_______📖 Ba don Allah yasa Daddy me saurin yarda da ƙaddara bane, da babu abinda zai sa be zube musu anan ba, sai dai kuma sosai ya dage wajen danne kaso sittin cikin ɗari na daga damuwar sa, amma hakan be sa fuskar sa ta hana bayyanuwar tsantsan damuwa da tashin hankalin da yake ciki ba, idanuwan sa gaba ɗaya sun kaɗa sun yi jazur, muryan sa na rawa ya ce da su, "yanzu tana asibitin ne?"
Rayyan ya ba shi amsa da "Eh".
"Ok ku mu je ku kai Ni". Yafaɗa yana miƙe wa tsaye da hanzari
Tare suka fice suka shiga motar Suhaib, Rayyan ne ya ja su zuwa asibitin.
Suna isa ɗakin da aka kwantar da RAUDHA, Daddy yayi saurin ƙarisawa wajen ta, zama yayi ya ɗaura tafukan hannayen sa biyu saman fuskar ta yana shafa wa, ji yake yi tamkar yayi ta kurma kuka sabida tsananin tausayin ɗiyar sa. Wai yau RAUDHA ce kwance cikin wani hali na taɓin hankali, duk a sabida sakacin su
Lumshe idanu yayi yana sake sauke wa akan kyakkyawar fuskar ta, wanda ya rame sosai, sai haske da ta sake yi, barci take yi har yanzu sabida alluran barcin da aka yi mata. Ahankali Daddy ya saka hannun sa ya ɗauke hawayen da ya silalo masa a kuncin sa, sannan ya juyo yana kallon su yace, "ina ne Office ɗin doctorn dake duba ta?"
"Daddy bari in Kai ka". Rayyan yayi saurin faɗar haka
Gyaɗa kai kawai yayi yabi bayan sa
Shi kuma Suhaib ya koma kusa da ita ya zauna a gefen gadon, ya riƙe hannun ta ɗaya wanda akayi mata ƙarin ruwa aka cire.
Wajen mintuna ashirin da fitan su Daddy kafin suka dawo, dayake magriba tayi, sai suka wuce gaba ɗaya masallaci, har bayan sallan isha'i suna nan a asibitin, har sannan kuma RAUDHA bata farka ba, dole suka taho gida suka bar ta cikin kulawar likitoci, tunda dama asibitin ba kasafai suke barin mutane suna kwana da mara lafiya ba. Daddy ya so ya kwana amma sai su Rayyan suka taushe shi akan ya koma gida, tunda shima yana buƙatar hutu a wannan lokacin
Sai da suka mayar dashi gidan sa, kafin suka wuce su ma, da zummar gobe Suhaib zai kawo mishi Haneep da Farida, sai su gaisa tunda yau basu samu sun haɗu ba.
A taƙaice ranan Daddy be iya runtsa wa ba, kwana yayi a zaune yana nema wa ƴar sa samun lafiya daga wurin mahaliccin mu.
Washe gari tare suka taho da Farida gidan Daddy ɗin, anan suka gaisa, Daddy ya amshi Haneep yana ta faman mishi wasa, sosai soyayyar yaron ya shiga ransa, kuma ya tausaya mishi da rashin lafiyan da yake yi, yayi masa addu'a sosai kafin ya miƙa ma Farida shi, sannan suka fito suka nufi asibitin, daga can Rayyan ya wuce wurin aikin sa.
Wajen awanni biyu da zuwan su, sannan ne RAUDHA ta farka, amma kuma gaba ɗaya ta rikita su da koke-koken ta, kuka take yi sosai tana surutu kamar zautacciya, ba ma ta gane wanda ke kanta
Sosai tashin hankali ya sake bayyana a wajen Daddy da Suhaib, sun rasa ya zasu yi, har kuka sai da Suhaib yayi, shi kuma Daddy sai faman sharan ƙwalla yake yi, musamman da ya riƙo ta yana faɗin, "shi ne Daddyn ta, tayi shiru". Yana rarrashin ta
Sai tahau zagin sa, daga ƙarshe ta soma ɓaɓɓaka masa dariya tana tokarin sa da ƙafa, wai sai ya sake ta ta hau saman silling
Da gudu Suhaib ya fice yana sharan hawaye
Itama Farida dake riƙe da Haneep ta zauna a gefe tana kallon RAUDHA dake jikin Daddy, bata san sanda hawaye yayi ta kwarara a saman fuskar ta ba, sabida tsantsan tausayi
Hauka tuburan RAUDHA take yi, an rasa yanda za'a yi da ita, tunda tuni Suhaib ya kira likitoci sun duƙufa akanta
Ƙiri-ƙiri Daddy ya ƙi fita a ɗakin koda suka buƙaci su ba su wuri
Yanda suka ga hankalin Daddy yayi ƙololuwar tashi, dole suka tausaya mishi suka bar shi a cikin ɗakin, haka suke iya yin su wajen taimaka wa RAUDHA, sai da suka yi mata alluran barci sannan suka samu lafiya, amma ta karaɗe ɗakin da waje da ihun ta
Daddy kasa jure wa yayi ya faɗi ƙasa a sume, ai nan hankalin su Suhaib ya sake tashi da jin abinda ke faruwa
A wani ɗakin aka kai Daddy aka soma ba shi taimakon gaggawa, sosai jinin sa ya hau, ga shi yana buƙatar hutu, dole suka yi masa alluran barci don ya samu ya huta ko jinin sa zai sauka
Abun tausayi idan ku ka ga Suhaib, ya hana kansa sukuni duk ya tsangwami kan sa, shima ba don jarumta da ƙarfin hali ba; da tuni ya zube, sai Farida da ke ƙarfafa masa gwiwa tana masa nasiha akan ɗaukan ƙaddara. tabbas haka Allah ya so ƙaddaran RAUDHA ce, dole wannan ciwon sai ya same ta, sai dai su yi wa Allah godiya tare da roƙon Allah ya taƙaita abun haka.
Wajen awanni uku Daddy yayi a kwance, sannan ya farka. duk yanda likitoci suka so ya zauna ya sake huta wa a ɗaura masa drip amma yaƙi, nan ya soma buga waya ya hau yi mata cuku-cukun yanda za'a yi a fita da ita Abroad, sai dai basu samu ba, tunda ko wani ƙasa ance a dakata da zuwa, shi kansa Nigeria an rufe, dole Daddy ya bar ta anan asibitin, sai dai ya samu an yi masa hanyar likitoci ƙwararru waɗanda za su iya kula da RAUDHA
Abun ka da ma su kuɗi, a washe gari sai ga likitocin sun iso, nan aka duƙufa wajen duba RAUDHA, sosai take samun kulawa wajen likitoci, sai dai kamar ma ƙara haukan take yi, domin ciwon ci gaba yake ba baya ba, ta kai yanzu ɗaure ta ake yi a jikin ƙarfen gadon, sabida idan ta tashi daga alluran barcin da ake mata, ta rinƙa hauka kenan tana fashe-fashen kayan ɗaki, ko kuma tayi yinƙurin guduwa dole sai an kamo ta, har kayan jikin ta take yagawa, sai dai a sauya mata wani.
Bazan iya misalta muku halin da bayin Allan nan suke ciki ba, har wani rama suka yi sabida tashin hankali, babu abinda su Daddy da Suhaib suke yi sai dana-sani, dana-sanin barin RAUDHA cikin shaye-shaye, ga shi yanzu ta haukace suna ji suna gani, kuma kuɗin su be iya ba ta lafiya ba, babu yanda za su yi yanzu sai bin ta da addu'ar samun lafiya, wuni kuwa cikin yin ta suke yi, duk idan suka zo asibitin nan sai sun zubar da hawaye
Gefe ɗaya ma Rayyan duk ya shiga matsanancin damuwa sosai, duk a sabida ciwon RAUDHA, sosai yake matuƙar ƙaunar ta, ko barci ba ya iya yi sabida tunanin ta, da shi ake yin duk wani zirga-zirga na neman maganin ta, ya kasa hankalin sa gida biyu, a hankali shima a tsaye yake rame wa duk a sabida damuwar da ya ɗaura wa kansa.
Yanzu haka dole aka mayar da RAUDHA asibitin mahaukata tunda abun yafi ƙarfin asibitin, an ware mata ɗaki daban a matsayin ta na ƴar gata, sai dai su Daddy su je can su riƙa duba ta, su kansu likitocin ma su kula da ita daban ne aka ajiye mata.
Wasa-wasa sai ga RAUDHA ta shafe watanni huɗu a asibitin mahaukata, tana fama da mugun ciwon da ba ya baya sai dai gaba, kullum-kullum gaba ciwon nata yake yi ba baya ba, duk wani magani an yi mata amma har yanzu ba'a dace ba, ba'a taɓa samun ranan da aka wayi gari an samu nasarar ci gaba wajen samun lafiyan ta ba, sai dai gaba abun yake yi, da sarƙa ake ɗaure ta, abun mamaki kuma sai da safe a zo aganta a kwance. likitan da ke duba ta sosai yake mamaki idan ya zo ya ganta a kwance tana zaune tayi ta ɓaɓɓaka masa dariya.
Yau ma kamar kullum a kwance ya ganta, sai dai kuma abun mamaki a saman cilling ya hange ta tana ta kwasan dariyan dake fita tamkar na mutane goma, ga shi ɗakin yayi duhu sosai sai uban sanyi tamkar ƙanƙara
Da sauri likitan ya kunna wutan ɗakin yana me mamakin "ta ya ɗakin zai yi duhu bayan yanzu yamma ne ba dare ba?"
Can ya hange ta a sama tana yawo tana wannan dariyan me ban tsoro. Da sauri ya bar ɗakin don kiran sauran ƴan uwan sa
A time ɗin ne Daddy da Suhaib suka zo duba ta
Nan likitan yayi kiciɓis da su, sai ya miƙa musu hannu suka gaisa sannan ya kai su office ɗin sa ya ajiye su, sai ya fita ya bar su suka koma tare da wasu Doctors ɗakin da RAUDHA take ciki
Har a time ɗin tana saman tana shawagi tana wannan mahaukacin dariyan da yake karkasuwa da yawa, suna shigowa ta kallo su da idanuwan ta masu tsananin haske tamkar an ƙara musu haske, har wani walwali suke yi kamar an kunna tocila
Sosai likitocin suka tsorata da wannan al'ajabin, har za su koma sai ɗayan ya dakatar da su
Kamar ƙiftawar ido sai ganin ta suka yi ta koma ƙasa a yashe, gashin kanta ya rufe mata fuska duk ya barbaje
Shi babban likitan shi ya ƙarisa gaban ta ya yaye mata gashin kanta, sai dai da alamun ba ta numfashi, duk inda yakamata ya taɓa don jin tana numfashi amma alamu sun nuna ta sume ne, dama ta saba haka, sai tayi wajen kwana biyar tana barci, ko kuma ta dena numfashi gaba ɗaya, hakan na basu mamaki, amma basu alaƙanta hakan da komi ba, tunda gashi result ɗin su na nuna musu ƙwaƙwalwan ta ta samu matsala sakamakon ƙwayoyin da take sha, kuma koda yaushe suna mata gwaje-gwaje amma abu ɗaya suke gani, duk maganin da zasu ba ta still dai babu ci gaba.
Sake ɗaure ta suka yi da sarƙan, kafin suka soma aiki akanta, bayan sun gama suka fito daga ɗakin, likitan ya nufi Office ɗin sa da su Daddy ke ciki, yana shiga ya sake ba su haƙuri da zaman jiran sa da suka yi, sai da suka sake gaisawa sannan ya soma musu bayani, kamar dai ko yaushe babu wani ci gaba da ake samu
Gaba ɗaya ransu duk a matuƙar damuwa suke sauraron likitan, kullum abu ɗaya yake faɗa musu, duk kuma hanyan da zai kawo yace a gwada, idan an gwada ɗin abu ɗaya ne babu sauƙi, gashi kuma babu yanda za'a yi a fitar da ita wani ƙasan, nan kuma asibitin yana ɗaya daga cikin asibitin da yafi ko wanne ƙwararrun likitoci na masu hauka, da ba don haka ba da tuni sun sauya mata wani wajen, su yanzu har sun fawwala wa Allah komi, sabida kullum babu ci gaba
Ajiyan zuciya likitan ya sauke yana kallon su, sai da ya ɗan ja fasali kafin yace, "sai dai Ni akwai shawaran da nake so in baku idan babu damuwa".
"Menene likita? Ka faɗa ko wani shawara ne idan har hakan zai kawo samun lafiyan ɗiya ta, muna maraba dashi". Cewar Daddy da tsantsan damuwa a maganar sa
"Eh to Ni dai a haƙiƙanin hange na da nayi, ciwon ɗiyar ka ba na asibiti bane gaskiya, duba da yanda kuke ta wahala da ita, mu ma kuma muna yi wajen treating ɗin ta, amma kuma har yanzu babu ci gaba, sai kuma abinda ke ɗaure min kai a tattare da ita, musamman idan na je inda take, hakan yasa nayi tunanin tabbas ciwon ta akwai yiwuwar shafan aljanu a tattare da ita, ba wai zan ƙaryata cewa ƙwaƙwalwan ta be taɓu bane a sabili da shaye-shayen da take yi, tabbas hakane, sai dai kuma idan har akwai aljanu a jikinta, to, tabbas babu ta yanda za'a yi maganin da muke mata ya warkar da ita, duba da yanda aljanu suna irin hakan a jikin Mutum, zasu lafe su hana tasirin duk wani magani a jikin ta, haka za'a yi ta wahala da ita a kasa gane meke damun ta, ya kamata a gwada na Islamic tunda an kasa dacewa anan ɗin".
Daga Suhaib har Daddy zuba ma doctor idanu suka yi suna sauraren sa, har sanda ya dire bayanin sa babu wanda yayi yunƙurin magana, gaba ɗayan su sun tafi ga tunanin abinda ya sa tun farko ba su yi wannan tunanin ba. less less
_______📖 Sun daɗe a wajen likitan yana musu bayani, har yayi musu hanyar wani babban Malami dake garin Zaria, kuma sun amince zasu gwada ɗin ko Allah zai sa a dace.
Sai da suka duba RAUDHA kafin suka bar asibitin.
A cikin kwana biyu har an gama shirye-shiryen yanda zasu tafi da RAUDHA zuwa Zaria, tunda an rigada an sanar wa malamin kuma ya ce a kawo ta, gaba ɗayan su zasu yi tafiyan har Farida, tunda dama gida ne zasu koma shiyasa zasu tafi gaba ɗaya
Rayyan ya so ya bi su, sai dai yanayin aikin sa bazai bar sa ba, dole ya haƙura ba don ya so ba.
A jirgi suka isa Zaria, gidan Daddy suka sauka inda anan ne Malamin zai zo ya riƙa duba ta, bisa alfarman da Daddy ya nema a wajen sa, (Chemist) cibiya ce babba suke da shi a Zarian, wanda aikin su ne cire ma mutane aljanu
A ranan da suka zo, a ranan ne Malamin da zai duba ta shima ya iso gidan, a time ɗin RAUDHA na barci ne sabida alluran barcin da aka yi mata daga can asibiti, saboda samun sauƙin tahowa da ita
A tare da Daddy da Suhaib suka raka sa ɗakin da aka ajiye RAUDHA, sai da ya nemi abubuwan da yake buƙata wajen su, sannan ya zauna ya saka mata magani a cikin kasko, ta yanda idan har tana da aljanu dole zasu bayyana kansu idan turaren ya shiga hancin ta
Ilai kuwa, ana saka wa sai ta farka a firgice, gaba ɗaya zubo musu idanu tayi tana kallon su tamkar zata cinye su, sabida yanda ta waro idon nata waje, sai yamutsa fuska take yi tana cije baki
Malamin ta kafa ma idanu, wanda shima ita yake kallo, nan da nan idanun ta suka soma sauya kala zuwa ja, sai ta kawar da kai ta koma ta kwanta batare da ta sake ko motsi ba
Su dai su Daddy suna zaune akan sofa suna kallon ta, ko wannen su ya buga tagumi
Ajiyan zuciya Malamin yayi kafin ya kalli su Daddy yace, "tabbas yarinyan ka tana da aljanu a jikin ta, da alamu dai manya ne, saboda duk wanda na saka mishi maganin nan, dole ne su tashi a lokaci ɗaya su bayyana kansu, amma kuma ita ba haka ba, sai dai ta yanda ta farka ɗin nan, da kuma yanda idanuwan ta suka sauya kala, to, tabbas tana tare da su. Insha Allahu zamu fara aikin mu nan ba da jima wa ba idan abokan aikina sun zo, zamu fara mata ruƙiya ne su fara bayyana kansu, sannan mu san abun yi".
