Rahma kabir
*KAƊAICI*
© *Rahma Kabir*
*Wattpad😗@rahmakabir
*_Page 11 ~ 12_*
*Da gari ya waye*
Zainab ta yi shirin zuwa class haka nan taji bata son fita saboda abin da ta yiwa Khalil jiya tana jin kunyar had'uwa da shi, bayan ta gama ta fito rike da littafanta, waige-waige take yi kamar mai niman wani abu, jikin ta a sab'ule take tafiya duk sai taji ranta ya yi mata ba dad'i, yau ne rana ta farko da Khalil bai rakata zuwa class ba, iska taji yana busota da sauri ta kara yin waige-waige jikinta yana gaya mata Khalil yana kusa da ita sai dai bata ganshi ba. Kuma tabbas yana nesa da ita tare da Nuhu bayan wata bishiya, lab'ewa ya yi yana hangenta abin tausayi, kawai dai ya yiwa zuciyarsa alkawari zai yi nesa da ita.
Zainab haka ta yini sukuku cike da damuwa da tunanin halin da Khalil ke ciki, Addu'a take yi Allah yasa ba abin da ta yi masa jiya bane ya sanya shi wani hali.
*****
Kimanin mako uku kenan Zainab bata sanya Khalil a idonta ba, duk wani damuwa da tashin hankali ba wanda bata ciki, Addu'a kawai take yi da fatan Allah yasa yana cikin koshin lafiya, cin abinci sai ta yi da gaske take iya ci, duk ta rame daka ganta zaka shaida tana cikin damuwa, duk yamma take shiryawa ta shiga zagaye makaranta ko zata ganshi amma shuru sai dai ta gama bulayinta ta koma d'aki taci kuka mai isar ta sannan ta yi shuru dan kanta. Kuma duk zagayen da take yi lungu da sakon da take shiga, Khalil na biye da ita sai dai baya bari ta ganshi. Da farko tun Nuhu na gaya masa shi take nima yana k'aryatawa har ya gasgatawa zuciyarsa cewa tabbas shi take nima. Tausayin ta ne ya dame shi wanda yaso tuntuni ya bayyana kansa gunta, amma Nuhu ya hanashi ya ce ya bari da sauran lokaci tukunna kan ya bayyana gareta.
Ranar wani weekend da safe, misalin karfe 10am ta kimtsa ta karya kana ta koma ta kwanta tana kallon tashar Arewa24, d'akinta taji a na mata knocking, da sauri ta mike tana tunanin kila Khalil ne, tana bud'ewa taga yaya Al'amin tsaye yana aiko mata da sakon murmushi, ta koma cikin d'akin shima yabi bayanta, kallon ta ya shiga yi da yake ba hijab a jikinta nan ya hango ramar da ta yi, wuri ya samu ya zauna suka gaisa da d'an fara'a a fuskarta sannan suka shiga hira na yaushe gamo, abin motsa baki ta tashi ta d'auko masa cin-cin ne da meltina da kuma ruwan gora, ta ce.
"Yaya me zama ci na d'aura maka?"
Murmushi ya yi ya ce.
"Sha zamanki na taho mana da takeaway"
Tashi ya yi ya fita zuwa motarsa bai jimaba ya dawo rike da manyan fararen ledoji guda biyu ya dire su a gabanta, ya komawa ya zauna.
"Haba yaya baka gajiya da d'awainiya?"
"isshh ya isa haka, ko ba komai ke k'anwata ce kinga dole ne na yi miki balle kuma nan da wani lokaci ina sanya ran zaki zama mata ta"
Da sauri Zainab ta dago fuskarta tana kallonsa kamar mai nazari, bugun zuciyarta ne taji ya sauya numfashinta ya fara bugawa sauri-sauri, ta mai da kanta tana lallon k'asa, nan da nan Al'amin ya gano cewa akwai abin da ke damunta. Cikin nutsuwa ya kira sunan ta.
"Zainab me yake damunki?"
"Laa me ka gani? ba abin da ke damu na fa"
Ta ce cike da wayencewa.
"A'a my Zee ban yarda ba, kinga yanda kika rame kuwa? gwara ki sanar min in da akwai matsala sai mune ma miki magani"
"Yaya na ce maka ba komai karatu ne kawai ya sani gaba na rame"
Ba yadda ya iya dole ya yarda amma a zuciyar sa bai gamsu da amsar ta ba. Haka suka ci suka sha sai misalin k'arfe 4 na yamma suka yi sallama ya tafi. Khalil yana kallon su lokacin da ta yi masa rakiya tana tafiya sai da ta yi waige-waige tana jin wani iri a ranta kamar Khalil yana kallonta. Tana komawa d'aki ta gyara ko ina ta gabatar da sallah la'asar, ta mik'e bata cire hijab d'inta ba ta d'auki waya da malullun d'akinta ta rufe sannan ta nufi bakin gate. Tafiya take yi a kafa ta rasa ina zata, can bayan makarantan su ta nufa kusa da wani ciyayi, mutane na wuce wa kad'an-kad'an ta samu wani dakali ta zauna, danne danne take yi a waya ta shiga tunani mai zurfi, zuciyarta duk ta takura kuka ta fashe dashi mara sauti tana yi tana share hawaye, iska ne taji yana busata sosai kasan tuwar lokacin damuna ce, hadari ya fara had'uwa. Waige-waige ta soma yi tana k'ok'arin tashi, idon nan nata ya kod'e saboda tsabar kuka, kamar ance ta juya bayanta sai taga mutum tsaye ya rungume hannun sa sai kallonta yake yi, ta zare ido waje, mamaki da tsoro ne ya ziyarce ta. Khalil ya sakar mata murmushi ya zagayo kusa da ita ya zauna yana kallon ciyayin da ke wurin, ita ma ta sunkuyar da kai kasa kamar mai nazari, sun d'auki kusan minti goma ba su cewa junansu komai ba, ita ce ta katse shurun, cikin dashewar murya ta soma magana
"Umm umm lafiya ka zo nan wurin?"
Ya Juyo da fuskarsa gareta ya ce.
"Kema lafiya kika zo nan?"
"To ai ni ce na rafa tambayarka, sannan kuma kaine ka sameni a nan din"
"To naji, yanzu me yasa ki kuka? sannan ma meyasa kika keb'ance ke kad'ai anan gurin, kuma me yake damunki?"
Tambayar ya zo mata a ba zata, sai ta shiga tunanin zuci.
'Ba dai dama tun d'azu yana nan wurin ba? wato ma har kukan dana yi ya gani?'
Ya katse mata tunaninta da kiran sunanta.
"Zainab"
A hankali ta dago fuskarta tare da motsa bakinta a hankali ta amsa.
"Baki bani amsata ba amma kin yi shuru kamar kina tunani"
Ta sunkuyar da kai kasa jikinta ne ya yi mata sanyi, nan take ta tuno da irin wulak'ancin da ta yi masa amma bai iya nuna mata ba sai ma nuna mata daya yi ya damu da halin da take ciki. Hawaye ne taji ya wanke mata fuska ta kasa dago ido ta kalle shi, cikin rawar murya ta ce.
"Khalil, na kasance mai babban laifi a gare ka amma sam baka iya nuna min b'acin ranka ba, saima nuna min wani kulawa na daban kake yi, a kwanakin da suka wuce ina cike da fargaban mu sake had'uwa saboda ban san irin matakin da zaka d'auka a kaina ba, amma a yanzu na tabbatar da ba haka kake ba, dan Allah ka yafe min, da ina ganin hukuncin dana d'auka maka shi ne dai-dai a she babban kuskure na tafka"
Ta karashe maganar da kuka, kallonta yake yi ba kifta ido, yana gasgata nadamar da ta yi, kuma zuciyar sa ta amshi hakan harma yake zargin ta karbi soyayyarsa cikin kankanin lokaci. Kukan da take yi sai yaji baya masa dad'i, yayi gyaran murya.
