sama da labarai 400 da suka shiga gasar.
  
  Sun zaɓo waɗannan labaran ne dai daga labarai 25 da suka bi matakai daban-daban na tankaɗe da rairaya.
  
  Jagorarar alƙalan, Hajiya Bilkisu Salisu Ahmad Funtua wadda aka fi sani da Anti Bilki, tsohuwar marubuciya ta ce "labaran na bana duk babu na yarwa. Da za a bar ni da na ce duka a ba su kyauta saboda babu marubuciyar da ba ta yi ƙoƙari ba."
  
  "Saƙonnin da ke cikin waɗannan labaran da salon yadda suka rubuta su ya nuna cewa wannan gasa ta zaburar da mata sosai wajen isar da saƙonninsu ta hanyar rubutu", a cewar Anti Bilki.
  
  Haƙiƙa shi nasara ba sai ka zo na 1,2,3 Shiga a fafata da kai babban nasara ce da ba kowa ke gane haka ba.
  
  A karon farko dana Jaraba shiga wannan gasa ta Hikayata na kai wannan mataki ina mutuƙar farin ciki tare da sake godewa ubannin gidana a harkar RUBUTU, MAL. ABBA ABUBAKAR YAKUBU( Chairman Arewa Media Writers Plateau State) tare da MAL. DANLADI Z HARUNA (Marubucin Tekun Labarai) Haƙiƙa har abada...    less

  • #juce na kankana da abarba

  • 10 person likes this
  • View all 8 comments
  • 
    Sᴜᴍᴀɪʏʏᴀ Bᴀʙᴀʏᴏ (Sumiee B) Amin ya Rabbi! Ranka shi dade

    • Feb 28
    • -
    • Report
  • 
    Sᴜᴍᴀɪʏʏᴀ Bᴀʙᴀʏᴏ (Sumiee B) Amin ya Rabbi. Ina godiya Aunty Rahmatu\uD83D\uDC4D\uD83D\uDE4F

    • Feb 28
    • -
    • Report
  • 
    Sᴜᴍᴀɪʏʏᴀ Bᴀʙᴀʏᴏ (Sumiee B) Amin sis, godiya nake

    • Feb 28
    • -
    • Report
  • 
    Abubakar Saleh (Zamani Writers Ass.) Masha Allah! Na taya ki murna kuma Insha Allahu shekara mai zuwa zaki iya lashe wannan gasar, fatan nasara a rayuwa

    • Mar 13
    • -
    • 1 likes this
    • -
    • Report
  • 
    Sᴜᴍᴀɪʏʏᴀ Bᴀʙᴀʏᴏ (Sumiee B) Godiya nake ɗan uwa. Allah ya sa \uD83D\uDE4F

    • Mar 13
    • -
    • Report
• 
  Rahma kabir liked Ummyter Abdallah's post.

  Feb 28

  Ummyter Abdallah created a new event:

  • 17 person likes this
  • View all 8 comments
  • 
    Sadik Abubakar Allah ya kaimu lokacin amin

    • Mar 2
    • -
    • Report
  • 
    Ibrahim Musa Gamba Gaskiya ne naga kuna Talla a facebook

    • Mar 2
    • -
    • Report
  • 
    Madu AD A ina ake tatyaunawar?

    • Mar 2
    • -
    • 1 likes this
    • -
    • Report
  • 
    Ummyter Abdallah Group din marubuta

    • Mar 9
    • -
    • Report
  • 
    Madu AD Toh na gode.

    • Mar 18
    • -
    • Report
• 
  Rahma kabir
  *SO SARTSE*
  
  © *Rahma Kabir Mrs...  more*SO SARTSE*
  
  © *Rahma Kabir Mrs MG*
  
  *Wattpad😗@rahmakabir
  
  *Shafin naku ne masoya wannan littrafi, ina godiya da addu'anku gareni Allah ya bar ƙauna da zumunci. So ɗaya tak mara algush*
  
  *_Page 12._*
  
  Alh. Bukar koda yaje gidan bai samu su Babs ba ya kira shi ya ki ɗaukar wayarsa, cikin sanyin jiki ya koma gida cike da tashin hankali, haka ya yini cikin fargaba ya kasa fita ko ina, ya kasa cin komai sai ruwa kawai da yake iya haɗiyewa.
  
  *Bayan sallar isha'i*
  
  Yana zauna a falo ya rafka tagumi matarsa ce ta fito falon ta ganshi a wannan yanayin, sai ta zauna gefensa ta dafa kafaɗarsa, firgigit ya waigo yana kalleta.
  
  "Lafiya Abban Nabeela?"
  
  Ya sauke ajiyar zuciya yana kallonta cike da damuwa.
  
  "Wani al'amari ne yake niman ya sha min kai, fatan zaki taya ni da addu'a akan lamarin ya zo min da sauƙi"
  
  "Insha Allah zan taya ka, bari na kawo maka wani abu ka ci dan naga tun safe baka ci komai ba"
  
  Alh. Bukar Bakura yana da mata ɗaya mai suna Safiyya, sai yaransu biyu Nabeela ita ce babba ƴar shekara sha takwas a duniya, sai ƙaninta Anwar yanada shekara sha shida, suna zaune a gidansu cikin kwanciyar hankali. Duk abin da Alh. Bukar ke aikatawa Safiyya ba tada labari, dan haka yake lamuransa ba tare da ya sanar da ita komai, kuma tun tsawon shekarun da suka ɗauka bata san asalinsa ba, domin ko sau ɗaya bai taɓa kaita garinsu ba, a nan cikin birni suka haɗu ya samu iyayen bariki suka yi masa jagora har suka yi aure.
  
  Ammi kamar yadda yaranta suke kiranta, ta miƙe ta wuce kitchen, dai-dai lokacin Anwar ya fito daga side ɗinsa ya shigo ya zauna ya gaishe da Abbansu ya cigaba da kallon tv. Sai ga Nabeela ta shigo ita ma ta zauna ta gaishe da Abban tana kumbure-kumbure. Alh. Bukar ya sauke numfashi yana kallonta ba tare da ya ce komai ba, nan take Mubeena ta faɗo masa a rai, ya shiga kiyastawa a ransa.
  
  'In Nabeela ce a matsayin Mubeena ya zan ji?'
  
  Tsigar jikinsa ne ya ta shi, zufa ya shiga karyo masa, nan take ya fara jin tsoro ya kama shi. Ammi ce ta dawo falon, ta katse masa tunaninsa.
  
  "Ku taso mu ci abinci yana dinning"
  
  "Ni ba zan ci ba"
  
  cewar Nabeela.
  
  "Saboda me?"
  
  "Ni na ƙoshi"
  
  "To wallahi ba zaki kwana haka ba, tun jiya kike fushi kin ki sakin jikinki, wai me yake damunki ne?"
  
  Cewar Ammi a tsawace. Sai Nabeela ta fashe da kuka.
  
  "Ni ki rabu dani ba zan ci ba na ce"
  
  "Ke Nabeela bana son shashanci maza ta shi ki ci abinci, in dai mota ce na ce zan siya miki, wasu kuɗi nake jira su shigo hannuna, suna zuwa zan cika miki alƙawarinki"
  
  Cewar Abba yana kallonta yana murmushin yaƙe yadda zai kwantar mata da hankali, cikin murna ta miƙe ta wuce tana dariya.
  
  "Nagode Abbana"
  
  Dama fushin da take yi kenan, Nabeela yarinya ce mai kafiya da mugun son duniya, babu abin da ta bari ga halayyar Abbanta na son kuɗi da ɗaukaka, sai dai abu guda ne bata yi gado ba shi ne bata kula maza ko a makaranta tana son karatu, dan haka yasa Alh. Bukar yake son yi mata duk abin da take so. Abba ya bita da kallo yana ƙiyasta wani abu a zuciyarsa, tsoro yake kar wani abu ya samu iyalinsa, dan sune kaɗai suka rage masa.
  
  "Ai dama kaine kake ɓata Nabeela, bai kamata kana biye mata"
  
  Ammi ta katse masa tunaninsa.
  
  "Babu ruwanki kisa ido kiyi kallo kawai"
  
  Yana cewa haka ya miƙe ya wuce dinning, sai tabi bayansa tana mitar maganar, Anwar ma ya miƙe shima ya bi bayansu, Yaro ne mai sanyin hali sam abin duniya bai ɗaɗashi da ƙansa ba, shiyasa ko magana bai dame shi.
  
  A wannan ranar barci ɓarawo ne ya sace Alh. Bukar domin ya kwana cikin zullumi da abin da zai je ya dawo masa.
  
  ********
  
  *Washe gari*
  
  Beena ta ta shi da ciwon kai wanda baya rasa nasaba da rashin barcin da bata yi ba, sai kuma yawan faɗuwa da gabanta ke yi tun jiya, haka ta miƙe ta yi wanka ta gyara jikinta da yake period ɗinta ya zo mata cikin dare. A gogon dake manne a bango ɗakinta ta duba, ƙarfe goma da kwana na safe, guntun tsaki ta ja ta zauna a gefen gado, sai ta ɗauki wayarsa ta shiga duba hotunanta, harta zo kan na Mansoor hawaye ne ya cika mata ido ta ƙura masa ido, sai ta ɗago wayar ta manna masa sumba ba tare da ta sani ba. A duniya bata taɓa jin so irin haka ba, son da ya makantar da ita har zuciyarta kan so ta aikata wani abu cikin gushewar hankali, duk iya laifin da ya yi mata amma ta kasa mantawa da shi.
  
  ' *SO SARTSE* ya min dabaibayi, ya zo min cikin bahagon lokaci, ya sarƙaƙe zuciyata ta yadda ba zan iya motsi mai ƙarfi ba, wallahi Mansoor ina sonka, ya zanyi da ɗunbin ƙaunarka a zuciyata, meyasa zaka min haka? Meyasa ka yarda da ka salwantar da ruhina saboda duniya? Gaba ɗaya baka cancanci na soka ba, amma zuciyata ta kasa rabuwa da kai'
  
  Ta ce a zucci hawaye ya wanke mata fuska, nan take saƙo ya shigo wayar, cikin rawar jiki ta buɗe.
  
  _"Me kikewa kuka Beena? don Allah ki daina asarar hawayenki a kaina, saboda ban cancanci haka daga gareki ba, ni butulu ne maƙetaci"_
  
  Ajiye wayar ta yi a gefenta, cike da tsoro ta fara waige-waige, tabbas babu kowa a ɗakin sai ita kaɗai.
  
  'To ya aka yi yasan ina kuka?'
  
  Ta tambayi kanta a zuciya, da sauri ta isa jikin windon ɗakinta ta ja labule ta buɗe windon, Mansoor ta hango shi a setin windonta yana zaune a garden, ya ƙurawa windon ɗakinta ido, kallon-kallo suke yiwa juna daga nesa, Mansoor ya ɗaga mata hannu sai ya yi mata maganar kurame alamar ta daina kuka ta yafe masa. Tsaki taja ta koma da baya da baya tana girgiza kai, harta isa bakin gadonta ta zauna, wani abu ne ta ji ya taso mata a rai mai zafi.
  
  "A'a Mansoor"
  
  Ta ce a fili, sai ta share hawayenta ta koma tana murmushi, ta zama tamkar zautacciya, sai ta ɗauki wayarta ta shiga tura masa saƙo kamar haka.
  
  _"Kyakykyawar zuciya tana rayuwa ne a ƙarƙashin inuwar aminci da amincewa, zuciyar da aka cuɗanyata da tsarkakakkiyar soyayya tana samar da ingantacciyar lafiya a gangar jikin mamallakinta, shauƙinta yakan bi sassan jini dana ruwa domin cigaba da ginin gangar jiki mai inganci. So kalmar da ta fi komai daɗin faɗe da saurare, shi ke haifar da zaman lafiya a kowane ƙarni. Sai dai ni nawan son ya zo min cikin akasi, na zaɓi gurɓataccen mutum mafi hatsari a gareni. Mansoor har yanzu banyi nadama akan son da nake yi maka ba, kuma duk da ina ɗawainiya da soyayyarka amma na tsaneka mafi munin tsana, ka fita daga cikin rayuwata"_
  
  Sai ta tura masa tare da aje wayar ta shiga toilet ta wanke fuskarta ta dawo ta shafa powder da kwalli, ta yi kyau tamkar bata yi kuka ba, ta bar wayar bisa gado ta nufi falon ƙasa kamar bata tare da wata damuwa.
  
  Saƙon yana shiga ya ɗauki wayar cikin sauri domin yana da yaƙinin ita ce, yana buɗewa ya soma karantawa hawaye ya wanke kuncinsa.
  
  "Beena dama kinfi ƙarfina, insha Allah zanyi nesa da ke, Allah ya ƙara miki haƙuri ya cire miki sona har ki manta dani a duniyarka"
  
  Ya ce a bayyana yana mai fidda kwalla masu zafi, ya ji ya tsani kansa, yana jin ba zai taɓa samun natsuwa ba har sai Beena ta kasance cikin farin ciki. Bai yi mata reply ba domin ya kawo ƙarshen maganar tasu, sai ya sanya wayar a aljihu ya rungumi hannunsa a ƙirji, ya ɗaga kansa sama tare da runtse ido, ya shiga karanta wasiƙar jaki.
  
  Beena tana fitowa falon ta samu su Mami zaune a falon suna hira, cikin fara'a ta ƙarasa ta gaishe da Mami da yaya Hafiz, Hafsat ta gaisheta ta amsa cikin fara'a, ta zauna suka cigaba da hira. Bayan pan mintuna wayar Yaya Hafiz ta yi ƙara ya duba yaga Baba ne ke kiranta, da sauri ya ɗauka.
  
  "Ku zo falona ku duka"
  
  Cewar Baba.
  
  "To" Hafiz ya amsa tare da cire wayar a kunne ya kashe, ya kai dubansa ga Mami ya sanar mata saƙon Baba, cikin mutuwar jiki ta miƙe domin tasan abin da Baban sai faɗa musu, saboda tun jiya sunyi maganar, suma yaran duk suka miƙe suma bi bayanta.
  
  Sun same shi yana zaune bisa katon daddumar da ya mamaye falon, ga wani akwati ƙaramin a gefensa, hannunsa riƙe da counter yana lazumi, sai suka samu wuri suka zauna duk suka gaishe shi ya amsa fuska sake, sai ya kai kallonsa ga Beena.
  
  "ƴar Baba zo ki zauna nan kusa da ni"
  
  Ba musu ta ta shi ta je ta zauna daga gefensa kusa da Mami. Baba ya kalli yaran su duka, ya ɗanyi taƙaitaccen nazari da tunanin abin da zai faɗa kana ya sauke numfashi ya soma magana.
  
  "Beena a yau zan baku labarin waye Alh. Bukar da fatan duk zaku bani hankulan ku nan"
  
  Gaba ɗayansu suka tattara hankalinsu ga Baba, sai ya soma basu labari.
  
  *TUSHEN LABARI!*
  Alh. Bukar Bakura ya kasan ƙani ga Alh. Mamman Bakura, su biyu ne kaɗai a wurin iyayansu. Asalin sunan Bukar Abubakar, Mamman kuma Muhammad. Sunan Mahaifinsu Yusuf ana kiranta da Bakura, sai Mahaifiyarsu Ameena suna kiranta da Innaa, iyayensu sun rasu tun suna ƙanana, sun kasance a hannun Kakansu na wajen Uba mai suna Muhammad suna kiransa Kaka Malam, sai kakarsu Mace Halimatu suna kiranta Ammee, a hannunsu suka taso har zuwa girmansu. Asalinsu kanuri ne daga ƙauyen Manguno. Mamman ya ci sunan kakansa ne shiyasa suke kiransa Mamman, ya yi karatu iya matakin sakandiri, a wannan lokacin sai ya ji sha'awar shigowa birni domin ya yi kasuwanci. Ya nima Kaka Malam ya ba shi kuɗin gadonsu da iyayensu suka bar musu, Kaka Malam ya amince ya ce ya ɗauki rabin kuɗin ya danƙa masa, Mamman ya shirya ya wuce cikin birnin maiduguri, ya bar Bukar a wurin Kakanninsu.
  
  Cikin ikon Allah Mamman ya fara kasuwancinsa, ya kama shago ya zuba huluna kala-kala kama daga ƙube, dara, muhaɗu a banki da sauransu huluna, kasuwa ta buɗe Allah ya sanya masa albarka.
  
  A ƙauye kuwa Bukar ya buwayi mutane, kullun cikin ɗaukowa su Kaka Malam rigima yake. A wani zuwa da Mamman ya yi ne Kaka Malam ya ce sai dai Mamman ya tafi da Bukar ko ƙila in ya kasance tare da shi zai yi hankali ya natsu, babu musu Mamman ya amince, kwanan sa biyu suka dawo cikin garin Maiduguri suka cigaba da kasuwancinsu, a nan ya sa Bukar makaranta ya ɗauki duk kan ɗawainiyarsa.
  
  *****   *****
  *Bayan shekara biyu*
  
  Mamman ya bunƙasa sosai ya samu rufin asiri, harya ƙara buɗe wani shago ya ɗaura Bukar a kai, a wannan lokacin ya kammala karatunsa na secondary ya sanya shi a university ya fara zuwa. Tun da Bukar ya soma zuwa makaranta ya haɗu da yara masara ji, sai ya ki mai da hankali a karatunsa ya koyi shaye-shaye, duk ya ƙarar da kayan shagon ya cinye kuɗin. Ran Mamman ya ɓaci sosai hakan yasa ya yi mata faɗa sosai, Bukar ya nuna masa babu wanda ya isa ya takura masa dan haka dole a raba musu gado kowa yaja nasa, hakan ba ƙaramin baƙanta ran Mamman ya yi ba, amma ba yi da yadda zai yi dole ya ɗauki Bukar suka koma wurin Kaka Malam ya yi masa bayani, Kaka Malam ya ce ya amince a raba musu tunda duk sun kawo ƙarfi, haka aka raba musu gado, in da Mamman ya ta shi da shagonsa harda wasu kuɗi, Bukar kuwa tsabar kuɗi aka ba shi ya kama gabansa, ya nutsa cikin birnin Maiduguri ya cigaba da shashancinsa, sai Mamman ya yi wata da watanni bai sa shi a ido ba, shi dai ya cigaba da harkan kasuwancinsa Allah yana ta haɓaka shi.
  
  *******    *******
  *Bayan sheka uku*
  
  Allah ya yiwa Kakaninsu rasuwa, shekara ɗaya ne tseraya a tsakanin mutuwarsu, Kaka Malam sherunsa uku da rasuwa, sai Ammee ita ce mai shekara biyu. Mamman ya bunƙasa sosai har ya gina gida mai kyau filat mai ɗaki ciki huɗu sai kicin da bayi duk a ciki, sai ta baya ya gida BQ domin saukar baƙi, sai ɗakin mai gadi dake bakin gate, gida dai ya tsaru sosai gwanin sha'awa, ya kwaso kayansa a in da yake haya ya dawo cikin gidansa cikin kwanciyar hankali. A haka ya soma niman auren wata yarinya mai suna Ummu kaltume, cikin ƙanƙanin lokaci suka samu fahimtar juna aka sanya musu biki wata guda. Shi ne ya ɗauki nauyin komai na kayan ɗaki domin dama ya riga ya sanya komai a gidansa, Kaltume kawai yake so a ba shi duba da irin rayuwar da suke ciki talauci.
  
  Kaltume yarinya ce ga wata mata mai suna Khadija ana kiranta da Kaala tana da shagon saida abinci, a nan kuma suke rayuwa da rana su siyar da abinci, da dare su kwana a shagonsu, zuwa safiya su buɗe su fara ɗawainiyar dafa abinci. Tun rasuwar Mahaifin Kaltume Kaala ta ɗauki ƴarta kwaya ɗaya tilo suka shigo birni, ta kama shago da ƴan kuɗinta ta soma sana'ar saida abinci. Asalinsu Shuwa ne daga ƙauyen Gamboru. A haka ne har Allah ya kawo Mamman siyan abinci ya haɗu da Kaltume, ya yaba da natauwarta da kamun kanta sai ya ji yana son kasance tare da ita, ko da ya nunawa Kaala batun yana san auren Kaltume ta yi murna sosai domin burinta ta aurer da Kaltume ga kamilin mutum kamar Mamman, musamman ta koma ƙauyensu ta sanarwa danginta batun auren Kaltume, haka suka nuna murnarsu suka amince.
  