Suhaib da Daddy jinjina kai suka yi alamun gamsuwa.
Suna nan zaune Sai ga wasu Maza su kusan biyar sun shigo ɗakin
Malamin kallon su yayi yace, "su zauna su soma karatun".
Gaba ɗaya zama suka yi suka zagaye RAUDHA da har yanzu tana kwance idanu a rufe taƙi motsawa
Karatu suka soma yi da ƙarfin muryan su. sun daɗe suna karatun amma RAUDHA bata yi wani motsi ba, su kuma basu fasa karatun ba, sai da suka ɗau kusan mintuna talatin suna karatu kafin ta soma wani irin gurnani har yanzu idanun ta a rufe, hakan yasa suka sake dage wa suna sake ɗaga murya, nan da nan ta soma ihu tamkar wani ƙaton gardi, kukan yana fita ne kashi-kashi wanda baza ka gane na mutane nawa bane, kukan kawai take yi bata motsa ba, kuma idanuwan ta a rufe
Sai malamin ya tashi ya matso kusa da kanta, ya soma yin wasu addu'o'i yana tofa mata akai, yayinda sauran mutanen suka ci gaba da karatun Alqur'ani da iyakan ƙarfin su, idan suka zo wasu ayoyi na jinnu sai suna maimaita wa kafin su wuce
Addu'o'in da Malamin ke tofa mata, shi yasa ta buɗe idanunta da suka sake matuƙar girma tamkar ba nata ba, sun sauya kala zuwa kore, jajja-jajja, sai kawai ta soma ɓaɓɓaka dariya nan da nan ta tashi tayi sama tana shawagi, take ta tsaga wani uban ihu da ya razana su gaba ɗaya, ba su kaɗai ba gaba ɗaya gidan sai da ya amsa sabida ƙarar ihun nata. Babu shiri Daddy da Suhaib suka miƙe tsaye suna zazzare idanu sabida tsoron da ya shige su, ai nan suka soma addu'a jikin su na rawa, ga shi babu daman fita sabida Malamin sai da ya saka aka kulle ɗakin
Malamin kallon abokan aikin sa yayi, yayi musu nuni su ci gaba da karatun, yayinda shima ya ci gaba da karanto addu'o'i waɗanda zasu saka su bayyana kan su
Kuka ta soma yi sosai a wannan lokacin, sai dai babu hawaye amma gaba ɗaya idanun nata sun sauya kala, ko ɗigon fari ba'a gani, sai shawagi take yi a saman tana wani irin tururi tamkar ana dafa ta, hayaƙi sai fito wa yake yi a jikin ta
Karatun su ke yi, ita kuma tana ƙara yawan ihun nata, gaba ɗaya ta cika ɗakin da kuka ko karatun nasu ba'a ji.
Malamin sosai ya gane aljanun masu taurin kai ne akanta, sabida duk yanda suka yi karatun, sun ƙi yin magana sai kukan da suke yi, daga ƙarshe ma sai taci gaba da ɓaɓɓaka dariya, idan ta gaji kuma sai ta koma kuka, sun shafe wajen awa biyu ana abu ɗaya, sai daga baya da suka ji ayoyi na ƙona su, sun ji azaba na ratsa su sosai wanda baza su iya jure wa ba, sai ta faɗo ƙasa da ƙarfi ta kurma uban ihu, cikin ƙaton murya na gardi take cewa, "ku dena ƙona mu, ku dena ƙona mu, ku dena ƙona mu". Abinda take ta ambata kenan, har muryan ma ta koma tana faɗa ahankali sabida tsaban wahala
Gashi sun ƙi dena karatun
Sai ta koma kuka da hawayen ta tana roƙon su sosai
Nan malamin ya ba su daman dakata wa, sannan ya soma tambayan su "su wanene akan ta?"
Amma sai taƙi yin magana ta kafa wa Malamin idanu, idanun ta na zubar da hawaye
"Baza ku yi magana bane?" Cewar Malamin yana kallon ta shi ma
Sai ta ɓarke da dariya me fita muryoyi da yawa, nan ta miƙe da gudu tayi bakin ƙofa ta soma jijjiga ƙofan, kankace me ta kusa cire ƙofan, domin har ya ɓanɓaro tana shirin cire shi, nan suka yi kanta suna riƙe ta, tana bizgewa tana ihu, duk ta gama bibbige su
Su Daddy babu inda jikin su ba ya rawa, yau sun ga tashin hankali.
Daƙyar suka riƙe ta suka dawo da ita cikin ɗakin, haka suka soma kici-kicin kwantar da ita don su danne ta, amma sun kasa, sai ta fara zagin su tana musu gargaɗin "idan basu sake ta ba, sai ta halaka su"
Malamin ganin dai tana son fin ƙarfin su, sai ya ɗauki waya yayi kiran wasu daga cikin malaman su, sannan ya kalli Daddy yace, "idan da hali ku ƙaro mana mutane, sabida tana ƙoƙarin guduwa ne, kuma tabbas idan har ta fice a ɗakin nan da akwai matsala".
Jikin Daddy na rawa, ya umarci Suhaib ya kira masu aikin gidan maza su shigo
Dasauri ya fita ya kira su, sai ga su kusan su shida sun shigo
Nan Malam ya saka su duk suka taru wajen kwantar da RAUDHA, amma sun gagara, gaba ɗayan su sun kai su goma sha biyu kenan, amma sun gagara kwantar da RAUDHA ƙasa, ihu kawai take yi tana fizge-fizge, duk wanda ta samu ta mazge shi
Karatu suka ci gaba da yi suna danne ta tana kuka da ihu. Ba su yi nasaran kwantar da ita ba sai da wasu daga cikin malaman suka shigo, kusan su huɗu ne, Malamai ne su ma masu cire aljanu, tare suka dage daƙyar suka danne ta a ƙasa, suka hau karatu babu ji babu gani, sosai suka wahalar da ita, kukan ma wani irin kuka take yi tamkar na mage, gaba ɗaya tayi yaushi sai fitar da huci take yi, amma tsabar taurin kai taƙi magana.
Wani magani malamin ya samu ya fesa mata, take ta sandare tamkar ranta ya fita, sai kuma ta fashe da sabon kuka tana buɗe idanuwan ta daƙyar, ta hau roƙon sa wai "za su fita".
"Ƙarya kuke yi mugaye azzalumai, uban me tayi muku da kuka shiga jikin ta, ku ka wahalar da ita har haka, tsawon lokaci kun haukatar da ita, shin ku wasu irin mugaye ne, na ce uban me tayi muku ne?" Yaƙarike maganar cikin tsawa
Cikin kuka tana nishi tace, "wlh babu abinda tayi mana, kawai muna son ta ne, tayi mana ne shine yasa muka shige ta".
"Tayi muku? Dama akwai wani abun da ya haɗa jinsin mutum dana aljanu ne?"
Tari ta soma yi babu ƙaƙƙauta wa, gaba ɗaya idanuwan ta sun gama juye wa, sun ƙara tsananin ja har babu kyan gani
"Shin zaku sanar damu ne meyasaka kuka shige ta? Ko kuwa sai mun ci gaba da gana muku azaba?".
Shiru tayi taci gaba da tarin ta, yi take yi babu ƙaƙƙauta wa
Malamin kaɗa kansa yayi, kafin ya kalli sauran ya ce, "ku ci gaba".
Nan da nan suka ci gaba da karatun Alqur'ani, shima yana ci gaba da addu'o'i
Atake anan taci gaba da kuka tana shirin bige su ta gudu, haka suka danne ta sosai suka hana ta tashi, kuka take yi sosai tana ihu, har da su majinu, ta jigata iya jigata sai ta hau zagin su tana faɗin, "wlh idan basu sake ta ba, sai ta kashe su". Amma ko sauraron ta basu yi ba. Sun shafe tsawon lokuta suna karatun, kafin ta soma ba su haƙuri akan zata yi magana, amma malamin ya hana su dakata wa, sai da ta sha baƙar wahala ta sake yin yaushi sosai, ta yanda duk wani taurin kanta sai da suka yi maganin shi, kafin malamin ya saurare ta ya ce, "to ina ji zaku faɗa dalilin da yasa kuka shiga jikin ta ne ko kuwa sai na ƙona ku gaba ɗaya na kashe ku? Shin ku nawa ne ma ajikin nata?"
Cike da tarin wahala cikin wani irin babban murya tace, "muna da yawa a jikin ta, kuma Ni ne mijin ta, Ni na fara shiga jikin ta, sannan sai na jawo ƴan uwana su ma suka shiga jikin ta".
Jinjina kansa Malamin yayi kafin ya ce, "har ma ka zama mijin ta kenan, sannan saboda tsaban mugunta sai ka jawo ƴan uwanka suka shiga jikinta don ku cutar da ita ko?"
Girgiza kai ta soma yi tana hawaye, sai tayi shiru taƙi magana
"Ina jin ka zaku yi magana ne ko sai na ƙona ku?"
"Zamu yi Malam, zamu yi". Tafaɗa cikin mawuyacin hali tana juya idanuwa
"Kar ku sume mana anan, ina sauraron ka yi magana".
Shiru tayi tana rufe idanuwan ta tamkar ba ta numfashi
Malam ya sake watsa mata wani farin magani
Sai ta buɗe idanunta, sun koma fari a yanzu ɗin tamkar nata, cikin siririyan muryan ta da ya gama dishewa tace, "Daddy". Idanun ta akansa
Ai da sauri Daddy ya nufo wajen shima yana kiran sunan ta
Malamin ya dakatar da shi yana faɗin, "ba ita ba ce, suna son Raina mana hankali ne, ku muci gaba da karatun".
Karatun suka ci gaba da yi, sai ta soma kuka, sai da taji azaba kafin ta ce, "kuyi haƙuri don Allah, wlh baza mu ƙara muku taurin kai ba, duk zan faɗa maka abinda ya sa muka shiga jikin ta".
"To ina sauraron ku".
"Tun farko abinda ya fara jan hankali na akanta sabida ba ta ibada, sannan tana shigan banza, tana barin kanta a buɗe, shine yasa na kamu da sonta, kuma na shiga jikin ta, sai na jawo ƴan uwana muka shiga, sannan sai suka ɗaura mana aure dani da ita".
"Shin kai Musulmi ne ko kafiri?" Malamin ya sake tambayar sa
"Ni ba kafiri bane, amma ba mu Sallah, kuma tunda muka shiga jikin ta mu ke hana ta yin Sallah, tunda dama ba ta yi sai ta ga dama, wannan dalilin ne muka sake mayar da ita me wasa da Sallah, daga ƙarshe muka rinjaye ta muka hana ta Sallah".
"To tun yaushe kuke jikin ta?"
"Mun daɗe sosai, tun tana ƙarama".
Malam ya ce, "kenan duk ku kuke saka ta shaye-shaye har kuka samu damar haukata ta ko?"
"Wlh ba mu bane, amma dai mun san mun ba ta gudunmuwa, ko tana son bari sai mu hana ta, mu riƙa saka ta tana son sha koda yaushe".
"To yanzu meyasaka ka aure ta bayan kasan babu aure a tsakanin mu da ku?"
"Ai na ce maka ina son ta ne, tayi min ne".
Malam ya ce, "to yanzu zaku fita ne ko kuwa kun samu wurin zama ne baku da ninya?"
Shiru tayi tana ci gaba da hawaye
"Ina magana kuna ji na, muna son ku fita a jikin ta, ku bar ta ta huta tunda kun rigada kun azabtar da ita".
"Malam wlh ina ƙaunar ta, ita matata ce".
"To shine yanzu na ce ka sake ta ku fita a jikin ta, tun kafin in azabtar da ku".
Shiru tayi taƙi yin magana.
.
_To ya za'a kaya, shin za su bar ta ko kuwa?_ less less
_{Al'umma writers,Ƙungiya ɗaya Tamkar Da dubu Farin Cikin mu, mu faɗakar da Al'umma domin su Farfaɗo su gane gaskiya Al'umma sai Dan Al'umma ,Allah ya bamu Ikon fadakar da Al'umma}._
https://www.facebook.com/102282991949826
بسم الله الرحمن الرحيم...