"Haba Zainab ki yi shuru ni Khalil na yafe miki, ki kwantar da hankalinki kuma ni sam banji zafin abin da kika yi min ba, haushin kaina naji nada kasance mai takura miki a baya, kuma wannan dalilin ne yasa nayi nesa dake ko zan iya cire sonki a zuciyata na barki kisha iska"
Da sauri ta dago idon ta da suke fal da hawaye.
"Nesa dani da ka yi shi ne abu mafi girma da muni daya jefani cikin tashin hankali da damuwa, dan Allah Khalil ina rokanka karka kuma nesa dani in ba haka ba wallahi zan shiga cikin wani sabon damuwa"
Kallonta yake yi cike da mamakin kalamanta bai taba zaton zai ji irinsu sun fito daga dakinta ba, shuru suka yi na minti biyar, hadari ne ya had'u sosai iska ya fara kad'awa sosai, mik'ewa ya yi.
"Zainab tashi mu koma cikin makaranta kinga ruwan nan ya kusa sauka"
Ta mike suka jera ba um ba um um. Har k'ofar d'akinta ya rakata ta bud'e kofa, ya ce.
"Zainab sai da safe"
Da sauri ta juyo ta kalle shi.
"Ban gane sai da safe ba, ka shigo mana"
"A'a ki barshi kawai nagode zanje gida yanzu"
"A'a ka shigo ka zauna kaga ruwan nan ya kusa sauka"
Ba yadda ya so ba dole ya shiga cikin d'akin, wannan shi ne karon farko da Khalil ya shiga dakin Zainab, kalle-kalle ya shiga yi d'akin ya yi matuk'ar burge shi ya tsaru dai-dai gwargwado, ga wani sanyin k'amshi mai rasha zuciya da yake bin bargonsa, bai san sanda ya yi ajiyar zuciya ba a hankali, a kujera ya zauna a takure ya kasa sakin jikinsa, kicin ta shiga ta debo masa abin motsa baki, kad'an yaci saboda bak'unta, TV ta kunna musu suna kallo ba wata hira suka yi ba sai dai ko wannan su da abin da yake sakawa a zuciyarsa. Ruwa ne ya tsuge kamar da bakin kwarya, sai nepa suka d'auke wuta wayarta ta lalubo ta kunna haske, sannan ta kunne rechargeable d'inta d'akin ya gauraye da haske. Haka suka yi shuru ba wani hira da suka iya yi saboda rashin sabo, ruwan ne yad'an tsagaita saka makon kiran sallah magrib da ake yi, mikewa ya yi ya ce.
"Zainab zan tabi masallaci"
"Zaka tafi ai ruwan bai tsaya ba"
"Ba damuwa ai tunda yayyafi ake yi"
"To shi kenan bari na baka lema ta"
Tashi ta yi ta d'auko masa sannan ta bud'e d'akin suka yi sallama da alkawarin in Allah ya kaimu gobe zai kawo mata leman. A wannan ranar daga Zainab har Khalil sunyi barcin farin ciki, ko wannansu da tunanin juna suka kwana.
Tun daga wannan rana Khalil da Zainab suka shak'u sosai, duk inda zasu a tare sannan suna gunadar da soyayya a tsaftace, Khalil shike yiwa Zainab cefane ta girka musu abinci kullun. D'akinta ya zamar masa wajen zuwansa, hatta Nuhu abokinsa shi ma wataran da shi suke hira daga nan shima ya cika tumbinsa.
*****
Sun fara shirye-shiryen exam na last semester, sun mai da hankali wajen karatunsu, tare da gudanar da soyayya mai cike da kauna da yarda, duk sunyi k'iba sunyi kyau hankalin su a kwance.
Wata rana da misalin sha d'aya na safe, Khalil suna d'akin Zainab shida Nuhu suna karin safe, ita kuma tana gefe sunata hira, sai suka ji ana yin nocking k'ofa, cikin sauri Khalil ya mik'e danya je ya bud'e d'akin, koda ya bude abin da ya gani ba k'aramin kad'a masa hanjin cikinsa ya yi ba, sai ya fuske ya dawo cikin d'akin, mai nocking k'ofar ya biyo bayansa cike da mamaki. Khalil ya zauna, Zainab na ganin bakon daya shigo hankalinta ya tashi, mik'ewa ta yi cikin damuwa da fargaba, murmushin tak'aici ya yi mata ganin yanda ta rikice lokaci d'aya, cikin rawar murya ta ce
"Yaya Al'amin sannu da zuwa"
Ya dakatar da ita da hannunsa.
"Bana buk'atar gaisuwarki, Alhamdulillah yau abin da kike yi a boye ya bayyana, haba biri ya yi kama da mutum shiyasa kike wulak'anta ni, ashe kin samu sabon farka ne, kin bani mamaki Zainab duk iya tarbiyya da su baffa suka baki a she a banza suka yi kina nan kina ai kata tsiya son ranki"
Cikin kuka da takaicin kalamansa ta ce.
"Ya isa Yaya, maganganun ka sunyi min yawa yana da kyau kafin ka yanke min hukunci ka ji ta bakina tukunna"
Cikin fad'a da d'aga murya ya ce.
"Me zan tsaya na saurara bayan abin da idona ya gane min ya isheni amsa"
"Da kata Malam yana da kyau ka sauraremu kafin ka yanke mana hukunci"
Cewar Khalil cikin saga murya.
"Kai ban sa da kai ba kaja bakin ka ka min shuru mutumin banza kawai, kai in k'anwarka ce kazo ka samu a haka zaka bari ne, dan haka kafin na yi kasa-kasa daku maza Ku fice a cikin d'akin nan mutanan banza kawai"
Cikin kunan rai Khalil ya ce.
"Sai dai kaine mutumin banza"
Ya karasa yana huci idanunsa sunyi jawur saboda bacin rai, Yaya Al'amin kansa ya yi yana son tsakumo Khalil, da sauri Nuhu ya shiga tsakaninsu ya ce.
"Dan Allah ku yi hakuri kar kuyi fad'a, munji munyi laifi ka yi hakuri"
Ya juya wurin Khalil.
"Kai kuma mu tafi ban son na k'ara jin kayi magana a nan"
Khalil ya yi murmushin yake.
"Ba zan bar wajen nan ba sai ya san matsayina a gunta"
"Matsayin ka na banza kai waye? Wallahi saina sa an d'aureka da duk abin da kake tak'ama dashi"
Cewar Al'amin. Zainab in banda kuka babu abin da take yi, ta shiga rud'ani.
"Ni ba kowa bane amma fa ka sani baka isa ka sanya a d'aure ni ba dan kai ba kowa bane face Mara tunani, sannan ka sani Zainab tawa ce wallahi babu wanda ya isa ya shiga tsakani na da ita sai Allah kad'ai"
Cewar Khalil yana huci. yana gama fad'an haka ya yi waje cike da b'acin rai. Al'amin ya bishi da kallon mamaki har ya fice, tare da maimaita kalmar.
'Zainab ta wace'
A cikin ransa. Nuhu ma yabi bayan Khalil ba tare da ya k'ara furta komai ba. Yaya Al'amin ya kai dubansa ga Zainab cikin d'aga murya ya daka mata tsawa.
"Maza ki had'a kayanki mu tafi Kaduna do min yau sai kowa sunji wannan bak'in labarin"
A tsorace jikinta na rawa ta d'auki hand bag d'inta tana kuka ta fita, key d'in d'alin ya amsa ya kashe duk kayan wutan d'akin ya rufe kana ya nufi motarsa tana biye da shi a baya. Haka suka kama hangar Kaduna ba shiri, Zainab banda kuka babu abinda take yi har suka isa kaduna
********* *********
*Kaduna*
Direct gidansu ya wuce da ita ya yi sa'a duk mutanan gidan suna nan, daya ke ranar weekend ne, har Yaya Ismail yazo da matarsa, sai Anty Binta itama da tazo yinin gida, Yaya Aliyu shima yana gida bai fita kasuwa ba, Baffa ma haka, Umma dama da Anty Jidda kullun suna gida.