  *Bayan wata daya*
  
  An ɗaura auren Mamman da Kaltume ta tare a gidan mijinta hankalin kowa ya kwanta, Mamman ya cigaba da kasuwancinsa gwanin sha'awa. Ga wani abun mamaki yadda Allah ya keta bunƙasa shi kasuwa ta kuma buɗe masa sosai. Bayan wata biyar da aurensu har ya siya mota yana zuwa kasuwa da shi.
  
  ******
  *Bayan shekara guda*
  
  Har zuwa wannan lokacin Allah bai bawa Kaltume ciki ba, Mamman ya shahara sosai har ya buɗe katafaren Plaza na shi na kansa, ya bada hayan wasu shagunan, sai shaguna uku na shi, ɗaya ya zuba huluna, ɗaya kuma turaruka na waje da na ƙasarmu, sai ɗaya ya zuba sutura, shadda, atamfofi, yadika na maza da mata, leshi. Duk ya zuba ƴan aiki masu zama masa, shi dai in ya fito sai dai ya zauna a office ɗinsa yana amsar baƙi daga ɓangarori da dama masu sarar kaya. A dai-dai wannan lokacin ne Bukar ya dawo masa cikin wani irin hali, duk ya lalace ya yi baƙi, kuɗin gadonsa ya ƙarar dasu babu komai a gunsa, Mamman sai da ya zubda kukan baƙin ciki akan irin rayuwar sa ɗan uwansa ya ɗaukarwa kansa. A haka ya ware masa ɗaki ɗaya a cikin ɗakunan dake falonsu, ya ɗauke shi zuwa kasuwa ya riƙa zama harya san yadda kasuwan yake, Bukar ya nuna alamun ya tuba yanatsu sosai.
  
  *Bayan wata biyu*
  
  Allah ya yiwa Kaala rasuwa Mahaifiyar Kaltume sakamakon gobara daya kama shagonta, ba ƙaramin kuka Kaltume ta yi ba, haka suka yi zaman makoki a nan gidanta. Bayan kwana bakwai kowa ya watse dangi duk suka koma garinsu suka cigaba da rayuwa.
  
  A wannan lokacin ciki ya bayyana a jikin Kaltume, duk da suma cikin alhinin mutuwar Kaala sunyi murna sosai, haka suka cigaba da rainon cikin har ya shiga watan haihuwarsa.
  
  Tun dadowar Bukar ya soma yiwa Mamman satar kuɗi yana yi masa ɓarna, Mamman yana sane sai dai ya yi masa faɗa yana ƙara karantar da shi rayuwa, amma bai dai na ba. Daga ƙarshe Bukar ya tada rikici wai an cuce shi a gurin rabon gado, dan haka dole Mamman ya ƙara ba shi gadonsa, suka shiga rikici ya daina kwana a gidan sai ya gadama.
  
  Wata rana cikin dare Bukar da zo gidan da daddare ya takurawa Mamman sai ya ba shi wasu kuɗi, in ba haka ba zai kira masa ƴan sanda a kai shi kotu ya ba shi haƙƙinsa, hakan ya sa ran Mamman ya ɓaci ya yiwa Bukar dukan tsiya ya koreshi daga gidansa, haka suka rabu baram-baram, a cikin wannan daren naƙuda ya kama Kaltume saboda yadda hankalinta ya yi mugun tashi akan faɗar dasu Mamman suka yi. Mamman ya kai ta asibiti sai zuwa safiya ta haifo ƴarta Mace kakkkyawa kamar an zanata dan kyau, kamanninta sak Mamman, farin fata ne kawai da idon Mahaifiyata ta ɗauki, kwanan su ɗaya aka sallamo su gida, musamman Mamman ya aika dangin Kaltume da danginsa cewar ta haihu, kafin ranar suna gida ya cika da ƴan uwa.
  
  *******
  *Ranar suna*
  
  Yarinya ta ci suna Mubeenatu, saboda Kaltume tana mutuwar son sunan, hakan yasa Mamman ya raɗawa ƴarsa sunan saboda soyayyar dake tsakaninsu. An yi hidimar suna aka watse aka bar ƙanwar Mahaifiyar Kaltume tana kula dasu. Mamman kuma ya cigaba da harkokinsa.
  
  *Rahma ce*  less

  Feb 28

  • 8 person likes this
• 
  Rahma kabir
  *SO SARTSE*
  
  © *Rahma Kabir Mrs...  more*SO SARTSE*
  
  © *Rahma Kabir Mrs MG*
  
  *Wattpad😗@rahmakabir
  
  *Ina godiya da addu'anku gareni Allah ya bar kauna da zumunci. So daya tak mara algush*
  
  
  *_Page 11._*
  
  Hatta Mami sai da ta firgita ta saki hannun Beena tana salallami.
  
  "Alhaji dama Bukar yana raye? ya aka yi yasan inda muke?"
  
  Ita ma ta jefawa Baba tambayar da ba yi da amsarta.
  
  Beena da Hafsat suka bi Iyayen nasu da kallon mamaki, Yaya Hafiz yana zaune ya ce.
  
  "Lallai babu tantama shi ne yasa a sace Beena..."
  
  "Yaya Hafiz kaima ka san shi ne? me na yi masa haka da zai nima raba ni da raina? Baba waye Bukar Bulama?"
  
  Beena ta jefa musu tambayar cike da tashin hankali.
  
  "ƴar Baba wuce ki kimtsa ki samu ki huta, yanzu kina buƙatar hutu kuma dare ya yi, insha Allah ba da jimawa ba zan baki amsar tambayar ki"
  
  Ajiyar zuciya ta yi ba tare da ta ce uffan ba ta juya akalarta ta wuce, domin ita ma tafi buƙatar hutu a wannan lokacin, su Mami suka rufa mata baya. Bayan sun wuce Baba ya tashi ya nufi ɗakinsa, sai Yaya Hafiz suka bari a falon ya rafka tagumi yana tunani.
  
  ***
  Mansoor ya ƙaraso ya buga ƙofa mai gadi ya buɗe masa, kallon-kallo suka yi mai gadi ya matsa masa ya shiga sai ya rufe ƙofar, ya juya yana cewa Mansoor.
  
  "Allah ya dawo da Mubeena yanzun nan"
  
  "Alhamdulillah!"
  
  Cewar Mansoor yana murmushin yaƙe.
  
  "Subhanallahi! lafiya kake ɗingishi?"
  
  "Baba tsautsayi ne ya auka min, mai mashin ya kwashe ni Allah ma ya kawo abin da sauƙi"
  
  "To Allah ya kiyaye gaba, ka samu ka watsa ruwan ɗumi zaka ji daɗin jikinka"
  
  "To insha Allah"
  
  Ya ce yana tafiya tare da yin murmushi akan ƙaryan daya shimfiɗawa mai gadi, harya shiga ɗakinsa ya rufe ya zube saman katifa yana maida numfashi, iska ya busar mai ɗumi ya ciro wayarsa a aljihu ya shiga kiran Beena.
  
  Harya tsinke bata ɗauka ba, nan take ya tuna da ɗazun ta bar wayarta a mota, sai ya shiga kiran ɗayan layinta ya soma ringing harya tsinke bata ɗauka ba, sai ya ja guntun tsaki fuska cike da damuwa, ya miƙe ya shiga ban ɗaki danya watsa ruwa ko zai ji daɗin jikinsa.
  
  Ɓangaren Beena ta samu ta yi wanka harta ci abinci kaɗan, sai ta sha magani ta zauna gefen gadonta, Hafsat tana zaune bisa gadon ta mai da hankali kan tv tana kallo, Mami ta wuce ɗaki.
  
  "Anty Beena ana kiranki baki ɗauka ba"
  
  Hafsat ta faɗa tare da yunƙurawa ta ɗauko ta miƙa mata wayar.
  
  "Kin ga har kiran ya tsinke, ina ɗayar wayar naki?"
  
  "Tana motata, kin san wannan a gida nake barinta"
  
  Cewar Beena tare amsar wayar tana duba kiran da aka yi mata. Guntun tsaki taja lokacin data yi arba da number Mansoor.
  
  'To me kake buƙata a guri na kuma?'
  
  Ta ce a ranta tare da shiga wajen rubuta text ta soma rubutu.
  
  _"Me zaka ce min kuma? Ina tunanin mun riga da mun raba jaha ni da kai, ko akwai sauran wata matsala ce?"_
  
  Sai ta tura masa. Manaoor ya fito daga wanka dai-dai saƙon ya shigo, sai ya ɗauko wayar ya buɗe ya karanta, murmushi ya yi wanda yafi kuka ciwo, ya tura mata saƙo kamar haka.
  
  _"Dama ɗaya nake so ki bani, daga haka ba zan sake shiga lamarinki ba. Don Allah ba dan halina ba ki saurareni, gobe in Allah ya kaimu da yamma ina so ki fito garden mu yi magana"_
  
  Sai ya tura mata ya aje wayar ya yi shirin barci ya kwanta yana jiran amsarta, shuru bata turo ba har ya cire rai da hakan. Ta ɓangaren Beena tunda ta karanta saƙon, sai ta yatsine fuska ta sanya wayar a silent ta aje saman dressing mirror, ta haye gado ta kwanta tare da jero Addu'a ta rufe ido. Tunanin Mansoor shi ne abu na farko daya fara tsaya mata a zuciya, duk abin da ya faru ya dawo mata sabo, ta shiga kuka sosai mara sauti, duk da tana jin mugun haushinsa amma son sa yana nan maƙale a zuciyarsa, har yanzu bata yi nadamar son da take yi masa ba, kuma tana jin tabbacin son sa alkhairi ne a gareta. Har kusan ƙarfe uku daga Mansoor har Beena babu wanda ya runtse sai juyi suke, ko wanne da irin tunanin da yake saƙawa. Beena ta sauko daga gado ta shiga ban ɗaki ta ɗauro alwala ta shiga jero nafila har raka'a shida, kafin ta zauna ta shiga lazumi, sai da aka kira sallar farko kafin ta miƙe bayan ta yi Addu'a sosai ta koma bisa gado ta kwanta cike da natsuwa da kwanciyar Hankali, cikin ƙanƙanin lokaci barci ya yi a won gaba da ita. Mansoor kuwa a haka barci ya ɗauke shi cike da damuwa da ƙunci.
  
  *******   *******
  
  *Washe gari*
  
  Da sassafe Alh. Bukar ya shiga niman layin Babs dan ya tambaye shi ba'asin kiran da ya yi masa a jiya, sai da ya yi masa kira biyar kafin ya ɗauka, sama-sama ya amsa gaisuwar Babs ya cigaba da magana.
  
  "Lafiya jiya kake ta kira?"
  
  "Alhaji an samu matsala fa yarinyar nan ta gudu, kasan na ce maka zani wani operation da dare na bar Bulama da Algoni, to dawowata na samu mummunar labari cewar ta fece"
  
  Wani irin zabura Alh. Bukar ya yi ya miƙe tsaye, zufane ya shiga karyo masa, cikinsa ya yi mummunar kaɗawa, tashin hankali ya nuna ƙarara a fuskarsa, ya shiga kai komo.
  
  "Haba Babs ya zaku min haka, ka san yanzu ana kama MK dole a sirina ya tonu, amma gaskiya kun ci amanata. Kun san irin shekarun dana ɗauka ina jiran wannan damar sai jiya Allah ya bani nasara, rijiya ta bada ruwa amma gugu ya hana, kun ja min asara ga ƙoshi ga kwanta yunwa"
  
  "To kai Alhaji ya kake so na yi? ai na baka bayani bai makata ka tsaya wani dogon zance ba, kai ni na gaji da aiki ƙarƙashinka ka samu wani, zan kama gabana kafin ƴan sanda su fara farautata"
  
  Yana kaiwa nan ya kashe wayar ya juya ya kalli su Bulama.
  
  "Kai kowa ya yi ta kansa, ni zan bar garin nan har sai komai ya lafa"
  
  "Ai Oga ƙafarka ƙafarmu muna biye da kai"
  
  "To ai shi kenan sai mu sanfe kawai mu ba shi guri"
  
  Da haka suka shiga mota suka bar cikin dajin sunata surutai.
  
  Ɓangaren Alh. Bukar ya koma ya zauna turus hankalinsa in ya yi dubu to ya tashi, abin da zai biyo baya yake tunani, yana tsoron a kuma kai shi gidan maza, domin da ƙuruciyarsa ya taɓa ɗanɗana azabar zaman gidan yari na tsawon shekaru biyar, bai ji da daɗi ba balle yanzu da girma ya kama shi, ya shiga tunanin ina zai ɓuya, yana tsoron abin da zai taɓa lafiyar iyalinsa, haka ya zauna tsawon lokaci yana tufka yana kwancewa, cikin azama ya miƙe ya ɗauko key mota ya fita daga gidan ya nufi dajin dan ya samu su Babs su yi magana ta fahimta.
  
  *****     *****
  
  Da misalin ƙarfe goma na safe, su Beena gaba ɗaya duk suna zaune a falo, hatta Baba yaƙi fita wurin aiki kasantuwar rana ce ta ƙarshen mako, Yaya Hafiz kawai ya fita tun da sassafe yaje ofishin ƴan sanda, ya shaida musu an ganta tare da rufe ainahin maganar, sai ya sanar dasu motarta ce ta lalace shi ne harya kaita dare, wayarta kuma ba caji shiyasa aka kira yaƙi shiga, suka gamsu da bayaninsa sai ya dawo gida. Tunda ya dawo shima yaƙi fita ya fito falo ya zauna suka shiga hirar zumunci kamar yadda suka saba. Beena dai ta yi shuru hankalinta yana kan tunanin Mansoor da kuma son sanin waye Alh. Bukar Bakura. Baba ne ya kalleta cikin natsuwa ya ce mata.
  
  "Mubeena ko akwai abin da ke damunki ne? naga kin kasa sakin jikinki, kin yi shuru kina tunani"
  
  "Baba na ji sauƙi babu abin da ke damuna yanzu, sai dai zuciyata har yanzu ta kasa sukuni akan son sanin waye Alh. Bukar, don Allah Baba ka yi min cikakken bayani akan sa"
  
  Ta ce fuska ƙunshe da damuwa.
  
  "Beena sai kin kwantar da hankalinki kafin Babanku ya yi miki bayani"
  
  Cewar Mami tana ɗan murmushi.
  
  "Ni dai Mami zan so ku min bayani yanzu don Allah"
  
  "Kwantar da hankalinki ƴar Baba, insha Allah na yi miki alƙawari zuwa gobe zan miki bayani"
  
  "To shi kenan Baba, Allah ya kaimu goben"
  
  Ta ce tana matsar kwalla.
  
  "Haba Anty Beena don Allah ki daina damuwa mana"
  
  Hafsat ta ce a shagwaɓe.
  
  "Na daina little sis"
  
  Ta ce tana share hawayenta.
  
  "To tunda kina gida yau sai ki shiga kitchen ki haɗa mana lunch, dan gaskiya na yi missing girkin ki My Beena"
  
  Cewar Yaya Hafiz cike da murmushi fuskarsa don ya kawar mata da damuwa. Cikin zumuɗi Hafsat ta miƙe.
  
  "Ai kuwa wallahi mun daɗe ba mu yi girki ba, musamman Anty Beena, don Allah yau ki mana Biski da miyar kuɓewar nan mai daɗi"
  
  Sai duk suka sanya dariya, hatta Beena sai da ta dara tana jin wani farin cikin a ranta ga yadda Hafsat ta saki komai ta ke mata kirki, in da dane ƙila tana can ɗaki ko zaman falon ba ta zata yi ba, sai ta miƙe tsaye.
  
  "Nma na yi kewar shiga kitchen, mu je ki taya ni aikin dan har da snacks zamu yi, kwana biyu Mami ta daina mana sai niman kuɗi ta sanya a gaba"
  
  Suka ƙara kwashewa da dariya.
  
  "Zaku gaji ku kyaleni, dan sana'a yanzu na fara"
  
  Cewar Mami tana danƙara mata hararan wasa. Haka suka shiga kitchen cike da nishaɗi kamar babu wani damuwa a tare da su.
  
  ******
  Da yamma misalin ƙarfe biyar, Beena ce ta fito cikin shigar riga da siket ƴar kanta, kanta ta ɗaura ƙaramin gyale babu wani make-up a fuskarta amma duk da haka ta yi kyau, garden ta fito riƙe da wayoyinta a hannu, dan da safe ta aikawa Mansoor key motarta ya je ya ɗauko motar ya dawo da ita gida har ta ɗauki wayarta. Zama ta yi ta shiga Instagram tana kallon hotunan mutane, ta shagala da kallo sai ga Mansoor ya zo wurin ya yi mata sallama, ta amsa a ciki ta cigaba da abin da take yi. Zama ya yi kan kujerar dake gefenta ya soma magana.
  
  "Ranki ya daɗe barka da wannan lokaci, ya gajiyar jiya? fatan kina cikin koshin lafiya?"
  
  Shuru ta yi masa bata ba shi amsa ba.
  
  "Beeena don Allah ki bani aron minti sha biyar"
  
  Yarrr taji a jikinta kamar kullun in ya ambaci sunanta, shuru ta yi bata amsa shi ba sai ta ɗago suka haɗa ido, gabanta ne ya yi mugun faɗuwa yadda ta hango hawaye kwance a cikin idonsa, tana ji a jikinta Mansoor ya yi nadama tun jiya, sai dai kuma ya yi latti dan idan akwai abin da tafi tsana da kyama a duniya bai wuce shi ba, duk da tana son sa amma ta ƙuduri aniyar ko zata rasa ranta ba zata aure shi ba, sau ɗaya take bawa mutum yarda bata kuma sake bama mutum Aminci a ƙaro na biyu.
  
  "Mansoor zai fi maka alkhairi ka tashi ka bani guri, domin bana buƙatarka kwata-kwata a rayuwata, ka yi nesa dani don Allah"
  
  Ta ƙare maganar cikin rawar murya alamar tana son ta yi kuka.
  
  "Don Allah ba dan halina ba ki saurareni ko da ba zaki yarda dani ba"
  
  "Ina jinka"
  
  Ta ce cikin ɗaure fuska.
  
  "Nagode Beena"
  
  Sai ta runtse ido ta buɗe a hankali domin kiran sunanta da ya yi.
  
  "Kamar yadda na sanar dake labarina a kwanakin baya, kusan haka ne abubuwa kaɗan ne ban sanar miki ba, yanzu zan gaya miki komai kafin na bar gidan nan dan kisan asalina. Sunana Mansoor Khalid sai dai mutane sunfi sani na da MK. Mahaifina ya rasu sai mahaifiyata da nake tare da ita, Babana da Ummana su shuwa ne, sunanta Aisha ana kiranta Ambishe, haɗin zumunci aka yi musu, ni kaɗai suka haifa, duk Kakanni na sun rasu ba mu da yawan dangi duk suna ƙauye. Sai ƙanwar mahaifina data rage mana mai suna Fatima ana kiranta Inna Jazime tana aure ita ma a nan, yaranta biyu mata duk sunyi aure.
  
  Mahaifina ɗan kasuwa ne, ya rasu ina ɗan shekara sha takwas, tunda ya rasu Ummana ta shiga faɗi ta shi ganin na yi karatu mai zurfi, a lokacin na kammala secondary, duk abin da ya barmana ya ƙare a kan karatuna dana shiga jami'a. Daga haka Umma ta soma sana'ar soya ƙosai da kunun gyaɗa a ƙofar gidan da muke haya, a haka har Allah yasa na kammala karatuna Mass com na tafi service.
  
  Lokacin da na yi wata biyar da kwana uku muka tsinci kanmu a cikin wani iftila'i. Mahaifiyata ta samu matsalar ido sakamakon man gyaɗa daya fallatsan mata a ido lokacin tana soya ƙosai, tun daga wannan abu ne ta rasa idonta gaba ɗaya, kuɗin data tara ya ƙare a Asibiti. Tun daga lokacin muka shiga halin rashi abin da zata ci yana mata wuya, ni ina Yobe state a can nake service ɗina, haka na riƙa turo da kuɗin da ake biyanmu ana nima mata magani da abin da zata ci, daga ƙarshe Inna Jazime ce ta ɗauketa ta maidata gidanta, duk da suma suna fama da talauci, to babu wanda zai taimaki Umma sai ita saboda ni bana nan.
  