*WAN NAN PAGE SADAUKARWA NE GA ƘUNGIYATA ABIN ALFAHARINA AL'UMMA WRITERS ASSOCIATION A QARQASHIN JAGORANCIN SHUGABA MAI GASKIYA DA AMANA ADALCI DA SANIN YAKAMATA (MOM SEEYAMA) SHUGABA MAI SON GANIN CIGABAN NATARE DA ITA, DA BAZARKI NAKE RAWA BAMANI KADAI BA HAR DA SAURAN MEMBERS, ALLAH YAQARAYI MIKI JAGORA YASA KIFI HAKA YAQARA MIKI BASIRA DA DAUKAKA HAFSAT A GARKUWA SON SO FISABILILLAH 💖💕💘💞*
```MASHA ALLAH MARYAM ISAH BK ANYI TARO LAFIYA AN WATSE LAPIYA, SUNAN YA" HAUWA,U {afnan} ALLAH YARAYA MAI SUNAN MAMANA YASA MATA ALBARKA ALLAH YA ALBARKACI RAYUWARTA DAMA SAURAN YAYAN MUSULMI BAKI DAYA, (MOMMY ISAH) ALLAH YA BAR KAUNA💞🥰```
4️⃣➡️5️⃣
....... Bai sauketa ko ina ba sai can kusa da gidansu, San nan ya kashe mashin yace" to alhamdulillah na kawoki gida lapiya ban sayar dake ba' murmushi tayi mai batare da tace komi ba` tafara tafiya. Au bazaki tsaya mugaisa ba? Sai taji maganar wata iri Dan tasan sun gaisa tun a makaranta, bata tsaya ba taci gaba da tafiyarta har ta isa gida. Haka rayuwa tafara tafiyar musu wasa wasa soyayya mai qarfi tafara shiga tsakanin Sadeeq da Zainab batare da kowa yasani ba, har Maryam bata fadama ba` ta bangaren Habib kuma babu Wani labari kuma yana matsama Baban shi da maganar amma shiru, Ranar wata alhamis Baban Zainab ya kirata yana fada mata cewar" Habib ya turo zancen Neman aurenta!! Kamar mafarki haka taji zancen Dan ita ko a lissafi bata ta6a lissafo Habib cikin jerin mazan da zasu zo suce suna sonta ba, duk da bashi da wata makusa inma aka duba da kyau yafi Sadeeq komi fari da kyau. Amma ita Sadeeq takeso! Shiru tayi har yagama zancen shi yaqara da tambayarta ko akwai Wanda kikeso? Kamar zata ansa sai kuma tayi shiru`( ga alama shiru yazame mata jiki kamar ASEE BEAUTY🤣🤣🤣🤣🤭 ) haka ta koma daki cike da tunani kala kala, washe gari sun tashi islamiya ta boyema Maryam dama yanzu haka take mata intanason ganin Sadeeq ` sai ta boye in Maryam tanemeta bata gani ba ta tafiyarta ita kuma ta nufi inda zata ga Sadeeq can bakin masallacin Dr bello. Sai su nufi inda suke tsyi suna hira, yauma hakan tafaru bayan sun zauna kan Wani dutsi` tafara fada mai abinda Babanta yace" kan maganar Habib. Sosai ya nuna damuwarshi akan magana tare da bata tabbacin cewa insha Allah shine mijinta ta kwantar da hankalinta, sama sama sukayi hirar ya rakata har kusan gidansu inda ya tabbatar ba Wanda zai gansu tare. Baban Zainab baisake maganar Habib ba haka ma Mamanta , amma sunata bincike kan halayyar Habib. Ta bangaren Zainab kuma yanzu hankalinta yafara tashi tunda taji Habib yashigo Neman aurenta! Tashiga matsama Sadeeq ya turo manyan shi inyaso sai tace shi takeso adaina zancen Habib. Amma intayi mai maganar sai ya kauce yana Yan kame kame daga baya sai ya canza zancen' amma duk da haka bata gani Dan tayi zurfi cikin son shi. Ranar da Mahaifin Habib yasake zuwa da maganar sai Babanta yace " babu komi su zo ayi tambaya, sosai Abba yayi murnar jin anba danshi wadda yakeso!! Haka sukayi sallama yaje yasanar da Habib yanda sukayi, Habib yayi murna sosai shima harda rungume Baban nashi" batare da sanin Zainab ba aka zo Neman aurenta aka kuma bayar. Bayan angama komi ne ake sanar da ita, aiko tashin hankalinta bai misaltuwa danko mutuwa akayi mata iyakar tashin hankalin da zata shiga kenan' ranar juma' a da misalin qarfe takwas 8:00pm yayi wankan shi cikin wata farar shadda hula da takalmi agogon hannun shi duka ja ne, yayi kyau sosai sai Wanda yagani daga nesa zakajiyo qamshin turarensa. Qofar gidansu yaje yatsaya tunani yake yanda zaiyi ya ganta ! Can Wani yaro yabiyo zai wuce, da sauri yakirashi " Dan Allah shiga gidan nan kace ana sallama da Zainab, ba adade ba yaron yadawo yace' ance wake nemanta? Kace Habib ne, yaron yadawo yace' ance tabata nan. Cikin mamaki yake kallon yaro har yaron yawuce shi sai kuma yadawo da kallon gidansu Zainab, inazata yanzu? Naga bata fita da dare? Ahaka ya juya ya nufi gida rai ba dadi. Sai da akayi kwanaki San nan ta fadama Sadeeq Cewar anbada aurenta ga Habib, cikin mamaki Sadeeq ke kallonta` yanzu abinda kikayi min ki kyauta? Kina ganin ni BAZAN AUREKI BA ne? Nan yashiga mafisar taci amanar shi taje anba Wani aurenta duk irinson da yake mata, hakuri tashiga bashi harda kukanta tanace mai" wallhi ba laifina bane kayimin uzuri ba ayi shawara dani ba, ajiyar zuciya yayi yana tunanin yanda zai bulloma lamarin... NIMA ANAN ZAN DAKATA SABODA QARQNCIN CAJI IN ANKAWO WUTA KO NASAMU CAJI ZAMU CIGABA👌🏿
_{Al'umma writers,Ƙungiya ɗaya Tamkar Da dubu Farin Cikin mu, mu faɗakar da Al'umma domin su Farfaɗo su gane gaskiya Al'umma sai Dan Al'umma ,Allah ya bamu Ikon fadakar da Al'umma}._
https://www.facebook.com/102282991949826
بسم الله الرحمن الرحيم..
```SADAUKARWA
WAN NAN PAGE NAKINE QAWATA INA ALFAHARI DAKE IRIN SOSAN NAN SO FISABILILLAH NA KUMA GODE DA COMMENT DINKI, KINSANI NISHADI SOSAI QAWATA QUEEN NASMER ALLAH YAQARA MIKI BASIRA DA DAUKAKA DA DUBUN MASOYA👏🏾🥰 ASEE BEAUTY NA KAUNARKI SABODA ALLAH DA MANZONSA S A W 🤍```
PAGE2️⃣➡️3️⃣
..... Kwana biyu da haduwarsu, bata sake ganin shiba kuma ko a hanya hakan bai dameta ba taci gaba da lamurranta. Saidai tanason sanin sakon da zaifada mata, kuma bata fadama kowa ba har Maryam ma. Inkagansu zakace sun kai shekara sha bakwai amma basu wuce sha dubu zuwa sha biyar ba, haka suke ta abubuwansu na rayuwa koyaushe tare suke duk inda zasu tare suke zuwa, yauma can nahango su suna tafiya akasa da alama inda zasu ba nisa amma ba cikin unguwarsu ne ba. Titin da zaikaisu bayan kara suka hau basu bata lokaci ba suka iso gidan, gidan wata yar ajinsu ce ta islamiya suna shiri da ita sosai' bayan sun gaida Mamarta akai kaisu har inda Ummin take ` qawartasu`Ummi lafiya kwana biyu bakizo makarantaba? Nagaji shine nace banida lapiya Dan kar inje" tana fada tana dariya!! Suka saki baki alamar mamaki suna kallonta, basu Dade ba sukayi mata sallama suka nufi gida. A hanya suka sake haduba dashi yauma kamar kullum yana zaune bakin masallacin Dr Bello` kamar bai gansu ba sai kuma yataso ya nufo inda suke tsaye, Habib ne Wanda ke tsalakar dasu titi ` kafin ya iso ma har sun tsallake abinsu, shima kuma yakoma inda yake ya zauna. Yau takama attanin akwai boko tunda wuri suka shirya suka fita, Habib da abin duniya ya ishe shi yau dai ya yanke shawarar zuwa yasami Baban Zainab yasanar dashi yanasonta! Sai kuma Wani tunani yafado mai' kodai in fadama Abba yaje da kanshi? Za afi daukar maganar da gaske , dafe ka shi yayi da hannu biyu kamar mai Wani dogon tunani! Can yace " yes haka za ayi bazan je da kaina ba wata kila bazai saurareni ba ma. Ahaka yasami Mahaifin shi da maganar , shiru Baban nashi yayi kafin yace" to naji maganarka kuma nayi murna da ita amma abinda nake gudu karsuce bazasu baka yarau ba, da sauri yad'ago yadubi Baban yace' Baba zasu bani insha Allah Baba inasonta kuma wallahi zan riqeta da gaskiya Baba yana maganar kamar mai jin tsoron kar ace ba abashi . Haka Baban shi ya shirya yanufi gidansu Zainab, Mahaifin Zainab Wanda suke kira da Baba qarami kasancewar shine qarami a gidansu asalin sunan shi Musa, bayan sun gaisa yake fada mai abinda ketafe dashi" Baba qarami yaji dadi sosai saidai ya6oye jin dadin nashi` yayi gyaran murya yace" to banqi maganarka ba amma kabani lokaci zanyi tunani akai Allah ya tabbatar muna da alherinsa, suka ansa da amin ` suka danyi hira kafin suyi sallama kowa yakama gabansa. Malam Haruna nadawowa gida yasami Habib zaune yayi shiru da alama yau ko girka baifita bama, jin muryar Baban yashi dawowa daga duniyar tunanin da yashiga! Baba sannu da zuwa ya kukayi dashi? bai gaisuwa ba komi sai tambayar yanda mukayi? To bansani ba' da sauri ya rungumi Baba yana dariya Baba yakira sunan shi, nasan dai inkina rai insha Allah babu abinda zai gagareni. Insha Allah Baba yafada tare da riqe hannun Dan nashi` amma sai ka natsu kazama mutum kadaina halayenka ba Dan niba Dan Allah kuma, insha Allah Baba karka damu wallahi zan dena nayi ma alqawari , bayan yashiga gida yasamu mai dakin shi da maganar' shiru tayi kafin tace" Allah ya tabbatar da alheri. Haka suka cigaba da binciken waye HABIB ya halinshi yake suwaye abokansa???? Duk wan nan basu fadama Zainab batasan anayi bama, shima kuma tunda Manya suka shiga maganar sai ya daina qoqarin tsallakesu titi in ma yagansu zaiyi kamar bai gansu ba` AYA DUK NAMIJIN DA KESONKI DA GASKIYA BAZAI TAREKI A TITI KO HANYA BA ZAIJE GIDANKU KO YA TURA MANYANSHI MUYI HATTARA👌
Inna Saudi tashiga maqota suna hira ita da qawarta , sai taji yaran gidan yan samari suna ta surutu` shiru tayi danson jin abinda suke fada taji an kira sunan Habib da alama Wanda keson zama surukinta ne' sai tajiyo muryar Wani nacewa" wallahi ko jiya naganai. Sai kuma sukayi shiru kamar ance suyi, Bataji abinda takeson jiba haka tanufi gida.Yau Maryam bata ji dadin jikinta ba hakan yasa bataje makaranta ba` Zainab kadai ce ta tafi, antashi makaranta tana Neman mashin sai kawai ta hango Sadeeq tafe` batayi tunanin komi ba dan bata masan wurinta yazo ba komi oho, can taji yakira sunan ta` gaishe tafarayi' kafin yace ina qawarki yau?? Tana gida batada lapiya, ayya Allah yabata lapiya zo inkaiki gida' ah ah tafada" ah ah Zainab? Wai meyasa kike min haka? Nagane baki sona shiyasa kuma na gode, kamar yayi fushi zai wuce sai kuma yace" ki hau koda shi zai zama nafarko na qarshe. Bata da niyar hawa amma ba yanda ta iya dole ta hau suka tafi. Suna tafiya yake fada mata iron son da yake mata " Sadeeq mutum ne da ya iya bakin shi indai wurin magana ne da tsara zance yana sahun gaba` da haka yake saye zuciyar yan mata musamman irin Zainab da zuciyarta batada qarfi.
ANAN ZAN DAKATA SAI KUMA GOBE IN ALLAH YAKAIMU ZAMUCI GABA😇
ALLAH KASHIRYA MUNA ZURIAR MUSULMI ALLAH KA KAWO MUNA ZAMAN LAPIYA A JAHAR MU TA KEBBI DA SAURAN KASASHEN MUSULMI ALLAH KA DAUKAKA MUSULUNCI DA MUSULMI🤲🏾🤲🏾
_{Al'umma writers,Kungiya daya Tamkar Da dubu FarinCikin mu mu fadakar da Al'umma domin su Farfado su gane gaskiya Al'umma sai Dan Al'umma ,Allah ya namu Ikon fadakar da Al'umma}._
https://www.facebook.com/102282991949826
بسم الله الرحمن الرحيم...
```Dukkan godiya ta tabbata ga Allah maɗaukacin sarki mai kowa mai komai, ina ƙara gdy a gareka da ka bani ikon dawowa a karo na barkatai yadda na fara lfy Allah kasa na gama lfy.```
*DEDICATED TO NAFEESA ALEEYU ARGUNGU ( MAMAN UMMUL SALMA) KIJI DADINKI MAMAN SALMA WAN NAN PAGIN FARKON DAKE YAFARA🥰💃🏿💃🏿*
PAGE1️⃣
*...* Wasu yara na hango bakin titi, bakin garkar SARKIN ZABARMAWA suka tsaya suna jiran motoci su raqe sukuma su tsallaka. Saye suke da kayan islamiya kalar ruwan kasa mudu duhu sosai hijab ne har kasa da kuma riga da wando ciki sai jakarsu ta kowace ta rataya tata" sunfi minti goma wurin basu samu tsallakewa ba sakamakon titin babban titi ne, Wani Dan saurayi da bazai wuce shekara sha bakwai ko sha takwas ba shi na hango yana nufo inda yaran suke tsaye inkangashi tare dasu kamar qannenshi. Gaishe shi sukayi , San nan yariqa hannunsu ya tsallakesu. Da alama dai yasansu` basu tashi makarantar ba sai qarfe shidda 6:00pm, lokacin kuwa titin yacika tab da motoci da mashin dama duk Wani qarfe da ake tukawa. Ba yaro ba ko manya sai sunyi da gaske zasu iya tsallake titin, ahaka suka qaraso har bakin titin sukayi tsaye suna kallon motocin dake wucewa,har aka fara kiran sallar magrib suna wurin tsaye. kamar ance dashi ya juyo sai yahango su tsaye kamar yanda sukayi dazun, baije inda suke ba sai ya shiga tsakiyar titin ganin yara yan makarantar dazasu tsallaka sunada yawa` nan yashiga tsayar da motoci har saida yaran suka gama wucewa kafin shima ya tafiyar shi inda zashi.ahaka suka saba kullum shike tsallakar dasu titi in motoci sunyi yawa Wani lokacin kuma suke tsallakewa da kansu. Sundawo daga islamiya suna tafiya naji dayar takira sunan dayar, tanacewa" wallahi zainab bazan sake jiranki ba tunda ke Baki da sauri kullum sai naje gidanku in sameki ko wanka bakiyi ba, tana maganar cikin fushi . wadda aka kira Zainab tace" kiyi hakuri Maryam insha Allah zan dena dade banshirya ba, tafadi hakan tana jawota jikin ta` sai da suka kusa shiga gidajen su San nan sukayi ma juna sallama. Haka Zainab da Maryam sukeyi kullum tare suke fita islamiyarsu daya makarantar bokon su ma haka inkagansu kamar yan Biyu, sunatafi suna sauri zasuje kasuwa yau ba ranar karatu ceba Dan haka sukaji dadi sosai da ba a zuwa makaranta, nan ma suka kasa tsallakar titi Wani matashi da bazai wuce sa an Wanda ke tsallakesu ba yazo yafaka da mashin dinshi gabansu`yan mata ina zaku? Suka dubeshi atare' Maryam tayi tsaki ta koma gefe, ita kuma Zainab tace"kasuwa zamu. Kuzo in akaiku ko? Ya tambaya` Zainab tayi saurin juyawa ta dubi Maryam sai taga har tayi nisa da tafiyarta. Karki damu zo inkaiki kinji? Ah ah Mama na tace kar in haumashin d'in kowa in nahau ma Maryam fadi zatayi, shiru yana tunani ganin babu yanda zaiyi sai ya wuce yabarta. Da sauri da gudu ta iske Maryam da har ta kusa shiga kasuwar` Wallahi sai nafadama Mama ( mamar Zainab) kinsan tace ko Wani ya tsayar damu kar mu tsaya ko? To yau sai nafada mata. Ranar ya tsayar damu natafi nabarki nace zan fada kikace inyi hakuri yau ba hankurin da zaki bani karma ki bata lokacinki" haka sukayi sayayyarau suka nufi gida. Bayan kwan biyu Maryam kamar yanda tace zata fadama maman Zainab haka kuwa akayi fa kwashe duk ta fada mata, saida tafara da ja mata kenne kafin tasa bulala tazane mata jiki Tass Dan gobe karta sake. Ahaka rayuwarsu tafara Zainab da Maryam ko sunyi fada zakaga sun shirya, basu kuma sake tsayawa ahanya ba idan Wani yakirasu koda kuwa da sunan zai aiki sune, Dan ko Zainab zata tsaya Maryam bataza tsaya ba haka yasa basa tsayi su dukansu. Sadeeq wani yaron unguwarsu ne shine kuma Wanda ya tsayar da Zainab har Mamanta ta daketa. Yafito daga gidansu yana tafiya can ya hango Zainab' da murmushi afuskar shi , yakira sunanta bata ansaba bata kuma tsaya ba data niyar tsayawar kuma. Da sauri da sauri yasameta har inda take yana maida ajiyar zuciya, Zainab mai tawayen suna!! Yakike? Inazaki haka cikin rana? Shiru batace komi ba` muje in rakaki to tunda bazaki ansa min ba" ah ah kabarshi nagode' ah ah Zainab indai bakiyi dani insani inkama gabana, nagode zanje gida kar ajirani. OK bani number ki anjima zankiraki ` bani da waya, bakida waya? Eh in nasaya miki kinaso? Zaro ido tayi cikin tsoro tace " ah ha wallahi kasheni Mama zatayi. Yanda tayi maganar yagano irin tsoron da take ma Mamarta ta. OK ba damuwa amma zuciyata na dauke da Wani sako zuwa gareki da fatan zaki bani damar Isar da wan nan sakon? Murmushi tayi ta cigaba da tafiyarta. Bai kuma sake binta ba shima ya juya gudun kar Wani yagansu tare` NIMA ANAN ZANDAKATA KAR RUWAN BIRONA SU QARE.🥺
SAI NAGA YANDA KUKA KARBI LABARIN KAFIN INCIGABA👌🏿
MASU BINA BASHIN LITTAFI DAN ALLAH KUYI HAKURI WALLAHI BAN MANTA KUBA DAN NASAN HAKKIN WANI BAI CIYUWA GA WANI PLZ KU QARA HAKURI INSHA ALLAH BA DA DADEWA BA ZAMU FARA👏🏾👏🏾
_{Al'umma writers,Kungiya daya Tamkar Da dubu FarinCikin mu mu fadakar da Al'umma domin su Farfado su gane gaskiya Al'umma sai Dan Al'umma ,Allah ya namu Ikon fadakar da Al'umma}._
بسم الله الرحمن الرحيم...