Da salama ya shiga falon ransa a b'ace duk suka amsa cikin fara'a, ganin yanda fuskarsa yake yasa suka fara tambayar sa ko lafiya, duk hankalinsu ya tashi tunaninsu ko wani abu ne ya samu iyayan nasa.
Wuri ya samu ya zauna ba tare da ya amsa musu tambayoyin da suka jero masa ba, sun gaisa gaba d'aya, Yaya Aliyu ne ya ce.
"Kai wai lafiya muka ganka cikin wannan yanayin? Da fatan dai ba wani abu bane ya faru dasu Baffa?"
Murmushi ya yi wanda yafi kuka ciwo ya ce.
"Ba komai daga Zaria nake yanzu haka ko gida banje ba nan na tawo"
Baffa ne ya ce.
"To da fatan ba Zainab d'in ba ce ba tada lafiya?"
Murmushi ya kuma yi.
"Tare da ita nake, yanzu haka tana waje taki shugowa, Ku barta in ta gama nuk'u nuk'unta zata shigo"
Yana gama wannan bayanin yaja bakinsa ya yi shuru. Anty Jidda, Anty Binta, Anty Ameena, mik'ewa suka yi dukansu suka nufi farfajiyar gidan suga me ya hanata shigowa.
Bayan su Anty Binta sun fita, sun sameta a zuk'unne tana kuka mara sauti hawaye kwance a kuncinta, anty Jidda ce ta tada ta tsaye ta ce.
"Zainab lafiya meyasa baki shigoba?"
"Yar uwa lafiya? ina ganin mu shiga ciki tukunna, sai mu saurari duk kanin bayani wajen Al'amin"
Cewar anty Ameena. Shawaran ta suka d'auka, sai suka d'unguma zuwa falo. Suna shiga suka samu wuri duk suka zauna, Zainab kusa da Umma ta zauna sai kuka take yi, ta kai kusan minti biyar a haka, k'aran fanka ne ke kad'awa sai kuma sautin kukanta, sannan ta tsagaita kukan ta gaida su Baffa da sauran wanda suke falon. Yaya Aliyu ne ya kai dubansa ga Al'amin ya ce.
"Al'amin gata ta shigo kai muke saurare"
Ya yi murmushi da gyaran murya, ya fara basu labari tun daga lokacin daya fara samun sauyi ga Zainab, har zuwa yau daya ga su da Khalil a dakinta, Duk suka fara salati. Wannan labari ba k'aramin tada hankalinsu ya yi ba tare da mamaki, Umma ce tabce.
"Haba Zainab duk iya tarbiyar da muka baki, ki rasa wanda za kiyi abota da su sai maza, shin ma su waye wannan rayan? wanda a sani na dake ko kawaye mata baki da su a nan balle ma ace maza"
Baffa ne ya cab'e maganar da cewa.
"Amma Zainab kin bani kunya kuma kin bani mamaki, banyi zaton haka daga gareki ba, waye wannan yaron da har yake ik'irarin ke tashi ce?"
Kukan Zainab ya k'aru ta ce.
"Dan Allah Baffa ku yafe min nasan na yi kuskure, amma dan Allah Karku rabani da Khalil wallahi a yanzu shi ne zab'in zuciyata, in kuka ce zaku rabani da shi kamar zaku rabani da rayuwa ta ce, na riga na yi sabo da shi
Kukanta nata ya sirk'eta sai ta kasa k'arasa maganar. Yaya Ismail ne ya mik'e cikin fushi ya fara fad'a yayo kanta kamar zai mareta, da sauri Al'amin ya tare shi da cewa.
"Yaya Ismail bai kamata ka duketa ba"
Ya koma ya zauna yana huci. Anty Jidda ta ce.
"Kwarai bai kamata a ce za'a bigeta ba, ai Zainab ta wuce duka, dan haka ke muke saurare ki bamu labarin yadda aka yi kika yi sabo da shi Khalil din"
Share hawayenta ta yi ta soma bayani tun daga farkon haduwarta da Khalil har zuwa ranar yau, sai dai bata gaya musu cewa sunyi maganar da Anty Jidda ba, ita kanta Anty Jidda taji dad'in yanda Zainab bata sanya ta ciki ba. Kuka ne ya sirketa ta cigaba da rerawa. Yaya Aliyu saboda damuwa ya kasa magana haka ma Baffa, Umma ko tagumi ta rafka, su Anty Binta ko shuru suka yi kamar ruwa ya cinye su, Al'amin kuwa sun kunyar da kai ya yi kasa zuciyar sa na masa rad'ad'i. Yaya Ismail ne ya mike ya zare belt din dake jikinsa, ya nufota, da sauri ta mike jikinta na rawa ta fara ja da baya tana fad'in.
"Yaya dan Allah ka yi hakuri karka bigeni ba zan sake ba na tuba"
Da taga dai dagaske yake yi sai ta arce d'akinta a guje, tana k'ok'arin rufe k'ofa ne ya banko k'ofar ya fara zuba mata belt d'in, dukanta yake kamar zai kashe ta, da sauri su Anty Binta suka k'araso suka ceceta.
"Isma'il ai ba duka ya kamata ayi mata ba, tunda Zainab ba yarinya bace, kamata ya yi a bi abin a hankali"
Anty Amina ce ta ke fad'ar haka. Yana huci ya bar d'akin, kusa da ita suka zauna suna lallashinta, A falo kuwa su Baffa suna cike da jimami, a nan dai suka tattauna maganar kana ya ce.
"Al'amin ya sanar da Baffa Sani yana son ganinsa da daddare, da haka falon ya watse cikin da damuwa.
*******
*ZARIA*
Khalil ne kwance cike da damuwa yana ganin kamar an raba shi da Zainab kenan, yana ta juyi a kan gado ya dafe kansa, can sai ya barke da kuka, Nuhu ne ya ke lallashinsa.
"Haba Abokina kamar ba namiji ba, ka yi hakuri ka amsa k'addararka, mu cigaba da Addu'a, in Zainab matar kace duk yadda zasu so rabaku in Allah yanu fa sai ka aure ta"
Idonsa ne ya dago wanda suka yi jajir saboda tashin hankali ya ce.
"Ni bana tunanin zasu iya barinmu mu cigaba da soyayya, ina ganin kamar wannan tafiyar da suka yi da ita sunyi sanadiyyar da zasu raba mu ne, domin na lura family d'insu suna da wani tsastsauran ra'ayi, nasan dai Zainab tana sona ina sonta, sannan shi wannan Al'amin d'in da kake gani shi ne wanda iyayenta suka zab'a mata a matsayin mijinta, a lokacin suna musu kallon soyayya suke yi wanda ita soyayya take masa na 'yan uwantaka saboda Zainab a kaina ta fara sanin so, haka nima a kanta ne na fara sanin so"
Nan dai Nuhu ya cigaba da ba shi baki akan ya yi hakuri, yaso ya bita amma Nuhu ya hana shi.
"Ka kwantar da hankalin ka, kaga yau asabar dole ta dawo gobe insha Allah, in kuma bata dawo ba dole ta dawo Monday dan suna da lectures kuma ita ma tasani, kuma ni ina ganin ba zasu tab'a yanke mata karatunta ba, saboda ta yi nisa tunda a yanzu muna shirin zana exam ne na last semester"
Dole yasa Khalil ya yi hakuri ya mik'a lamarin ga Allah.
Da daddare duk sun hallara a falon gidan har dama wasu dattijai na family d'insu duka, bayan sun gaisa ne, sai Baffa ya umarci matan dasu basu guri zasu tattauna, haka Umma ta tattara surukanta suka koma falon d'akinta suka cigaba da hira, Zainab dai na takure ba um ba um um, kusan kowa ya fita harkanta saboda su Anty Jidda sunyi lallashin har sun gaji taki cin abinci sai kuka da take yi.
A falo su Baffa sun tattauna sosai wanda daga k'arshe suka yanke hukunci akan.