  Bayan na gama bautar ƙasa na dawo gida bana sana'ar komai sai dai zaman katse wando, na shiga niman aiki ba ji ba gani amma ban samu ba, tun safe sai in fita ina bin kamfanoni da ma'aikata amma shuru ba nasara, wasu wuraren da dama suke cewa kafin na samu aiki sai na shigar da maƙudan kuɗi, dan in dai ina son aiki sai ina da hanya da kuɗi. Haka na haƙura na cigaba da zaman kashe wando, gani na taso ban saba da aikin ƙarfi ba wannan shi ne babban kuskuren dana yi kenan, dan dana iya sana'ar hannu to dana huce takaicin rashin kuɗi. Wannan zaman yasa na koya shan sigari wurin mutanan da nake zama da su, a cewar su tana rage damuwa, tun ina yi a ɓoye har soma yi a fili, babu irin faɗan da Umma da Inna basa yi min akan in daina. A haka har muka shuɗe wasu shekaru ina zaman banza.
  
  Wata rana na fito kan babban titi zan siya biredi sai ga wani abokin karatuna Habibu muna kiransa da Babs, ya yi parking mota ya fito da murnarsa, muka gaisa ya tambaye ni ko na samu aiki? na sanar da shi har yau ba labari, ya yi dariya ya ce zai sama min aiki wajen wani Alhaji yana da kamfanin yoghurt, na yi murna sosai muka yi musayar number waya kafin muka rabu ya bani kyautar dubu ɗaya.
  
  Bayan kwana biyu Babs ya kira ni, ya yi min kwantancen inda zamu haɗu, cikin farin ciki na shirya cikin riga T-shirt da wando, haka naje na same shi a gurin ya ɗaukeni a mota ya kaini kamfanin AB yoghurt, na samu kyakkyawar tarba a gurin Alh. Bukar, ya ce ya ɗaukeni aiki zai bani dubu sha biyar a wata, nan take na amince na yi masa godiya sosai. A ranar na fara aiki harda kyautar dubu biyu ya min haka na koma da farin ciki. Umma da Inna Jazime da mijinta sunata min Addu'a akan wannan aiki dana samu.
  
  Sati na biyu da fara aiki harna fara sauyawa na ɗanyi ƙiba, alamar hankalina ya soma kwanciya. Da yamma mun tashin aiki Babs ya zo ya ɗaukeni, ya ce zai kaini gida Alh. Bukar zanyi masa wani aiki, ba musu na amince na bi shi don ban kawo komai a rana ba wallahi. Bayan mun je Alhaji ya saukemu a falonsa tare da kayan ciye-ciye muka ci muka ƙoshi. Alhaji ya fito ya zauna ya soma min bayanin aikin da zan masa wanda ya sha babban da aikin kamfani, zai biyani dubu ɗari biyu. Cike da zaƙuwa na ce na amince zanyi tun kafin ya faɗa min aikin saboda ina cikin yunwar kuɗin.
  
  Nan take ya nuna min hatonki a waya ya ce ke yake so na kashe, a lokacin na firgita sosai na ce ba zan iya ba. Wannan musun da na yi masa ne, sai yasa su Babs da yaransa suka ɗaureni suka kai ni wannan gidan dana kai ki, kwana na uku ban fita ba hatta sallah sai dai na yi a ɗakin, babu wanka sai abinci da suke bani sau ɗaya a rana. Wannan hukunci ne suke min akan sharaɗinsa, wai in dai ya faɗi aiki aka yi masa musu, to lallai sai anyi wa mutum hukunci, shiyasa suka ɓoyeni a nan na tsawon kwana uku ko ƙila zan sauya ra'ayina, in kuma na cigaba da gardama to lallai zan ƙare rayuwata a nan gidan.
  
  A rana ta huɗu ne Alhaji ya zo, ya tambayeni zanyi masa aikin ko kuwa? Domin harya ƙara min  farashin kuɗin ya yi, za biya ni har dubu ɗari biyar, jin kuɗin dana yi yasa na soma jin zan iya domin ina buƙatarsu, da wannan dabaran Alhaji ya yi nasara a kaina na zo gidanku, shi ne ya kawo ni har kan layinku ya nuna min gidanku, ya kuma gaya min duk abin da zanyi a gidan dan na yi jiki daku musamman ke, haka kuma cikin nasara Allah yasa Baba ya ɗauke ni aiki.
  
  Beena tuntuni naso kasheki amma sai na yunƙura zanyi saina kasa, tun lokacin da kika fara furta min kina sona na fara karaya na ji ba zan iya ba. Alh. Bukar ya ƙara min dubu ɗari uku ya zama dubu ɗari takwas, domin na ƙara ƙaimi akan na yi masa aiki mai kyau, a wannan lokacin na sanar da shi ba zan iya rabaki da rayuwarki ba sai dai na sace ki.
  
  Kin ji dalilin zuwana gidanku har na sace ki Beena, daga baya kuma Allah ya fargar dani na dawo kan hanyar gaskiya, tausayinki dana su Baba da irin karamcin da kuka yi min shi ne ya hanani sukuni, har sai da na koma na ɗauko ki kafin hankaki na ya kwanta, amma wallahi ban taɓa aikata wani abu makancin haka ba, wannan ne karona na farko. Don Allah Beena ki yafe min, kuma na gode da kika rufa min asiri da kuma soyayyar da kika nuna min, insha Allah zuwa gobe zan bar gidan nan"
  
  Beena ta sauke ajiyar zuciya mai nauyi, ta ɗago ta kalle shi yana share hawaye, jikinta ne ya yi mugun sanyi har hakan ya saukar mata da kasala. Tabbas ta yarda da duk bayaninsa sai dai dole ta nuna masa bata yarda ba, yadda zai ƙara yin nesa da ita dan yanzu bata buƙatarsa a rayuwarta, kuma tausayinsa ya ƙara ninkuwa a zuciyarsa da son da take masa, tana jingina hakan da tsantsar ƙauna ce.
  
  "Mansoor na gaya maka ba zan sake yarda da kai ba a karo na biyu, dan haka na ji bayaninka amma yarda bai zama dole ba, sannan kuma a yanzu ba zaka bar gidan nan ba har sai na kammala bin cikena"
  
  "Duk abin da kika ce na amince, kuma na gode sosai Allah ya kare ki daga duk kan sharri"
  
  "Ameen"
  
  Tana faɗar haka ta ɗauki wayoyinta ta wuce ko waiwayensa bata yi ba, hawaye ke bin kuncinta tana tsausayin kanta da irin azabtuwar da zata sha na nisantar soyayyarsa, amma hakan shi ne mafita a gareta.
  
  'Me yasa ka zo min lokaci da baka da amfani a gereni, ina sonka amma na tsaneka Mansoor'
  
  Zanen da take yi kenan a zuciya harta isa falo, ta yi sa'a ba kowa a ciki ta wuce ɗaki.
  
  Mansoor ya bita da kallo har sai da ya ƙurewa ganinta, kafin ya sauke nannauyan ajiyar zuciya ya goge kwallar daya zubo masa ya yi guntun murmushi.
  
  'Rayuwa kenan'
  
  Abin da ya faɗa kenan a zuciyarsa, ya miƙe ya wuce ɗakinsa cike da damuwa.
  
  *Rahma ce*  less

  Feb 26

  • 6 person likes this
• 
  Rahma kabir
  *SO SARTSE*
  
  © *Rahma Kabir Mrs...  more*SO SARTSE*
  
  © *Rahma Kabir Mrs MG*
  
  *Wattpad😗@rahmakabir
  
  *Wannan page ɗin kyauta ce ga duk masoya MUBEENA. ina godiya da addu'anku gareni Allah ya bar ƙauna da zumunci. So ɗaya tak mara algush*
  
  *_Page 10._*
  
  A zabure ya miƙe tsaye yana shafa kansa gumi ya gama jiƙa shi, ya dunƙule hannunsa yana dukan tafinsa na dama, ya hura iska mai ɗumi daga bakinsa.
  
  "Beena baki cancanci haka daga gareni ba, ba zan taɓa bari ki kwana a wannan gidan ba, wallahi na tuba"
  
  Sai ya share kwallarsa ya fita daga ɗakinsa ya wuce bakin gate, ya samu mai gadi yana sallah, dan haka ya fice abinsa. Gudu yake kamar zai tashi sama hango gurin yake da mugun nisa kamar zai shekara kan ya isa, tsoro yake karsu kasheta, yana burin yaga ya fidda ta daga cikin damuwa, baya son ko da ƙuda ya taɓa ta, duk abin da ya sameta yana ji ba zai taɓa yafewa kansa ba. Napep ya tare ya yi masa kwatance suka tsadance kafin ya hau suka wuce.
  
  "Malam dan Allah ka ƙara gudu ina cikin uzuri ne na gaggawa"
  
  "Ka ga in zaka matsamin ne sai na sauke ka, kasan fa a iya randabawul zan saukeka dan ba zan bi wannan hanyar da yake cike da hatsari ba a cikin wannan daren"
  
  "To ba na ce na amince ba, ai biyanka zanyi ba kyauta zaka kaini ba, ni dai dan Allah ka ƙara gudu kawai"
  
  Mai napep bai tanka masa ba ya cigaba da tafiya yadda yake so, Mansoor yana duba agogon wayarsa, yana kallon hanya har suka isa randabawul ya biya mai napep ya wuce, shi kuma ya cigaba da tafiya gudu-gudu.
  
  ****
  Ɓangaren Beena tun bayan sallar magrib ta farka ta nufi ƙofa ta shiga bugawa tana kuka, shuru babu wanda yazo ya buɗe, ta durƙushe a gun tasha kuka mai isarta kana ta miƙe ta nufi kan gadon ta zauna tana ajiyar zuciya, yanzu kukan ma ya daina zuwa Sai kukan zuci take saki cike da tsananin fargaba, Addu'a take ta jerowa akan Allah ya fiddata daga gidan, in ta tuno da yadda suka rabu da Mansoor sai ta fashe da sabon kuka mai tsanani.
  
  "Ka zalunce ni ka cuci kanka Mansoor, har yanzu banyi nadama da soyayyarka ba, Allah ya fini sanin gaskiya da ya dasa min sonka, kai ne za ka yi nadama insha Allah"
  
  Tana magana tana kuka, dan kanta ta yi shuru, a haka har aka yi sallar isha'i tana a wannan yanayi, sallar da bata yi ba shi ne yafi damunta, ɗakin da duhu balle tasan ko da ban ɗaki a ciki.
  
  *****
  Mansoor har ya iso wannan ƙaramar hanyar ya kutsa cikin daji cike da tsoro da tashin hankali, sa ƙafa kawai yake bai san inda yake saukewa ba, duk da duhuwar bishiyoyi hasken farin wata ya haske dajin baya buƙatar sanya hasken waya, a haka har isa wurin gidan ya laɓe yana tunanin ta ina zai shiga, shi dai baya so su Babs su ganshi yadda Yallaɓai ba zai yi zargin shi ba laifin ya tsaya akansu, yana cikin tunani ya hango ɗaya daga cikin yaran Babs ya fito ya tsaya yana fitsari a tsaye, ganin haka yasa Mansoor ya fito daga maɓoyarsa ya ɗauki wani ice ya shiga takawa cikin sanɗa harya iske Algoni, ya rafka masa wannan icen a ƙeya, Algoni ya saki ihu ya dafe ƙeyarsa ya yi baya zai faɗi, Mansoor ya taro shi da saurin ya to she masa baki, ya sake shi ya faɗi kasa a sume.
  
  Mansoor ya isa bakin ƙofar ya tura ya shiga cike da tsoro, ya hango Bulama yana ɗaga kwalbar giya, ajiyar zuciya ya saki, sai yanzu ya tuna da cewar Babs da sauran yaransa sun fita kamar yadda ya sanar da shi ɗazu zasu fita wani aiki, bai bi ta kan Bulama ba ya wuce ya shiga cikin falon ya tunkari ɗakin da Beena ke ciki, ya murɗa key dake jikin ƙofar ya buɗe, sai ya yarda key ɗin ya shiga dukan ƙofar har saida ya ɓata wurin da ake zura key ɗin, ya kutsa kai ciki tare da kunna hasken wayarsa yana faɗin.
  
  "Beena taso mu bar gidan nan ba zan bari su kashe ki ba"
  
  "Ka fita bana son ganinka na tsaneka Mansoor, insha Allah kaima sai ka yi kuka kamar yadda ka sanya ni"
  
  Ta yi maganar a tsawace har bakin ta yana kumfa, matsawa ya yi ba tare da ya kuma cewa komai ba ya haska fuskarta idonta tar akan nasa babu tsoro ko shakka a tare da ita, hannunta ya kamo da nufin janta ta sauko daga gadon, ta fizge da ƙarfi ta ce cikin kakkausar murya.
  
  "Karka kuskura ka sake taɓani mugu mai fuska biyu, har yanzu banyi nadamar sonka ba saboda Allah ya samun ne domin naga wannan mummunar halinka naka, mara imani, tir da kai"
  
  Mansoor ya cije laɓensa na ƙasa yana jin ciwon maganganunta, sai dai ya riga ya karaya burinsa ya kuɓutar da ita ba zai sake aikata kuskure ba, dan haka bai tanka mata ba ya matsa sosai kusa da gadon ya tsafko hannunta ya kama da ƙarfi yadda ba zata kufce ba, ya jawo ta daga gadon, ta shiga tirje masa, ganin zata ɓata masa lokaci ya risina ya saɓata a kafaɗa ya fito da ita zuwa far fajiyar gidan, tana wutsul-wutsul da gunjin kuka.
  
  "Ke dan ubanki kuka me kike yi ne haka?"
  
  Bulama ya ce cikin maye, da sauri ta gimtse kukan ta sanya hannu ta toshe bakinta cike da tsoro, a haka suka fice daga gidan Bulama bai sani ba domin barasa ya gama gusar da hankalinsa. Algoni kuwa yana kwance inda Monsoor ya barshi ba numfashi.
  
  Sai da suka shiga cikin dajin kafin ya sauketa ya cire takalmansa ya ce ta sanya gudun kar ta taka wani makami da zai ji mata ciwo, babu musu ta sanya domin dama burinta Allah ya kuɓutar da ita, tasan Addu'an ta ne Allah ya amsa harya dawo mata da Mansoor dan ya ceto ta. Haka suka cigaba da tafiya cikin sauri Mansoor yana riƙe da hannunta yana janta, ita dai binsa kawai take tana Addu'an Allah ya fitar dasu lafiya, shi kam duk zafin da yake ji yana ratsa shi tun daga tafin ƙafa har zuwa kwanyarsa bai hana shi yin sauri ba, yasan ya taka wani abu wanda yake da tabbacin baya wuce ƙayoyi. A haka har suka isa bakin hanya suna ƙoƙarin tsallaka titi wata mota ta fallo da gudu da alama dajin zasu ratsa, cikin azama Mansoor ya ja hannun Beena suka samu wurin ɓuya a bayan ciyayi, har sai da motar tazo ta wuce kafin suka fito.
  
  "Ina kyautata zaton su Babs ne suka dawo, ki ɗago ƙafa da sauri mu bar gurin nan kafin su cimmana, bana so su gane nine ya fitar dake"
  
  Tsaki Beena kawai ta yi bata tanka masa ba, haka suka tsallaka dajin zuwa ɗayan ɓangaren, suka cigaba da tafiya har sai da suka isa kan titi, suna tafiya a wahalce domin sun yi mugun gajiya, musamman Mansoor da yaji ciwo a ƙafa, ya duba agogon wayarsa har ƙarfe goma da rabi na dare.
  
  "Gaskiya ni na gaji"
  
  Cewar Beena tana sharce gumin da ya zumo mata a fuska.
  
  "Kiyi haƙuri mun kusa shiga cikin gari, insha Allah zamu samu abin hawa kafin mu kai"
  
  Bai rufe baki ba wata babbar mota daya kwaso raguna tazo wucewa, da sauri Mansoor ya shiga ɗaga hannu Beena tana taya shi, mai motar ya tsaye duk da yana cikin tsoro, dan yasan hanya ce mai hatsari yaso tun kafin magrib ya isa gida sai dai ƙarfen nasara ba shi da tabbas, a hanya motar ta lalace masa ya tsaye ya duba, da kyar ya samu ta tashi ya kamo hanya.
  
  "Malam don Allah ka rage mana hanya zuwa cikin gari"
  
  Sai da mai motar ya ƙare musu kallo ya duba har ƙafar Mansoor yaga ba takalmi, Beena kuwa wiyan hijab ɗinta ya jiƙe da gumi sai sauke numfashi take yi akai-akai alamun sun ci mugun gudu, hakan ya ba shi tabbacin lallai ba ƙalau ba, sannan bai ga wani mugun fuska a tare da su ba, sai ma alamun gajiya da fuskarsu ya nuna.
  
  "Ok ku shigo da sauri mu wuce"
  
  Abin da ya ce kenan, Mansoor ya cinciɓa Beena ta hau gaban motar kusa da direba, shi ma ya shiga ya zauna gefenta suka sanyata a tsakiya sai ya rufe ƙofa mai motar ya jasu suka wuce ba um ba um-um, haka suka tafi kowa da abin da yake saƙawa a ransa.
  
  *****
  Ɓangaren su Bulama, su Babs ne suka shiga gidan bayan sun yi parking mota suka fito wurin Algoni, Babs ya watsa masa ruwan swan dake hannunsa, a hargitse ya farka ya tashi zaune yana waige-waige, wanka masa mari Babs ya yi yadda zai dawo cikin hankalinsa.
  
  "Kai lafiya ka zo ka kwanta a nan dan iskanci? kuma kasan kana kan aiki ne"
  
  "Oga wallahi suma na yi, na fito ina fitsari harna gama ina ƙoƙarin maida wando na ji an buga min ice a ƙeyana, shi ne na zube a ƙasa ban sake sanin komai ba sai yanzu da kuka tashe ni"
  
  Wani irin mugun ashar Babs ya saki ya miƙe a sikwane ya shiga cikin gidan, sauran yaran suka rufa masa baya. Ɗakin da suka rufe Beena suka nufa, sun samu a buɗe ga key a ƙasa an zazzago wurin da ake zura key, da alamu an yiwa ƙofar mugun bugu, haka suka shiga suna dube-dube babu Beena ba alamarta, ihu Babs ya yi ya fito a guje ya zo wurin Bulama da yake barci ya shaƙo shi ya shiga auna masa mari, a firgice ya farka yana muzurai.
  
  "Dan zakan- zakanka ya aka yi kuka bari yarinyar nan ta fita? kun san irin waharar da MK ya yi wajen kawo mana ita"
  
  Yayi maganar cikin ashariya da har gagi.
  
  "Ogo ban sani ba"
  
  Ya ba shi amsa a cikin maye, Babs ya dunkule hannu ya sakar masa a ciki, Bulama ya saki ƙara ya dafe cikinsa, sakinsa Babs ya yi ya shiga kiran number Yallaɓai har ya gama ringing ba a ɗauka ba, sai da ya yi masa kira sau biyar ba a ɗauka ba, Alh. Bukar yana tare da iyalinsa suna hira kuma wayar tana silent ya sanya a charger. Babs ya buga dogon tsaki ya naushi iska.
  
  "Me kuke jira ne kunyi cirko-cirko? maza ku bazama nimanta"
  
  Cikin sauri suka fita waje, suka nufa cikin naji suna haskawa da torchlight mai mugun haske.
  
  *****
  Yaya Hafiz tunda ya tifo daga masallaci wurin ƴan sanda ya wuce, ya yi musu bayani kana suka ba shi tabbacin zasu bincika, sai ya wuce gidansu Fanna dan ya samu tabbacin ko ta can. Fanna ta tabbatar masa da bata zo ba, yana ƙoƙarin ya tafi ta riƙe shi da soyayya, duk da yana cikin fargaba amma sai da Fanna ta yi nasarar janye masa hankali zuwa gareta, soyayyar shan minti take son koya masa salo-salo, tun Yaya Hafiz yana ƙi harya fara sabawa da hakan, ba halinsa bane irin wannan shirman, amma tunda ya haɗu da shaiɗaniya ta ribace shi da mugun kissa da yaudara irin na ƴan bariki. Sai bayan ƙarfe goma ta barshi ya tafi gida, a hanya yanata jan guntun tsaki dan haushi, sai yanzu yake ganin wautarsa daya biye mata, a haka har ya isa gida da tunanin ƙila Beena ta dawo.
  