WAN NAN PAGE SADAUKARWA NE GAREKU MASOYA NAKUSA DA NA NESA ALLAHU YABAR QAUNA KUMA KUSANI INA MUKUSO IRIN WANDA BAICANZAWA BAI KUMA QAREWA SO DOMIN ALLAH DA MANZONSA 🤝🏼INA GODIYA DA COMMENTS DA KUMA ADDU,O'INKU ALLAH YABIYA MUNA BUKATUN MU NA ALHERI YASADAMU CIKIN CITEON ANNABI S A W🤍🤍
PAGE2️⃣5️⃣➡️2️⃣6️⃣
ON 14 DECEMBER 2020
..... Baishigo gidan ba sai kusan qarfe goma, kafin yashigo tayiwa Yaranta wanka ta shiryasu cikin kayan bacci. Dakinta yafara shiga ya tarar ta shimfide Yaran itama ta kwanta` da alama ba bacci takeyi ba. MUFEEDAH yakira sunanta" bata ansa ba bata kuma nuna tajishi ba, bai qara kiranta ba yanufi nashi dakin.sai da yayi wanka yashirya cikin kayan baccin shi San nan yanufo dakinta. Gefen gado yasamu wuri ya zauna` MUFEEDAH!!! Yakira sunanta" Dan ki ansa min wallahi zuciyata na dauke da abubuwa da yawa ciki harda nadama da kuma tarin DANASANI." Saida naji kamar banji shi ba sai kuma nayi Wani tunani natashi nayi zaune, ganin nazauna ne yasashi tashi yazo inda nike shima ya zauna. "Sannunku da dawowa ya gajiya?? Ya tambeni" lapiya qalau alhamdulillah na fada'" "MUFEEDAH Dan girman Allah ki yafemin laifina " wallahi nayi NADAMA fiye da tunaninki nagane ba laifin da kikayi min sharrin shedan ne da kuma SON ZUCIYA ! Amma wallahi nayi NADAMA, ina kuma Neman yafiyarki Allah yasa zaki yafemin??" Tunda yafara maganar shi nake binshi da Wani kallo Wanda na keson gano gaskiyar abinda yake fada. Cikin maganar shi banga alamar akwai abinda yayi kama da qarya aciki ba" amma banjin zan iya yafe mishi cikin sauqi ba duk dacewa ni ba mutum ce mai riqe Abu arai ba. Jin nayi shiru yasashi sake kiran sunana Wanda yanzu na lura yafi komi sauqi awurinsa, jin kukan Hassana yasa shi saurin tasowa ya daukota yana lallashinta` saida yaga tayi shiru kafin yabani ita in sake shimfide ta, haka muka kwana batare da nace na yafe masa ba. Kwanaki sunja kullum kuma sake sabon salo Aliyu keyi Wanda har nafara jin inasonshi! Musamman yanda yake kulla da Yaransa. Sai naji kaina da sakin jiki dashi da kuma zama tare muyi hira` zaune muke muna hira yanata famar dariya" inata kallon shi Dan ni yanzu yadaina bani mamaki nagane yasauko daga kan dokin da ya haune, yauwa dama jira nake inji kince kinyafe min sai inbaki labarin rayuwata. Cikin son jin labarin nace ai nayafe maka tun ranar da na haifi su Hussaina. Baki bude yake kallona yace' "kika haifesu yaushe? Naga kamar likitoci suka cirosu ko? Kodai namanta ne?" Dariya nayi Dan yanayin da yayi tambayar cikin sigar jam magana ne. Yauwa inajinka nidai" nima haka yafada, kinga bari anjima yau ba maganar bacci hirar da zumuyi kenan. Allah yakaimu` gida yayi sallar magrib har aka kira isha' naga baida niyar zuwa masallaci" Abba anakiran sallah fa, "gida zanyi sallah yafada." Nadawo kusa dashi na zauna saboda mi bazakaje masallaci ba? Kawai dai ` ah ah saikatafi gaskiya' banqara magana ba yatashi yafita. Yau kamar kullum saida muka gama cin abinci Balkisu ta dauki na Ahmad taje kaimai bayan ta dauki Hassana taje da ita. Indai tana gida to Hassana na wajenta na lura sunfi ji da ita akan Hussaina, "Zo ki tausa min qafata ciyo take min"' saida yace "ya isa haka" San nan nabari, "yanzu kai nake saurare!! Tashi yayi zaune yana qaremin kallo uwayen son gulma to bazan fadaba" yanda yafadi maganar tasigar tsokana yasani shigewa jikin shi ina rama dukana da yayi, muna dariya, to yanzu dai kibari gobe ba inda zanje sai muyi labarin. Yafada yana rufe ido alamar rashin gaskiya, shiru nayi na hade rai kamar zanyi kuka` sai kuma yajawoni jikin shi zo zanbaki labarin yana murmushin dake qara mai kyau da qwarjini.
***************************WAYE ALIYU AHMAD DA KUMA BALKISU???? DUK ZAKUJI ANSAR WAN NAN DAMA SAURAN LABARIN KUBIYONI DAN JIN YANDA ABIN YAFARO ASALI👌🏿
ANAN ZAN DAKATA SAI KUMA GOBE IN ALLAH YAKAIMU DA RAI DA LAPIYA ZAMUCI GABA🥱
*LITTAFINA NA KUƊI NE. TURO 300 DOMIN samun damar KARANTASHI. Ko ki turo 1k domin shiga SP Group, inda zaku samu posting fiye da na 300. Ayyah Ƴan SPG bana son katin, turo dubu ɗayan ta asusuna na, 0005388578 Jaiz bank Aisha Aliyu Garkuwa, sai ki turo shaidar biyanki ta layina na 09097853276. Kuma masu 300 in dai kinada damar turawa ta ac tura,in kuma baki da dama to turo katin mtn na ɗari ukun ta layina na 09097853276, ba hoton katin zaki turoba, numbers ɗin zaki kofa ki turon*
```ALHAMDULILLAH MASU NEMAN TSOFFIN LITTATAFAINA, NA SAMESU GABA ƊAYA, SAI RIGAR KOWA NE BAN SAMUBA. IN KINASO KIZO DA KATIN MTN NA ƊARI UKU kacal IN BAKI DUK LITTAFIN ƊAYA DA KIKESO, A CINSU.ƳAR FULANI, MU'WASMITI, NAMIJI BAYA KAƊAN, A TAUSAYAWA JUNA, BANDIRAWO, RUBUTACCEN AL'AMARI, HUKUNCIN ALLAH, NAKASA BA KASAWA BACE, DA KUMA GARKUWA.```
"Sheykh Jabir Habibullah Nuruddeen Bubayero Joɗa ne.
Doctor Jabeer Habibullah Nuruddeen Bubayero kenan. Ina nufin GARKUWAN FULANI".
Da mamaki a fuskokin su sukace.
"Astagafirullaha. Bawan Allah ashe sauri yake ya rigamu kada muje muyi ta jira".
Kai mutumin ya jinjina musu tare da nuna motoci biyu wanda Jalal da abokanshi ke ciki, wanda kiɗan dake tashi cikin motocin ya cika ko ina, a hankali yace.
"Wannan kuma Jalaluddin kenan ƙanin Sheykh Jabir Habibullah Nuruddeen Bubayero".
Dai-dai lokacin kuma motocin su Jalal keta gilmawa suna bin bayan nasu Sheykh da azaban gudu har kamar zasubi ta kan motocin gaban nasu, cikin mamaki mutanen sukace
"Ikon Allah to wannan saurin duka na menene? shi kuma".
Kai ya jinjina musu lokacin da yake rurrufe kayayyakin shi dan shima shirin tafiya masallacin yakeyi cikin yin ƙasa da murya yace.
"Kuyi a hankali kada ya jimu domin takadirinin yarone, saurin da yakeyi kuma, yasan muddin Sheykh bai gansu a masallaci ba ranshi zai ɓaci".
Cikin nisawa mai Napep ɗin yace.
"Kai masu saida kaya a titi iyayen gulma, dasa ido to kai ina kasan su haka?".
Da
Murmushi mai lemun ya ɗanyi tare da cewa.
"Wallahi sam ba gulma bace, akwai ƙaninshi Jamil abokin tagwaicin Jalal ɗin mutumi nane yakan tsaya a nan in zai shiga gari, kuma yanada ɗan karen surutu da fara'a shiyasa na sansu, akwai randa yana tsaye a nan yaga Jalal ɗin ya wuce a guje shine yayi dariya yace.
"Hege mai komaɗeɗɗiyar fuska bosawa Sheykh ne ke nemanshi shine yake gudu kamar zai tashi sama".
to nan ya ɗan bani labarinshi. Kuma Sheykh ɗin da kanshi akwai shekarar da yayi azumi a garin nan yakan sayi kaya wurina, wani lokacin
Shiru sukayi tare da zubawa motocin idanu.
ganin sunata gilmawa, saida suka wuce gaba ɗayansu.
Sannan sauran al'ummar gari suka fara biyo bayansu.
Mafi akasari ababen hawan dama mutanen dake tafiya a ƙafa kab masallacin Masarautar Joɗa ba fadan jihar suka nufa wanda tuni Sheykh ya isa har yanata gabatar da Hudubar jummar sa mai taken, mu tsaida salla a lokacin ta.
A can cikin masallacin Masarautar Joɗa kuwa tuni al'ummar Annabi sun cika sunyi maƙil tako wacce kusurwa jama'a ne saffan-saffan suke shigowa,
yayinda cikin masallaci yayi maƙil har harabar masallacin ma ya cika tab da muminai salihan bayin Allah.
Kusan a guje wasu ke shigowa sabida lokaci na gab da ƙure musu domin bisa dukkan alamu an kusa ƙare Huɗubar.
Duk da tarin mutane manya da yara, amman sabida ladabi irin na addinin musulunci addinin mafi karamci da tsari, shiyasa baka jin motsi ko sautin kowa.
Sai wata iriyar zazzaƙar murya mai tsanani daɗin ji da sauraro da iya sarrafa harshe, cikin nitsuwa da iya laffazi muryar Sheykh Jabeer Habibullah Nuruddeen Bubayero ke tashi yayinda yake ratsa zuciya da jiki da Kunnuwan dukkan muminin dake sashin da sautin muryarsa ke kaiwa.
A can cikin masallacin yake a fili na musamman wurin da aka ware domin Limami,
Yana tsayene bisa sawunshi ya fuskanci tarin bani Adam dake cike maƙil a wurin.
Kekyawan matashine mai tarin kwarjinin da haiba mai firgita magautanshi,
Sanye yake cikin shiga ta al'farma shigar dake nuna nasabarsa ta wanne sashi,
Wani datsetstsen yadin Getzner ne fari ƙal-ƙal wanda yasa riga da wondo,
Kana sai wata hamshaƙiyar al'kebba dake nuni da nasabarsa mai tarin ilimin addini da kuma alaƙantuwa da jinin sarauta,
Wani irin rawani ne ke murze a kanshi wanda jelanshi ke kwance a gadon bayanshi.
Farar fuskarsa dake zagaye da tattausan saje baƙi ƙirin mai fitinenne sheƙi da ɗaukar ido,
Ne yayi matuƙar kara mishi ƙwarjini sai tsabtataccen gemunshi da bazai gaza kamu ɗaya ba.
Cikin rahama da nimar da ubangiji yayiwa laraba ta baiwar iya sarrafa harshe da tausasan laffuza, yake gabatar da Hudubar jummar da yakeyi.
Wanda yana bayayi ne da jan hankali kan girma da darajar salla da tsaida ita a kan lokacin ta.
Shiru mutane nen ya ƙara tsananta ne a lokacin daya fara tsorotarwa a kan illloli da masifun dake bibiyar mai wasa da salla.
Shiru masallacin da farfajiyar sukayi baki ɗayanshi sai sautin A/C da kuma sauƙar numfarfashi mutane da shessheƙan kukan da wasu salihan bayin Allah sukeyi sabida yadda wa'azin ke ratsa jiki da zuciyar mai imani.
A hankali yasa hannunshin ya gyara zaman al'kebbar jikinshi tare da gyara abin sautin maganar dake saƙale a wuyan al'kyabbar jikinshi.
A hankali ya lumshe idanunshi kana yayi ƙasa da kanshi cikin yanayin nitsuwarsa ya buɗe jajayen laɓɓansa cikin zazzaƙan sautin muryarsa yaci gaba da cewa.
"Ya ƴan uwana musulmai muji tsoron Allah mu tsaida salla, domin itace forkon, abin bincika a cikin aiyukanmu.
Kada muyi wasa da salla a cikin dukkan halin da muke ciki.
Domin hukuncin mai wasa da salla hukuncine mai girgiza zuciyar dukkan mai mutuwa".
Kanshi ya ƙara rusunarwa sabida tarin manyan mutane daddatawa dake gabanshi waɗanda da yawa sunyi jika dashi wasu kuwa sun haifeshi, cikin tausasa lafazi yaci gaba da cewa.
"Hukumcin mai wasa da salla lokuta biyar ɗin nan.
Duk mai wasa da salla, za'a ɗebe al'barka a rayuwarsa.
Ƴa yan uwana mene amfanin rayuwar da babu al'barkan Allah a cikinta, babu.
Kana duk mai wasa da salla za'a ɗauke kamala ta mutanen kirki a fuskarsa, ya zamana baka da kamala da daraja a idanun al'ummar duniya.
Sannan muddin baka tsaida sallaba dukkan wani aikin da zaka aikata Allah bazai baka ladaba.
Kana dukkan addu'o'in da zakayi baza'a ɗaukakasu zuwa samaba.
Kana bazaka kasance daga cikin addu'o'ina salihan bayiba matuƙar kana wasa da salla".
Sassauta muryarsa yayi cikin yanayinshi na tarin kamala ya ɗan nago kanshi wanda dai-dai lokacin kuma ya hango ƙaninsa Jalal yana shigowa cikin harabar masallacin.
Kanshi ya kauda kana yaci gaba da cewa.