*Rahma ce*
Bakandamiya Talala 24 ga watan Nuwanban nan, da karfe 8 na yamma, ita ce ranar fara #MuhawararBakandamiya2020 Kuma wannan rana ita ce *RANAR NAZIR ADAM SALIH,* wacce kungiyoyi da ga RUKUNIN BATURE GAGARE za su fafata a karawa har guda biyu. A karawa ta farko (K1), *POTISKUM WRITERS ASSOCIATION* tare da *TAURARI WRITERS ASSOCIATION*. Sai kuma karawa ta biyu (K2), *DUTSE WRITERS ASSOCIATION* tare da *HASKE WRITERS ASSOCIATION*. Me za ku ce? Kuma me kuka sani game da wadannan kungiyoyi?
Rahmatu Lawan Assalam alaikum Barka da Jumma’a ‘yanuwa! Allah Ya sadamu da alkhairan da ke cikinta.
Rahma kabir *KAƊAICI* © *Rahma Kabir* *Wattpad😗@rahmakabir *_Page 11 ~ 12_* *Da gari ya waye* Zainab ta yi shirin zuwa class haka nan taji bata son fita saboda abin da ta yiwa Khalil jiya tana jin kunyar had'uwa da shi, bayan ta gama ta fito rike da littafanta, waige-waige take yi kamar mai niman wani abu, jikin ta a sab'ule take tafiya duk sai taji ranta ya yi mata ba dad'i, yau ne rana ta farko da Khalil bai rakata zuwa class ba, iska taji yana busota da sauri ta kara yin waige-waige jikinta yana gaya mata Khalil yana kusa da ita sai dai bata ganshi ba. Kuma tabbas yana nesa da ita tare da Nuhu bayan wata bishiya, lab'ewa ya yi yana hangenta abin tausayi, kawai dai ya yiwa zuciyarsa alkawari zai yi nesa da ita. Zainab haka ta yini sukuku cike da damuwa da tunanin halin da Khalil ke ciki, Addu'a take yi Allah yasa ba abin da ta yi masa jiya bane ya sanya shi wani hali. ***** Kimanin mako uku kenan Zainab bata sanya Khalil a idonta ba, duk wani damuwa da tashin hankali ba wanda bata ciki, Addu'a kawai take yi da fatan Allah yasa yana cikin koshin lafiya, cin abinci sai ta yi da gaske take iya ci, duk ta rame daka ganta zaka shaida tana cikin damuwa, duk yamma take shiryawa ta shiga zagaye makaranta ko zata ganshi amma shuru sai dai ta gama bulayinta ta koma d'aki taci kuka mai isar ta sannan ta yi shuru dan kanta. Kuma duk zagayen da take yi lungu da sakon da take shiga, Khalil na biye da ita sai dai baya bari ta ganshi. Da farko tun Nuhu na gaya masa shi take nima yana k'aryatawa har ya gasgatawa zuciyarsa cewa tabbas shi take nima. Tausayin ta ne ya dame shi wanda yaso tuntuni ya bayyana kansa gunta, amma Nuhu ya hanashi ya ce ya bari da sauran lokaci tukunna kan ya bayyana gareta. Ranar wani weekend da safe, misalin karfe 10am ta kimtsa ta karya kana ta koma ta kwanta tana kallon tashar Arewa24, d'akinta taji a na mata knocking, da sauri ta mike tana tunanin kila Khalil ne, tana bud'ewa taga yaya Al'amin tsaye yana aiko mata da sakon murmushi, ta koma cikin d'akin shima yabi bayanta, kallon ta ya shiga yi da yake ba hijab a jikinta nan ya hango ramar da ta yi, wuri ya samu ya zauna suka gaisa da d'an fara'a a fuskarta sannan suka shiga hira na yaushe gamo, abin motsa baki ta tashi ta d'auko masa cin-cin ne da meltina da kuma ruwan gora, ta ce. "Yaya me zama ci na d'aura maka?" Murmushi ya yi ya ce. "Sha zamanki na taho mana da takeaway" Tashi ya yi ya fita zuwa motarsa bai jimaba ya dawo rike da manyan fararen ledoji guda biyu ya dire su a gabanta, ya komawa ya zauna. "Haba yaya baka gajiya da d'awainiya?" "isshh ya isa haka, ko ba komai ke k'anwata ce kinga dole ne na yi miki balle kuma nan da wani lokaci ina sanya ran zaki zama mata ta" Da sauri Zainab ta dago fuskarta tana kallonsa kamar mai nazari, bugun zuciyarta ne taji ya sauya numfashinta ya fara bugawa sauri-sauri, ta mai da kanta tana lallon k'asa, nan da nan Al'amin ya gano cewa akwai abin da ke damunta. Cikin nutsuwa ya kira sunan ta. "Zainab me yake damunki?" "Laa me ka gani? ba abin da ke damu na fa" Ta ce cike da wayencewa. "A'a my Zee ban yarda ba, kinga yanda kika rame kuwa? gwara ki sanar min in da akwai matsala sai mune ma miki magani" "Yaya na ce maka ba komai karatu ne kawai ya sani gaba na rame" Ba yadda ya iya dole ya yarda amma a zuciyar sa bai gamsu da amsar ta ba. Haka suka ci suka sha sai misalin k'arfe 4 na yamma suka yi sallama ya tafi. Khalil yana kallon su lokacin da ta yi masa rakiya tana tafiya sai da ta yi waige-waige tana jin wani iri a ranta kamar Khalil yana kallonta. Tana komawa d'aki ta gyara ko ina ta gabatar da sallah la'asar, ta mik'e bata cire hijab d'inta ba ta d'auki waya da malullun d'akinta ta rufe sannan ta nufi bakin gate. Tafiya take yi a kafa ta rasa ina zata, can bayan makarantan su ta nufa kusa da wani ciyayi, mutane na wuce wa kad'an-kad'an ta samu wani dakali ta zauna, danne danne take yi a waya ta shiga tunani mai zurfi, zuciyarta duk ta takura kuka ta fashe dashi mara sauti tana yi tana share hawaye, iska ne taji yana busata sosai kasan tuwar lokacin damuna ce, hadari ya fara had'uwa. Waige-waige ta soma yi tana k'ok'arin tashi, idon nan nata ya kod'e saboda tsabar kuka, kamar ance ta juya bayanta sai taga mutum tsaye ya rungume hannun sa sai kallonta yake yi, ta zare ido waje, mamaki da tsoro ne ya ziyarce ta. Khalil ya sakar mata murmushi ya zagayo kusa da ita ya zauna yana kallon ciyayin da ke wurin, ita ma ta sunkuyar da kai kasa kamar mai nazari, sun d'auki kusan minti goma ba su cewa junansu komai ba, ita ce ta katse shurun, cikin dashewar murya ta soma magana "Umm umm lafiya ka zo nan wurin?" Ya Juyo da fuskarsa gareta ya ce. "Kema lafiya kika zo nan?" "To ai ni ce na rafa tambayarka, sannan kuma kaine ka sameni a nan din" "To naji, yanzu me yasa ki kuka? sannan ma meyasa kika keb'ance ke kad'ai anan gurin, kuma me yake damunki?" Tambayar ya zo mata a ba zata, sai ta shiga tunanin zuci. 'Ba dai dama tun d'azu yana nan wurin ba? wato ma har kukan dana yi ya gani?' Ya katse mata tunaninta da kiran sunanta. "Zainab" A hankali ta dago fuskarta tare da motsa bakinta a hankali ta amsa. "Baki bani amsata ba amma kin yi shuru kamar kina tunani" Ta sunkuyar da kai kasa jikinta ne ya yi mata sanyi, nan take ta tuno da irin wulak'ancin da ta yi masa amma bai iya nuna mata ba sai ma nuna mata daya yi ya damu da halin da take ciki. Hawaye ne taji ya wanke mata fuska ta kasa dago ido ta kalle shi, cikin rawar murya ta ce. "Khalil, na kasance mai babban laifi a gare ka amma sam baka iya nuna min b'acin ranka ba, saima nuna min wani kulawa na daban kake yi, a kwanakin da suka wuce ina cike da fargaban mu sake had'uwa saboda ban san irin matakin da zaka d'auka a kaina ba, amma a yanzu na tabbatar da ba haka kake ba, dan Allah ka yafe min, da ina ganin hukuncin dana d'auka maka shi ne dai-dai a she babban kuskure na tafka" Ta karashe maganar da kuka, kallonta yake yi ba kifta ido, yana gasgata nadamar da ta yi, kuma zuciyar sa ta amshi hakan harma yake zargin ta karbi soyayyarsa cikin kankanin