  Yana yin parking ya wuce cikin falo ya samu su Mami zaune sunyi jugum-jugum, Baba kuma yana jingine da jikin kujera, da sauri duk suka miƙe suka haɗa baki wurin tambayar sa.
  
  "An samu labarin ganinta kuwa?"
  
  Binsu ya yi da kallo cike da tsoro, suma binsa da kallo suke suna jiran abin da zai ce musu.
  
  "Har yanzu bata shigo ba? na je na sanar da ƴan sanda daga nan na wuce gidan su Fanna, ta tabbatar min da bata je gunsu ba"
  
  "Ya salam, wallahi har yanzu bata shigo ba"
  
  Cewar Mami cikin rawar murya. Hafsat komawa ta yi ta zauna tana share hawaye, bata taɓa sanin tana son ƴar uwarta ba irin yau, duk ta fita hayyacinta ko ruwa ta kasa sha tun ɗazu, Baba dake kishingiɗe ya taso a hankali ya zauna yana bin Yaya Hafiz da kallo.
  
  "Hafiz ina Beena ta shiga ne?"
  
  Ya yi maganar cikin sanyi murya mai ƙunshe da matsanancin damuwa.
  
  Hankalin Hafiz ya kuma tashi, ya shiga jin haushin kansa da biyewa Fanna, gani yake da yaje niman Beena bai tsaya gunta ba, da ƙila ya ganta. Zama ya yi gefen Hafsat kan two seater, ya cire hularsa ya share gumin daya karyo basa, babu wanda ya kuma yin magana sai kukan Hafsat da ƙarar AC ke tashi, Mami kuwa tagumi ta rafka hawaye na bin kuncinta, ga tv na aiki amma sun cire volume duk hankalinsu baya gun.
  
  ******
  Su Babs sun ƙaraci gantalinsu basu ga Beena ba, cike da tashin hankali suka koma gida, ko wanne fuska ɗaure da fargaban haɗuwarsu da yallaɓai. Jugum-jugum suka zauna kamar wanda aka yi musu dukan tsiya.
  
  "Mun kaɗe a gun Yallaɓai, dan wallahi tantirin mutum ne baida sassauci balle imani"
  
  "Ogo gwara haɗuwarmu da yallaɓai akan ƴan sanda. Iyayen yarinyar nan zasu iya kama MK su kai shi wurin ƴan sanda, in ya ji wahala dole zai tona asirinmu ya sanya su soma farautarmu"
  
  Cewar Algoni.
  
  "Mu kwana cikin shiri, zuwa safiya zamu kama gabanmu dan mu tsira da rayuwarmu"
  
  Cewar Babs.
  
  "To kuɗinmu na wajen yallaɓai fa?"
  
  Cewar Sararki.
  
  "Ku manta da shi mu ceci kanmu kawai, kaima kasan Alhaji ba zai bamu komai ba dan mun ɓata masa aiki"
  
  Haka suka yi ta tattaunawa, ko wanne yana faɗar albarkacin bakinsa.
  
  ******  ******
  
  Su Mansoor sai da suka shigo cikin gari sosai, Mutane suna ɗan wucewa, da yake cikin ungwannin talakawa ne, a nan ne Mansoor ya cewa mai motar ya sauke su, ya tsaya suka sauka tare da yi masa godiya ya wuce, kana ya ja ƙafarsa yana ɗingishi suka isa cikin wani baranda suka zauna bisa benci, Mansoor ya kalli Beena.
  
  "Bazan ce ki yafe min ba, domin nasan na zalunce ki, kuma na tabbatar Allah zai saka miki, amma don Allah ina niman alfarma daki rufa min asiri karki faɗa a gidanku har sai na tafi"
  
  "Uhum Mansoor kanka ka cuta, na ji daɗi daka gane cewar Allah zai saka min dan na barka da shi, ka sani ba zan faɗawa su Baba ba dan kar in tada musu hankali, amma ba dan alfarmarka ba, kuma ina mai baka shawara ka hanzarta barin gidanmu"
  
  "Beena insha Allah zan bari amma sai komai ya lafa"
  
  "Kar ka sake ambaton suna na ka gane"
  
  "To na bari, kuma ina so in kin isa gida ki tambayi Baba waye Alh. Bukar Bakura"
  
  Shuru Beena ta yi tana maimaita sunan Alh. Bukar, tunda take bata taɓa jin sunansa a bakin Baba ba dama duk mutanan gidansu.
  
  'To waye shi?'
  
  Ta ce a ranta.
  
  "Nima ban san dalilinsa na son kasheki ba, aiki kawai ya bani kuma wannan shi ne karo na farko..."
  
  Bai ƙarasa ba ta katse shi da ɗaga masa hannu.
  
  "Ya isa haka dan ba zan taɓa yarda da kai ba, yanzu nafi buƙatar ka kai ni gida, dan nasan hankalin iyayena yana a tashe"
  
  Guntun murmushi ya yi bai ce komai ba, ya ɗaura ƙafarsa ta dama bisa cinyarsa ya haska da fuskar wayarsa yana cire ƙayoyin da suka maƙale masa, bayan ya cire ya sauke ƙafar ya ɗaura na hagu shima ya cire. Yasa hannu a aljihu ya ciro key motarta.
  
  "Ga key motarki zuwa da safe in Allah ya kaimu ki bani sai na je na ɗauko miki"
  
  Tsaki taja tare da karɓan key motar kana ta miƙe tsaye.
  
  "Kasan dai ba zan kwana a titi ba ko"
  
  "Na sani"
  
  Ya bata amsa a taƙaice tare da miƙewa yana ɗingishi ya isa kan hanya ya tsaya, bayan minti biyar sai ga wani mai napep ya zo zai wuce, da sauri ya tsaida shi suka yi magana ya yanke musu kuɗi har dubu uku, ba musu Mansoor ya yarda, ya kira Beena tazo ta shiga shima ya shiga ya zauna, suka wuce.
  
  Sun kusa shiga unguwarsu Mansoor ya cewa mai napep ya sauke shi, ya yi parking ya sauka yana kallon Beena.
  
  "Ki bashi kuɗinsa budu uku in kun ƙarasa gida"
  
  Bata tanka shi ba ta cire takalminsa ta jefa masa ya bigi ƙirjinsa tare da danƙara masa harara, taja tsaki kana ta ce.
  
  "Malam mu wuce ko"
  
  Mai napep ya jata suka wuce. Mansoor ya yi murmushin takaici yasan zai fuskanci wulaƙanci fiye da haka, amma dole zai shanye domin yana so su rabu lafiya, haka ya sanya takalmin yana jan ƙafa ya cigaba da tafiya.
  
  Beena suna isa, ta fito da sauri ta isa bakin gate ɗinsu ta shiga bugawa, mai gadi ya buɗe mata, ta faɗa cikin gidan da gudu ta cire jihab ɗinta tana kuka wiwi, kamar daga sama ta faɗa falon suka ganta a firgice duk ta fita hayyacinta,  duk suka miƙe tsaye suna kallonta hatta Baba ji ya yi wani ƙarfi yazo masa, da gudu Beena ta je ta faɗa jikin Mami ta ƙara fashewa da matsanancin kuka. Nan suka shiga jero mata tambaya daga ina take? me yasa sameta?.
  
  Sai da ta yi kuka na kusan minti biyar tana manne jikin Mami, kafin ta jaye jikinta ta shiga bin su da kallo ɗaya bayan ɗaya, ta tsaida kallonta ga Yaya Hafiz ta ce cikin dishewar murya.
  
  "Mai napep yana waje kaje ka biya min kuɗi, dubu uku ya ɗauko ni"
  
  Da sauri ya fita ba tare da ya ce komai ba, yaje ya sallami mai napep, Baba mai gadi yana masa barka da dawowar Beena, cike da fara'a ya amsa ya dawo nan falon ya same su zaune suna kallon Beena da take durƙushe a gabansu tana kuka, wuri ya samu ya zauna yana kallonta shima.
  
  "ƴar Baba kukan nan ya isa haka, ki yi mana bayani yadda hankalinmu zai kwanta"
  
  Cewar Baba cike da damuwa, Beena ta share kwallarta ta soma magana.
  
  "Baba saceni suka yi suka kaini wani gida, wai an biyasu ne dansu kashe ni, yanzu haka motata tana wani unguwa sun aje"
  
  Ta ƙarasa maganar tana shassheƙar kuku, gaba ɗaya suka haɗa baki suna jero salati.
  
  "Beena me kika musu? Su waye ne haka? da suke son rabamu da farin cikinmu"
  
  Cewar Baba murya na rawa.
  
  "Baba ban sansu ba, ba zan gane su ba, wani gida suka kai ni da yake cikin wani daji, Allah ne ya taimakeni ya kuɓutar dani har na dawo gareku"
  
  "Allah ya fisu insha Allah munfi ƙarfin su, kuma dole a kai maganar nan wurin ƴan sanda dan a binciko su waye"
  
  Cewar Mami a faɗace tana huci.
  
  "Ai Mami ya zama dole kuwa"
  
  Cewar Yaya Hafiz.
  
  "Yanzu ki tashi muje ki yi wanka sai ki ci abinci ki sha magani"
  
  Cewar Mami tana miƙewa tsaye, Hafsat dai binsu da ido take ta kasa cewa komai saboda tsabar tsoro data shiga, ita ma miƙewa ta yi zata bi bayansu, Mami tana riƙe da hannun Beena, har sun fara tafiya sai Beena ta tsaya ta juyo ta jefawa Baba tambaya.
  
  "Baba waye Alh. Bukar Bakura?"
  
  A gigice Baba ya zabura ya miƙe tsaye ya ce. "what?"
  
  "Alh. Bukar Bakura"
  
  Ta kuma maimaita sunan a karo da biyu.
  
  *Rahma ce*  less

  Feb 25

  • 11 person likes this
  • 
    Sadik Abubakar Allah ya kara basira

    • Feb 26
    • -
    • 1 likes this
    • -
    • Report
• 
  Rahma kabir liked Rahmatu Lawan's post.

  Feb 25

  Rahmatu Lawan shared Adams Garba Adams's blog.

  • 8 person likes this
• 
  Rahma kabir liked Rahmatu Lawan's post.

  Feb 25

  Rahmatu Lawan shared Ummy Usman's blog.

  • 8 person likes this
  • 
    Sadik Abubakar Muna godiya sosai Hajiya.

    • Feb 26
    • -
    • 1 likes this
    • -
    • Report
  • 
    Aimana Abubakar Sadik Thanks

    • Feb 26
    • -
    • 1 likes this
    • -
    • Report
• 
  Rahma kabir liked Bakandamiya's photo.

  Feb 25

  

  • 6 person likes this
  • 
    Sadik Abubakar Haka ba'kin yake Bakandamiya

    • Feb 25
    • -
    • 1 likes this
    • -
    • Report
• 
  Rahma kabir
  *SO SARTSE*
  
  © *Rahma Kabir Mrs...  more*SO SARTSE*
  
  © *Rahma Kabir Mrs MG*
  
  *Wattpad😗@rahmakabir
  
  *Wannan page ɗin sadaukarwa ce ga duk masoya wannan littafi SO SARTSE, ina godiya da addu'anku gareni, Allah ya bar ƙauna da zumunci. So ɗaya tak mara algush*
  
  *_Page 9._*
  
  *Washe gari*
  
  Da safe Mansoor ya gama shirya duk wani plans ɗinsa ta yadda zai kai Beena gidan Yallaɓai ba tare da ya samu matsala ba, yana kwance bisa katifa yana tunani, tun jiya yake fargaba ya gaza samun kwanciyar hankali, yana cikin tsoro amma saboda taurin rai zuciyarsa ta bushe idonsa ya rufe akan dole sai ya aiwatar da ƙudurinsa.
  
  Ta ɓangaren Beena ta shirya cikin atamfa mai kalar purple mai ratsin ruwan kwai da baƙi a jiki, ta sanya hijab milk color har ƙasa, ta sauko falon ƙasa riƙe da jaka da key mota sai ƙamshi take zubawa tafi ko yaushe kyau, hankalinta kwance a fuska, can ƙasar zuciyarta kuma tana fargaban abin da zai wakana tsakaninta da Mansoor anjima, ta gaida Mami ta amsa fuska sake.
  
  "Yau Baba ba zai fita aiki bane?"
  
  "Da kamar wuya dan jiya ya kwana da zazzabi har ya sha magani, amma yau ya warware kawai dai yawan faɗuwar gaba yake damunsa yanzu, yana ɗakinsa yana barci"
  
  "Subhanallahi! Allah ya ba shi lafiya zuwa anjima zan kira sai na ji ya jikin na shi, bari na wuce wurin aiki dan yau Hafsat ta ce ba tada lectures"
  
  "To Beena Allah ya tsare ki dawo lafiya"
  
  "Allah yasa Mamina"
  
  Ta ce tana fita daga falon, ta isa wurin mota ta buɗe ta shiga ciki ta zauna sai ta ciro wayarta, ta ambaci sunan Mansoor a ranta sai ta saki murmushi, ta shiga rubuta masa text.
  
  _"I will love you until my heart stops beating. You are always in my heart, here and everywhere. There is no one in the whole world that makes me feel this way. Good morning sweet Darling"_
  
  Ta tura masa tana murmushi har saida haƙoranta suka bayyana, duk da tana cikin fargaban abin da Mansoor zai nuna mata anjima, amma bai hanata jin tsantsar so da take mishi ba, domin sonsa ya bi jinin jikinta ya bi tsoka ya samu gurbi a zuciyarta, so daya tak take masa da gaskiya, sai ta tayar da mota ta wuce cike da kwanciyar hankali.
  
  Mansoor yana jin ƙarar shigowar saƙo yasan ita ce, sai ya ɗauki wayar ya buɗe ya karanta saƙonta, ya saki guntun murmushi ya yi mata reply.
  
  "Ki adana duk kalamanki zuwa anjima"
  
  Ya tura mata sai ya kwashewa da mahaukacin dariya, daga bisani ya ɗaure fuska yana jin wani abu mai nauyi ya danne masa zuciya, hawaye ne ya shiga zarya a kuncinta da sauri ya shafo fuskarsa da hannu ya shiga bin hannunsa da kwallo.
  
  'Meyasa nake kuka?'
  
  Ya tambayi kansa amma ba amsa, tashi ya yi ya shiga toilet ya wanke fuska kana ya fita zuwa wurin mai gadi dan ya gujewa yin tunani.
  
  ***
  Beena tana isa wurin aiki ta duba reply ɗinsa, yau ce rana ta farko daya taɓa bata amsa a dukkan saƙonnin da take tura masa.
  
  'Akwai alamar nasara insha Allah'
  
  Ta ce a ranta tana ƴar dariya mai cike da nishaɗi, Fanna ce ta katseta da magana.
  
  "Ƙawata yau wani irin farin ciki kika shigo da shi ne haka?"
  
  "Uhum Fanna kenan kawai dai yau na tashi cikin nishaɗi, ya kike?"
  
  "Kalau, ina ƴar rikicinki Hafsy"
  
  "Tana gida yau ba tada lectures"
  
  "Uhum ya yi kyau, kwana biyu bata ɗaukar kirana sai na yi tunanin ko kunyi faɗa ne kin goga min baƙin jini"
  
  "Can ta matse miki, ai na gaya miki ki fita hanyar Hafsat ba tada kunya"
  
  "To Allah ya shirya, bari na cigaba da aikina"
  
  "Ok" Beena ta ce tare da isa wurin zamanta ta soma aiki cikin natsuwa.
  
  Beena bata san rayuwar da Fanna take yi ba domin ta ɓoye mata duk halayyarta,  kullun tana nuna mata halin kirki saboda tasan muddun Beena ta sani ba zasu shirya ba, ita kuma a duniya tana ƙaunar Beena ba tada ƙawar data fita, Allah ya haɗa jininsu sai dai ita ta kasance mai fuska biyu wanda har gobe Beena bata sani ba.
  
  *******     *******
  
  Da misalin ƙarfe huɗu da rabi na yamma, Beena ta kira Mansoor a gaban Fanna ta ce ba zata jira shi ba, zata wuce gida kamar yadda ya tsara mata plan ɗinsa, suna aje wayar Fanna ta ce.
  
  "Yau kuma zaki min rowar kyakkyawan direbanki ne?"
  
  "Uhum Fanna kenan ke dai na lura kina da ruwan ido, yanzu fa sai ki ce son sa kike"
  
  Fanna ta yi ƴar dariya.
  
  "To mutum zaiƙi yabon abu ne? ai ba cewa na yi ina so ba"
  
  "Oho miki dai"
  
  Ta yi maganar ta wuceta tana dariya, a haka suka yi sallama Beena ta wuce abin ta. Sai da ta kusa wurin saida shawarma ta kira Mansoor ta sanar da shi, ya ce mata yana hanya.
  
  Ta bangarensa kuwa, gida ya koma ya zauna wurin mai gadi yana jan tsaki.
  
  "Lafiya naga ka dawo ko yau ba zata tashi aikin da wuri ba?"
  
  "Na kusa isa wurin aikin nata take kirana wai ta kamo hanyar gida, wallahi masu kuɗi suna wulaƙanci"
  
  "Sai haƙuri yaro, amma Mubeena yarinyar kirki ce ba fada wulaƙanci, ina ganin ƙila zata biya wani gunne"
  
  "Da haka kuma, dan tafi Hafsat kirki"
  
  "Ai ba zaka haɗasu bama yadda kasan ba ciki guda suka fito ba, hatta Hafiz ba yi da wulaƙanci"
  
  "Kai yakewa kirki amma ni sam ko gaishe shi na yi da kyar yake amsawa"
  
  Ƙaramar wayansa ce ta yi ringing ya duba Beena ce, sai ya sanyata silent ya miƙe tsaye.
  
  "Baba ni bari na je wurin wani Alhaji tun ɗazu yake jirana zan kai masa gyaran mota"
  
  "To a dawo lafiya amma in Alhaji ya nimeka fa"
  
  "Kasanar da shi yadda muka yi da Beena, sannan ka ce na fita ba zan jima ba"
  
  "To shikenan"
  
  Sai ya fita da sauri yana murmushin mugunta akan yadda ya zurawa mai gadi ƙarya ya yarda, kuma hakan duk yana cikin plans ɗinsa, sai ya tari mai napap ya shiga, ya wuce da shi inda Beena ke jiransa, daga farkon layin ya sauke shi sai ya ƙaraso gunta da ƙafa, buɗe ƙofar data ke zaune ya yi, ya ce ta fito ta koma ɗayan side ɗin, ba musu ta fito ta wuce side ɗin ta buɗe ta zauna, shi kuma ya shiga ya zauna mazaunin direba ya tada mota suka wuce.
  
  Tafiya suke jugum-jugum kamar kurame babu mai tankawa wani, Beena dai sai kallon hanya take tana tunanin barkatai a zuciyarta, har yanzu bata kawo komai ba face fargaban kar Mansoor yaƙi amincewa soyayyarta. Ta ɓangarensa kuma yana hango irin takaddamar da zasu kwashe, a haka ya soma fita cikin gari dasu, cike da mamaki Beena ta juya ta kalle shi.
  
  "Ina zamu ne haka? naga sai gudu muke kamar zasu bar gari"
  
  Banza ya yi da ita sai ma danna luck ɗin motar da ya yi, ya ƙara ac da gudun motar. Beena kwantar da bayanta ta yi jikin kujera zuciyarta tana harbawa wani iri. Sosai suka fita cikin gari suka isa wani randabawul suka hau kan wani titi da zai sadasu da wani ƙaton daji, daga nan kuma ya sadasu zuwa ƙananan kauyuka dake bakin hanya.
  
  "Mansoor ko ƙauyenku ka nufa damu ne haka?"
  
  Bai kulata ba sai ma ɗaure fuska da ya kuma yi, haka ya yanki wata ƙaramar hanya ya kutsa cikin wannan dajin, lokacin yamma ta yi sosai wurin ƙarfe biyar da rabi, sunyi tafiya kaɗan a cikin dajin sai ya tsaida motar ya fito, tare da zuwa side ɗin da take zauna ya buɗe mata.
  
  "Ki fito mu je"
  
  Ba musu ta fito tana binsa da kallo.
  