"Akwai uƙuba uku lokacin mutuwar dukkan mai wasa da salla.
Na ɗaya duk mai wasa da sallah zai mutu a matsayin matsiyaci gafalelle.
Na biyu
Zai mutu yana jin yunwa.
Kana na uku
Dukkan mai wasa da salla zai mutu yana tsananin jin ƙishi.
Ƙishinda koda za'a bashi ruwan ƙoraman duniyar nan baki ɗaya bazai gusar masa da wannan ƙishinba.
Kana duk mai wasa da salla akwai uƙuba uku dake jiransa a ƙabarinsa.
Za'a ƙuntata masa ƙabarinsa ya tsuƙe ya matse har sai ta kai matsayin da haƙarƙarinsa na dama ya haɗe dana hagu.
sannan kuma. Za'a saka masa garwashin wuta a cikin ƙabarinsa yayi ta juyawa a cikinsa ba dare ba rana.
Na uku. Za'a saka masa wata macijiya mai suna Shuja ul Qara,u wacce ta kasance ne ɗaya daga cikin macizan wuta.
Ida nunta na wutane. Farshenta kuma na baƙin ƙarfene.
Tsawon ko wani farcenta ɗaya tsawon tafiyar wuni ɗaya ne.
Zatayiwa mamaci magana, da muryarta mai tsawa da amo mai firgitarwa, zatacewa mamaci mai wasa da salla yayin rayuwarsa cewa.
(Ubangijina ya umarceni inyi ta saranka tun lokacin sallan asuba har zuwa azahar, daga azahar har suwa la'asar daga la'asar har zuwa magriba daga mangriba har zuwa isha'i daga sallan isha'i har zuwa wayen gari asuba.
Duk sara ɗaya da zaiyima mai wasa da salla har ya mutu bai canzaba zai nitse cikin ƙasa anayi mishi azaba, bazai gusheba anai mishi azaba har tashin al'ƙiyama.
Allah ya tsaremu.
Uƙuba uku lokacin fitowarsa daga ƙabarinsa itace.
Na ɗaya hisabi mai tsanani.
Na biyu. Fushin Ubangiji.
Na uku. Shiga wuta. Allah ya tsaremu ya bamu ikon kiyaye salla da tsaidashi a kan lokacinsa, yaku taron matasa kune shagala tafi auranku, mu dage mu tsare salla duk rintsi".
Ya ƙarishe maganar cikin rauni da kushu'i.
Gaba ɗaya kowa jikinsa yayi la'asar musamman matasa masu wasa da salla,
Jin ya juya yayi gyaran murya ne.
Yasa gaba ɗaya kowa ya mike ya fuskanci gabas masamar lada.
Cikin nitsuwa da tattausan harshe yake rare karatun al'ƙur'ani mai girma.
Lokacin da yake limancin sallan jumma'ar da a ƙalla yana samu halartan mutun sama da Dubu biyu.
Bayan anyi salla raka'a biyu kamar yadda yazo a nafsi, akayi addu'a aka shafa kana, mutane suka fara firfita daki-daki.
Bayan 30 minute shal cikin masallacin.
Dan gaba ɗaya kowa ya nufi wurin lamuran yau da kullum ɗinshi sai mutanen da ba'a rasaba wanda su sai dare zasu bar cikin masallacin.
Sarki Nuruddeen Bubayero Joɗa, ne tafe a hankali cikin irin takunsu na sarakai,
Yayinda Jikinsa mafi soyuwa a garesa ke gefen damanshi,
fadawane ke biye dasu a baya, sun zagayesu,
Sai kuma bayansu can kuma Ayarin fadawan Jalal da Jamil ne wanda suke tagwaye ƙannen Sheykh Jabeer.
shi kuwa Malam Jabeer taku yakeyi a hankali cikin rashin nuna ɗagawa a kan doron ƙasa, tafiyar yake tamkar yana tausayawa ƙasar yayinda mutane kuwa ke kallon hakan a matsayin ƙasaitace da jinin sarauta dake yawo a sasan jikinshi.
Suna tafene a tare yayinda bakin Sheykh Jabeer ke motsawa a hankali hankali, wanda sai ka lura kake gane, tasbihi yakeyi a zuciyarshi wanda hakan ya zame mishi abin ci da sha a rayuwarshi.
"Astagafirullaha wa'atubu ilaik, Astagafirullaha! Astagafirullaha!! Subahanallahi! Walhamdilillah wa lailaha'illalahu Allaahu akbar. Astagafirullaha".
Waɗannan sune kalamen da basa rabuwa da bakinsa, dama wasu masu tarin yawa.
Ta ƙofar dake shiga masarautar daga jikin masallacin sukabi.
Masarautar Joɗa babbar masarautace mai tarin girma tarihi.
Ginin Masarautar ginine mai masifar kyau da ɗaukan hankali.
Kana shiga daga asalin babban gate ɗin fadar, zaka samu wata shimfiɗeɗɗiyar hanya mai girma irin mai guda biyun nan, gefe da gefen hanyar duk wasu irin dogin fulawowi na mijin kwanda ne masu tsawo da kyan gani,
sai kuma tsakanin titunan, shima jerin dogayen bishiyoyin ne.
Tafiya mai ɗan tsawo, zakayi kafin, ka isa wani babban Round about mai masifar kyau, wanda cikinsa ke ɗauke da babban kwarya a ƙasa, sai kuma ƙananan kware, guda uku, sai kuma ginin mutum-mutumi na kekyawar saniya fara mai ɗigo-ɗigon baƙi, wanda mace ke tsugune a gefe kamar tana tatsan nono sai kuma ɗan saurayi matashi na riƙe da sanda ya coge da ƙafa ɗaya.
Sai kuma korayen ciyawi masu masifar kyau da sanyi wanda akayi alamun manomi na ciki.
Daga nan ne hanyoyin cikin masarautar suka rabu huɗu, ɗaya yayi gefen dama ɗaya yayi gefen hagu ɗaya yayi gabas ɗaya yayi yamma wanda ta nanne ake shigowa.
In ka miƙe ta yamma daret itace titin da zai sadaka da asalin sashin Sarki Nuruddeen Bubayero Joɗa wanda nan sashin matanshi da hadimanshi yake da sashinshi dama faɗar duk nan take.
In kayi gefen dama kuwa wasu irin tsala-tsalan gine gine-gine masu tsananin kyau da ɗaukar hankalin wanda suna nan part-part ne masu girma da tsaruwa, an ƙawata tsakiyarsu da wani sassanyan Garden mai girman gaske.
Inda part ɗin sun kai goma, mafi kusa da sashin mai martaba sarkin Nuruddeen Aliyu Bubayero, shine sashin GARKUWAN FULANI, wato Sheykh Jabeer Habibullah Nuruddeen Bubayero.
Sai kuma na gefen daman Sheykh Jabeer shi kuma na Jafar Habibullah Nuruddeen Bubayero ne, da matarsa Juwairiyya.
Sai na gefen hagunshi kuma na Jalal, ne na kusa da Jalal da kuma na Jamil ne sai dai Jamil yafi zama a sashin Jalal duk da korarshi da yakeyi wasu lokutan kuma lokacin kuma yana sashin Sheykh.
Sai sashin baya kuma sashin Affan.
Daga gefen hagun Masarautar kuwa wasu tamfatsa-tamfatsan plat ne masu girma har guda huɗu, sai kuma wani babban bene dake tsakiyarsu mai tarin girma wanda nanne sashin babban ɗan sarki Habibullah da matanshi.
Sai ta gefenshi can kuma wasu manyan part- part ne kimanin guda biyar wanda duk ƙanne shi ne da iyalansu da ƙananan yaransu a ciki.
Yayinda duk manyan yaransu kuwa kowa nada part ɗin shi a gefen da part ɗin Sheykh yake a ƙalla dai Part ɗin cikin masarautar Joɗa sun kai hamsin da biyar.
Can wurin mashigar kuma wasu ƴan saffan-saffan part-part ne wanda bisa dukkan alamu duka na bayine da hadimai da matansu.
Tsayuwa fasalta cikin ko wanne sashi na masarautar bazai yiwuba, sai a hankali.
Sai dai ko wanne part yanada Garden mai ɗan girma, wannane yasa gaba ɗaya masarautar ke zagaye da korayen fulawowi da bishiyoyi masu kyau.
Fentin masarautar gaba ɗaya iri ɗaya ne, Sky blue and white, mai ɗan karen kyau, a mahaɗar sashukan kuwa wani irin tamfatsetsen sweeminpool mai girma wanda ruwansa ke sky blue.
Can bayan sashin Mai martaba da Sheykh kuwa wani ƙaton filine mai cike da dawakai, da sashin mai rainonsu, gefe ɗaya kuma raƙuma da shanaye ne da makiyaya su, kana ga tumaki, a gefen Sheykh Jabeer ne kuwa akayi wani ɗan madai-daicin gidan zu ta bayan ɗakunan shi wanda yake da tarin tsuntsaye kamarsu, Ɗawisu, jimina, mikiya, agwagin ruwa, tolo-tolo, tattabaru, kana sai Aku. Da sauran tsuntsaye carki, kurciya, hasbiya, caccagi da-dai sauransu, shiyasa sashinsa ya kasance namusamman, don Garden Park ɗin ciki yafi na sauran part ɗin duka girma da kyau, sabida shine asalin Garden ɗin tarihin masarautar Joɗa.
Daga nan mashigar masarautar kuwa akwai wani babban filin sukuwa mai girma.
Daga masallacin Masarautar kuwa akwai miƙeƙƙiyar hanya har cikin masarautar wanda za'a iso gab da fada sannan kowa zai samu hanyar sashinsa.
A tsakiyar cikin masarautar ma kuwa akwai wani masallaci mai girma.
Wannan kenan sai a hankali zaku san mutanen masarautar da sunayensu halayensu dama nasabarsa da danƙantarsu da manufarsu.
A hankali Sarki Nuruddeen da Sheykh Jabeer suke takawa.
Suna shiga cikin gidan waɗannan fadawan suka tsaya a bakin Gate ɗin.
Kana wanda suka samu a wurin suka miƙe da azama wani dogon carpet mai azabar kyau da taushi, ɗaya daga cikin fadawan ya zo ya ajiye gabansu kana ya rinƙa yin baya-baya yana worwore musu carpet ɗin.
A hankali Sarki Nuruddeen Bubayero Joɗa yasa hannunshi ya kamo hannun kekyawan matashin jikan nashi da kab cikin jikokinshi ya fita da ban, hannunshi yake murzawa cikin nasa hannun a hankali a hankali.
kana suna tafiya a hankali, cikin takun sarauta,
Gefen mai martaba Nuruddee bayine da dogarai a ƙallah sun kai Ashirin da biyar, gefen Sheyk Jabeer Habibullah Nuruddeen Bubayero kuwa,
Ƴan saffan-saffan fadawane da basu kaishi shekaruba, a ƙalla sun kai goma.
Wanda wannan tsarinsa ne yace bazai iya ganin sa'an mahaifinshi ba ko sa'an Ya Jafar ɗinshi ba suna mishi bauta Babban Yayansu Jafar Habibullah Nuruddeen Bubayero suke kira Yah Jafar.
Kanshi ya ɗan murza ya juya a hankali da gefen ido ya kalli Kakan nashi dake magana cikin yin ƙasa da murya dan ko sarkin dogaren dake gefenshi baiji me yake cewa ba.
"Sheykh yaushe ne tafiyar taku?".
Siraran kyawan Idonshi ya lumshi a hankali ya kuma buɗesu tare da rausayar da kanshi.
Maimartaba bai damu da jiran amsar tasaba yaci gaba da cewa.
"Munyi Magana da Aminina Sarki Jalaluddin yace min Kakarka UmmuKulsum tace tafiyar taku ta ƙara toko?".
Shiru ya ɗanyi har saida sukayi taku uku zuwa biyar kana ya gyaɗa mishi kanshi kai a hankali irin gyaɗa kai na kamala".
Dai-dai lokacin kuma suka iso dab ƙofar mashigar sashin Maimartaba, wanda dama duk ran jumma'a daga shabiyu yake tashi zaman fada,
sanin hutawa yake a irin wannan lokacin ne ya sashi ɗan sake hannun Sheykh Jabeer tare da cewa.
"Sirranta komai a rai yanada wuya, amman kai baya maka wuya, ya zama kamar jininki, akwai tauraro na musamman a goshinka, wanda nake fatan watan wata rana ya haska zuƙatan ahlinka dama talakawan da zaka mulka".
Jin kakan nashi ya sake hannunshi da kalaman da yake jero mishine yasa ya ɗan kalleshi a hankali ya kuma sunkuyar da kanshi.
Sai ya kuma ɗan kalli Sarkin tare dayin mgna.
"Mulki yana da nauyi mai girmi Ni kuwa baya cikin tsarin jadawalin ababen buƙata ko sha'awa a rayuwata,".
Murmushi Lamiɗo yayi tare da cewa.
"Ba sai lallai abinda mutun keso ke samu ba, bakuma dole ka rasa abinda baka soba".
Ganin kakan nashi yaci gaba da tafiya ne yasa shima ya yaci gaba da tafiya.
Inda fadawanshi ke biye dashi a baya.
Yayinda fadawan Maimartaba kuwa suka tsaya a bakin sashin sa.
Sunyi tafiya mai nisa kaɗan kafin suka ratso ta gaban sashinsu mai azabar girma da kyau sashine mai ɗauke da part-part masu tarin yawa da girma wanda tsakanin ko wannensu da ƴar tazara sosaima.
A hankali ya ɗago hannunshi daga cikin babbar rigarsa da zazzafar al'kebbarsa ta rufe,
ɗan ɗaga musu hannunshi yayi alamun su tsaya daga nan.
Cikin abinda bai gaza 18 second ba duk suka rusuna ba tare da sun ƙara koda taku ɗaɗɗaya ba, kusan a tare suke cewa.
"Takarwarka lafiya ɗan Baban yaya Habibullah jikin Sarki Nuruddeen, jika ga sarki musulmai Jalaluddin".
A hankali ya kuma ɗaga musu hannunshi alamun ya isa haka, dan shi dai Allah ya sani har ranshi baya jin daɗi da son wannan kirare-kiraren dan yayi imani da Allah zasu iya sawa ɗan adam ɗagawa da jin kanshi shi wani abune, zasu iya sa mutun yaji kansa a matsayin wani sarki mai iko bayan kuma babu wani Sarki sai Allah.
Yana tsoron ɗagawa ta samu mazauni a zuciyarshi, sam baya son wannan kirare-kiraren na zamanin jahiliyya ina dalili kana mutum ɗan Adam mai daraja azo ana wani ce maka toron giwa ko tozon raƙumi ko dokin ƙarfe yaya Allah ya karramaka yayika ɗan Adam ka bari na ƙasa da kai suna suffantaka da dabbobi.
A hankali yace.
"Ya isa, duk kuje kowa yayi uzurin gabansa in inada buƙatar ku zan nemeku".
Shiru sukayi tare da baje manyan rigunansu suka zauna a inda ya dakatar da suɗin.
Kana sukace.
"An gama".
Shi kuwa a hankali yake taku cikin shigarsa da tafi kama data limamen harami.
A hankali yake taku, har ya iso bakin ƙofar shiga side ɗinsa inda a nan dogari mai tsare mashigar sashinsa sarkin ƙofarsa ke tsaye.
Tuni Sarkin ƙofa ya miƙe yasa hannu zai buɗe mishi ƙofar kenan sai ya kuma ɗan rusunar da kanshi,
Ganin Jamil ya rigashi kai hannunshi ya buɗe ƙofar cikin salonsa na raha ya nunawa Hamman nashi ƙofar tare da cewa.