lokaci. Kukan da take yi sai yaji baya masa dad'i, yayi gyaran murya. "Haba Zainab ki yi shuru ni Khalil na yafe miki, ki kwantar da hankalinki kuma ni sam banji zafin abin da kika yi min ba, haushin kaina naji nada kasance mai takura miki a baya, kuma wannan dalilin ne yasa nayi nesa dake ko zan iya cire sonki a zuciyata na barki kisha iska" Da sauri ta dago idon ta da suke fal da hawaye. "Nesa dani da ka yi shi ne abu mafi girma da muni daya jefani cikin tashin hankali da damuwa, dan Allah Khalil ina rokanka karka kuma nesa dani in ba haka ba wallahi zan shiga cikin wani sabon damuwa" Kallonta yake yi cike da mamakin kalamanta bai taba zaton zai ji irinsu sun fito daga dakinta ba, shuru suka yi na minti biyar, hadari ne ya had'u sosai iska ya fara kad'awa sosai, mik'ewa ya yi. "Zainab tashi mu koma cikin makaranta kinga ruwan nan ya kusa sauka" Ta mike suka jera ba um ba um um. Har k'ofar d'akinta ya rakata ta bud'e kofa, ya ce. "Zainab sai da safe" Da sauri ta juyo ta kalle shi. "Ban gane sai da safe ba, ka shigo mana" "A'a ki barshi kawai nagode zanje gida yanzu" "A'a ka shigo ka zauna kaga ruwan nan ya kusa sauka" Ba yadda ya so ba dole ya shiga cikin d'akin, wannan shi ne karon farko da Khalil ya shiga dakin Zainab, kalle-kalle ya shiga yi d'akin ya yi matuk'ar burge shi ya tsaru dai-dai gwargwado, ga wani sanyin k'amshi mai rasha zuciya da yake bin bargonsa, bai san sanda ya yi ajiyar zuciya ba a hankali, a kujera ya zauna a takure ya kasa sakin jikinsa, kicin ta shiga ta debo masa abin motsa baki, kad'an yaci saboda bak'unta, TV ta kunna musu suna kallo ba wata hira suka yi ba sai dai ko wannan su da abin da yake sakawa a zuciyarsa. Ruwa ne ya tsuge kamar da bakin kwarya, sai nepa suka d'auke wuta wayarta ta lalubo ta kunna haske, sannan ta kunne rechargeable d'inta d'akin ya gauraye da haske. Haka suka yi shuru ba wani hira da suka iya yi saboda rashin sabo, ruwan ne yad'an tsagaita saka makon kiran sallah magrib da ake yi, mikewa ya yi ya ce. "Zainab zan tabi masallaci" "Zaka tafi ai ruwan bai tsaya ba" "Ba damuwa ai tunda yayyafi ake yi" "To shi kenan bari na baka lema ta" Tashi ta yi ta d'auko masa sannan ta bud'e d'akin suka yi sallama da alkawarin in Allah ya kaimu gobe zai kawo mata leman. A wannan ranar daga Zainab har Khalil sunyi barcin farin ciki, ko wannansu da tunanin juna suka kwana. Tun daga wannan rana Khalil da Zainab suka shak'u sosai, duk inda zasu a tare sannan suna gunadar da soyayya a tsaftace, Khalil shike yiwa Zainab cefane ta girka musu abinci kullun. D'akinta ya zamar masa wajen zuwansa, hatta Nuhu abokinsa shi ma wataran da shi suke hira daga nan shima ya cika tumbinsa. ***** Sun fara shirye-shiryen exam na last semester, sun mai da hankali wajen karatunsu, tare da gudanar da soyayya mai cike da kauna da yarda, duk sunyi k'iba sunyi kyau hankalin su a kwance. Wata rana da misalin sha d'aya na safe, Khalil suna d'akin Zainab shida Nuhu suna karin safe, ita kuma tana gefe sunata hira, sai suka ji ana yin nocking k'ofa, cikin sauri Khalil ya mik'e danya je ya bud'e d'akin, koda ya bude abin da ya gani ba k'aramin kad'a masa hanjin cikinsa ya yi ba, sai ya fuske ya dawo cikin d'akin, mai nocking k'ofar ya biyo bayansa cike da mamaki. Khalil ya zauna, Zainab na ganin bakon daya shigo hankalinta ya tashi, mik'ewa ta yi cikin damuwa da fargaba, murmushin tak'aici ya yi mata ganin yanda ta rikice lokaci d'aya, cikin rawar murya ta ce "Yaya Al'amin sannu da zuwa" Ya dakatar da ita da hannunsa. "Bana buk'atar gaisuwarki, Alhamdulillah yau abin da kike yi a boye ya bayyana, haba biri ya yi kama da mutum shiyasa kike wulak'anta ni, ashe kin samu sabon farka ne, kin bani mamaki Zainab duk iya tarbiyya da su baffa suka baki a she a banza suka yi kina nan kina ai kata tsiya son ranki" Cikin kuka da takaicin kalamansa ta ce. "Ya isa Yaya, maganganun ka sunyi min yawa yana da kyau kafin ka yanke min hukunci ka ji ta bakina tukunna" Cikin fad'a da d'aga murya ya ce. "Me zan tsaya na saurara bayan abin da idona ya gane min ya isheni amsa" "Da kata Malam yana da kyau ka sauraremu kafin ka yanke mana hukunci" Cewar Khalil cikin saga murya. "Kai ban sa da kai ba kaja bakin ka ka min shuru mutumin banza kawai, kai in k'anwarka ce kazo ka samu a haka zaka bari ne, dan haka kafin na yi kasa-kasa daku maza Ku fice a cikin d'akin nan mutanan banza kawai" Cikin kunan rai Khalil ya ce. "Sai dai kaine mutumin banza" Ya karasa yana huci idanunsa sunyi jawur saboda bacin rai, Yaya Al'amin kansa ya yi yana son tsakumo Khalil, da sauri Nuhu ya shiga tsakaninsu ya ce. "Dan Allah ku yi hakuri kar kuyi fad'a, munji munyi laifi ka yi hakuri" Ya juya wurin Khalil. "Kai kuma mu tafi ban son na k'ara jin kayi magana a nan" Khalil ya yi murmushin yake. "Ba zan bar wajen nan ba sai ya san matsayina a gunta" "Matsayin ka na banza kai waye? Wallahi saina sa an d'aureka da duk abin da kake tak'ama dashi" Cewar Al'amin. Zainab in banda kuka babu abin da take yi, ta shiga rud'ani. "Ni ba kowa bane amma fa ka sani baka isa ka sanya a d'aure ni ba dan kai ba kowa bane face Mara tunani, sannan ka sani Zainab tawa ce wallahi babu wanda ya isa ya shiga tsakani na da ita sai Allah kad'ai" Cewar Khalil yana huci. yana gama fad'an haka ya yi waje cike da b'acin rai. Al'amin ya bishi da kallon mamaki har ya fice, tare da maimaita kalmar. 'Zainab ta wace' A cikin ransa. Nuhu ma yabi bayan Khalil ba tare da ya k'ara furta komai ba. Yaya Al'amin ya kai dubansa ga Zainab cikin d'aga murya ya daka mata tsawa. "Maza ki had'a kayanki mu tafi Kaduna do min yau sai kowa sunji wannan bak'in labarin" A tsorace jikinta na rawa ta d'auki hand bag d'inta tana kuka ta fita, key d'in d'alin ya amsa ya kashe duk kayan wutan d'akin ya rufe kana ya nufi motarsa tana biye da shi a baya. Haka suka kama hangar Kaduna ba shiri, Zainab banda kuka babu abinda take yi har suka isa kaduna ********* ********* *Kaduna* Direct gidansu ya wuce da ita ya yi sa'a duk mutanan gidan suna nan, daya ke ranar weekend ne, har Yaya Ismail yazo da matarsa, sai Anty Binta itama da tazo yinin gida, Yaya Aliyu shima yana gida bai fita kasuwa ba, Baffa ma haka, Umma dama da Anty Jidda kullun suna gida. Da salama ya shiga falon ransa a b'ace duk suka amsa cikin fara'a, ganin yanda fuskarsa yake yasa suka fara tambayar sa ko lafiya, duk hankalinsu ya tashi tunaninsu ko wani abu ne ya samu iyayan nasa. Wuri ya samu ya zauna ba tare da ya amsa musu tambayoyin da suka jero masa ba, sun gaisa gaba d'aya, Yaya Aliyu ne ya ce. "Kai wai lafiya muka ganka cikin wannan yanayin? Da fatan dai ba wani abu bane ya faru dasu Baffa?" Murmushi ya yi wanda yafi kuka ciwo