  "Mansoor ina ne nan? baka ganin akwai babban hatsari zuwanmu nan a irin wannan lokacin?"
  
  "Da sauran tafiya ma a gabanmu dan ba nan ne in da zan kaiki ba"
  
  "To wai duk akan dalilin ƙin amsar soyayya ce"
  
  "A'a duk akan kuɗi ne dai"
  
  Zaro ido ta yi waje kamar zasu faɗo ƙasa, zuciyarta ta fara karaya akan Mansoor da tsoron lamarinsa.
  
  "Kana nufin kidnapping ɗina ka yi?"
  
  "In kidnapping ɗinki na yi ina sanya ran zaki rayu, sai dai kash ba rayuwar nake so ki yi ba, saboda halaccinki da Baba yasa bani zan kashe ki ba, yanzu zan kai ki wurin su ne, in je wurin Yallaɓai ya bani kuɗina na yi gaba"
  
  Nan ya kwashe duk abin da ya kawo shi gidansu da duk plans ɗinsa ya gaya mata, ya ɗaura da cewa.
  
  "Da fatan daga yanzu zuciyarki zata tsaneni ta daina sona, wannan ne dama dalilin da yasa na ce sai yau zan nuna miki abin da zaki fahimci manufata, domin ban cancanci ki soni ba Beena"
  
  Ya ƙare maganar yana kallon kwayar idonta.
  
  Wani irin ihu Beena ta saki ta zube kan guiwowinta ta fashe da kuka mai tsanani. Zuciyarta ta cigaba da bugu kamar zata faɗo ƙasa, numfashinta ya shiga kai komo jikinta ya ɗauki rawa, a zabure ta miƙe tana kallonta cikin ido ta nuna shi da yatsa.
  
  "Sonka ya yi min *Sartse*, bani da magani sai ranar da ka furta min kalmomi uku, na kasance a cikin makaunyar soyayyarka wanda bana iya sarrafa zuciyata kan ganin na kuɓuta daga tarkonka, zanyi farin ciki idan kaine zaka kashe ni, ka datse numfashi na, na zama babu ni a doran Ƙasa, in kamin haka ka gama biyana tukwicin soyayyar da nake maka.
  
  *So Sartse* ya riga ya sarƙe zuciyata abu ne mai wuyar warkewa a gareni, wata rana zaka tunani a cikin babin rayuwarka, zaka so ka ganni, zaka so ka ji muryata sai dai a lokacin na yi maka nisa, babu Mubeena a duniyarka. Na tsaneka Mansoor ka kashe ni kawai na huta, na fison kai ka datse numfashina da hannunka, sannan ka je ka isar da saƙon mutuwata ga iyayena"
  
  Cewar Mubeena ta durƙushe bisa gwiwarta, tana rusa kuka mai tsatsani da gunji, ta shiga dukan ƙinjirta.
  
  "Zuciyata na tsaneki, kin cuce ni da kika sa na so butulu maci amana, kaicona ni Beena, wannan wani irin Jarabawa ce mai cike da baƙin ƙaddara. Allah kana ji kana kallo kaine ganata ka min agaji"
  
  Nan take iska mai ƙarfi ya shiga kaɗa bishiyoyi tamkar zasu karye. Hannu yasa ya kare idanunsa gudun kar wani ƙura ya samu gurin shiga. Jikinsa ne ya yi matuƙar sanyi zuciyarsa na tsananin bugu kamar zai faso ƙirjinsa ya fito waje, ya gama tsorata da lamarin Beena, bai tsammaci son da take masa ya kai wannan mizanin a zuciyarta ba, haƙiƙa ya tabbatar da *SO SARTSE* ne ga mutanan da ya yi nasarar sarƙaƙe zuciyarsu, musamman Beena da take durƙushe a gabansa. Sai ya shiga tunanin abin da ya kama ya yi domin kansa ya kulle, tausayinta ya shige shi, ya soma ratsa dukkan ɓargon jikinsa, sai dai bai jin zai iya sauya ra'ayinsa bisa ga abin da ya ƙuduri aniyar aiwatarwa.
  
  'Me yasa nake tausayinta haka?'
  
  Cewar wani ɓangare na zuciyarsa, jikinsa ne ya ɗauki rawa.
  
  'Karka saurara mata ka kaita kawai ka amshi kuɗinta'
  
  Cewar wani ɓangare na zuciyarsa. Beena ta miƙe ta matsa gabansa.
  
  "Me kake jira ne? ka kama ni kawai ka kashe ni, karka ɓatawa kanka lokaci"
  
  Ɗago kansa ya yi yana kallonta, idonsa ya yi ja saboda tashin hankali, ya sanya hannu a aljihunsa na baya ya ciro wani farin kyalle daya fesawa wani magani, sai ya yafa mata a fuska ta shaƙa baki da hanci, nan take tayi luuu taza faɗi ƙasa, ya taro ta da sauri ya ɗaurata a kafaɗa ya soma tafiya yana kutsa kai cikin dajin.
  
  Idonta na zubda hawaye duk ya ruɗe saboda irin yaƙin da yake yi da zuciyarsa. Tafiya ya yi na tsayin minti sha biyar kana ya isa gidan da zai kaita, ya buga ƙofa aka buɗe masa, a farfajiyar gidan yaga su Babs suka taso suna ihu, bai tanka musu ba ya wuce da ita cikin falon ya isa wurin wani ƙofa ya buɗe ya shiga bisa gado ya kwantar da ita, ya shiga share mata hawaye.
  
  "Ki yafe min Beena"
  
  Abin da ya faɗa kenan ya fito kamar an cikare shi, ya samu su Babs a farfajiyar gidan.
  
  "Zan je gidan Yallaɓai yanzu ku kula"
  
  "Karka damu anjima zamu fita wani aiki, zan bar Algoni da Bulama a gidan kafin mu dawo"
  
  "Ok" ya ce sai ya sa kai ya fito gidan da sauri, wurin motar Beena ya nufa ya kwashe takalmanta ya jefa a motar ya shiga ya wuce. Bayan ya shiga cikin gari ya wuce unguwar talakawa ya aje motar ya wuce abinsa, napep ya tare ya wuce gidan Yallaɓai.
  
  Suna isa ya biya mai napep ya kutsa kai cikin gidan, ya gaisa da mai gani ya tambayeshi.
  
  "Ko yallaɓai yana nan"
  
  "Eh yana ciki sai dai yana tare da baƙo, kuma Madam bata nan"
  
  Mansoor ya wuce abinsa yana mitan surutun mai gadin.
  
  'Faɗi ba'a tambaye ka ba'
  
  Ya ce a ransa, ya isa ƙofar falon, ya kama hannun ƙofar zai tura sai ya ji dariyarsu Yallaɓai abokinsa na cewa.
  
  "Amma Alh. Bukar ba ka da kyau"
  
  "To Alh. Muktar in ba haka na yiwa Alh. Zanna ba ban san taya kuɗin nan zai fita ba, shiyasa har yanzu ban nuna masa nasan inda yake da zama ba. Zan tunkare shi nan da watanni shida bayan mutuwar Mubeena, sai yasan cewa ina raye nima ban mutu ba, kaga babu yadda zai yi zargin da sanya hannuna a kisanta"
  
  "Lallai ka iya makirci, yanzu zaka biya yaron daya saceta kenan"
  
  "Hahahah dole na biya shi tunda zan samu miliyoyin kuɗi nan gaba kaɗan"
  
  "Amma kana ganin mutuwar Mubeena shi ne mafita, ni ina tausayinta bata ji ba, bata gani ba"
  
  "Alh. Muktar in bata haka ba taya kuɗin nan zasu fito, kuma duk cikin ƴaƴan Alh. Zanna ita tafi cancanta dana kashe saboda ina da dalili"
  
  "Kuma fa hakane ka yi gaskiya"
  
  Jikin Mansoor ne ya ɗauki rawa zuciyarsa ta shiga bugawa da sauri da sauri, hankalinsa ya yi tsananin tashi, da kyar ya dai-daita natsuwarsa kafin ya iya kutsa kai cikin falon, da sauri Alh. Bukar ya miƙe ya tarbe shi.
  
  "Barka da zuwa MK da fatan aikina ya kammalu?"
  
  Mansoor ya ƙirƙiro murmushin yaƙe.
  
  "Na kammala yanzu haka tana gidanka, kuɗina na zo ka bani"
  
  "MK kuɗinka suna nan, yanzu ina da baƙo ka bari zuwa gobe in Allah ya kaimu ka zo ka amsa"
  
  "To" kawai ya ce masa ya wuce yana murmushin yaƙe yana danne zuciyarsa.
  
  Yana fitowa dai-dai ana kiran sallar magrib, gidansu Beena ya wuce, yana shiga ya samu duk Mutanan gidan suna tsaye cirko-cirko, da sauri ya isa wurinsu yana tambayar ko lafiya.
  
  "Anty Beena ce har yanzu bata dawo ba an kira wayarta bata ɗauka ba, mun kira Fanna ta tabbatar mana da ta bar wurin aiki"
  
  Cewar Hafsat cike da damuwa.
  
  "Mai gadi ya ce ta kira ka wai kar kaje ɗaukarta zata dawo gida"
  
  Cewar Mami.
  
  "Eh haka muka yi da ita shiyasa ma na fita ɗazun, ashe har yanzu bata shigo ba? to ina ta shiga ne haka? duk inda Beena take hankinta yana gida"
  
  Sai ya ciro wayarsa ya lalubo nombanta ya soma kira.
  
  "Kun gani kiran ya shiga bata ɗauka ba"
  
  Ya ce yana mai jinjina kai.
  
  "Innalillahi wa inna ilaihir raji'un"
  
  Baba ya faɗa da ƙarfi sai ya dafe gefen zuciyarta ya zube a ƙasa, cikin tashin hankali duk suka rufa a kansa, Yaya Hafiz ya tallabo shi yana kiran sunansa.
  
  "Baba, Baba, Baba"
  
  Mami ta fashe da kuka, Hafsat ta ɗaura hannu aka tana tsala ihu, Mansoor kuka kawai ya fashe da shi dama kamar yana jira saboda tsananin rauni da zuciyarsa ta yi masa, shi da Yaya Hafiz suka kama Baba suka shiga da shi cikin falo suka kwantar a saman kujera mai zaman mutum uku, suka kunna fanka Mami ta matso tana masa fiffita.
  
  "Ina Mubeena ta je? ku je ku nimo min ƴata"
  
  Cewar Baba cikin wani irin murya mai cike da rauni da tashin hankali.
  
  "Baba ka kwantar da hankalinka zata dawo insha Allah babu wata matsala"
  
  Cewar Yaya Hafiz cikin dakiya danya kwantarwa Baba hankali.
  
  "Hafiz kaini ɗaki na yi sallah, sannan daga masallaci ka kaiwa ƴan sanda report, sannan ka je ka nimo min ƴata"
  
  "To Baba"
  
  Mansoor ya taya Hafiz suka kai Baba ɗakinsa, Mami da Hafsat suka bari a falon suna kuka sosai, Mansoor da Hafiz suka wuce masallaci.
  
  Ana idar da sallar magrib Hafiz ya tafi, Mansoor kuwa yana masallaci har sai da aka yi sallar isha'i kafin ya dawo gida ya wuce ɗakinsa.
  
  Yana shiga ya faɗa gado ya rufe idonsa, har yanzu zuciyarsa babu natsuwa tausayin Beena da iyayenta suka dabaibaye zuciyarsa, ya shiga tuno maganar da ya ji Alh. Bukar yana faɗawa abokinsa.
  
  'Meyasa lallai sai Beena zai ka she? Gaskiya ina son sanin dalilin Yallaɓai"
  
  Ya ce a zuciyarsa, kuka ya fashe da shi mai tsanani kamai wadda aka yiwa mutuwa, ya shiga tuno tsantsar halaccin da su Beena suka yi masa, ya tuno da maganganunta na ɗazun, nan take muryanta da kukanta suka shiga yi masa amsa kuwwa a kunne, zuciyarsa ta soma karaya ta karkato da shi haske, nan take ta sanar da shi gaskiya akan rashin halaccin da ya yiwa Beena.
  
  A zabure ya miƙe tsaye...
  
  *Rahma Ce*  less

  Feb 24

  • 8 person likes this
  • 
    Sadik Abubakar Allah ya kara hazaka

    • Feb 25
    • -
    • Report
  • 
    Rahma kabir Ameen ngd

    • Feb 25
    • -
    • Report
• 
  Rahma kabir
  *SO SARTSE*
  
  © *Rahma...  more*SO SARTSE*
  
  © *Rahma Kabir*
  
  *Wattpad😗@rahmakabir
  
  *_Page 8._*
  
  Bayan kwana biyu, da yamma misalin ƙarfe biyar da rabi na yamma, Hafsat ce ta fito cikin shigar mutunci ta sanya atamfa riga da zani ta zumbula babban hijab har ƙasa, ta samu Mami a ɗaki tana zaune gefen gado da alamu lissafin wasu kuɗi take, da sallama Hafsat ta shiga Mami ta amsa mata ba tare da ta kalleta ba.
  
  "Mami zan je gidan su Fanna, Anty Beena ta aike ni ba zan jima ba zan dawo"
  
  "Ki dawo lafiya ki gaida Mamansu"
  
  "Zata ji"
  
  Cewar Hasat tare da juya akalarta ta fito, bata yi gigin fita da mota ba, wajen gate ta fita ta tsaya ta samu mai napep ya ɗauketa suka wuce. A hanya ta kira Fanna ta sanar mata ta fito, Fanna ta yi mata kwatancen gidan wata ƙawarta, a nan zasu shirya su tafi. Ko da Hafsat ta isa gidan sai ta shiga ta samu mutane da yawa, ashe gidan ƴanci ne da kowa ke abin da yake so, gabanta ne ya faɗi ta shiga kama jikinta tare da tsargin kanta, saboda shigar dake jikinta duk mutanan gidan suka tsura mata ido, gefe ta samu ta tsaya ta fito da wayarta ta kira Fanna ta sanar mata tana cikin gidan, Hafsat bata taɓa kawo cewa gidan ƴanci da ake kira shi ne gidan ƙaruwai ba, a tunaninta wani inkiya ce na gidansu ƙawar Fanna, duk iya iskancinta da wayewarta akwai abubuwa da yawa da bata sansu ba, kasantuwar ita kifin rijiya ce daga makaranta sai gida.
  
  'Yanzu har iskancin Fanna ya kai haka? me take yi a gidan karuwai, gaskiya Anty Beena baki dace da ƙawa ba, amma da mamaki ace har zuwa yanzu Beena bata fahimci rayuwar Fanna ba duk daɗewarsu?'
  
  Ta yi zancen zuci tana jinjina lamarin, minti biyar Fanna ta ɗauka ta fito cikin wani matsiyacin shiga, riga iya cibiya hannu ɗaya guntu ɗayan hannun kuma dogo, sai wando da ya matseta iya guiwarta, shigarta ya nuna tamkar bata fito daga tsatson Musulmai ba. Hafsat ta saki baki cike da tsantsar mamaki taga ƙarshen bariki, ita bata san komai ba sai yanzu da take ganin sabon al'amari daga wurin Fanna.
  
  'Lallai kin cika cikakkiyar mai fuska biyu'
  
  "Ke ya kike kallona tamkar kin samu tv? kin ga zo mu shiga ki shirya da wuri danna tawo miki da kayan da zaki sauya, burina a fitar yau ki yi kasuwa mai kyau kafin a ta shi taro"
  
  Ta ƙare maganar tare da kama hannun Hafsat wacce mamaki da tsoro suka gama cikata, har ɗakin ƙawar Fanna suka isa mai suna Billy.
  
  "Ƙawata kin ga sabuwar ƙawa dana yi mana, fatan zaki karɓeta hannu biyu ki koyar da ita karatun bariki"
  
  Cewar Fanna tana nuna Hafsat ga Billy.
  
  "Hehehe ai ita bariki duk wanda ya sanya kansa ciki tofa da iyawarsa ya zo, sai dai kice in ƙara fahimtar da ita kan sanin duniyar ƴanci, in tana amsar dubu goma mu ƙara mata haske ta riƙa karɓan dubu ɗari"
  
  Ta ƙare tana jifar Hafsat da shu'umin kallo, Hafsat sunkuyar da kai ta yi ƙasa ba um ba um-um, yau ita taga duniya da tsantsar bariki, alajabi ya gama cikata, wasu shegun kaya ne Fanna ta ɗaukowa Hafsat.
  
  "Ƙawalli sanya su da sauri, kinga an kusa zuwa ɗaukar mu"
  
  Hafsat ta ware idonta waje cike da tsoro.
  
  "Anty Fanna ai kusan duk a yage suke, ta ya zansa kayan da ba zasu rufe jikina ba? gaskiya ina tsoro"
  
  Tsaki Billy taja da arfi.
  
  "Daɗi na da sabon shiga kenan sai sun nuna halin ƙauyenci, amma soon zaki gane ya abin yake"
  
  "Hafsat sawa kawai zaki yi, abin da dare ne ba wani ganin jikinki za ayi ba, kuma in da zamu je babu wani idon sani"
  
  Cewar Fanna, Hafsat ta karɓa kayan ta na juya su, rigace ƴar guntuwa mai hannun vest ba zata kai mata cibiya ba, sai ƙaramin siket wansa yake a yagalgale duk kwalliya ce wanda take tsammanin ba zai wuce iya cinyarta ba. Gabanta ne ya cigaba da dukan uku-uku, ta je ta shige bayan wani labule ta ɓoye ta sauya kayan, Fanna da Billy suka kwashe da dariya.
  
  "In kin ɓoye mana ai ba zaki ɓoye wa gardi ba"
  
  Cewar Billy, Hafsat tana jinsu amma bata tanka ba har ta kammala sanya kayan ta fito tana kame jikinta, Billy ta taso ta warware mata sumar kanta ya bazu a bayanta ta ce.
  
  "Yauwa ko kefa, kinga kin yi ko ba make up"
  
  Haka suka tasa Hafsat a gaba suka yi mata kwalliya sannan duk suka kimtsa kana suka fiito dai-dai lokacin aka fara kiran sallar magrib, suka tsaya a bakin gate ɗin gidan suna jiran azo ɗaukar su.
  
  *****
  Beena tana ɗaki kwance tana charting a waya da wasu abokan karatunsu, Mami ce ta shigo ɗakin.
  
  "Wai har yanzu Hafsat bata dawo ba? ina so ta tsaya min a wurin girki zan yi sallah"
  
  "Ta fita ne?"
  
  Cewar Beena.
  
  "Kamar ya ta fita ne? ba ke ce kika aiketa gidansu Fanna ba?"
  
  Jim Beena ta yi ta rasa abin cewa.
  
  "Ban son iskanci fa, kin aiketa kina nuna ba ke bace, anjima kuma Babanku ya ƙare mata tanadi"
  
  "Wallahi Mami ban aiketa ko ina ba, hasalima tunda na dawo aiki na shigo ɗaki ban sake fita ba, ban haɗu da Hafsat ba"
  
  "Ai zaki ce haka saboda kullun burinki ki haɗata da Babanku, to yau sai dai faɗan ya ƙare a kanki  kuma daga yau karki sake aiken min yarinya tunda abin naki iskanci ne"
  
  Tana gama faɗan haka ta fice rai ɓace. Beena ta bi Maminsu da kallo cike da mamaki, ba kuma faɗarta ne ya sata mamaki ba sai ƙaryan da Hafsat ta yi da sunan ta aiketa, cikin damuwa ta ɗauki wayarta ta shiga wurin kira ta kira lambar Hafsat ya fara ringing.
  
  Ta ɓangaren Hafsat suna tsaye motar da taza ɗauke su ta ƙaraso, suna ƙoƙarin shiga ta ji wayarta na ƙara daga cikin jaka, ta tsaya ta buɗe jakar ta ƙauki wayar, ganin sunan Beena ce yasa ta ji gabanta yafaɗi, a dan tsorace ta karɓi kiran ta kara a kunne ba tare da ta ce komai ba, Beena ta soma magana.
  