"Sheykh Dr Malam Hamma Jabeer Habibullah Nuruddeen Bubayero Joɗa GARKUWA barka da yamma".
Kanshi ya kauda daga kallon ƙanni nashi, sannan ya kutsa kai ciki,
da sauri shima Jamil ya mara mishi baya,
Cikin wani haɗeɗɗen corridor mai fitinenne ƙamshi da azabebben sanyi suke tafiya a hankali.
Tafiya kaɗan sukayi sai gasu cikin wani tamfatsen falo na al'farma da more rayuwa,
ɗaya daga cikin lumtsuma-lumtsuman kujerun kilisai na manyan sarakunan dake falon ya zauna a hankali.
Ido ya ɗago ya watsa ƙanin nashi su, cikin sauri Jamil yayi ƙasa da kanshi tare da cewa.
"Na tuba Hamma kayi magana ina tsoron hukunci da idanunka gwara kamin duka kon ka haɗani da wannan saggamemen na bakin ƙofar kan nan ya dakani kawai in huta".
Kanshi ya kawar Cikin harshen larabci yace.
"Ban gankaba a masallaci".
Da sauri ya durƙuso gaban Hamman nashi cikin yin wuƙi-wuƙi da idanu cikin sanyi yace.
"Ana Aspet ya Akhi, a matsallacin ƙofar gidansu, Khadija nai sallan jumma'ar".
Kanshi ya gyaɗa kana ya kauda kanshi ya fuskanci wani katon majigi dake liƙe a jikin ginin yana fuskarta kujerar da yake zaune a kai.
Majigine dake ɗauke da full Qura'an, a hankali yake karatun cikin sassanyan murya.
Ganin hakane yasa Jamil ɗan rusuna duk da yasan ba amsa zai samuba cikin sanyi yace.
"Hajia Mama tana son ganinka".
Kanshi kawai ya gyaɗa yaci gaba da karatun shi.
Ganin hakan yasa Jamil ya juya ya fita. Shikuwa Sheykh yaci gaba da karatunshi, kusan awa ɗaya kana ya shiga Bedroom.
Shine bai fitoba sai lokacin da sallan la'asar ta gabato, jin an kira sallane, yasa ya shiga ya sabunta al'wala kana ya fito ba kowa a wurin sun watse kemar yadda ya umsrcesu.
Sai can bakin mafita ya samu mutun huɗu, yana tafe fadawanshi na biye dashi wanda suma sunyi al'walan.
Jamil kuwa daga sashin Hajia Mama ya fito da nufin zaije side ɗinsu yayi al'wala.
A harabar gidan yayi kiciɓis da abokin tagwaicinsa wato Jalal, cikin sanyi ya kalli yadda Jalal ke zagaye da fadawa yana tafiya da yanayinsa da muddin zaka yanke mishi hukunci da ganin zahiri zakace cikekken ɗan iskane, sai dai a baɗinin ba haka abin yakeba.
Kekyawa ne shima dan shi yana ɗibin kamanni da Hamma Jabeer ɗin nasu sosai saɓanin Jamil da yafi kama da Babban yayansu, Barrister Jafar Habibullah Nuruddeen Bubayero.
Tafiya yake cikin shigar tsamari zamani, wondon a saɓule har kana iya hango boxes ɗinshi, kana ga wani irin kafirin aski da yayi mai ɗaukar hankali.
sam a rayuwarsa shi baya ta'ammali da manyan kaya,
Baya tsoro ko shayin ko shakkar kowa a duniya sai Hammansun kaɗai.
tafe yake bayinshi na biye dashi a baya, da wasu kolabe a hannunsu, cikin tsare fuska Jamil yace.
"Kai ku tsaya, kolaben menene wannan a hannunku?".
Juyowa yayi a zafafe cikin halin faɗa yace.
"Kwalaben Giyane ko kanada maganne Akukkuturu?."
Da azaban ƙarfi da tsoro Jamil ya zazzaro ido cikin ɗaga murya yace.
"Kwala ben giya a gidannan Jalal kasan abinda kake cewa kuwa? Kwalaben giya a Masarautar Joɗa".
Ya juyo da masifa kenan yayi arba da Hamman nasu,
shiru yayi tare da yin ƙasa da kanshi, jiki a mace.
Shi kuwa Sheykh Jabeer idanu ya zuba mishi na wasu yan daƙiƙu kana ya juya ya nufi hanyar da zata sadashi da ƙofar tafiya masallacin Masarautar tasu ba tare fitar nan bisa dressing mirror suka ajiyesu kana suka juya suka fita.
Shi kuwa al'wala yayi ya nufi masallacin.
Ƙarfe tara dai-dai na dare. Sheykh Jabeer, ne zaune a bisa wani tattausan carpet mai azabar taushi,
Wata Hamshaƙiyar Gimbiyace mai cikan iko da muƙami, mulki, iko, cikin wani irin kallo mai cike da kulawa tasa hannu ta ɗauki ɗaya daga cikin nonon inabi dake cikin wani kekyawan tray dake gabanta miƙa mishi tayi tare da cewa
"Jabeer Yaushene tafiyar taku?."
Tankwashe kanshi yayi bisa kafaɗunshi kana a hankali ya ɗan kalleta tare da motsa laɓɓanshi a hankali yace.
"jibi".
ya faɗi mgnar a gajarce, gyara kishingiɗarta tayi bisa kilisan tum-tum dake gefenta,
Cikin kulawa tace.
"Da Umaymah zakuje ne?".
Kanshi ya jujjuya mata alamun a a.
Kanta ta rausayar cikin ƙasaita tace.
"Naga kamar bacci kakeji Saida safe".
Kanshi ya gyaɗa kana cikin girmamawa yace.
"Allah ya bamu al'khairi".
Amin tace, shi kuwa daga nan ya fita ya tafi.
Koda ya koma sashinsa. A falo bakin ƙofar ya samu Jakadiya, tana ganinshi ta ɗan rusuna duk da tasan yana hanata hakan a hankali tace.
"Akarmakallahu, Umaymah ce take biɗar mgna da kai, ta kirayi layinka ba'a ɗagawa, shine tace in kawo maka wayar".
Kanshi ya ɗan sunkiyar a hankali yace.
"Ummi kice mata tayi hakuri saida safe".
Cikin mamaki jakadiya tace.
"Lafiya dai ko Sheykh?".
Kanshi ya gyaɗa mata alamar eh lfy.
"To ba laifi zan gaya mata".
Daga nan ta juya ta koma sashinta.
Shi kuwa Sheykh Jabeer, daga bakin ƙofa ya dakatar da bayinshi.
Kana cikin nitsuwa ya kallesu tare da cewa.
"Sarkin ƙofar ka janye bayin dake bina da bin Jalal da Jamil, kaima ka koma can sashunku, ba'a buƙatar bibikon nan, in inada buƙatar ku Ummi zata sanar muku."
Ciki girmamawa sukace.
"To Sheykh". daga nan ya juya ya nufi ciki.
Su kuma suka juya.
Koda ya shiga ɗakinshi kai tsaye bathroom ya wuce wonka yayi tare da al'wala a cikin bathroom nashi da yafi makoncin wani kyau.
Komai na bathroom ɗin glass ne mai ruwan garai-garai, bathroom ɗin katone, mai ɗauko da babban drower'n glass wanda yake cike da ƙananun kayan sirrin jikinshi kamarsu vets boxes and pants kana towels da rigunan wonka da jalabiyoyinshi masu masifar kyau da tsada da taushi da yawa, sai kuma 3 qtr da kuma turaruka dasu brosh da su makilin da dai sauran kayan buƙata na aske pravet part. Ko ina na kusurwan ban ɗakin da madubai.
Bayan ya fitone, yayi shirin baccinsa cikin wani tattausan jallabiya mai masifar kyau da tsada,
A bakin gadonshi na sarakuna ya zauna,
idonshi ya zubawa woyoyinshi dake kan bedside drower' Woyoyin sun kai biyar,
a hankali yasa hannunshin ya ɗauki ɗaya daga cikinsu data kawo haske, alamun ana kiranshi,
Karawa yayi a kunnenshi tare da yin shiru.
A can ɗaya sashin kuma kekyawar tsohuwar balarabiyace keta mishi faɗan ina ya shiga tana kiranshi bai amsawa.
A hankali ya lumshe idanunshi tare da mirginawa ya konta tattausan gadonsa da shimfiɗar sa, wanda Jamil ke gyara mishi a koda yaushe, cikin harshen larabci yace.
"Sitti raja'an!".
shiru sukayi baki ɗayansu, can kuma sai yaci gaba da magana cikin larabcin,
sawon 32 second yana maga kafin ya katse kiran,
kana yayi laduban konciya bacci ya konta.
Washe gari da safe da misalin karfe sha ɗaya na rana.
Dawawonshi kenan daga fada,
Yana shiga falonshi asalin falon dake gab da makoncinsa kiran Umaymah na shiga wayarsa.
Ganin video call ne ya sashi, amsa kiran kana ya ajiye wayar kan Glass Stull dake gaban kujerar da yake zaune.
Fuskar wata kekyawar Matace ya bayyana a fuskar wayar tashi, cikin sanyi ta zuba mishi idanu ganin yadda ya tonƙoshe wuyanshi bisa kafaɗunshi a hankali tace.
"Jazlaan". Kanshi ya ɗan mirgina cikin wani yanayi ya jujjuya mata kai a hankali yace.
"Jazlaan, Umaymah sai yaushe zan zama Jazlaan? Sai yaushe, Jazlaan zai wadaci rayuwarmu?".
Murmushi mai ciwo a zuciya tayi tare da cewa.
"In sha Allah nan kusa".
A hankali ya lumshe idanunshi cikin sanyi yace.
"Umaymah, kizo kafin mu tafi, ina so mu haɗu".
Cikin tarin kulawa da tsananin ƙauna tace.
"Menene matsalarka?".
A hankali yace.
"Ya Jafar...!
*GAREKU MUTANEN NIGER, +22799460151 kuyi haƙuri an samu akasin number da nada bada, wayarta ta lalace. Yanzu ga number da zakuyiwa mgn +22799460151 300 ko 1k idan kun turata mata, saita turo min number ki/ka sai in saki/ka a group ɗin da kika biyawa🤝🏻. Gareku mutanen ƙasata ga number ta 09097853278, turo katin mtn na ɗari uku kacal, ko kimin TRANSFER ɗin darinki uku ko 1k ɗan samun SP Group. In kin biya sai kiyi screenshort ki turo min shaidar biyan kuɗin littafin GARKUWA ta wannan number dai 09097853276*
Cikin nitsuwar da ya kasance halittarsa, ya ɗan ranƙwafar da kai yayinda fuskarshi ta ɗan sauya yanayi murya can ƙasa yace.
"Ya Jafar! Yana buƙatar kulawata, baya son nayi nesa dashi, Umaymah Jalal da Jamil basu da hankali yaran basu da nitsuwa Umaymah basu san ciwon kansuba Affan kuma baya nan".
A hankali wacce ya kira da Umaymah ta gyara zama cikin tarin kula da bege da tausayi da ƙaunar Jazlaan ɗin nata cikin tausasan laffazi tace.
"Daɗewa zakuyi ne Jazlaan?".
Hannunshin yasa yana ɗan shafa sumar kanshi cikin rumtse ido murya can ƙasa yace.
"Sitti tace zamu daɗe a can, kuma Maimartaba ta gayawa kai tsaye, shi kuma ya faɗawa Abba kai tsaye umarni suka bani".
Kai ta ɗan rausayar tare da cewa.
"Ba komai Jazlaan in sha Allah babu abinda zai samu Jafar, in kaje kayi ta mishi addu'o'in kamar yadda ka saba, in sha Allah yana cikin kulawa da kariyar Allah".
Kanshi ya ɗan gyaɗa mata,
Domin bai fiye yawan maganaba in ba amɓaton Allah ba, dan ma ta kasance cikin mutun biyar ns duniya da yake iya yin doguwar magana dasu, musamman Maimartaba da mafi akasari faɗa ke haɗasu, sai ita sai kuma Umminshi Jakadiyarsu kenan wacce tun yana jariri itace uwar rainonshi sai Sitti da Jadda".
shiru ta ɗanyi tana kallon yadda ya lumshe ido tamkar bazaiyi magana ba,
bata dai katse kiranba har tsawon 3 minutes kafin ya ɗan motsa laɓɓansa ba tare daya buɗe kwayar kekyawan idanunshi yace.
"Umaymahhhh".
yadda ya kira sunanra ya tabbatar mata halin da zuciyarshi ke ciki, tafi kowa na duniya sanin matsalarki Sheykh Jabeer Habibullah Nuruddeen Bubayero.
Cikin kulawa tace.
"Na'am Jazlaan".
tashi yayi zaune a hankali ya fuskanci wayar tasa da kyau, hannunshi ya haɗe wuri ɗaya tare da cewa.
"Umaymahhhh Jalal".
Cikin kulawar da ƙanwar uwa shaƙiƙiya kan iya bawa ƴaƴan ƴar uwarta, da tarin son da takeyiwa ƴaƴan ƴar uwarta Tata, musamman shi Sheykh, a hankali tace.
"Me Jalal yayi".
Kanshi ya ɗan ranƙofar tare da cewa.
"Umaymahhhh Jalal bayaji, ya fiye gagara, da son jawowa Ahlinmu abin faɗa.
Ɗazuma kwalaɓen giya fa ya shigo dasu cikin masarautar da ta kasance tsarkakkeya.
Ga Jamil kuma babu nitsuwa tattaredashi, duk inda yaga mace, jikinshi na rawa yakebi ya zama kamar ɗan akuya, Umaymah in nayi nisa da gida, zasuyi abinda zai sasu a matsalar rayuwa".
Wani dogon ajiyan zuciya Umaymah ta sauƙe a hankali tace.
"Kada ka damu, in sha Allah babu abinda zasuyi da izinin Ubangiji rayuwarsu bazata lalaceba kodan addu'o'in da kakeyi musu, da irin tarbiyar da kake basu".
Kanshi ya gyaɗa tare da taune lips ɗinshi na ƙasa yayinda lokacin ɗaya kwayar idanunshi sukayi wani irin kala su ba jaba sunba fariba.
Cikin rauni miskilar muryarshi yace.
"Na sanifa Umaymah babu abinda sukeyi, nasan Jalal ba mashayin giya bane baya shan komai, amman ya rigada duniya tanayi mishi kallon mashayi, tantiri kana taƙadirin yaro.
Haka nan nasan Jamil ma ba mazinaci bane Umaymah amman a idanun mutanen duniya shi tamkar ɗan akuya suke ganinshi,
Kamar yadda Ya Jafar yake ba majanuni bane amman mutanen duniya kallon majanun suke mishi".
Kanshi ya sunkuyar cikin sakekkiyar murya yace.
"Duk an liƙa musu munanan tabo, a cikin rayuwarsu, Umaymah, ni ma ɗin bazan tsiraba tabbas nasan nima akwai wani tabon da ake kallona dashi, nasan nima bazan tsiraba".
Da sauri Umaymah ta sunkuyar da kanta ƙasa wasu zafafan hawaye masu azabar zafi da ƙuna a zuciya suka fara kwaranyowa a idanunta, wani zazzafan shessheƙan kuka ya kwabce mata.
Jin shessheƙan kukan natane yasa Sheykh Jabeer ya ɗan ɗago kanshi cikin jarumta da ƙarfin hali yayi wani murmushi mai ciwo a rai.
A hankali yace.
"Kuka kuma Umaymah, inada yaƙinin ƙarfin zuciyarkine da yasani sanar dake matsalar ƴaƴan ƴar uwarki, tunda ita bazata iya yin komai a kaiba".
Cikin shessheƙan kukan tace.
