Akwai abubuwa da dama da ke haifar da warin hammata, musamman ma lokacin zafi. Yawan sanya kaya matsatsu ko kuma kaya sau biyu a lokacin zafi, duk sukan haifar da irin warin hammata. Idan mutum kuma ya kasance mai yawan shan giya, ba wuya zai yi warin hammata.
Don haka ne a yau na kawo muku hanyoyi da za a bi domin rabuwa da wannan matsala.
- A samu lemun tsami a raba biyu a goga a hammata bayan an yi wanka. Ko kuma a matse ruwan sannan a samu tawul a rika tsomawa, a rinka shafawa a hammata bayan an yi wanka kafin a sanya tufafi. A rika yin haka don magance wannan matsala.
- ‘Rose water’ na taimakawa wajen magance warin hammata. Don haka sai a rika diga ruwan a cikin ruwan wanka, sannan a shafa a hammata bayan an yi wanka.
- A matse ruwan tumatiri sannan a shafa a hammata na tsawon mintuna 15 sannan a shiga wanka. Amma irin wannan zai dan dauki lokaci kamar mako daya kafin a rabu da warin hammata.
- Amfani da alumu “alum “na taimakawa matuka. Sai a tsaoma alum a ruwa, sannan a shafa ruwan a hammata a bari ruwan ya bushe. Yin hakan na magance warin hammata.
- Hodar jarirai na magance warin hammata, domin tana dauke da kamshi sai a rinka shafawa a hammata a kullum bayan an fito daga wanka.
- An san itace ‘sandalwood’ da kamshi sai a samu hodarsa a kwaba da ruwa, sannan a shafa a hammata na tsawon mintuna 20 sai a wanke.
- Man amfuna na taimakawa wajen magance warin hammata. A samu man amfuna a shafa karkashin hammata bayan an fito daga wanka.
*****
Duk maƙalun da kuka karanta a wannan taska ta Bakandamiya, marubuta da editocinmu ne suka rubuta. Kuma kowace maƙala da aka buga ta bi muhimman matakai na tantancewa don ganin cewa bayanan dake cikinta sun inganta.
Idan kuma an ga wani kuskure a cikin kowace maƙalarmu, a sanar da mu. Za mu yi bincike sannan mu gyara gwargwadon fahimtarmu.
Maƙalar ta amfanar?
EAa