Skip to content

Dabbobin gona

Share |

Akwai amfani kala daban daban da dabbobin gona da suke wajen taimaka manoma da makiyaya da kuma al’umma gaba daya a rayuwarmu ta yau da kullum wadannan amfani sun hada da:

Suna samar da abinci masu gina jiki misalansu shi ne

  1. Madara
  2. Nama
  3. Kwai

Suna samar da kudi ga manoma sannan da samar da kudaden shiga ga kasa gaba daya ta hanyar  cinikayya.

Suna zama hanyoyin samun albarkatun kasa, misali:

  1. Jima (fatar manya dabbobi da kanana domin yin takalma da jaka da sauransu a wasu kamfanoni)
  2. Madara (ana amfani da ita a kamfanoni da suke yin yoghurt da sauransu)
  3. Nama da kwai (ana amfani da su ta hanyar tsire, kilishi da kuma abinci da sauransu)

Yana rage zaman banza wajen samarwa matasa aikin yi, misali:

  1. Kiwon kaji
  2. Kiwon shanu
  3. Kasuwancin dabbobi
  4. Sana’ar fawa.
  5. sana’ar noman ciyawa da saidawa

Yana samar da taki ga manoma sannan ana amfani da shi ta hanyar girki misali

  1. Kashin dabbobi na zama takin noma ga manoma
  2. Busashen kashin shanu ana amfani da shi wajen yin girki da kuma maganin borin jini

Suna taimakawa wurin daukar kayan gona zuwa gida da kasuwanni misali dabbobin su ne

  1. Doki
  2. Jaki
  3. Rakumi

Ana amfani da dabbobi wurin aikin karfi a gona kamar misali

  1. Sa da rakumi ana amfani da su wurin yin hudar gona ko bajiya.

Kadan ke nan daga cikin amfanin dabbobin gona a cikin al’umma. Na gode, sai mun hadu a makala ta gaba.

You cannot copy content of this page

Discover more from Bakandamiya

Subscribe now to keep reading and get access to the full archive.

Continue Reading