"Ba komai Jazlaan in sha Allah babu komai face al'khairi a cikin rayuwarku, insha Allah babu wani tabon da mutane ke ganinka dashi.
Yanzu yaushe zaka wuce Leddi julɓe?".
Cikin miskilar murya mafi karamci yace.
"Yau da dare zan wuce, gobe da asuba zamu wuce Saudiyya Sittin ta matsa tana so taje taga ahlinta".
Kai ta ɗan gyaɗa kana tace.
"Ibrahim ma yace ya kusa dawowa".
Kanshi ya ɗan rausayar kana yace.
"Eh munyi mgna dashi ɗazu".
Kanshi ya ɗan juyo ya kalli sauran woyoyinsh dake bisa Stull ɗin dake gefenshi,
Kiran shugan ɗaliban J.S.U Ɓadamaya ne ke shiga,
bai kula kiranba yaci gaba da magana da Umaymahnshi, har saida yaga ta samu nitsuwa kafin ya barta.
Tashi yayi a hankali yake taku cikin kamala da nitsuwa irinta manyan limamai a hankali yake manna farar tattausar fatar ƙafarshi da in ya taka sai kaga kamar jini zai tsallo.
Yana shiga cikin ɗakin nashi, al'kyabbarsa ya cire tare da buɗe wani sashi na durowarsa ya sanƙala a masanƙalinta.
Da tattausan farar jallabiyar dake ƙasanta ya shiga bedroom da ita,
Wannan lokacin wonkansa ne, babu abin da zai katse mishi uzurin domin ya kasance mutun mai mutunta lokacin rayuwarsa ko wani lokacin da abinda yakeyi.
Wonka yayi cikin tamfatsen bathroom ɗin nashi.
Yana fitowa, ya wuce gaban dreesing mirror, kimtsawa yayi a gaggauce dan lokacin tafiya aikinshi ya karato.
Koda ya gama kimtsawa cikin wasu tattausan manyan kaya riga da wondone da kuma babbar gariyarsa, kayan sun kasance farare ƙal-ƙal ne, sai zazzafan aikin kufta da akayi mishi mai blue color, kana sai hular zanna bukar daya murza bisa kanshi da yake wadace da tattausan suma baƙiƙƙirin mai sulɓi da sheƙi,
hular itama farace sai ratsin blue, hakama takalman sawunshi da suka kasance irin na sarakuna ne,
Agogon Daimond dake hannunshi shima yanada yanayin ɗigon blue mai garai-garai,
Sai kuma ya sunkuyo ya ɗauƙi biyu daga cikin woyoyinshi yasasu a al'jihun babbar rigar tasa,
jakar system ɗinshi ya ɗauka da hannunsa na dama, kana hannunshi na hagu kuma sajenshi yake shafawa a hankali har zuwa kan madai-madaicin tsabtaceccen gemunshi mai ɗan karen kyau da burgewa.
A haka ya fito daga cikin ɗakin nashi.
Yana fitowa cikin tamfatsen falon nashi da ya kasance yanada iyaka da bayi da hadimai duk iya karsu can bakin ƙofar babban falo bai yarda da wai bayi su shigo suyi mishi hidima har cikiba,
Jamil shike kula da tsabtan sashin sirrin ɗan uwan nashi.
Ido ya lumshe jin wani irin sassanyan ƙwamshi da sanyi mai ratsa zuciya daya ziyarci jiki da zuciyarshi.
A hankali yake taku, har zuwa dinnin area, a hankali ya ɗan juyo, jin an jamishi kujerar.
Jamil kenan.
Zama yayi bisa kujerar, kana, ya miƙawa Jamil jakar system ɗin nashi.
Amsa yayi ya rataya a kafaɗarshi,
sannan ya matso gab kusa da ɗan uwan nashi,
baƙin Tea ya haɗa mishi da zuma sai bredy wanda shima da zuma a jikinshi ,
wanda yasan iya abinda zai ci ya sha kenan duk da tarin. Abinci da hadiman Aunty Juwairiyya, suke kawowa dominshi ga kuma na Hadiman Hajia Mama, wanda duk Umminshi Jakadiyace ke kawosu, domin ita tana shiga har cikin falonshi ɗakin konciyarshi ne dai bata shiga, amman falo ukun nan duk tana shigarsu da kitchin da sauran ɗakunan sashin.
Suna zama babu jimawa, wayar Jamil ta fara tsuwa, da sauri ya ɗauka tare da karawa a kunne,
sai kuma yayi zuru-zuru da idanu ganin yadda Hammanshi ya tsareshi da fitinannun idanunshi masu sa hanjin cikinsu kaɗawa, cikin yin ƙasa da murya yace.
"My love Sheykh yana kusa".
Ya ƙarishe mgnar da murmushi a fuskarshi, shi kuwa Sheykh kauda idonshi yayi yaci gaba da zuƙan tea ɗin a hankali a hankali.
Shi kuwa Jamil cin abinci yai haninƙan kana.
Shi kuwa Sheykh ido kawai yake zubawa ƙanin nashi bai tashiba har saida yaga ɗan uwan nashi ya gama cin abincin.
Sannan suka jero suka fito falo,
A can bakin ƙofar shigowa babban falon suka samu sarkin ƙofa da kuma hadimai na jere a wurin suna hangosu duk suka rusuna har ƙasa har suna haɗa baki wurin cewa.
"Takawarka lfy ɗan Babban Yaya jikan mai martaba sarkin Nuruddeen jika ga mai Alfarma Sarkin Musulmai Jalaluddin.
Malam ɗan Malam Habibullah jinin Limamen Saudia malamai magada annabawa, jika ga ƙabilar da tafi ko wacce ƙabilar duniya d...".
Hannun shi biyu ya ɗaga musu alamar amsawa gaisuwar da sukayi mishi, da kuma dakatar dasu da kirarin da sukeyin.
Kana yaci gaba da taku Jamil na biye dashi a baya, Sarkin ƙofane yayi saurin rusunawa tare da cewa.
"Hajia Mama ta turo jakadiya a sanar maka cewa tana buƙatar ganinka".
Kanshi ya gyaɗa kana yaci gaba da tafiya,
Gefen dama ya nufa, inda wani tamfatsetsen part mai tarin girma yake, a hankali hadiman dake tsaron wannan ƙofar suka fara rusunawa tare da bashi hanya da gaidashi.
Tafe suke har cikin part ɗin, wani babban falo suka fara ratsawa kana suka wuce zuwa cikin wani corridor sai gasu a wani fitinenne falo mai wadatar tsabta da ƙamshi.
Wasu ƴan yarane guda biyu duka mata,
Suna ganinsu suka ruga a guje jikin Sheykh Jabeer suka faɗa tare da cewa.
"Sabahul khair Uncle MJ".
Sunkuyowa yayi ya ɗan shafa kansu tare da cewa.
"Sabahul noor ya Habittey".
murmushi sukayi kana suka sakeshi suka isa gaban Jamil sunkuyowa yayi ya ɗauki ƙaramar bayan sun gaidashi ne babbar ta juya da gudu tana cewa.
"Ummi ga Uncle MJ".
tsayawa tayi tare da kamo hannun wata kekyawar mace matashiya yar duma-duma, tayi shiga irin ta larabawa, kamo hanunta tayi suka fito falon.
Murmushi ta ɗanyi tare da cewa.
"Barka da safiya GARKUWAN FULANI, GARKUWAN ahlin Sitti".
Fuska ya ɗan sake still bawai yayi murmushi bane, a hankali yace.
"Barka da safiya".
"Barka dai Sheykh Dr Garkuwa".
Babbar rigarshi ya ɗan gyara tare da cewa.
"Ya jikin Ya Jafar?".
Kai ta ɗan ranƙwafar tare da yin rau-rau da idanunta murya na rawa tace.
"Jiya kwana yayi baiyi bacciba, Sheykh, hankalina yana tashi, sabida duk randa baiyi bacciba, to kwana yake karatu yanayi yana kuka, kukan da yakeyi ɗin ne yake sashi zazzaɓi da ciwon kai, gashi ba cikin zuciyarsa yake karatunba ya wuni karatu a baiyane ya kwana karatu a baiyane babu bacci".
Kanshi ya ɗan jujjuya tare da nufar kofar wani ɗaki.
Jamil da Juwairiyya na biye dashi a baya.
Suna shiga cikin ɗakin, da sauri Sheykh ya karisa gaban wani kekyawan mutun fari ƙal mai tarin tsabta wanda yake tsananin kama da Jamil duk da duk suna kama da juna amman Jalaluddin yafi kama da Jabeer, Jamil kuma yafi kama da Jafar.
Zaune yake bisa sallaya, ya jingina kanshi da jikin gado, karatun al'ƙur'ani yakeyi cikin nitsuwa da da cikar tajwid, babu ɓata ko na ɗigo, yana karatun ne hawaye na kwaranya daga kwayar idanunshi,
A hankali Sheykh Jabir yasa Hannu ya kamo hannun ɗan uwan nashi,
A hankali Ya Jafar ya buɗe idanunshi ganin mutumin da shi kaɗai ke sashi yin abu yayi ko ya hanashi ya hanune ya sashi gyara zama still yana karatu.
A tausashe Sheykh Jabir ya ɗan ranƙwafar da kanshi cikin salon tausayawa da muryar larabawa yace.
"Sadakallahul Azeeeeeem".
Jin hakane yasa wannan bawan Allah'n ya ɗago tafin hannunshi addu'o'in ya, fara karantawa kusan tsawon 3 minute sannan suka shafa a tare,
Cikin wani zafi da ƙuna Sheykh Jabeer ya taune lips ɗin shi na ƙasa hannunshin yasa ya kamo na Ya Jafar ɗin,
ba musu ya miƙar dashi,
kan gadonshi ya zaunar dashi,
A hankali ya juyo ya kalli Juwairiyya cikin sanyi yace.
"Yaci abinci kuwa?".
A hankali tace,
"Tunda asuba daya dawo masallaci na bashi yaci abinci, kuma yanzuma na bashi ya ɗan ci".
Kanshi ya rausayar kana yace.
"Maganin shi fa kin bashi".
Kai ta jinjina tare da cewa.
"Eh na bashi maganin yasha".
Jin hakane yasa Sheykh ya kamo hannun kekyawan Yayan nashi ya kontar dashi bisa gadon blanket yaja ya rufe mishi rabin jikinshi a hankali yace.
"Ya Jafar kayi bacci, kaji jikinka zafi".
Shiru bai kulashiba sai dai, ya lumshe idonshi.
A hankali ya juyo ya kalli Matar ɗan uwan nashi kuma ƴar kawunsu yayan Mamansu yace.
"Juwairiyya Nagode".
Hawayen dake zubo mata ta sharce tare da kamo yaranta ta ruggumesu,
Jamil kuwa tuni yaketa zubda hawaye.
Cikin rawan murya Juwairiyya tace.
"Sheykh ka dena gode min nimafa Ya Jafar ɗan uwanane kuma mijinane, uban ƴaƴana, to in ban kula dashiba da waye zan kula a duniya?."
Kanshi ya kauda kana ya juya ya nufi hanyar fita a ranshi yanajin ko sai yaushe manyan burukan rayuwar da fatanshi da addu'o'in shi zasu ƙarɓu yana ganin daraja da girman Juwairiyya domin tayi musu tsantsar halacci ta zauna da ɗan uwanshi a matsayin majanuni, a haka suke tafiya yana zancen zuciya.
Jamil na biye dashi a baya.
A haka suka fito, suna tafe hadimansu na biye dasu a baya.
A hankali ya ɗan juyo ya kalli Jamil da yasan yanada rauni dan Jamil yanada tausayin ɗan uwanshi duk da yanada shekiyanci amman yanada rauni a kansu abu kaɗan ke sashi kuka,
Sashin dake tsakanin sashin su Jamil dana Ya Jafar suka wuce wanda nanne sashin Sheykh, sashin su Jamil ɗin suka shiga.
Kai tsaye suka wuce har cikin bedroom.
Tsaye suka sameshi yana taje suman kanshi mai yawa ga wondo iya ƙugu duk rabin boxes ɗinshi a woje ga wondon da rabin jiki duk woje waishi kirezi ko? da alamun fita zaiyi.
"Meya hanaka zuwa masallacin jumma'a da wuri jiya?
Waɗannan kolaben barasar na waye ne?".
Sheykh ne ya jero mishi tambaya biyu a lokaci guda,
A hankali Jalal ya juyo cikin shakku da shayi da kwarjin Hamma nasu ke sasu ji yace.
"Mamace ta aikeni, jiya shiyasa na dawo a ƙurerren lokaci.
Kolaben barasar kuma nasu Ashid ne, na kwace ne lokacin da suka saya, dan karsu sha".
Kanshi ya gyaɗa dan ya gamsu ya kuma yarda dan yasan duk rintsi ƙanennshi basa mishi ƙarya.
Cikin faɗa yace.
"Ka kula da salla, ka tsaida ita kan lokacinta, kasan irin abokan da zakayi yawo dasu, ka tabbatar kaikeyi nasara akan juya halaiyarsu daga mummuna i zuwa kekkyawa. Shiyasa ban hanaka mu'amala da suba, domin manzon Allah yace.
"Mutun ɗaya ya shiryu ta dalilinka, tarin ladan yafi a baka tarin jajayen raƙumi.
Kada ka bari suyi nasarar juya rayuwarka daga kekkyawan i zuwa mummunan.
Kanshi ya gyaɗa cikin ladabi yace.
"In sha Allah".
Daga nan suka juya baki ɗayansu,
Kai tsaye sashin Hajia Mama suka wuce.
Inda hadimanta sukayi musu iso,
Har cikin bedroom ɗinta suka shiga,
A bakin gado suka sameta, zaune, yayinda baiyawarta Mansura keyi mata tausa.
Murmushi tayi tare da kallonsu yadda suke a jere, koda maƙiyinsu ne sai sun burgeshi sun bashi sha'awa yayi fatan inama da ƴaƴansa ne.
Kan dantsatsetsen shimfiɗar kilisa mai kyau da zanen tsuntsuwar ɗawisu, suka zauna,
Cikin kula tace.
"GARKUWAN FULANI, Jamil, Jalal, Allah yayi muku al'barka".
Amin Amin, Sheykh da Jamil suka amsa,
Jalal kuwa shiru yayi,
Ita kuwa Hajia Mama murmushi tayi tare da cewa.
"Babanmu mai Al'farma Sarkin Musulmai Jalaluddin meya farune naga fuskarka a haɗe?".
Kanshi ya girgiza alamar.
"Babu".
Shi kuwa Sheykh ido kawai ya zuba kan wayarshi,
Jamil ne ya ɗan gyara zama, tare da cewa.
"Mama Abba fa".
Kai ta ɗan jinjina tare da cewa.
"Abinda yasani nemanku kenan, Abbanku ya tafi Abuja jiya da dare, yanzu kuma Gimbiya Samira zatabi bayanshi".
Shiru Sheykh yayi a ranshi yake jinjina al'amarin mahaifinsu.
Babusu a cikin dukkan sabgogin rayuwarsa komai nashi saidai suji a bakin Hajia Mama ko kuma a jaridu ko gidajen Radio ceɗi meɗinshi da amaryarshi Gimbiya Samira ƴar sarkin Nokan ce ita kuwa mijinta shine rayuwarta babu ruwanta da sabgar kowa.
Sam Abba bai shaƙu dasuba da wuya ka ganshi zaune dasu yana hira dasu kamar uba da ƴaƴan shi.
Saɓanin Maimartaba ko meye zaiyi Sheykh zai sani shine mutumin da yake shawara dashi akan duk abinda ya shafi addini.
Kanshi ya ɗan kauda tare da cewa.
"Allah ya dawo dashi lfy".
Amin Amin sukace baki ɗayansu,
Cikin kula yace.