  "Hafsat duk in da kike ki ji tsoron Allah ki tuna da azabar fitar rai akwai kwanciyar kabari kuma akwai hisabi ga duk abin da muka aikata, idan kin ɓoye masu Baba ba zaki ɓoyewa Allah ba kuma duk abin da kika aikata Allah yana ganinki. Daga ƙarshe duk inda kike ki dawo gida"
  
  Tana kaiwa nan ta kashe wayarta tare da fidda siraran hawaye, tana matuƙar tausayawa Hafsat akan irin rayuwar data zaɓarwa kanta, rayuwar da babu riba sai faɗuwa, tun tana zargin abin da Hafsat ke aikawata tana ƙaryatawa amma yanzu zuciyarta ta fara amanna da zatonta.
  
  "Allah ya shieyaki hanya madaidaiciya"
  
  Ta ce a fili tare da tashi ta wuce toilet dan ɗauro alwalar magrib.
  
  Hafsat tun sanda Beena ta fara koro mata bayani, ta shiga zubda kwalla jikinta ya yi sanyi hankalinta ya yi mugun tashi, lokacin da Beena ta kashe wayar ta kalli su Fanna da suke kallonta kamar sabon tsayuwar wata, suna jiran su ji waye ya rasu? domin a yadda suka ga ta firgici a idonta, zatonsu saƙon mutuwa aka gaya mata.
  
  "Anty Fanna gida zan koma ba zan iya zuwa wurin nan ba, anty Beena ce ta kira ni..."
  
  "Ta ce miki me? Waye ya mutu?"
  
  Fanna ta katse ta da sauri.
  
  "Ba mutuwa aka yi ba, amma maganar data sanar min hankalina ya koma gida, ku je kawai bari na sauya kayana na tafi, zamu yi waya zuwa dare"
  
  Daga haka sai ta juya  cikin gidan ƴanci ta nufi ɗakin Billy, sai kama jikinta take saboda irin kallon da mutane ke yi mata, sai yanzu ta shiga kunyar kayan dake jikinta, ta yi sa'a ɗakin a buɗe yake sai ta kutsa kai, cikin sauri ta sauya zuwa kayan data zo dasu a jikinta, ta sanya hijab ɗinta, ta bar kayan da Fanna ta bata a nan tsakar ɗakin, ta ɗauki jakarta ta fito cikin sauri, bata su Fanna ba sun riga sun wuce, ajiyar zuciya ta saki ta tsaya nesa kaɗan da gidan ta tari napep ta shiga ya wuce da ita gida, Hafsat ta kwantar da kanta baya tana mai tunanin maganar da Beena ta jero mata, tabbas sunyi matuƙar tasiri a zuciyarta, sun karya mata guiwarta, ta shiga zurfin tunani akan rayuwar Fanna, sai yanzu ta fara ganin wautarta data biye mata.
  
  'Fanna so kike ki halakar dani dole in janye daga gareki, sai yanzu na tabbatar na yi kuskure dana haɗa ki ya Yaya Hafiz, ko shiyasa anty Beena taƙi baki fuskar da zaki yi mata maganar Yaya Hafiz. Dole na ɓoye wannan sirrin a raina kuma sai na yi ƙoƙarin rabaki da Yaya Hafiz dan baki dace da shi ba'
  
  Zancen zucci take yi har mai napep ya shiga unguwarsu ya wuce gidansu, sai da ya kusa fita layin ya ce.
  
  "Hajiya wai har yanzu bamu kawo gidanku bane? ga shi mun kusa fita daga unguwar"
  
  Da sauri ta ɗago kai ta shiga kalle-kalle.
  
  "Subhanallahi! ai ka wuce gidanmu ma, yi haƙuri ka juya mu koma"
  
  Ba musu ya juya, har bakin gate ya ajeta, ta ciro dubu guda ta ba shi ya amsa yana ƙoƙarin bata chanji sai ta ce ya bar shi kawai ta wuce ta shiga gida cikin fargaba. Mai napep ya wuce cike da murna dan kuɗinsa bai wuce ɗari uku ba amma ga shi harda ribar ɗari bakwai.
  
  Tana shiga ta samu Mami a falo ita kaɗai.
  
  "Zo nan dan ubanki, wai ke yaushe za ki yi hankali ne Hafsat? kinfi son kullun a riƙa surutu akan ki, daga aike sai ki zauna abin ki, kullun Beena tana ingizaki kina ƙara sanyawa kanki baƙin fenti a gurin Babanku ko? maza ki ɓace min da gani shashasha"
  
  "Ki yi haƙuri Mami, na je Bata nan sai da na jirata ta dawo shiyasa"
  
  Ta yi maganar tana haurawa zuwa sama, tsaki Mami ta yi ta maida hankalinta kan kallon labaru a tv.
  
  Beena tana bisa sallaya tana jan tsarbi, Hafsat ta turo ƙofa da ƙarfi ta shigo tana fizga ta isa wurin Beena ta soma magana a cikin tsiwa.
  
  "Malam na ce miki ba ruwanki da rayuwata, kuma da kika jero min wa'azi ance miki yawan tazubar na je? to gani na dawo sai ki buɗe bututu da lasifika ki min wa'azin yadda zan ji da kyau"
  
  Beena ta bita da kallo tana murmushin takaici.
  
  "Tunda kin dawo lafiya ai shi kenan, a yadda kika yi ƙarya dani wani abin yazo ya sameki ƙarshe ni zaki ɗaurawa alhaki, dan haka wallahi daga yau karki ƙara sanya sunana cikin tsabgarki, kuma maza ki fice min daga ɗaki mara mutunci kawai"
  
  Ta ƙare maganar cikin ɗaure fuska, Hafsat ganin yadda Beena ta yi mata sai ta sha jinin jikinta, dama borin kunya tazo yi, kuma tabbas tasan Beena ta fita gaskiya sai taja dogon tsaki ta juya akalarta.
  
  "Na daifi ƙarfin ki, kuma mu zuba ni da ke shege ka fasa"
  
  "Allah ya shirya ki"
  
  Abin da Beena ta ce kenan ta cigaba da lazuminta.
  
  ******       ******
  
  Washe gari da yamma, Mansoor ya je ɗauko Beena daga wurin aiki kamar yadda suka saba, suna tafe bisa hanya Beena ta ƙura masa iso ta madubin dake zaman wurin direba, shi kuma yasan da tana kallonta amma sai shareta ya cigaba da tuƙinsa.
  
  "Duk abin da zaka yi min ka yi, amma karka yi ƙoƙarin rabani da soyayyarka domin bana tunanin zaka samu galaba akan haka, Mansoor har yanzu kana da dama a guna ka yi haƙuri ka bani gurbi a zuciyarka, na yi maka alƙawari zan zame maka hasken idaniya"
  
  Mansoor ya ja tsaki tare da dukan sitiyarin mota da ƙarfi, sai da ya ɗan firgita Beena ya soma magana cikin kakkausar murya.
  
  "Beena karki ɓatawa kanki lokaci, kuma karki taɓa sanya ran zan so ki, ina so ki sanyawa zuciyarki cewa Mansoor baya sonki, sannan daga ƙarshe zan miki kyakkyawar albishir zuwa gobe insha Allah, bayan kin taso aiki zan kai ki wani guri da zan nuna miki wani abu wanda zaki tabbatar da cewa bana sonki"
  
  Runtse ido ta yi ta buɗe su a hankali, sun sauya launi zuwa ja, hawaya ye ya cikosu suna ƙoƙarin zubowa, zuciyarta tana yi mata suya.
  
  "Ki daina asarar hawayenki a yanzu, ki adanasu har zuwa gobe, domin zasu fi miki amfanin a lokacin, hakan ne zai kawo ƙarshen son fa kike min, ki gane cewa kinfi ƙarfin ki yi soyayya da irina"
  
  "Mansoor ko me zaka ce ka ce amma ina sonka dan ya yi min sartse, kuma Allah ya kaimu goben zanje naga dalilin da yasa kaƙi amincewa soyayya ta, ni Beena ban da makusar da zaka ƙi ni, da zan iya yakice soyayyarka da tun a sati biyu da suka gabata na yakice. Addu'a nake kullun sonka na ƙaruwa a raina, na tabbatar sonka alkhairi ne a gereni bazan yi nadama ba insha Allah"
  
  "Duk ki aje kalaminki zuwa gobe insha Allah, amma in har kina so ki je kiga dalili na sai kinbi sharuɗɗa na guda uku, na farko zaki ɗauko kanki daga wurin aiki zaki zo ki ɗaukeni a layin da kike siyan shawarma mu wuce. Na biyu ba zaki ɗauki kiran kowa ba a waya a duk lokacin da muke tare. Na uku ki ɓoye wannan maganar a tsakaninmu"
  
  "Sharuɗɗanka na ɗauka kuma na yi biyayya, burina ka amince ka zama jigo a rayuwata, da kai na dace Mansoor, sonka na musamnan ne da yake rayuwa a cikin zuciyata. Allah ya kaimu goben lafiya"
  
  Guntun murmushi ya yi ya ɗaga kansa suka haɗa ido ta cikin madubi, ita ma murmushin ta yi tare da goge hawayenta tana jin farin ciki na musamman a zuciyarta. A haka suka isa gida ko wanne da irin karatun da zuciyarsa ke yi masa, ya yi parking Beena ta fito ta kalle shi.
  
  "Ina sonka Haskena Allah ya huta gajiya"
  
  Abin da ta ce masa kenan ba tare da ta jira amsarsa ba, Mansoor ya cije leɓensa na ƙasa, ya soma jin wani irin zafi daga zuciyarsa nan ta ke ya rasa natsuwarsa.
  
  "Zanyi maganin ki"
  
  Ya ce a can ƙasar maƙoshi sai ya wuce ɗaki, yana shiga ya zaro sigari ya kunnata ya soma zuƙa ko zai samu natsuwa.
  
  Cikin tsakiyar dare Yallaɓai ya kira Mansoor a waya wanda ya tayar da shi daga barci, yaja tsaki ya tashi ya zauna ya murza idonsa da hannu kafin ya wastsake daga barcin, ya ɗauki kiran.
  
  "Mansoor ya muke ciki ne da kai? kana ta jan lokaci da yawa ya kamata ace ka kawo ƙarshen wannan lamari"
  
  "Yallaɓai insha Allah goɓe zuwa yamma zan kammala aikinka"
  
  Ya yi maganar cikin muryan barci.
  
  "Da kyau in ka kaita sai kazo ka amsa kuɗinka"
  
  "Ok" ya ce tare da kashe wayar, tashi ya yi ya isa jikin windon ɗakin ya buɗe labule tare da tsirawa waje ido, tunani iri-iri yake yi barkatai, duk da zuciyarsa ta bushe akan zai iya aikin, amma a can ƙasa yana shakkun abin da zai aikata.
  
  ******
  Ɓangaren Beena tana zaune bisa sallaya, ta idar da sallar nafilar da ya zame mata jiki, Al-Qur'ani suratul yasin take karantawa a nutse zuciyarsa fas cike da farin ciki da hasken Al-Qur'ani har ƙarshe ta karanta kana ta rufe, ta daga hannu sama ta shiga kwararo Addu'a.
  
  "Ya ilaahi, ka tabbatar min da alkharin son da na kewa Mansoor, a fitar da zamu yi gobe ka sanya alkhairi a cikinsa, na yi tawassali da sunayenka ɗari ba ɗaya ka amintar dani daga dukkan sharri da kuma abin ƙi, Allah kasa na ci jarabawanka, ya rabbi in babu alkhairi a cikin soyayyar Mansoor ka yassare min cikin salama ka ni santa zuciyata daga begensa, in kuma akwai alkairi ka sanya ya so ni fiye da yadda nake son sa. Na yi tawassali ga fiyayyen halitta s.a.w. ka biya min buƙatuna na Alkhairi da sauran al'umma musulmai, ka sakawa iyayena da gidan Aljanna Firdausi maɗaukakiya, kasa mu cika da Imani. Ameen"
  
  Ta shafa tare da yin guntun murmushi. Miƙewa ta yi ta ninke sallayan da hijab ɗinta ta aje gefe, ta haye gadonta da bisillah ta kwanta, Addu'an barci ta jero kana ta rufe idonta. Sunan Mansoor ta ambata a ranta ta saki lallausar murmushi a haka barci ya ɗauketa da tunaninsa.
  
  _Washe gari..._
  
  *Rahma ce*  less

  Feb 24

  • 6 person likes this
• 
  Rahma kabir
  *SO SARTSE*
  
  © *Rahma...  more*SO SARTSE*
  
  © *Rahma Kabir*
  
  *Wattpad😗@rahmakabir
  
  *_Page 7._*
  
  Zuwa tsakiyar dare Beena tana ta juyi bisa gado ta kasa barci, so take ta koyar da kanta yadda zata yakice son Mansoor a ranta amma ta kasa, kuka ta fashe da shi mara sauti hawaye na bin kuncinta, sai da ta yi mai isarta kana ta sauko ta shiga ban ɗaki ta ɗaura alwala ta tayar da sallar lafila raka'a huɗu, bayan ta yi sallama ta zauna bisa dadduma tana kai kukanta gurin Allah, sai misalin ƙarfe uku na dare ta tashi ta kashe fitilar ɗakin ta hau gado tana ajiyar zuciya.
  
  Tun daga wannan ranar Beena ta sauya ta ƙara zama shuru-shuru ko garden bata zuwa, daga zaman ɗaki sai kitchen take saukowa ta ɗibi abinci ta koma ɗaki shima kaɗan take iya ci sai ruwan shayi, ta daina zaman hira ko a falo, duk ta rame ta yi haske, daka ganta kasan tana cikin damuwa. Har zuwa kwana biyu tana cikin wannan yanayi, Baba ya kula da sauyawarta, hakan kuma ya dame shi sosai kuma ya lura Mami bata san halin da take ciki ba dan bata yi masa maganarta ba, sai ya yanke shawarar tambayarta. Bayan sallar magrib suna zaune a falo, Baba ya kalli Mami ya soma magana.
  
  "Hajiya me yake da mun Mubeena? na ga duk ta sauya ko ba tada lafiya ne?"
  
  "Alhaji ina zan sani tunda ba faɗa min ta yi ba, kalau take miskilancinta ne ya motsa"
  
  "Falmata wai meyasa baki sanya ido ga lamarin ƴaƴanki? duk da sun girma fa akwai haƙƙin kulawarsu akan ki. Matsayinki na Uwa ke ce ta farko da zaki fara gano matsalarsu"
  
  "Haba Alhaji yaran nan fa sun mallaki hankalinsu taya zan zauna ina wahal da kaina, ai sun san ciwon kansu ai"
  
  "Amma Falmata kina ƙuntata min da wannan kalami naki, duk girman yaro baya wuce kulawar iyayansa, duk da kina ganin kin basu tarbiyya wallahi da girmansu zasu iya sauyawa, duba ga yadda suke cuɗanya da mabambanta mutane, dole ki riƙa sanya musu ido kina bibiyar lamarinsu kina tunatar da su akan dokokin Allah da nasiha, shi ne zai sanya duk inda suke suna tunawa da abubuwan da kike ce musu, sannan tsoron Allah zai kama zuciyarsu sosai, don Allah ki kula"
  
  "To" ta ce masa tana jin haushi a ranta, domin ita sam bata ganin aibun abin da take yi, gani take yanzu da suka girma kamar ta gama tarbiyyansu ne, babu wanda zai lalace ko ya sauya rayuwarsa tunda suna da hankali.
  
  Baba ya miƙe ya nufi ɗakin Beena ya sameta kwance, ta tashi zaune tana gaishe shi, ya amsa cike da kulawa ya soma tambayarta.
  
  "ƴar Baba me yake damunki?"
  
  Kuka ta fashe da shi ta jawo jikinta ta ɗaure kanta bisa cinyar Baba, shi kuma ya taɓa wiyanta ya ji zafi rau.
  
  "Subhanallahi ba ki da lafiya shi ne ba zaki yi magana ba?"
  
  "Baba zuciya ta zafi take min don Allah ka min Addu'a ko zai rage min zugi"
  
  Ta yi maganar da shashsheƙar kuka.
  
  "Subhanallahi ƴar Baba meye matsalar ki?"
  
  Ya yi maganar cikin tashin hankali.
  
  "Ba komai kawai haka nake ji kwana biyu, Baba kamin Addu'a nasan zan samu sauƙi"
  
  Ta ce tana matsanancin kuka.
  
  "Insha Allah zaki samu lafiya ina zuwa"
  
  Ya ce tare da ɗaga kanta ya ɗaura bisa filo, ƙasa ya sauko ya wuce kitchen ya ɗiba ruwa a kofi ya fito riƙe da shi ya nufi matakalar bene, harya hau ya soma tafiya Mami ta je fo masa tambaya.
  
  "Alhaji lafiya kuwa?"
  
  "Ban sani ba"
  
  Amsar da ya bata kenan ya wuce abinsa, taɓe baki ta yi taja guntun tsaki.
  
  "Su yara ba ƙanana ba sai kawai in nima takura kai a kansu, ko so kake in riƙa goyasu a baya shi ne zaka san ina basu kulawa"
  
  Ta yi maganar a fili ta aje gorar humran data gama ɗurawa ta ɗaure bakinsa, ta miƙe tabi bayan Baba.
  
  Baba ayatus shifa ya soma karantawa yana tofawa a cikin ruwan, a haka Mami ta same shi, ta matsa wurin Beena ta ɗagota.
  
  "Beenan Mami ba lafiya shi ne kika yi shuru?"
  
  "Mami zuciyata ce, kin ji yadda take min bugu"
  
  Ta kama hannun Mami tana sawa a ɓangaren zuciyarta, Mami ta zauna gefenta cike da tausayi, sai yanzu ta gano illar rashin tambayarta domin ita ma taga sauyawarta, amma a ganinta bata ɗauki komai ba ta yi tunanin miskilanci ne. Ta jawo gyalen Beena ta shera mata gumin da ya karyo goshinta.
  
  "Sannu Beenata, Allah ya baki lafiya"
  
  Ta ce cike da tsantsar tsausayi, Baba ya gama tofin addu'ar ya bata ta amsa ta sha, sauran ya wanke mata fuska ya yayyafa mata akai, ta yi gyatsa tare da ajiyar zuciya.
  
  "ƴar Baba duk lokacin da kika riski kanki a irin wannan halin ki riƙa faɗa mana kin ji, sannan bakinki ya kasance cikin ambaton _Innalillahi wa inna ilaihir rajiun, Allahumma ajirnee fee musibati wa ak liflee khairan minha, Allahmma laa sahla illa ma ja'altahu salha wa anta taj'alhul huzni iza shi'ita sahlan._ Yawan ambaton sunayen Allah, istigafari, salatin Annabi s.a.w da sauran tasbihi. Nasan kin sani amma ina ƙara tunatar dake, kuma lallai ki kusanci Allah kar ki bari shaiɗan ya yi tasiri a zuciyarki ki bawa shaiɗanun Aljanu hanya da zasu raɓeki, domin lallai duk wanda ya bar Allah sai ya bar shi"
  
  "Nagode Babana wallahi na ji daɗin tunatarwanka insha Allah zan kula, Allah ya ƙara girma da buɗi ina sonku iyayana"
  
  Ta ce da murmushi a fuskarta ga hawaye yana kwaranya a kuncinta, Baba da Mami suka kallo juna ya ce.
  
  "Kinga irinta ko Hajiya, don Allah ki kula kar ki bari haƙƙin yaran nan ya hau kanki"
  
  Ya yi maganar cikin yaren kanuri sai ya miƙe tsaye.
  
  "Ki kula da ita ni zani masallaci"
  
  Yana kaiwa nan a maganar sa ya fice.
  
  "To ayi haƙuri Alhaji zan kula, a dawo lafiya"
  
  Ta ce cikin buɗe murya yadda zai ji.
  
  Sai ta miƙe ta isa toilet ta haɗawa Beena ruwan wanka ta taimaka mata ta yi, ta sanya kaya mara sa nauyi Mami ta sauka zuwa kitchen, ta dafa mata faten irish da kayan ciki yadda zai yi mata daɗin ci, sai ta wuce ɗaki ta yi sallar isha'i kafin ta kwashi kayan abincin ta nufi ɗakin Beena, ta samu Hafiz da Hafsat suna tare da da ita suna mata hira, Hafsat ganin Beena ba lafiya sai duk ta sauke makaman yaƙinta ta shiga tausayin ƴar uwarta kafin ta ji sauƙi kuma ta cigaba da yi mata rashin kunya. Beena da kyar ta ci abincin sabo da matsawar da suka yi mata, haka ta ci sosai bayan ta kammala ta ɗaura da maganin da Baba ya siwo mata a pharmacy na zazzabi. Sai bayan ƙarfe sha ɗaya nan dare suka bar ɗakin bayan sun ga ta yi barci, Mami ta ce Hafsat ta kwana da ita.
  