ya ce. "Ba komai daga Zaria nake yanzu haka ko gida banje ba nan na tawo" Baffa ne ya ce. "To da fatan ba Zainab d'in ba ce ba tada lafiya?" Murmushi ya kuma yi. "Tare da ita nake, yanzu haka tana waje taki shugowa, Ku barta in ta gama nuk'u nuk'unta zata shigo" Yana gama wannan bayanin yaja bakinsa ya yi shuru. Anty Jidda, Anty Binta, Anty Ameena, mik'ewa suka yi dukansu suka nufi farfajiyar gidan suga me ya hanata shigowa. Bayan su Anty Binta sun fita, sun sameta a zuk'unne tana kuka mara sauti hawaye kwance a kuncinta, anty Jidda ce ta tada ta tsaye ta ce. "Zainab lafiya meyasa baki shigoba?" "Yar uwa lafiya? ina ganin mu shiga ciki tukunna, sai mu saurari duk kanin bayani wajen Al'amin" Cewar anty Ameena. Shawaran ta suka d'auka, sai suka d'unguma zuwa falo. Suna shiga suka samu wuri duk suka zauna, Zainab kusa da Umma ta zauna sai kuka take yi, ta kai kusan minti biyar a haka, k'aran fanka ne ke kad'awa sai kuma sautin kukanta, sannan ta tsagaita kukan ta gaida su Baffa da sauran wanda suke falon. Yaya Aliyu ne ya kai dubansa ga Al'amin ya ce. "Al'amin gata ta shigo kai muke saurare" Ya yi murmushi da gyaran murya, ya fara basu labari tun daga lokacin daya fara samun sauyi ga Zainab, har zuwa yau daya ga su da Khalil a dakinta, Duk suka fara salati. Wannan labari ba k'aramin tada hankalinsu ya yi ba tare da mamaki, Umma ce tabce. "Haba Zainab duk iya tarbiyar da muka baki, ki rasa wanda za kiyi abota da su sai maza, shin ma su waye wannan rayan? wanda a sani na dake ko kawaye mata baki da su a nan balle ma ace maza" Baffa ne ya cab'e maganar da cewa. "Amma Zainab kin bani kunya kuma kin bani mamaki, banyi zaton haka daga gareki ba, waye wannan yaron da har yake ik'irarin ke tashi ce?" Kukan Zainab ya k'aru ta ce. "Dan Allah Baffa ku yafe min nasan na yi kuskure, amma dan Allah Karku rabani da Khalil wallahi a yanzu shi ne zab'in zuciyata, in kuka ce zaku rabani da shi kamar zaku rabani da rayuwa ta ce, na riga na yi sabo da shi Kukanta nata ya sirk'eta sai ta kasa k'arasa maganar. Yaya Ismail ne ya mik'e cikin fushi ya fara fad'a yayo kanta kamar zai mareta, da sauri Al'amin ya tare shi da cewa. "Yaya Ismail bai kamata ka duketa ba" Ya koma ya zauna yana huci. Anty Jidda ta ce. "Kwarai bai kamata a ce za'a bigeta ba, ai Zainab ta wuce duka, dan haka ke muke saurare ki bamu labarin yadda aka yi kika yi sabo da shi Khalil din" Share hawayenta ta yi ta soma bayani tun daga farkon haduwarta da Khalil har zuwa ranar yau, sai dai bata gaya musu cewa sunyi maganar da Anty Jidda ba, ita kanta Anty Jidda taji dad'in yanda Zainab bata sanya ta ciki ba. Kuka ne ya sirketa ta cigaba da rerawa. Yaya Aliyu saboda damuwa ya kasa magana haka ma Baffa, Umma ko tagumi ta rafka, su Anty Binta ko shuru suka yi kamar ruwa ya cinye su, Al'amin kuwa sun kunyar da kai ya yi kasa zuciyar sa na masa rad'ad'i. Yaya Ismail ne ya mike ya zare belt din dake jikinsa, ya nufota, da sauri ta mike jikinta na rawa ta fara ja da baya tana fad'in. "Yaya dan Allah ka yi hakuri karka bigeni ba zan sake ba na tuba" Da taga dai dagaske yake yi sai ta arce d'akinta a guje, tana k'ok'arin rufe k'ofa ne ya banko k'ofar ya fara zuba mata belt d'in, dukanta yake kamar zai kashe ta, da sauri su Anty Binta suka k'araso suka ceceta. "Isma'il ai ba duka ya kamata ayi mata ba, tunda Zainab ba yarinya bace, kamata ya yi a bi abin a hankali" Anty Amina ce ta ke fad'ar haka. Yana huci ya bar d'akin, kusa da ita suka zauna suna lallashinta, A falo kuwa su Baffa suna cike da jimami, a nan dai suka tattauna maganar kana ya ce. "Al'amin ya sanar da Baffa Sani yana son ganinsa da daddare, da haka falon ya watse cikin da damuwa. ******* *ZARIA* Khalil ne kwance cike da damuwa yana ganin kamar an raba shi da Zainab kenan, yana ta juyi a kan gado ya dafe kansa, can sai ya barke da kuka, Nuhu ne ya ke lallashinsa. "Haba Abokina kamar ba namiji ba, ka yi hakuri ka amsa k'addararka, mu cigaba da Addu'a, in Zainab matar kace duk yadda zasu so rabaku in Allah yanu fa sai ka aure ta" Idonsa ne ya dago wanda suka yi jajir saboda tashin hankali ya ce. "Ni bana tunanin zasu iya barinmu mu cigaba da soyayya, ina ganin kamar wannan tafiyar da suka yi da ita sunyi sanadiyyar da zasu raba mu ne, domin na lura family d'insu suna da wani tsastsauran ra'ayi, nasan dai Zainab tana sona ina sonta, sannan shi wannan Al'amin d'in da kake gani shi ne wanda iyayenta suka zab'a mata a matsayin mijinta, a lokacin suna musu kallon soyayya suke yi wanda ita soyayya take masa na 'yan uwantaka saboda Zainab a kaina ta fara sanin so, haka nima a kanta ne na fara sanin so" Nan dai Nuhu ya cigaba da ba shi baki akan ya yi hakuri, yaso ya bita amma Nuhu ya hana shi. "Ka kwantar da hankalin ka, kaga yau asabar dole ta dawo gobe insha Allah, in kuma bata dawo ba dole ta dawo Monday dan suna da lectures kuma ita ma tasani, kuma ni ina ganin ba zasu tab'a yanke mata karatunta ba, saboda ta yi nisa tunda a yanzu muna shirin zana exam ne na last semester" Dole yasa Khalil ya yi hakuri ya mik'a lamarin ga Allah. Da daddare duk sun hallara a falon gidan har dama wasu dattijai na family d'insu duka, bayan sun gaisa ne, sai Baffa ya umarci matan dasu basu guri zasu tattauna, haka Umma ta tattara surukanta suka koma falon d'akinta suka cigaba da hira, Zainab dai na takure ba um ba um um, kusan kowa ya fita harkanta saboda su Anty Jidda sunyi lallashin har sun gaji taki cin abinci sai kuka da take yi. A falo su Baffa sun tattauna sosai wanda daga k'arshe suka yanke hukunci akan. *Rahma ce*
Nana Aicha Hamissou *??? ????? ?? ????? ? ????* *BABUN DA ZAI YI BAYANI A GAME DA YIN AZUMI A HALIN TAFIYA DA KUMA WANINTA* ?? ????? ??? ???? ????? ?? ???? ?? ???? ??????? ??? ????? ??? ???? ???? ? ???: "???? ?? ?????? ? ??? ???? ??????. ???: ?? ??? ???? ??? ??? ?????". An kar?o daga Nana Aishatu (R A) ta ce : (watarana) Hamzatu ?an Amru al-Aslami ya ce da Ma'aiki (SAW) shin zan iya yin azumi a halin tafiye-tafiyena? Domin shi mutum ne mai yawan yin azumin nafila, sai Ma'aikin Allah (SAW) ya ce da shi in kana son yin hakan ka yi azuminka in kuma ka so ka ci abincinka kawai ( ka bar azumin) ?? ??? ?? ??? ??? ???? ??? ???: " ??? ????? ?? ????? ??? ???? ???? ????? ??? ??? ?????? ??? ?????? ??? ??????" An kar?o daga Anas ?an Malik (R A) ya ce : mun kasance muna tafiya tare da Ma'aikin Allah (SAW) ( a watan azumi) amma ba ya aibata mai azumi a kan mai cin ( wato wanda bai ?auki azumin ba) haka nan kuma ba ya aibata mai cin abinci a kan wanda ya ?auki azumin. *Indo & Hussy*
Haupha123 Duk wanda ke cikin gasar ka cici-ka-cici ya turomin Friend Request domin ya samu damar yi min magana ta message box ɗina.