"Hajia Mama Affan fa sai yaushe zai dawo?."
"Next month?". Ta bashi amsa a gajarce.
A gogon hannunshi ya ɗan kalla kana a hankali ya miƙe tare da cewa.
"Zan wuce Hospital shugaban ɗaliban makarantar ya kirani cewa sunada mara lafiyar da take buƙatar kulawar gaggawa".
Kai ta ɗan rausayar tare da cewa.
"A dawo lfy".
Amin Amin sukace kana suka fita suka tafi.
Daga nan kai tsaye FADA suka nufa.
Inda sarkin fada yayi musu iso zuwa ga Maimartaba kakansu.
Suna shiga suka samu fada na cike da dattawa karsu Waziri, Matawalle, Galadima, Wambai, Ɗan isa, ɗanm' buram, sairkin Dogarai sarkin Gida, da kuma Duba gari, kana, sai kuma hadiman dake tsaye bayan sarki sunayi mishi fifitar sarauta da maficin fiffigen Ɗawisu.
Farin dattijo bafulatani, mai cikar haiba.
Yana cikin manyan kaya na sarakai, wanda al'kyabbarsa kaɗai ta kai kuɗin mallakar wani gidan,
A gabanshi suka zauna gaba ɗayansu uku,
A hankali Sheykh yasa tafin hannunshi kan rumfar sawun kakan nashi da suke kan wani tim-tim mai girma da masifar taushi.
taɓa sawun kakan nashi yayi tare da cewa.
"Barka da hantsi Maimartaba, ya sawun naka?".
Duk maganar nan da yayita a hankali yake yinta ko Jamil da Jalal dake gefenshi basujiba.
Shi kuwa Maimartaba hannunshi ya ɗaura kan tsakiyar kan Sheykh wanda tun kafin ya zauna ya tura hulanshi ya koma baya, dafa tsakiyar kanshi yayi tare da cewa.
"Alhamdulillah".
Sai kuma ya kalli Jamil da Jalal da suke gaidashi,
dan su sai yanzu suka haɗu dashi tunda gari ya waye,
Tsaɓanin Sheykh da kullum tare suke dawowa masallaci sallan asuba daga nan kuma ɗakin hutunshi suke shiga kakarsu mace ta kawo musu abin taɓawa.
Bayan sun gaggaisa ne da mutanen fada, suka fita suka tafi.
Sashin kakarsu Gimbiya Aminatu suka nufa.
Basu da hijabi da sashin kakar tasu shiyasa kai tsaye suka shiga a falo, suka sameta,
Da alamun yanzu ta fitito Dan ga al'kyebba a jikinta ga kuma hadimanta a zagaye da ita.
Cikin tarin so da ƙaunar Jazlaan ɗin nata take kallon su,
Murmushi tayi tare da cewa.
"Miskili kafi mahaukaci ban haushi, kai dai kaji abinda malam zaice kada kace zaka binciki aikin malam".
Shiru Jamil da Jalal sukayi, shi kuwa Sheykh ido ya zuba mata.
Ita kuwa rausayar da kai tayi tare da cewa.
"Eh mana kaji abin da malam yace kada ka duba aikinshi, dazu na gama jin wani wa'azin ka da kayi kan falala da ni'imomin dake cikin aure, kana bayani duk maluntar mutun darajarsa bata cikaba in bashi da aure.
Sai najima wa'azin kamar da kanka kakeyi.
Meyasa ne Jabeer kayi niyar yin aure mana ka cikata nasabarka da kamalarka da martaba da darajar ka data masarautar Joɗa".
Jalal ne ya miƙe tare da cewa.
"Ke in anzo gaisheki sai ƙaƙale-ƙaƙalen zance tsiya kika iya ni na tafi dan inada aikin yi".
Haratanshi tayi tare da cewa.
"Tafi daga nan mai ƙugu kamar buzuzu hegiyar masifa".
Hararanta yayi kana ya juya ya fita.
Ita kuwa Gimbiya Aminatu.
Jamil ta kalla wanda shima ya miƙe yabi bayan Jalal.
Shi kuwa Sheykh numfashin ya fesar tare da cewa.
"Maganinki ya kare koda saura?."
Da sauri tace.
"Yauwa magani ya ƙare a kawo min wani".
To yace kana ya mike ya fita.
Daga bakin harabar sashin kakar tasu,
Fadawanshi ke biye dashi a baya har parking lot ɗinsu mai ɗan karen girma da kyau, duk zagaye suke da fulawowi masu kyau.
Wasu tsala-tsalan motocine da a ƙalla sun kai su takwas sai sheƙi sukeyi.
Da sauri Ado drevernshi ya buɗe mushi ƙofar wata mota mai ɗan karen kyau wacce bada ita ya fita jiyaba, dan ita sai ranakun jumma'a-jumma'a yake hawanta,
wannan ta yau mai kalar ruwan tokace sai sheƙi takeyi,
yana shiga sauran fadawanshi suka yi yunƙurin shiga motocin dake jere a wurin a gefen wurin wanda dasu akeyi mishi rakiya.
Da sauri ya ɗaga musu hannu, cikin in in narsa da in yana saurin mgna yake fitowa yace.
"Kkku ba bari ba'a bukatar rakiya".
Da sauri suka ɗan rusuna tare da haɗa baki wurin cewa.
"Aje lafiya a dawo lfy Allah ya kiyaye gabanka da bayanka Sheykh".
Amin Amin yace a taƙaice kana ya shiga motar, sarkin ƙofa ya rufe mishi marfin sannan Ado yaja suka tafi.
A can cikin makarantar kuwa,
Kasan cewar duk ɗaliban jami'ar sun san babban Doctor zai shigo yasa gaba ɗaya harabar asibitin dake cikin jama'ar cika da taron tsala-tsalan ƴan mata ƴaƴan manya, duk mai matsalar lfy tana fatan ya dubata sabida ƙwarewarsa.
A hankali wasu ƴan mata biyu suke taku a farfajiyar shiga asibitin, bisa alamu duka ɗayar bata da lfy dan ɗayar na rike da hannunta, kuma a hankali suke tafiya.
Cikin tausayawa ɗayar ta kalli wacce ta riƙewa hannun a hankali tace.
"Garkuwa ki daure kiyi sauri mu isa, wallahi zamu samu layi da yawa, kuma wannan Sheykh ɗin kasaitarsa nada tarin yawa, yanada doka da ƙa'idoji da tsari, yanada tsauri kan tsare kima da darajar addininshi, daga shigar jikinki in kinyi kuskure kaɗan na shigar kima wallahi bazai dubaki ba.
Shiyasa ahlul kitabi dake cikin makarantar nan suke masifar shakkarsa,
kinga gashi azahar ta kusa, kuma wallahi ko sarkin garin nanne yazo ya dubashi in dai lokacin salla yayi to tashi zaiyi ya fita ya barshi, gashi shiru-shiru da ido yake hukunta mutun".
A hankali wacce aka kira da GARKUWA tasa hannu ta gyara niƙab ɗin dake fuskantar, wacce ta dace da wata kekyawar arabian gawn dake jikinta
wanda dama shigartace haka kullum sabida gudun kada wani ya ganta ya tsaida ita dan tasan duk namiji daya nuna yana sonta har lahira ake kasheshi wanda kuma duk Rugarsu akeda yaƙinin Ba'ana ne dan mutunne mai masifar baƙin kishi, yasha sanar mata a kanta zai kashe kowa ba damuwarsa bane da fari duk wanda ya nuna yana sonta da bulalin shaɗi yake korarshi, to yanzu duk wanda yace yana sonta sai dai a wayi gari ya rasu.
Cikin sanyin muryar dake nuna azabar da takeji, murya na rawa tace.
"Rafi'a, bazan iyaba marata ciwo kamar zata ɓalle, ki sakeni kije ki amsar mana foldana kafin in ƙaraso".
Jin haka yasa Rafi'a cewa.
"Zaki iya tahowa ke ɗaya?".
Kanta ta gyaɗa mata a hankali.
Hakan yasa cikin sanyi ta saketa kana ta wuce cikin Hospital ɗin da sauri.
Dai-dai lokacin kuma motar Dr Jabeer Habibullah Nuruddeen Bubayero ta kutso kanta cikin farfajiyar.
Bayan Ado ya dai-dai ta parking ne a cikin rumfar adana motor da aka rubuta Dr Jabeer a samanta.
Ado ne ya fito da sauri ya buɗewa, Sheykh marfin motar, a hankali ya zuro ƙafafunshi ya fito.
Cikin nitsuwa ya fara taku yana ratsowa cikin farfajiyar Hospital ɗin.
Kasan cewar ta gabas ya fito Aysha kuwa ta yamma ta fito sai ya zama suna fuskantar juna.
Yayinda sai sun haɗu wuri ɗaya zasuyi kwana sun fuskanci kudu inda nanne mashigar cikin asibitin.
A hankali suke takowa suna fuskantar juna.
Sosai ya zuba mata ido sabida ya lura gaba ɗaya jikinta karkarwa yakeyi alamun tsananin ciwo takeji gashi a hankali take taku.
Ita kuwa Aysha, tafiya takeyi da kyer sabida azaban ciwo da mararta keyi.
Kanta a sunkuye take tafiya, hakan yasa bata san da mutunba a gabanta.
Da sauri Sheykh ya tsaya sabida wani irin bugawa da ƙirjinsa ya fara. Ganin ta tunkaroshi gadan-gadan, kuma daga yanayin tafiyarta tamkar zata faɗi ƙasa.
Ganin tayi wani irin sunkuyawa tasa hannunta duka biyu ta damƙe mararta da takeji tamkar caccakarsa akeyi da allura.
Gefe ya ɗan tsaya yana kallon ikon Allah, ita kuwa GARKUWA rumtse idanunta tayi da karfi, wata fitinenniyar zuface ke tsastsafowa tako ina,
a hankali ta fara buɗe idanunta jin kartan da mararta keyi ɗin yana ɗan lafawa,
a hankali ta zubawa kyawawan sawunshi idanu, cikin sauri ta ɗago kanta, ganinta tsaye gab kusa da namijin da bata saniba ne yasata ja da baya da sauri tare da miƙe tsawonta cikin firgici murya na ɗan rawa tace.
"I'm very sorry".
Bai kulata ba, sai kauda kanshi da yayi gefe.
Ita kuwa Garkuwa cikin sanyi tace.
"Dan Allah kayi haƙuri".
Kai ya ɗan gyaɗa mata alamar Uhumm.
Ita kuwa cikin sanyi tace.
"Uhumm kaima Doctor Sheykh ɗin kazo ganin ne?".
Da mamaki ya ɗan kalleta da gefen idonshi, sai kuma ya ɗan juyo kanshi kaɗan jin muryarta a sanyaye taci gaba da cewa.
"Muyi sauri mu shiga ance yanada shegiyar ƙasaita da isa, wai ko sarkine yake dubawa in dai lokacin salla yayi tashi yakeyi ya fita".
Cikin tarin mmki ya ɗan waro kyawan idanunshi tare da cewa.
"Umh".
Ita kuwa Garkuwa, hannu tasa ta matse mararta tare da cewa.
"Muyi sauri mu shiga, kaga kuwa kayi sa'a kayi shigar mutunci dan ance shi baya son ganin musulmi da lalatacciyar shiga, ancema in mace tayi shigar banza baya dubata, kaji shishshigin mutunfa ko meye ruwansa da rayuwar wasu ai kowa yayi mai kyau dan kansa ko?".
Rolling Ball eyes nashi yayi tare da gyaɗa mata kanshi.
Kana ya tsuke fuska yaci gaba da tafiya.
Ita kuwa Garkuwa cikin yin ƙasa da murya tace.
"Uhum shidama akace shine shugaban tuzuran ƙasar nan, yana zaune baiyi aureba, ai zama ba aurema ba kyau tunda dai yanada damar yi ko?".
Ɗan tsagaita takunshi yayi tare da cewa.
"Hummh".
A hankali ta bishi a baya cikin yanayin muryar mara lfy tace.
"Dan Allah ka tsaya in rigaka shiga kar yace sai ya dubaka kafin ya dubani".
Dai-dai lokacin kuma suka kutsa kansu cikin asibitin.
Da sauri Garkuwa ta zazzaro idanunta baki ɗaya, tare da dafe ƙirjinta ganin gaba ɗaya Nurses ɗin dake ƙoƙarin fitowa sunyi maza suka koma baya, tare da rusunawa suka haɗa baki wurin cewa.
"Barka da hantsi Sheykh".
Kai kawai ya gyaɗa musu yaci gaba da tafiya, har ya shiga cikin wani ɗan corridor ya shiga wanda zai sadashi da tamfatsetsen Office dinshi ba tare daya ratsa ta cikin Reception ɗin su ba.
Ita kuwa Garkuwa gaba ɗaya tsorone ya rufeta,
Gefen Rafi'a taje ta zauna wanda a take kuma mararta taci gaba da murɗawa da kartawa.
Da ƙarfi ta damƙi hannun Rafi'a.
Cikin tausayawa Rafi'a tace.
"Sannu, in sha Allah bazamu jimaba za'a kiraki, dan na nemi al'farman sauran sun yarda Khadija Nasir Shugaba ce aka shigar, ƴar gwamnan, ba lfy".
Kai kawai ta iya gyaɗa mata, sai taune lips ɗinta da takeyi.
Shi kuwa Sheykh yana shiga Office dinshi, ya fara aikin daya kawoshi cikin ikon Allah kuwa Khadija ta samu sauƙi tunda ya dubata aka bata magunguna.
Mutun biyar ya duba, na shida kuwa, Aysha ce.
Koda aka kira sunanta jiki a mace ta miƙe ta nufi inda take ganin ana shiga.
Nurse namiji na gabanta.
A haka suka shiga,
Ajiyan zuciya taja a hankali sabida tsaruwa da kyau da tsabta da ɗan karen ƙamshin da ya ziyarci hancinta, su sukasa ta son bin Office ɗin da kallo amman ina ciwo bazai bartaba.
A hankali ta iso gaban table ɗin baƙin Glass dake gabanshi.
Ɗaya daga cikin kujerun biyu dake gaban table ɗin ta zauna.
Ƙasa tayi da kanta cikin tarin ciwo da fargaba.
Shiru tayi zaune bisa kujerar tayi ƙasa da kanta.
Shikuwa Sheykh ko kanshi bai ɗago ya kalli inda takeba wanda wannan al'adarsace da wuya ya kalli mutun, mafiya yawan lokuta yafi kallon mutun ta cikin gilashi table ɗinshi,
shiru Office ɗin sai sautin A/C da yake busawa, shima kanshi Nos ɗin sai ya gaza abin cewa,
Ita kuwa Aysha pat-pat haka zuciyarta ke duka, gashi tana jiyo mararta na fara kartawa.
Kusan tsawon 1 minute suna a haka, cikin dakiya da rauni ta ɗan nago kanta ta kalleshi,
Ga mamakinta sai taga asalima hankalinshi baya kanta, yana dai murza yatsunshi da alamun tasbihi yakeyi.
Shi kuwa Sheykh duk abinda takeyi yana ganinta ta kan glass ɗin,
Cikin sanyin murya tace.
"(Jam ɓanɗuna). Ina kwana".
Shiru bai kulataba har sawon wasu daƙiƙun har ta fara zaton ko bai jita bane.
Da sauri ta ɗago kanta jin yayi mata magana, cikin wata sahihiyar murya a takaice yace.
"Suna?".
Cikin fargaba ta tace.
"AYSHA ALIYU GARKUWA....!
*Uhummm wani kayan sai amale, wani littafin yafi ƙarfin a baka lbri ka iya haƙura baka karantaba. GARKUWA YA WUCE ZATON MAI ZATO*