  Misalin ƙarfe biyu na dare Beena ta farka, ta shiga toilet ta ɗauro alwala ta fito ta tayar sa sallar nafila, har zuwa kiran sallar farko kafin ta samu ta kwanta bayan dogon Addu'an da ta yi, haka nan ta ji farin ciki a zuciyarta, damuwar da take ciki ta ragu sosai, son Mansoor kuma yana nan manne a zuciyarta, tana jin zata ƙara jajircewa da addu'a har Allah yasa ya amince da soyayyarta, ta yi murmushi tana kallon Hafsat dake shan barci hankalinta kwance.
  
  'Sarkin rikici Allah yasa mun shirya kenan'
  
  Ta ce a ranta sai ta gyara kwanciyarta tana mai lumshe ido ta fara tunanin abin sonta.
  
  'Insha Allah ba zan taɓa yin nadama ba akan son da nake yi maka Mansoor, Allah ka shiga cikin lamarina'
  
  Ta ce a ranta, a haka barci ya ɗauketa.
  
  *****
  Beena ta ɗauki kusan mako guda tana jinya bata zuwa gurin aiki, su Baba sai nan-nan suke da ita, tana samun kulawa har a gun Hafsat. Fanna tare da wasu abokan aikinsu har gida suka zo dubata tare da kayan dubiya. Beena ta murmure ƙibarta ta dawo ta ƙara kyau kasantuwar hutun data samu, duk da akwai da damuwa a tare da ita soyayyar Mansoor ya nan a ranta, ta yi alƙawari ba zata sake sakaci ba har son sa yaci galaba akanta ya kwantar da ita, ta kuma ɗaura niyyar insha Allah gobe monday zata fita zuwa aikinta kamar kullun.
  
  Har zuwa wannan lokacin babu wanda ya fahimci cewar ciwon so ne ya kama Beena, gaba ɗaya sun bayar zazzaɓin cizon sauro ne ya kamata da kuma stress ɗin gurin aiki. Har lokacin Beena bata haɗu da Mansoor ba, ya shigo dan ya yi mata ya jiki amma basu haɗu ba. Rashin haɗuwarsu yasa shi farin ciki ya yi tunanin ta haƙura da soyayyarsa, shi yasa ya ƙara jin natsuwa a ransa da ƙosawar aiwatar da aikinsa.
  
  ******     ******
  
  Washe gari monday da misalin ƙarfe takwas da rabi na safe, Beena ta fito zata wuce aiki ta shiga mota tana jiran fitowar Hafsat su wuce, sai ta ɗauko wayarta ta turawa Mansoor saƙo kamar haka.
  
  _"Karda ka ɗauki batun son da na ke yi maka a matsayin wasa. Akwai buƙatar ka raba zuciyarka da kokwanto ko shakku a kan haka. A dare ko rana tunaninka ya addabi ruhina, ka taimaka ka bani gurbi acikin zuciyarka, insha Allah zan kasance mai biyayya a cikin soyayyarka, burina ka zama jagorana. Mansoor ina son ka"_
  
  Ta tura masa tana mai yin murmushi zuciyarta fal farin ciki, tana ji kamar har ya amince mata, bayan minti shida Hafsat ta fito suka wuce.
  
  Mansoor yana ganin saƙonta ya buɗe ya karanta, zuciyarsa ce ta soma wani irin harbawa, numfashinsa yana fita da sauri, hankinsa ya yi matuƙar tashi.
  
  "Bata haƙura ba kenan? tabbas akwai babban Matsala"
  
  Ya ce yana furzar da iskar bakinsa tare da jan guntun tsaki, wanka ya shiga yana ayyana abubuwa masu girma a ransa.
  
  ******
  
  Bayan sallar magrib Alh. Bukar ya isa gidansu Fanna ya yi parking a ƙofar gidansu, lambarta ya kira bugu biyu ta ɗauka ya sanar da ita cewar ya iso. Bata ɗau dogon lokaci ba ta fito dan tasan da zuwansa, buɗe motar ta yi ta zauna gefensa tana jifarsa da wani shu'umin kallo tana murmushi, cikin kissa ta soma magana tana yauƙi da fari da ido.
  
  "Ranka ya daɗe, Yallaɓai na yi matuƙar kewarka kwana biyu?"
  
  "Uhum ai ke ce kika yada ni sabo da kin yi sabbin samari masu jini a jika, sai dai nasan ko bajima ko badaɗe sai kin niman akan ƴaƴan banki"
  
  Fanna ta kwashe da dariya.
  
  "Haba Alhajina ya kake so ka ce na zama manyar kuɗi, ai kai ma kasan yadda muke, ka ba ni gishiri ne in baka manda, kaga dole a riƙa nimanka dan kuɗi abin so ne"
  
  "Da kyau Haj. Fanna ina sonki wajen faɗar gaskiya, da fatan yau kin yi min babbar kamu, in kuma ke ce sai kawai mu kama hanya, dan har na yi mana tanadin Otel na kwana biyu"
  
  "Hahaha haba Alhaji sai kace ka samu abinci, a ce har kwana biyu? ina laifin yini guda"
  
  "Amma kin san cewar kuɗi na aiki ko?"
  
  "Kwarai kuwa nina san haka, sai dai a wannan tafiyar wani kamun na yi maka wanda na san zaka min biya mai tsoka. Akwai ƙanwar ƙawata ita ma ƴar hannu ce, ran nan na yi magana da ita ta kuma buƙaci in haɗata da wani Attajiri, shi ne na ce kai kaɗai na yiwa wannan kyakkyawar kamu, ka ganta a hoto"
  
  Ta ƙarashe maganar tana nuna masa hoton Hafsat data tura mata lokacin da suke charting a WhatsApp.
  
  "Da kyau tawan wannan irin kaya haka, gaskiya ta yi dai-dai da tsarina, amma wannan in so samu ne a bani ita duka ni kaɗai kar a min kishiya"
  
  "Karka ji komai Alhaji, in dai ka saki kuɗi kamar ka samu, dan Hafsat bata shige-shige gidansu akwai tsaro, kawai dai kasan halin yaran yanzu ka haifa baka haifi hali ba dan yayarta Mubeena ba haka take ba, kuma in dai zaka biyata da kyau to zaka mallaki Hafsat tamkar matarka, dan kuɗi take buƙata sabo da ta cika wani ƙudurinta"
  
  "Da kyau, gaskiya irin ta nafi so dama sabo da tsaro, amma na ji kamar kin ambaci Mubeena ƙawarki, kina nufin Hafsat ƴar gidan Alhaji Zanna ce ita ma?"
  
  "Kwarai kuwa ƴarsa ce ita ce auta"
  
  "Ikon Allah yarana uku kenan"
  
  "Eh su uku ne, ashe ka sansu ma?"
  
  "Uhum ai Alhaji Zanna ba ɓoyayyen mutum bane, ko ba shi bane mai kamfanin M&B Cosmetics & perfumes nigerian limited?"
  
  "Aiko shi ne, lallai ka yi masa farin sani"
  
  "Fanna kenan, ni zan wuce kuma batun wannan yarinyar ina ga mubarta bana buƙatarta ki sama min wata"
  
  Ya ƙare maganar yana murmushi tare da ɗaura mata kuɗi a cinyarta, bandir ƴan ɗari biyar biyar na dubu ashirin. Baki Fanna ta sake tana kallonsa cike da mamaki, a iya sanin da ta yi masa, mutum ne mai mugun son mata, bata taɓa kawo masa mace ya ce a'a ba sai akan Hafsat.
  
  "Amma Alhaji me yasa zaka yi wasa da damarka? don Allah karka ce a'a ka rusa min shirina, dan nasan zaka yi min biya mai kyau a kanta, Hafsat yarinya ce mai kyau da diri, uwa uba ba hulɗa take da mutane ba, kai ne na farko da zaka fara buɗe mata ido a wannan harka"
  
  "Fanna Alh. Zanna mutumin kirki ne, haka nan na ji ba zan iya yiwa iyalinsa haka ba, zaki iya tafiya dan kina ɓata min lokaci"
  
  Ya ƙarasa maganar yana duban agogon hannunsa, jiki a sanyaye ta buɗe marfin motan ta fita.
  
  "To sai yaushe?"
  
  "Sai lokacin da kika kuma nima na"
  
  Ya ƙare maganar yana faɗaɗa murmushinsa, ya ja motarsa ya barta a tsaye tana bin bayansa da kallo, ajiyar zuciya ta saki tana kallon kuɗin hannunta tana juya su ta ce a ranta.
  
  'Duk da haka banyi fitowar banza ba ko kayan make-up na ƙara, yanzu Hafsat dawa zan haɗaki? amma na san dabarar da zan yi, dole na lallaɓa Alh. Bukar harya amince, dan bazan bar shi ba'
  
  Ta shiga gida tana tunanin abin da zata gaya wa Hafsat in sun haɗu online.
  
  *****
  Da misalin ƙarfe goma da kwata na dare Fanna tana kwance suna hira da Hafsat a online.
  
  "Hafsat kin san na yita kira Alh. Bukar wayarsa taƙi shiga, sai bayan magrib ɗin nan na yi masa magana a Imo chart shi ne yake sanar min ya yi tafiya baya ƙasar amma ba zai ɗau lokaci ba zai dawo, na fara yi masa maganarki ya ce sai ya dawo zamu yi zancen"
  
  "Uhum ba komai Anty Fanna zan jira harya dawo, tunda a yanzu haka ina da wanda suke kashe min ƙishir ruwa"
  
  "Da kyau ƴar gari gaskiya ina sonki, kuma ina ƙara tuna miki ki ɓoye wannan abotar tamu kar Beena ko Mami su sani. Karki manta jibi ranar laraba birthday ɗin budurwar abokin saurayina ƙarfe takwas na dare, don Allah ki san yadda zaki yi ki fito"
  
  "Uhum anty Fanna wai ina kika aje Yaya Hafiz ɗinmu ne?"
  
  "Hafsat wannan samarin da nake dasu na ajesu a matsayin saniyar tatsa ce, Yaya Hafiz kuwa shi ne mijin aurena kuma da an fara maganar aurenmu zan daina duk abin da nake yi na tsaya da shi shi kaɗai"
  
  "Da kin kyauta, amma ya kamata Anty Beena tasan kina tare da Yaya Hafiz, tasan kun haɗa kunku"
  
  "Zata sani amma ba yanzu ba, so nake na bata mamaki"
  
  "To shi kenan, insha Allah zan zo tun ƙarfe biyar na yamma na sameki a gida, ba zan dawo ba sai an gama, nasan makircin da zan haɗa ya faɗa kan anty Beena"
  
  "Kai Hafast ba ki da kirki, ni dai ki ragawa ƙawata"
  
  "Ba zan raga mata ba tunda nima bata daina haɗa ni da iyayenmu ba"
  
  Haka suka yi ta hira har zuwa sha ɗayan dare kafin daga bisani suka yi sallama.
  
  *Rahma ce*  less

  Feb 24

  • 6 person likes this
• 
  Rahma kabir
  *SO SARTSE*
  
  © *Rahma Kabir Mrs...  more*SO SARTSE*
  
  © *Rahma Kabir Mrs MG*
  
  *Wattpad😗@rahmakabir
  
  *_Page 6._*
  
  Washe gari da safe Mubeena ta turawa Mansoor saƙon barka da safiya da kuma tambayar lafiyarsa da fatan alkhairi. Ko da ya gan saƙon sai da ya karanta ya kai sau uku, yana tunanin ko ta yi kuskuren number ne ta turo masa a haka ya bar zancen. Ta ɓangarenta dama ta tura masa ba dan ta ga amsarsa ba, fatan ta dai Allah yasa ya buɗe ya karanta. Tana bisa hanyar zuwa wurin aiki ta tsaya a wani plaza, ta siya masa waya android ƙirar tecno 8L lite sabuwa dal a kwalinta. Bayan ta isa wurin aiki ta jona wayar a charger ta soma aiki cikin natsuwa, tana fasalta irin farin cikin da zata yi idan Mansoor ya amince da soyayyarta, harta fara hango irin rayuwar farin ciki da zai gudana a tsakaninsu in sunyi aure.
  
  *****
  Da misalin ƙarfe biyar da kwata na yamma, Mubeena ta fito lanbun gidansu sanye take cikin lafaya fari mai kwalliyar fulawa purple da pink sai rashin baƙi kaɗan a jiki, fuskarta cike da annuri da alamu tana cikin nishaɗi sosai kamar wanda aka yi wa babbar kyauta, lokaci zuwa lokaci tana sakin murmushi, ta yi matuƙar kyau domin ta fito cikin shigarsu na Kanuri da shuwa, tana riƙe da kwalin waya da ƙaramin leda ɗauke da wani abu a ciki sai nata wayar da take riƙe da shi, a haka ta isa garden cikin natsuwa ta samu kujera ta zauna, iska na kaɗata tana jin sanyi har jikin ɓargonta, number Mansoor ta danna a wayarta ta kira shi bugu biyu ya ɗauka, ta sanar da shi ya sameta a garden sai ta kashe kiran ba tare data saurari amsarsa ba. Minti biyar ya ɗauka ya nufo garden ya sameta, ya zauna a kujerar dake gefen nata.
  
  "Ranki ya daɗe barka da wannan lokaci"
  
  "Yauwa barka dai MK"
  
  Ta ce cikin murmushi. Gaban Mansoor ya faɗi ras jin ta ambaci MK, wanda yasan Yallaɓai da abokan harƙallarsa sune kawai suke kiran shi da wannan sunan, ya shiga tsananin fargaba da tsoro ko ta fara binciko lamarinsu ne.
  
  "Da fatan banyi laifi ba dana kira ka MK, dan naga kamar baka ji daɗi ba"
  
  Mubeena ta katse masa tunani, da sauri ya sauke guntun ajiyar zuciya, ya daidaita natsuwarsa tare da kirkiro murmushi ya sakar mata yana mai cewa.
  
  "Hajiya ƙarama ai bata laifi"
  
  "Haka dai kace. Ga waya na siya maka naga taka ƙarama ce, shi ne na ce bari na baka wannan zaka fi jin daɗin amfani da ita"
  
  Mansoor ya lumshe ido ya buɗe yana mai jin farin ciki, akan ta kira shi da MK bisa ra'ayinta ne ba wai ta san inda suna ya fito ba.
  
  "Hajiya ban iya amfani da irinta ba, da kin barni da wannan ma na fi jin daɗinta"
  
  "Haba Mansoor ya kamata kaima ka shigo zamani, ni nasan operating ɗinta ba zai baka wuya ba tunda ka yi boko, sannan ga ɗan social Media da ake hawa yana rage kaɗaici, ƙilama ka taɓa yi"
  
  "Uhum na taɓa yin WhatsApp chart lokacin ina makaranta da wata wayata Nokia X2, amma kin san ita mai botura ce, kuma tunda na siyar da wayar ban sake hawa ba"
  
  "To ga wannan zaka ji daɗinta"
  
  Ta yi maganar tana miƙa masa kwalin, ya amsa hannu biyu yana binta da kallo.
  
  "Nagode Allah ya saka da Alkhairi ya ƙara buɗi"
  
  "Babu komai, in ka isa ɗaki sai ka ƙara sanyata a charger, yadda batirinta zai yi maka ƙarko"
  
  "Yauwa nagode"
  
  "Mansoor"
  
  Ta kira sunan sa, ya ɗago ya kalleta suka haɗa ido tare da tattaro duk natauwarsa yana saurarenta, ta sakar masa lallausar murmushi kafin ta cigaba da cewa.
  
  "Kana so in sauya maka aiki ka koma kamfanin Babanmu? Zan yi masa magana nasan kuma zai amince"
  
  "Uhum in kika min hakan zan so, amma yanzu bana buƙatar haka"
  
  "Sabo da me?"
  
  "Sabo da driver Babanku ya ɗaukeni, ina so duk abin da zai min ya yi bisa ra'ayinsa ya yarda dani. Ni ko a driver na tsaya ma Alhamdulillah domin ya taimake ni a lokacin da nake buƙatar hakan"
  
  "Hakane, to shi kenan amma ina so ka yi tunani akai. Ga wasu turare na kamfanin Baba ka yi amfani dasu kafin ka fara aiki a gun"
  
  Ta miƙa masa leda mai ɗauke da kwalban turare na maza guda biyu"
  
  "Duk wannan kyautar ni kaɗai? ina godiya Hajiya, amma da alama yau kina cikin farin ciki"
  
  "Alhamdulillah! kuma ka cancanci haka"
  
  Ya kalleta suka haɗa ido ta yi masa murmushi, shuru ya yi yana nazarin maganarta.
  
  "Taya na cancanta da kyautarki Beena? ban taɓa yi miki wani abu na alkhairi ba da har na cancani kyautarki"
  
  "Mansoor mubar wannan maganar"
  
  Ta ce tare da ɗaukar wayarta tana danne- danne, sai yaja bakinsa ya yi shuru yana nazarin maganarsu gaba ɗaya. A haka Yaya Hafiz ya samesu ya tsaya ta bayansu, ya shiga binsu su da kallo yana nazari, Mansoor ya kalle shi Yaya Hafiz ya danƙara masa wani dogon harara, ganin haka Mansoor ya kwashi kyautukansa ya miƙe tsaye.
  
  "Hajiya ƙarama a huta lafiya"
  
  Ya ce tare da raɓewa ya wuce ɗakinsa. Yaya Hafiz ya yi gyaran murya sai Beena ta ɗago ta waiga tare da washe baki.
  
  "Yaushe ka zo nan Yaya Hafiz?"
  
  "Uhum Beena ba kya jin maganata ko? na ce ki fita hanyar wannan mutumin amma kin ƙi ji"
  
  "Kai Yaya Hafiz kawai dai magana muka yi na ba shi saƙo, amma babu wani abu"
  
  Ya yatsine fuska da ɗage kafaɗa.
  
  "Wannan ruwanki kuma. Ya aikin naki? dan naga sai wani sheƙi kika da annuri da alama baki gaji ba"
  
  Ya yi maganar yana zama kusa da ita.
  
  "Uhum na gaji mana, amma wanka da na yi shi ne ya tafiyar min da gajiyata"
  
  "Gaskiya ne My Beena, kin yi kyau sosai kuma shigar al'adarmu tana yi miki kyau, wannan wanka ya kamata Brr. Anas ya gani"
  
  Dariya ta kwashe da shi.
  
  "Kai Yaya wani Anas Wanda tuntuni na tasa ƙeyarsa, ai tun tafiyarka ya daina zuwa"
  
  "Kai ƙanwata wato shima kin kore shi? Wai Beena yaushe maza zasu fara burgeki? kina da shakaru Ashirin da shida ya kamata ki tsaida hankalinki guri guda, ki fito da miji mu aurar da ke"
  
  "Yaya ni duk samarin basu yi min ba, Amma insha Allah nan gaba kaɗan zan kawo muku wanda nake so, kuma aure lokaci ne fa Yaya Hafiz"
  
  "Gaskiya ne, Allah ya zaɓa miki mafi Alkhairi"
  
  "Ameen ya rabbi, kaima ya kamata ka fito da mata"
  
  "Karki damu sai na aurar dake kafin na yi"
  
  "Yaya Hafiz wayo ko?"
  
  Sai duk suka kwashe da dariya, da haka suka cigaba da hira cike da nishaɗi har gabanin sallar magrib, daga bisani suka miƙe zuwa cikin gida.
  
  *****
  Zuwa dare da misalin ƙarfe sha ɗaya, Mubeena ta kira Mansoor a waya, sai da ya kusa tsinkewa kafin ya ɗauka cikin muryar barci ya ce.
  
  "Hello"
  
  Beena ta lumshe ido sabo da yadda muryarsa ta ratsa bargon jikinta, a hankali ta buɗe idon ta soma magana cikin sanyin murya na mai jin barci.
  
  "Mk ka sanya wayar a caji kuwa"
  
  Da sauri Mansoor ya buɗe ido, nan da nan ya ji ya wastsake da daga barcin, ya cire wayar a kunnensa ya duba don ya gasgata da wacce yake waya, ganin sunan Beena yasa shi sakin guntun ajiyar zuciyata. Beena ta cigaba da yin magana cikin muryar shagwaɓa.
  