Fiddausi Musa 💧💧 *RAMUWAR GAYYA.!* ©️ *HASKE WRITER'S ASSO.* Home of expert & perfect writers *FEEDOHM.* Wattpad@Feedohm. *BISMILLAHI RAHMANUR RAHIM.* 1 **Tunda na fara saukowa daga matattaƙalar benen idona ke kan shi babu ko ƙyaftawa, yayin da wani tuƙuƙin baƙin ciki haɗe da tsanar sa suka sake mani dirar mikiya a karo na ba adadi, ban san lokacin da na ja ɗan siririn tsaki ba ina ƙwalawa "Amir..! Kira da ke ƙoƙarin karɓar chocolate ɗin dake hannun sa. Ɗan ƙyaƙƙyawan yarona da ba zai wuce shekaru biyar ba da ƴan watanni ba ya waigo yana wangale mani baki, cikin maganar shi ta yara ya fara miƙo mani chocolate ɗin yana faɗin" Ammi, kalli uncle ya siya mani. " Cike da ƙasaita na ƙarasa kusa dashi, na sanya hannu na fizge yarona da ke riƙe da hannun shi, na warce chocolate ɗin na jefa mashi a jiki ina aika mashi da wani irin malalacin kallo, fuska ta murtuk na ce "Ban hana ka ɗaukar mani yaro ba Jafar.? Ya sadda kai ƙasa, ya gagara cewa uffan. Na jefa mashi kallon tsana, sannan na nuna da yatsa na cigaba da faɗin "Wallahi duk ranar da ka ƙara sanya jakkin hannun ka bisa jikin ɗana, sai na yaga maka ƴar ƙaramar rigar mutuncin da ta rage maka! Wawa sakarai, bagidaje, baƙin bawa..! Yadda ya ɗago yana kallo na ya na tabbatar da maganar ta mashi zagi, na watsa mashi harara na cigaba da faɗin "Ko ƙarya nayi ba wawan ba ne kai? Ko kuma zaka rama? Dallah ɗauke idon ka a kaina tun kafin in kifa maka mari.! "Meenari abunda kike ba dai dai bane."Ya faɗa cikin ƙunar zuci. Na katse shi ta hanyar ɗaga mashi hannu, a zafafe na ce dashi "Meenari ƙanwar uwar ka ce da zaka kira sunan kai tsaye? Madam na ke yanzu! Jafar ne sunan ka ko? Ji nan, wannan ne na ƙarshe da zan ji ƙazamin bakin ka ya kira sunana gatse gatse, kai bara ka ji wallahi ko yarona baka isa ka kira sunan shi bare ni.. " Na koma kan Amir, na murɗe mashi kunne ina faɗin "Idan ka kuma zuwa gurin wannan mugun ko? Ni da kai ne, baka ganin idon sa? Mugune, munafuki, so yake ya kashe mani kai shi yasa yake baka abu, ko kana son a raba ka da Ammin ka.? Ya ƙwallah ƙara yana ƙoƙari janye kunnen, tare ka kai hannun shi jikin Jafar alamun neman taimako, amma nayi saurin buge hannu ina faɗin "Kana taɓa shi ina ƙarasa tsige maka kunne." Ƙura mani ido Jafar yayi ya gagara janyewa, har Pearl ya fito ya same mu a haka, fuskar shi ɗauke da yalwataccen murmushin shi mai ƙara narkar mani da zuciya, kusa da ni ya tsaya, ya riƙo hannuna cikin nasa, a tausashe ya ke tambaya ta "Meenaritah me ke faruwa? What are you doing here.? Na langwabe kai, na jingina da kafaɗarshi, a shagwaɓe na ce "Pearl, Wannan ne.! Na nuna Jafar dake tsaye kan sa a ƙasa. Cikin sigar lallashi ya ce "Faɗa mani me ya maki yau kuma.? "Shine ya kama Amir da duka, don kawai ya taɓa mashi shadda.! Na ƙarashe maganar ina turo ɗan ƙaramin bakina. Ya waro ido waje, tare da shafo gefen fuskata ya ce " Bai kyauta ba Sweetie, I would talk to him, kiyi hakuri kin ji ko, may be ba shadda kawai ya taɓa ba, kin san Amir da ƙiriniya..! Bai rufe ba, na fashe da kuka ina tirje ƙafafu, a shagwaɓe na cigaba da faɗin "You won't talk to him na sani ai." "Me yasa ka dake shi.?" Na tsinkayi muryar Habib na tambayar Jafar ɗin, da duk abunda ake kansa na ƙasa. Instead of ya ce ba haka bane, amma sai cewa yayi "Kayi hakuri sir, ban san zai yi kuka ba, shi yasa na buge masa hannu, gudun kar ya ɓata mani faran shadda." Da kai ya gwada mashi ni yana faɗin "Say sorry..! "Sorry Madam..! Jafar ya faɗa idon shi a kaina. Na kalle shi sama da kasa, sannan na ja hannun Habib na share hawayen da na tilastawa fitowa, na ƙara narkar da murya na ce "Pearl wallahi Jafar ɗin nan almubazzari ne, look dan Allah, shaddan 60k ne fa a jikin sa? Gaskiya da sake..! Ya ɗan karkace yana kallona, kafin ya lakuci hancina," Meenari rimin tsiya! Tanan kuma kika ɓullo? Ina ruwan ki da abunda ke jikin sa. " A shagwabe na ce "Amma pearl laifine don na kare dukiyar Mijina? Uh? It my responsibility na kula da duk abunda ya shafe ka, don bana so Allah ya tambaye ka every single kobo da ka ɓatar ya zamto bata hanyar da ya dace ba, kuma pearl ni wallahi wannan Jafar ɗin sam bai ƙwanta mani ba a rai ba, I dislike him..! Ban rufe baki ba, ya ɗaga ni cak ya nufi ƙofar da ke kallon mu, yana murmushi, sai da ya aje ni bisa doguwar kujerar da ke falo sannan ya koma ya dauko Amir, ya shiga dashi ɗakin Mama, ya dawo ya zauna kusa dani ya janyo ni jikin sa sai faman turo baki nake, a kan me zai ɗauko ni ban gama cima Jafar mutunci ba, kamar ya san me nake tunani, sai jin saukar lallausan lips ɗin shi nayi bisa dokin wuyana, yana aika mani da wata zazzafar sumbata da ke matsayin ban hakuri gare shi.. Na lumshe ido ina amsar saƙon sa, na tsawon ƴan mintoci sannan ya dawo saitin kunne na ya furta "Sorry...! Na narke sosai a jikin sa, ina shinshinar wuyan sa nima, yayin da hannayen mu suke a sargahe, ina jin dama mu kasance a haka har ƙarshen rayuwar mu, bana fata ko da da rana ɗaya ya saki hannu na.. " I love you Habib..! Na