  "Ka yi shuru baka amsa min ba, ko ka fara barci ne?"
  
  Mansoor tattaro miyau bakinsa ya haɗiye kwad, domin ya samu ya jiƙa maƙocinsa da ya bushe, ya mai da wayar kunnensa ya ce.
  
  "Ki yi haƙuri barci na fara kuma wayar na sanyata a caji, ina ganin tayi caji sosai"
  
  "To ya yi kyau bari na barka kayi barci sai da safe ko"
  
  "To ranki ya daɗe Allah ya bamu alkhairi"
  
  Sai ya riga ta kashe wayar yana mai fuzzar da wani iska mai hucin zafi. Beena tabi wayar da kallo tana mai jin wani farin ciki, ta ji muryansa tana amsa kuwwa a cikin dodon kunnenta, nan take zuciyarta ta shiga kai saƙo sassan jikinta, wani irin shauƙi ya kamata na gajeran zango, ido ta buɗe tare da jawo ƙaramin pillow ta rungume, sai ta shiga rubuta masa sakon sai da safe da Addu'a ta tura masa. Ta yi Addu'an barci ta tofa tana mai fatan Allah yasa ta yi mafarkinsa, da tunani barkatai barci ya kwasheta.
  
  Mansoor ya ta shi zaune ya jingina da bango, yana mai tunanin Beena da wasu sauye-sauye da take nuna masa yana tsoron faruwar wani abu, ƙarar saƙon a shi ne ya katse masa tunani ya ɗauko ya karanta ya ce a ransa.
  
  'Ya salam! kenan saƙon ɗazu ma ba ɓatar number ta yi ba dagaske ni ta turo mawa?'
  
  "Ikon Allah, wannan wani irin al'amari ne da ke son auko min, daga aikin wucin gadi amma lamarin nason tsaɓewa, gaskiya dole na yi ƙoƙarin gama wannan aikin na kama gabana"
  
  Ya yi maganar a fili yana mai jin tausayinta a zuciyarsa, sam shi a duniyarsa babu tsarin yin soyayya a ciki, burinsa bai wuce ya samu kuɗi ba ya ji daɗin rayuwarsa kamar yadda yaga wasu suna cin duniyarsu da tsinke, dan haka mace bata gabansa, bai taɓa soyayya ba kuma bai son ya soma har sai ya mallaki dukiya, yadda zai yi gogayya da manyar yara, duk da yasan Beena ba tada makusa mace ce mai tsarin halitta, ga kyau ga kuɗi ga tarbiyya duk ta haɗa, tana da cikar kamala da namiji zai so ta, sai dai a ɓangarensa sam bai taɓa ji ɗanɗanon sonta ba, baya fatan ma ya sota dan hakan zai iya ruguza masa rayuwa, tausayinta kawai yake ji shima ya dangana shi akan kyautatawarta gare shi, yana kuma ƙoƙarin son ya yakice hakan a ransa, yadda zai gudanar da aikinsa ya gama lafiya. Ya shiga dogon tunani sai da ya shafe awa guda a wannan yanayi kana daga bisani ya gyara kwanciyarsa har barci ya ɗauke shi.
  
  ******
  Tun daga wannan rana Beena take turawa Mansoor saƙonni, yawan kira a waya da jansa da hira, ta kira shi yazo garden su yi hira, Mansoor tun yana mamakinta har ya fara tsorata da lamarinta, dan a zuwa wannan lokacin ya gane Beena son sa take yi, amma shi kuma har yau yaƙi sakin jiki da ita balle ya nuna mata wani fuska da zata gane ya fahimceta, burinsa ya lallaɓata harya kai ga ya kammala aikinsa.
  
  ****      ****       ****
  
  *Bayan mako biyu*
  
  Fanna tunda ta samu number Yaya Hafiz ta soma kiransa, tun yana ƙin ɗauka har ya soma ɗauka su gaisa baya bari su yi dogon hira, kuma har zuwa lokacin bata bayyana kanta gareshi ba. a ƴan kwanakin baya Fanna ta soma tura masa zafafan saƙonni ta WhatsApp chart, tun yana ƙin dubawa har ya soma buɗewa ya karanta, kalamanta suna tasiri a ransa har ya soma tunanin son sanin wacece ita. A ranar laraban shekaran jiya da dare ya tambayeta sunanta da kuma son sanin wacece ita, Fanna ta ba shi amsa ta gaya masa sunanta da kuma bayani akanta, Yaya Hafiz murmushi kawai ya yi daya ga hotonta data tura masa, ashe Fanna ce kawar Beena, kuma dai-dai gwargwado tana da kyau, ganin Fannar daya sani ce sai ya amince da soyayyarta. Tun daga lokacin suka fara musayan kalaman soyayya, wanda a jiya ma sai da ya shirya yaje zance gidansu, ya samu babban tarba kuma shima ya yaba da hakan, domin yasan yana da babban matsayi a zuciyarta, yana jin ko ba zai aureta ba sai shayar da ita zumar soyayyarsa ta ɗan taɓa.
  
  ****
  A yau Juma'a Beena ta shirya fitowa fili ta faɗawa Mansoor zuciyarsa, ta lura shi irin mutanan ne masu mugun miskilanci, tasan ya fahimceta amma ya nuna kamar bai gane komai ba, sai ma sauya mata fuska da ya yi ya daina sakin jikinsa. A zuwa wannan lokacin Allah ya jarabceta da matsanancin son sa, har zuciyarta tana niman ta gagareta wurin sarrafata. Ta yarda da cewa so halitta ce in ya riga ya ratsa zuciya fitarsa abu ne mai matuƙar wahala, shi yasa ta yanke shawarar tunkararsa ta faɗa masa, fatanta dai Allah yasa ya amshi tayinta.
  
  Mansoor yana zaune a garden bayan ya dawo daga ɗauko Beena a wurin aiki, Mubeena ta fito sanye cikin doguwar riga ready made mai kalar hanta da kalliyar baƙin zare da milk color, kanta ta sanya ƙaramin hijab baƙi ya tsaya mata iya kafaɗa, ta samu gefen kujerarsa ta zauna. Mansoor ya san ta zauna gefensa amma sai ya shareta ya yi kamar bai san da ruwan halittarta ba a gun. Tunda ta soma nuna masa alamun tana son shi ya shiga tsare giran sama dana ƙasa, baya sakar mata fuska ko hira take masa bai tankata, ya sauya sosai wajen ganin karta ga fuskar da zata tunkare shi da zancen.
  
  "Mansoor barka da hutawa"
  
  "Barkanki dai ranki ya daɗe"
  
  "Mk nazo maka da wani babban saƙo ban sani ba ko zai samu masauki a gunka?"
  
  Jim ya yi kana ya ɗago kai suka haɗa ido.
  
  "Ina jinki"
  
  "Emm dama akan saƙonnin da nake tura maka ne, na ga har zuwa yanzu baka taɓa bani reply ba, sannan ka sauya min akan da, ko hakan da nake yi laifi ne?"
  
  "Uhum ba wani laifi da kika yi, sai dai ina tunatar da ke girman matsayinki, ban cancanci irin haka ba, in na ga saƙonki nakan rasa abin cewa, da zaki iya haƙuri da kin daina turo minsu, domin na sara a wani muhallin zan basu masauki, sabo da ke mace ce mai daraja, kin wuce ajina"
  
  "Amma Mansoor baka ganin cewa Allah shi ke yin komai yadda ya so, sanan a duk iya zamanka da ka yi a gidan nan ban ga wani gurɓataccen halinka ba, sai shan taba kuma shi ma naga kana ƙoƙarin dainawa. Mansoor Ni kawai sonka nake kuma so irin na aure, don Allah ka bani dama mu fahimci juna"
  
  Wani irin kallo Mansoor ya bita da shi, mamaki ƙarara akan fuskarsa, bai taɓa zaton zata iya furtawa ba.
  
  "Mubeena ke mace ce mai daraja kinfi ƙarfi na, kuma ni a tsarina ban shirya yin soyayya nan kusa ba, burina na samu rufin asiri na kula da mahaifiyata, ki yi haƙuri don Allah ki bar wannan maganar, ki manta da kin taɓa furta kalmar so a tsakaninmu"
  
  Yana kaiwa nan a maganarsa sai ya miƙe tsaye ya soma tafiya.
  
  "Mansoor..."
  
  Ta dakatar da shi da kiran sunansa, sai ya tsaya ba tare da ya juyo ba.
  
  "Don Allah kar ka min haka, na daɗe da gida soyayyarka a zuciyata, ban taɓa jin ɗanɗanon so ba sai a kanka, karka ce min a'a domin sonka ya min dabaibayin da bazan iya kubcewa ba, ka tuna ni ce Mubeena ƴar gidan Alhaji Zanna ba wata ba, wacce ta aje dukkan darajarta, kunya da kawaici na ƴa mace ta iya furta maka kalmar so. Allah da gaske Ina sonka Monsoor ka yarda dani"
  
  Ta ƙarasa maganar muryarta tana rawa alamar tana son yin kuka. Mansoor ya runtse idonsa ya buɗe, kansa ya yi masa nauyi ya shiga sarawa.
  
  "Beena har abada bana jin zai iya amincewa muradinki domin nawa buƙatar tafi naki, ki mance da Mansoor ɗin da kika sani a baya, ki sanyawa ranki da sabon MK kika haɗu. Na barka lafiya"
  
  Sai ya wuce ko waiwayonta bai yi ba, ransa a dagule yana suya. Beena zama ta yi kan ɗaya daga kujerun wurin, ta share kwallar data zubo mata, har zuwa lokacin bata karaya ba kuma bata jin zata haƙura da soyayarsa, ta ji zata iya jure duk wulaƙancinsa har sai ya amince mata, son sa ya makantar da ita wanda bata iya ganin duk abin da zai mata, zata sanya naci har sai ya amince mata. Nan take ta tura masa saƙo kamar haka.
  
  _"Sonka yana haskawa a cikin zuciyata tamkar yadda tauraro ke haske sararin samaniya. Ina sonka fiye da yadda kalmomi za su kwatanta hakan a rubuce. Kar zuciyarka ta yi tunanin zan iya haƙura da kai. Ina sonka Mansoor"_
  
  Ta tura masa saƙon kana ta miƙe jiki a sanyaye ta wuce cikin gida. Mansoor yana karanta saƙonta, ya ji kamar ta watsa masa ruwan dalma a zuciyarsa, tsaki yaja tare da jin matsanancin haushinta.
  
  'Beena wallahi duk baƙin cikin ki sai na mallaki dubu ɗari takwas ɗina, ba zan fasa saceki ba, lallai dole na sake sabon shiri'
  
  Ya faɗa hakan a ransa yana mai jin matsananin ɓacin rai har yake jin ɗaci a maƙoshi.
  
  *Rahma ce*  less

  Feb 24

  • 6 person likes this
• 
  Rahma kabir liked Chamsiya Laouali Rabo's post.

  Feb 21

  Chamsiya Laouali Rabo
  💞💞👺😭
  *DJINN*
  ...  moreChamsiya Laouali Rabo
  💞💞👺😭
  *DJINN*
  😭👺💞💞
  *Gajeren...  more💞💞👺😭
  *DJINN*
  😭👺💞💞
  *Gajeren labari...*
  Story
  and
  Written by
  *Jikar Rabo*
  {Cham rose💞}
  Dedicated to *PRINCESS AYSHATOU*
  
  
  
  ☀️ *FIRST CLASS WRITTERS ASSOCIATIONS*☀️
  ___________________
  BISMILLAHI RAHMANI RAHIM.
  
  
  ```DUBA GA YADDA MASOYANA NA HA'KI'KA SUKA NUNA MIN NA MAYAR DA BOOK 'DIN NAN FREE DAN HAKA NA GA RUWAN COMMENT KO KUMA A KOMA 'YAR GIDAN JIYA🥱 SANNAN DUK GROUPE 'DIN DA BASU COMMENT AL'KUR'ANAN ALLAH BA ZAN SAKE POSTING A CIKI BA```
  
  
  Page 3-4
  
  
  'Katon terrain d'in buga ball ne mai d'auke da korin shukar nan sai she'ki take,maza na buga ball yayinda mata ke ihu da shewa sai 'kara tunzura uwanda su ke supporter su ke.
  
  
  Elli wacce ke masifar son Nur ce gefe sai faman d'aga 'kyalle fari take wanda ya ke kalar kayan 'yan équipe d'in su Nur,duk lokacin da Nur ya amshe 'kwallo sai tayi ihu ta na mai fad'in sunan shi wanda har ya sa na kusa da ita yin tsuka don duk ta cika masu kunya.
  
  
  Cikin rub'ab'ar hausar ta tace "dan wuba mutum ya tanka ni ya ga bala'i" dariya Ikilima ta she'ke da ita ta na tab'awa ita da abokiyar ta kafin ta maida raddi "hohoho!ke ni kam wasu matan ba su son ciwon kain su ba ana gudun su amman su na li'ke ma mutum mtsw" ta ja tsuki 'kawar ta ce ta karb'e "pls Iki tunda dai shi bai ma san ta na son shi ba dan Allah ki 'kyaleta".
  
  
  Duk da Elli ba wani hausa ta ke ji sosai ba amman ta gane da wannan ce budurwa Nur da aka sha gaya mata ya na da wacce ya ke so,tsayawa tayi ta na 'kare ma Ikilima kallo wacce ta ke fara sol siriri mai d'auke da jajayen leb'o sab'anin ita da take ba'ka 'kirin " doli ya 'ki kula ni ashe baturiya ya gani amman in sun san wata ai ba su san wata ba,zan bi duk wata hanya da zai sa ya soni"Elli ta fad'a cikin rainta.
  
  
  
  
  Hutun da aka je ne ya basu damar tsayawa wanda hakan yasa Nur zuwa wajen da Iki ke zaune "bb ce comment?ka gaji ko?" ya tsinkayo murya Elli na fad'a ta na mai mi'ko mashi exotic ,karb'a yayi yace "merci" tare da sakar mata murmushin da ya 'kona rain Iki.
  
  
  "Miye kuma na yi mata murmushi sai ka ce wata abu 'kwarai" Iki ta fad'a ta na mai b'ata rai.
  "Ba ki ga jus ta bani ba uwar kishi" ya fad'a ya na d'an hararan ta wanda hakan yasa tayi fushi ta mi'ke,ru'ko hannun ta yayi ta fizge ta bar shi nan tsaye bin ta kawai yayi da kallo.
  
  
  "Ton numéro téléphone stp" Elli ta fad'a ta na mai mi'ko mashi dan'kareriyar wayar ta,karb'a yayi ya saka mata domin shi in dai mace ce babu kalar da bai so.
  
  
  
  Cike da murna Elli ta nufi layin da chambre d'in mata ya ke,babu kowa d'akin hakan yasa ta tub'e zigidir kamar yadda ta saba in za tayi wanka.
  Ba ta jima ba ta fito daga wanka ta na mai d'aukar wayar ta ta shiga wasap,number Nur ta duba tare da ciro hoton dp shi.
  
  Kamar ta mutu haka take jin son shi,kiss d'in wayar tayi ta na mai tura appel vidéo ba tare da b'ata lokaci ba ya d'aga.
  'Kuri su ka yi ma juna shi ya na 'kare ma surar jikinta kallo yayinda ita kuma fuskar shi mai d'auke da saje take ma kallon so.
  
  
  "Hi baby" Nur ya fad'a ya na sauke ajiyar zuciya,murmushi kawai tayi ta na sake mashi kallon 'kurilla.Ganin ta'ki magana ya ce "minene kike yanzu?"
  "Komi juste j m s8 lavée"
  Murmushin yaudara yayi yace "ko na zo na shafa maki mai?"
  "What is mai?" ta tambaye shi dan ba sosai take jin hausa ba
  "Pardon pommade" waro ido tayi cikin jin dad'i tace "xa me va droit au cœur" cikin zumud'i Nur yace "dagaske ki na so?" kai ta d'aga mashi.
  
  
  "OK turo min lambar d'akin ku gani nan zuwa"ya fad'a ya na mai coupé appel d'in,a gagauce ya fara kimtsawa Rahul dai kallon shi ya ke tare da mamakin yadda abokin nashi ke jarabar mata.
  
  
  Bai wani sha wuya ba ya gane d'akin dan ta turo mashi adress, yadda take tun farko ba ta canza ba daga ita sai towel kamar lokacin da ya ganta a appel .
  
  
  " Ki shigo mana"cewar Elli ta na mai d'auko mai cikin valise kamar yadda ya bu'kata, "ashe gaba ma da gaban ta duk iskancin na ashe ga baki ne ga wata nan za ta fara koyar da ni pratique" cewar Nur a zuci ya na mai 'kura ma mazaunanta ido.
  
  
  
  In ka na neman 'yan iska na 'karshen aji to Nur da Elli su ne domin kwance tayi d'aya-d'aya ya shafe ta da mai kamar wata jaririya wanda duk yabi ya lagudeta da sunan shafin mai.
  Takon hanwainiya yayi mata bai mata wani salo da zai nuna mata ya na son lalata da ita ba,sai dai shafin mai da yayi mata.Towel d'in jikin ta ta cire ta zura doguwar riga irin ta su ta gwarawa kamin ta feshe jikin ta da turare,Nur kam na zaune bakin bed ya na kallonta har ta gama shiryawa tace "ko za ka raka ni cin abinci in babu damuwa?".
  
  
  
  
  
  ****
  
  
  Cikin 'kan'kanan lokaci wannan duhun ya rufe Maryam kan ta farga sai ganin ta tayi cikin dokar daji ita da wata tsohuwar mata wadda gashi ya rufe ma fuska,da zarazaran yatsunta ta kama hannun Maryam suka soma tafiya kamar ba gobe sun dad'e sosai a haka kafin su 'karaso wani tsibiri mai d'auke da manyan duwatsu wanda a nan ne za su yada zango .
  
  
  'Karasowar su ke da wuya wani kyakyawan saurayi ya fito tsakanin wasu dutsina biyu wanda aka yi masu ado da wani jan 'kyale,murmushi yayi lokacin da yayi tozali da fuskar Maryam hannu ya tara mata alamun ta zo gare shi.
  
  
  A hankali ta fara 'ko'karin cire hannun ta daga na tsohuwar nan idonta yayi tozali da za'ko-za'kon akaifu,luuu tayi dan firgici da sauri William ya tarota ta fad'a 'kirjin shi.Cak ya d'auketa ya shiga da ita daga ciki ya na mai jin wani farin ciki na mamaye zuciyar shi,bisa wani gado mai kama da na sulba ya shimfid'eta ya na mai hura mata iska a fuska.
  
  Wani lummm tayi da fuskarta tare da bud'e idonta tarau a kan ta shi,murmushi ya sakar mata ita kuma ta tsare shi da ido ta na kallo kafin ta yun'kura tana 'ko'karin tashi.Mayar da ita yayi ya shafi gefen fuskar ta,motsa baki tayi ta na mai furta "who is you?" maimakon ya bata amsa sai yayi murmushi tare da shafar idonta zuwa ainahin fuskar ta a take barci ya d'auke ta.......
  
  
  
  
  Cham~rose taku ce🥰...    less

  • 8 person likes this
  • 
    Sadik Abubakar Allah ya kara basira

    • Feb 21
    • -
    • Report
• 
  Rahma kabir liked Hausa Quotes's photo.

  Feb 21

  

  Ku ce “amin”

  • 10 person likes this
  • View all 6 comments
  • 
    Salisu Abdullahi Amin

    • Feb 21
    • -
    • 1 likes this
    • -
    • Report
  • 
    Sadik Abubakar Amin ya Allah

    • Feb 21
    • -
    • 1 likes this
    • -
    • Report
  • 
    Lawan Dalha Amin Ya Rabb

    • Feb 21
    • -
    • 1 likes this
    • -
    • Report
  • 
    Ameera Garba Amin ya Hayyu ya Qayyum

    • Feb 21
    • -
    • Report
  • 
    Sᴜᴍᴀɪʏʏᴀ Bᴀʙᴀʏᴏ (Sumiee B) Amin ya hayyu ya ƙayyum

    • Feb 21
    • -
    • Report
• 
  Rahma kabir liked Na'ima Sulaiman's photo.

  Feb 21

  

  • 9 person likes this
  • 
    Sadik Abubakar Sabon sarki

    • Feb 21
    • -
    • Report