faɗa lokacin da hawaye suka silalo saman kuncina, hawayen da duk lokacin da na shiga shaukin ƙaunar sa suke ziyarta ta, kai tsaye zan iya kiran su da hawayen farin ciki... Ɗago da fuska ta yayi ya haɗe goshin mu guri ɗaya, ya tallabe ta da dukkanin hannayen sa, yana kallon zara zaran gashin idanuwa na da suke ƙwance lub dasu, a hankali ya ce "I love you too, I love you so much Meenari..! ***** "What wrong Jafar.? Ta faɗa tana kallon shi ɗai ɗai, yayin da hannun ta ke ɗauke da ƙallabi tana faman kakkaɓe kujeru, ƙallabi ta aje ta tallabe hannu tana kallon shi, wani bakin ciki ya ziyarce ta, babi rana ta Allah da zai fita ya dawo dai dai ba tare da ɓacin rai ba, ta gyara zaman hannun rigar baccin dake jikin ta tun safe har ukun rana. Ya ɗan kalle ta, yadda dai ya bar ta haka ya dawo ya same ta, ya ɗauke kai ba tare da yace da ita komai ba, ya silale saman rug ɗin da ke malale a tsakiyar falon yana tallabe da kan shi da ke masifar sarawa. "Ba ka ji ba ne? Da kai fa nake Jafar! Lafiya ka shigo a haka? Ina gyaɗar da na ce ka taho mani da ita.? Ta kuma tambayar sa cikin ɗaga murya. Ganin ba shi da alamun ce mata komai ya sanya ta ja tsaki ta ɗauki kallabin ta ta cigaba kakkaɓe kujerun dake zagaye a falon, har ta ƙare kakkaɓe kakkaɓen ta bata kuma bi ta kan shi ba, ta shiga kitchen ta ɗauko tsintsiya da faka ta fara share falon tana buɗe shi da ƙura, har sai da tsintsiyar ta fara taɓa shi sannan ta buɗe baki a fusace ta ce "Malan zan yi shara, tunda baka da hankalin tashi da kanka sai an maka magana." Ɗan lumshe ido yayi ya ja jikin sa ya koma bisa kujera ya shigingiɗa, a raunane ya ce "Fadila dan Allah ki ɗan miƙo mani ruwa." Ta hayyaƙo mashi tana faɗin "Sharar zan aje ko ƙaƙa.? " Please..! Ya furta yana lashe laɓɓan sa da suka fara bushe wa tsabar baƙin cikin dake cin sa. "Wallahi ba zan aje aikin dake gaba na in miƙo maka ruwa Jafar, idan ma zaka miƙe tun wuri ka tashi ka ɗebo da kanka, ni ba jakar ka bace da zaka shigo mani gida ka lanƙwashe ƙafa ka ce in baka ruwa..! Ta ƙarashe maganar tana watsa mashi harara. Ya sani sarai tunda ta ce ba zata miƙo ba, to ko fa zai mutu ba zata bashi ba, don haka ya miƙe da ƙyar ya nufi fridge ya ɗauko ruwan roba ya dawo ya zauna bisa kujeran sannan ya laluba aljihun sa ya fiddo da maganin ciwon kai ya jefa baki, ya bishi da ruwa, ya koma ya ƙwanta. Sai da ya samu bacci ya fara ɗaukar shi sannan ya ji tana faman bubbuga hannun kujeran da ya daura kai tana kiran "Jafar! Kai Jafaru.! Ya buɗe idon shi da ƙyar don sun ri ga sun mashi nauyi, a hankali ya ce " Menene.? Kai tsaye ta ce "Dallah malan ni tashi zaka yi ka bani guri, zaka zo kayi mani shememe a kujeru kamar sabuwar gawa." Idon shi a lumshe ya ce "Me zan maki Fadila.? Cikin ɗaga murya ta ce" Tsintsiyar ƙamshi zan kunna a falon, sannan in gyara matasan kujeruna.! Cike da takaici ya ƙarasa ware idanun sa yana kallon ta, ta zunɓuri baki tana kallon gefe haɗe da taunar cingum babu daɗin sauraro, ya ce "Yanzu don za ki kunna tsintsiyar ƙamshi har sai na tashi Fadila? Idan kin kunna ina ciki wani abu zai faru? Koko zan rage mata ƙamshi? Don Allah ki bar ni in ƙwanta in huta, wallahi bacci na ke ji ga kuma kaina dake masifar ciwo." Ta rafka mashi harara "Tab, kai ni wallahi sai ka tashi, don bazan gyara falo ba, sannan ka zo ka mani shememe bisa kujeru, gaskiya ka tashi ka koma ɗaki ga tabarma can na shinfiɗa maka da zani, don shima na gyara gadon, kuma carpet ɗina na naɗeshi don bana so yayi datti." Baida yadda zai yi, haka ya miƙe yana daddafe kai, ya shiga ɗakin ya tuɓe kayan dake jikin sa, ya zauna daga shi sai boxer da singlet, ya baje bisa tabarma ya cigaba da juyi, yayin da bacin ma gaba ɗaya ya ƙaurace wa idanun sa, tunanin abubuwan da suka faru ya dawo mashi, ya runtse idon shi gam yayin da fuskar shi ke hango mashi Amir, lokacin da yake tsallara ihu bayan Meenari ta murɗe mashi kunne, wani abu ya dake shi a zuciya, ya runtse idon shi gam yana girgiza kai, jin kukan yaron yake har cikin ran sa. "He's my son..! Ya faɗa a zuciya, ba tare da sanin maganar ta fito fili na. Sai tsinkayar muryar Fadila yayi tana maimaita "He's my son.! My son..! Ya kalle ta suka haɗa ido, ta watsa mashi harara tare da wurga kayan wankin da ta ɗebo bisa tabarmar da yake ƙwance ta na faɗin "Ɓur! Kullun zancen kenan, amma wannan lagwanin gaban naka ya gagara bani ɗa, mtss ko uwar wa ta bashi ɗan da yake ikirarin He's my son..! " Me kike faɗa..? Ya tambaya cikin ƙunar zuci. Ta taɓe baki tana faɗin "Cewa nayi ka bani tabarmar zan linke kayana..! *TAGWAYE BIYU.* *RAMUWAR GAYYA Na Feedohm.* *RAMIN MUGUNTA Na Slimzy.* Mai buƙatar tagwayen littafai biyu. 300 ne kacal gaba ɗaya, mai son guda ɗaya zai biya 200. Payment. 👇🏻👇🏻👇🏻 2255398727 Zenith Bank. Amina Jibril. Shaidar biya. 07042277401. Or Katin Mtn 08036953516. Shaidar biya ga ɗaya daga cikin waɗannan lambobin. 08036953516 ko 07042277401 *FEEDOHM.💞*
Halima K Mashi Abdullahi Ina cikin farin ciki Ku fa??
Ikhleemah Muhammad Good morning friends
